MilanHei's Profile

位於大壩街 (即荃灣廣場對出的街道)有一間叫做Hikari 嘅Cafe，非常適合大家傾偈Hea一個下晝Hikari 日文意思係解日光，cafe 完全同呢個名吻合，光線照住飲杯野冇得頂好舒服，如果夜晚來嘅朋友可以試吓佢哋嘅芝士火鍋佢嘅lunch set設計幾適合一個輕鬆吓，食完個主菜飲完杯咖啡，坐多陣又可以加個甜品今日我就試晒先嚟飲品，檸檬蜜糖黑咖啡，酸酸甜甜幾醒神，自己加落去打卡一流就算非咖啡嘅飲品一樣出色，芒果茉莉綠茶，好fresh輕食來個煙三文魚迷你水牛芝士酸種多士，酸種多士唔係太多Cafe有，健康啲，配上煙三文魚幾夾喎如果鍾意飽肚少少嘅朋友都冇問題，嗌咗香煎北海道凡立貝黑松露義大利飯，帆立貝彈牙，配上黑松露個飯好香今日我係兩個人嚟嘅，傾咗一個鐘頭再嗌埋佢個甜品黑白窩夫，一個完美嘅下午，下次夜晚會再嚟試佢嘅芝士火鍋…Read More

尖沙咀山林道有間喺度做乜cafe，試左好啱朋友嚟傾偈，或者晚餐都好食，最難得嘅係服務都唔錯，尤其是係落單嗰個戴眼鏡男人，好有禮貌，值得大家試吓佢位置上好易搵，店內環境好舒服，枱與枱距離夠，傾偈拍拖都係一流今日我嗌嘅係二人晚餐，頭湯甜品都有，先來嘅蒜蓉包佈滿蒜蓉，仲熱頭盤係白汁煮青口，青口煮得啱啱好，仲係脹卜卜，夠Juice同埋鮮味，醒胃晚餐冇飲咖啡，睇落應該幾好，但係我哋就嗌咗柚子梳打同埋熱情果白桃梳打，又幾好喎，夠晒清新主角上場，澳洲穀飼牛扒五成熟，煎得好好，鎖住肉汁，非常大塊，牛味十足仲有一個飯類同意粉揀，我就揀左蟹肉露笱蝦意粉，好creamy ，特別正係啲蝦，好彈牙其實全晚最期待就係佢個甜品，本身就係可以揀芝士蛋糕，但係我就加錢要咗呢個大熱嘅開心果窩夫，個開心果醬好正，窩夫就外脆內軟，再配埋雪糕，大推…Read More

元朗舊交通廣場位置，而家叫做YOHO Plus，開咗間新嘅台灣餐廳叫玥，今日行過試吓除咗坐低堂食，佢有得就咁買台式飲品鍾意飲酒都可以試下月餅都可以order , 鍾意試新嘢嘅朋友可以試吓食台灣嘢當然唔少得滷肉飯，今日叫佢呢個鮮蚵手工安格斯滷牛肉飯，喺第二度未食過咁嘅配搭，蚵仔煎就聽得多，估唔到食落又幾夾，佢呢隻滷肉飯係用安格斯牛肉，肥瘦適中，牛肉味香濃，蚵仔粒粒飽滿，同埋好多飯，食極都有，就算係配菜嘅西蘭花仔都好好味，新鮮另一樣叫嘅招牌牛白湯牛肉麵台式紅燒牛肉，最緊要係呢啲筋部位，玥就係做到，食落去淋身炸豆卜一排過，非常之多，啱晒大餸一族飲品嗌咗芒果晶球冰茶蘇打，可以加薏米，夏日炎炎呢杯啱晒鍾意熱飲冇問題，桃膠蜂蜜柚子茶，夠晒滋潤桃膠大大粒，如果鍾意食台灣嘢嘅朋友要嚟捧場…Read More

兆萬中心不嬲都放題，聽講極上帝王水產時限比較鬆手，可以同朋友坐多陣搭𨋢直上9樓，門口有個雪櫃擺甜品雪糕，正價錢已包飲品放題最緊要梗係睇佢啲刺身好唔好啦，成隻刺身船上，非常似樣，鮮甜肥美首推係三文魚另外泰式生蝦都幾特別，日式放題好少有得食，味道唔差過泰國菜嗰啲，大家可以嗌多幾件壽司比較推介嘅係帶子壽司，脹卜卜另外每枱佢會跟一個鍋，可以揀海鮮或者壽喜燒，就揀咗壽喜燒，除咗有肥牛，佢仲有蔬菜，如果大家喜歡可以另外嗌烏冬，佢個湯底甜甜地幾好當然唔少得有炸物，同埋天婦羅最後想讚讚咁忙嘅旺角日式放題來說呢度嘅Service都算幾好👍…Read More

元朗Yoho mall 2, 3 樓新開呢間PHI coffee and pancake ，大家真係必試，好高質今日樣樣嘢都好食，佢主打係疏乎厘pancake ，有好多選擇天然蜂蜜棒棒咖啡，成餅蜂蜜俾你，特濃咖啡另上，正另一杯係焦糖脆脆鮮奶咖啡，好香滑唔好以為淨係食甜品同埋咖啡，原來pasta都好出色粉紅吞拿魚貓耳朵粉，厚厚嘅一塊塊吞拿魚，配上煙靭pasta 同芝士吐司系列我揀咗個，煙三文魚蟹肉牛油果班戟，用了好新鮮，配上甜甜地嘅班戟原來係咁夾最後就係今日嘅主角，經典英式伯爵茶疏乎厘，伯爵茶味香濃，疏乎厘空氣感剛剛好，蛋香味濃郁，煎得好完美，周邊類似蕨餅嘅伴碟都好食最後想講呢度嘅service 都幾好，新開大家真係要嚟捧場…Read More

潮流興健康飲食，大角咀博文街呢間素來素往非常好，位置又方便，奧海城地鐵站行幾分鐘就到，門口裝修頗文青風7點到，入座率都7788，睇嚟幾受歡迎，建議大家預約咗先，嘢食選擇都多，就講幾樣特別推介嘅先講凍盤，我最喜歡嘅係皮蛋豆腐，豆腐入口滑溜，震藤藤好新鮮，配上皮蛋好醒胃口水麻辣鳳爪，做得好香口，口感好似真鳳爪，我估係蒟蒻，總之好辣嘅一定要食比較特別嘅，我會推介呢個南瓜布甸，甜甜地幾正Pizza新鮮出爐，厚厚嘅芝士唔會吝嗇煎釀三寶，全部都係熱辣辣，特別鍾意食係茄子，煎得好香脆手工素餃子，鄙薄餡靚要飽肚嘅有乾燒伊麵，同埋欖菜炒飯素食菜係最基本嘅，佢呢度嘅菜好新鮮，碧綠色的甜品方便，有番薯糖水，豆腐花，薑汁糕，斑斕糕，生果，甜度剛剛好，正任食任飲，每人先係百幾蚊，下次一定encore…Read More

今日又來支持一下鳥捌居酒屋串燒，之前食過好正，上次傾開偈佢哋會有啲時令野，好期待每次餐牌都有啲唔同what?呢度好食就一定，竟然仲做深宵飲酒優惠？下次真係要同啲朋友嚟飲番幾杯，今日家庭樂食嘢先今日師傅推介嘅生蠔係室津生蠔同釜石生蠔，日本生蠔歐洲澳洲嘅生蠔感覺有啲唔同，醬汁經過處理，帶出蠔嘅鮮味今日最想介紹嘅時令推介，秋刀魚二食，首先嘅食法係刺身，好鮮味啊，果然係時令嘅，魚油好濃郁，呢隻秋刀魚唔同普遍食開嘅三文魚，特別鮮甜的，必食，過咗就冇跟住都係季節限定海葡萄同芒果沙律，好清新又醒胃每一條串燒上枱時，職員都會耐心講解係咩部位點樣整，全部燒到啱啱好，外皮香脆，鎖住肉汁燒得剛剛好，呢度主要係食雞，嚟到呢度食先知全部位都有唔同嘅口感，雞腳筋，雞隔膜，都好正當然唔止串燒雞啦，其他肉一樣出色，特別喜歡呢個燒羊架，一啲都唔騷，入邊仲係粉紅嫩色，咬落爆汁頭先咪講過秋刀魚二食先係最推介，第二式係用天婦羅方法煮，呢個食法我都係第一次，真係用心製作，將紫蘇葉上天婦羅粉炸，配上時令秋刀魚，香脆得來不失魚鮮味！香箱蟹！我上次來都冇個喎，果然係次次驚喜，呢度唔時令嘅嘢冇得食，剛剛從日本空運，蟹肉好鮮甜，蟹膏齒頰留香鳥捌除串燒，連飯都出色過人一碗看似簡單嘅雞軟粒飯，配上好新鮮嘅日本雞蛋，終於明白點解電視啲人成日話日本人就咁白飯加雞蛋，只要食材好，真係可以，呢度就得喇，物有所值，加上可能係熟客食得多有9折，真係要捧下場…Read More

今日介紹呢間榆越位於天水圍天一廣場一樓，好易搵，幾抵食想推介俾大家其實呢度係用QR code落單，但係其實櫃檯都有個餐牌可以俾大家睇吓小食黎先，串燒雞肉，燒得幾香口，應該係用雞髀肉食落幾Juicy慢煮牛腩咖喱飯，牛肉唔肥，但係由於慢煮嘅關係，所以食落去好淋身，又夠牛味，幾好，咖喱係偏向辣嗰啲，啱晒我其實辣都冇問題，因為佢哋呢度啲沙冰果汁好好飲，解辣一流叫咗芒果沙冰同埋椰汁沙冰，兩杯都好飲嘅，比較推介椰汁多啲金絲網春卷，同樣炸得香口，呢個都係去到越南餐廳必點系列，榆越做得同樣出色之後係湯粉系列，混牛湯粉，牛肉厚薄剛好，牛味鮮甜配上河粉，湯到有埋肉汁甜味，很好再來一碗係鮮甜蜆-河粉（蕃茄蟹膏湯)，鍾意酸甜嘅朋友可以試吓，都多蜆肉架成個性價比唔錯，下次再嚟…Read More

元朗都幾多越南餐廳，呢間安興球場附近嘅越安喬係越南人開，好正宗，推介比大家最主要原因係佢真係做到門口寫嘅無味精，食完唔會特別口渴，但都好都好好味，今晚食係半生熟牛河同炸春卷，正…Read More

近年香港幾興文青coffee shop，最近喺元朗鳳祥新開呢間overlap非常推薦大家店內整潔開揚文青feel，好適合傾偈門口已經見到咖啡師努力工作最直接先試Americano，好香啊，係用了上乘咖啡豆吧同行有小朋友都無問題，有朱古力奶，都好香滑最推介就係佢哋嘅special coffee, 睇餐牌已好驚訝，咖啡可以咁樣？估唔到咁正！用嘅係埃塞俄比亞-古吉罕貝拉，加原生紅蜜，番石榴果茸，曼寧玫瑰蜜桃果，洛神葵，出嚟效果好出色，有咖啡香又有果甜，就算唔飲開咖啡都會鍾意除咗咖啡，呢度都有輕食，水準都好高，All day Breakfast好正窩夫唔係甜品嗰種，有啲牛角包味道，香脆仲有煙三文魚，好靚嘅炒滑蛋大食嘅朋友都唔使擔心，佢仲有高質意粉，所以無論係傾偈飲嘢定當正餐，都好推薦大家嚟呢間overlap…Read More

好耐冇嚟黃金海岸行吓，原來商場呢邊開多咗好多餐廳，見到有間叫做[秋香]，位置好方便，對正停車場店內裝修都幾舒服食嘢又得，飲杯嘢又得，啱晒咁chill嘅黃金海岸第一時間飲杯 LEMONADE，爽先來係炸日本魷魚下足，炸得好香脆啊，但係入邊仲係多汁，配合沙律醬好好味之後係酒八方煮大蜆，寫住限量供應，好彩有貨，蜆隻隻大粒，蜆肉又飽滿，配合清酒好鮮甜呢度重點係串燒，叫左厚切日本豚肉，菠蘿，牛舌芯，牛粒，炸豆腐串，大啡菇試過就知師傅有料到，全部串燒都做到外層香口，入面多汁，首推牛舌，好彈牙，牛味又濃壽喜燒生牛肉干葛絲，牛肉肥美菜又新鮮特別推介呢個鹽燒白鱔煲仔飯，印象冇乜日本餐廳有，係呢度嘅招牌嘢，鱔肥美彈牙，又有微微飯焦，一流…Read More

元朗黑木亭日本料理真係好襟食，水準保持得好，大家會愛上佢嘅商務二人餐無論你揀邊個餐，呢度都係奉送免費自助沙律吧，元朗區唔多呢啲中午嘅選擇麵豉湯都係任拎先來個前菜刺身，有三文魚油甘魚同八爪魚，各二切，全部新鮮肥美，以前菜來講超班主食到，先係六貫壽司盛配湯鳥冬，飯同魚生比例啱啱好，壽司飯仲係暖，有醋香，配合新鮮魚生，唔錯仲有個烏冬，肯定飽，烏冬都夠彈牙湯都夠清甜另一個主食係，黑松露忌廉石鍋烏冬配吉列豬扒定食，我之前食過但係都一定要嗌，因為真係做得好出色，熱辣辣香噴噴，黑松露忌廉烏冬，唔係咁多地方有得食，呢個建議大家一定要嗌吉列豬扒炸得香脆，肥瘦適中又juicy 呢個二人餐，仲有個火灸左囗魚邊卷，真係幾抵食，火灸造得幾好，燒出魚油香最後跟餐有芝麻雪糕兩客，很完美…Read More

元朗御名園喺鴻運中心，即係雞地，中午飲茶非常高質，今日想同大家分享吓有好多燉湯揀，揀左南北杏雪梨燉鷓鴣湯，非常足料，飲落去有清甜滋潤嘅感覺，10分推介之後來個百合貓耳炒勝瓜，炒得好爽甜，食材新鮮，火候掌握得好好薄皮京川滑餃子，呢個唔係周圍酒樓有得食，做得好好，一食落口真係好滑溜，配上辣味好醒胃，又係必食之選中午都有石岐乳鴿㗎，食落外皮香脆可口，油脂香味爆發韭黃鮮蝦滑腸粉，鮮蝦大大隻，隻隻爽甜彈牙，腸粉皮厚薄適中，食落有米香㗎鮮蝦田園菜苗餃，除咗鮮蝦靚，佢地真係選用好鮮嫩呢菜苗，隻隻足料飽滿鮮肉灌湯小籠包，小心啊，食落真係爆湯，熱辣辣，一夾上手就知道師傅有幾出色，個飽皮有好多摺，手工野，雖然入面好多湯，但係唔好穿，一流咁多點心都咁出色，好味得來又唔會過咸重味精感覺，唔覺唔覺食咗好多款，甜品又如何呢，原來仲精彩，手磨薑汁千層糕，可能係我食過咁多次最好食嘅薑汁千層糕，個薑味拿捏得好好，甜度適中，熱到出煙咁上枱最後食埋佢嘅蟠桃蓮蓉壽包，蓮蓉蛋黃都好新鮮，好香，如果大家晚飯來，要叫夠一打啊…Read More

元朗手打漢堡店唔多，今日介紹呢間MASAM大家真係要試，好食之餘仲要有酒牌，大家可以食住薯條飲啤酒唔使特登去中環，位置喺鐘聲籃球場後邊，安娜餐廳隔離好多唔同選擇，唔係剩係得漢堡包，仲有熱狗意粉，全部嘢都可以轉套餐，仲要唔係得薯條汽水，你想冇咁熱氣轉沙律都得，飲品可以揀咖啡熱柚子都有，都幾抵食店內環境幾舒服，一早黎太多人先來試佢嘅招牌馬森至尊，不得了，非常之多料，有德國腸，煙肉，手打漢堡，蕃茄生菜，大大塊煎蛋一開始有諗過用刀叉食，太大份，但都係唔好，用力壓落去，可揸住食，咁樣先正，值得一題餐廳好細心已預備手套，手打牛肉非常Juice，雞蛋我唔知佢落咗幾多隻好大塊厚身，仲要有蛋香另一個叫左黑松露啡菇牛堡拼沙律，啡菇好正，爆汁的，面頭仲要鋪上厚厚芝士冇得頂加埋黑松露醬香味撲鼻而來另外想講佢哋啲沙律菜，非常新鮮爽口，如果兩個人可以好似我咁一個食沙律一個食薯條佢哋真係好心機製作，大家快啲嚟試…Read More

今日試咗呢間日本料理黑木亭，位於裕景坊，對正紅色小巴站，值得大家來捧場門口有好多便當可以揀，比較特別嘅，就係有個關東煮，喺元朗好少見，睇落都幾正餐廳都幾闊落舒服試吓呢個週末二人餐，有兩個煮成主食，有刺身有壽司有果汁，都幾好先來三點刺身盛，有三文魚油甘魚八爪魚，非常魚生新鮮肥美，油脂分佈平均八爪魚又夠爽口另外一個套餐包嘅係鰻魚牛蒡炸蝦卷，3樣加埋原來咁夾，全部用料新鮮，鰻魚甜，炸蝦食得出係啱啱炸起，睇到師傅好有心機製作，唔會係一夾就散嘅卷物主食到，係壽喜燒定食配烏冬，好大煲好足料呀，肉片肥瘦適中，配菜亦夠鮮嫩食壽喜燒，最緊要係個汁，甜甜的好開胃再來另一個主食係黑松露忌廉石鍋烏冬配吉列豬扒定食，熱辣辣黑松露香撲鼻而來，原來咁樣忌廉做個烏冬可以咁好食，creamy 配上彈牙烏冬，但係主角始終係吉列豬扒，非常香脆，肉質又夠juicy , 食落Chok Chok 聲最後飲埋杯蘋果汁，好滿足…Read More