foodmoster 's Profile

今日放假，朋友在觀塘工作，見到有一間好靚好新好似好健康嘅餐廳，特意叫埋我一齊去試，諗住食完中午飯食埋甜品少啲人可以影幾張相’打卡’.我先去到拎位，約1:00多啲門口大概有五個人等緊，大約等咗四個字入去，因為面向裝修地盤有少少大塵，但入餐廳入邊還可以，環境非常精緻員工亦都好好服務，我先叫咗一杯mocha,奶打得好好亦都唔會太甜朱古力味好重.唔知係咪因為杯咖啡好飲，亦都見到餐牌上面有生酮選擇，並且帶有健康意識嘅餐牌，懷着一個高期望.朋友嚟到之後我哋揀咗一個店長推介和牛漢堡餐及一個普通選擇泰式酸辣炸雞飯 配珍珠米 ，最後揀咗一個甜品‘懦夫’ .雖然食評有好多好靚嘅相，有好多好嘅食評，但係我都見到有OK 同埋喊樣🥲本身有啲唔明一間咁靚咁新嘅色店都有返咁上下負評，但係幫襯完就會明,一來因為佢嘅外表令到人哋有較高嘅期望，二來性價比真係比較差.值得一讚佢嘅食物外表亦都係‘金玉其外’，餐廳食物都好靚.講一下食物和牛漢堡的確都好有牛味，但以$138唔包嘢飲薯條好難食（味精好重）喺觀塘黎講爭少少，但起碼你會飽個$88泰式酸辣炸雞真係…..朋友好失望，每一舊雞起碼有六七成都係粉，口感亦都唔好,係燒味舖食過雞髀飯仲好（當然啦如果你係諗住嚟影相可能你就會唔會放重點係食物度就會唔認同）最尾個甜品店長推介$88 個窩夫有少少糯米成份，有椰子雪糕同埋有1/3芒果，不過不失唔稱得上特別極都唔稱得上好食（但係又係影得幾好睇）呢間野如果我幫佢改名會叫做《金玉其外cafe 》佢做每樣野都好似為咗影相如果你想影相你會比一百分💯，食嘢就唔會所以睇你自己想點(而我比較着重食物質素)回頭率：（俾唔到🥲但係我會帶隻狗去多一次咁多，　會叫一杯咖啡同埋影相📸️) *佢啲奶真係打得好好好滑…Read More

因為身體加強了訓練，每星期要食一日素食減低肌肉炎症反應，朋友知我喜歡食日本菜帶咗我嚟呢間日本菜餐廳.之前我喺其他地方都食過自稱素食壽司嘅餐廳...但係呢間就係不得了除咗你入到去見到個好有熱誠嘅日本老闆之外嘢食品質非常好，味道也很好（唔係好貴嘅食材但係好優質及獨特嘅食材）食完一餐先知豆腐原來有咁多類別，前菜嘅豆腐其中一個超級Creamy......（等你哋自己食先分邊個打邊個啦）唔太仔細說明內容等大家自己慢慢試，成個過程同喺正常日本餐廳食嘢差唔多...室內裝修簡約唔算華麗，價格可能對某啲人嚟講稍為少少高，如果用都係菜都係豆腐嘅角度就會一定覺得高...但係入邊嘅心思同埋食材大部份都係來自日本🇯🇵，小編覺得絕對值，對小編來講回頭率係99% . （最特別係佢嗰個豆乳鍋係會有撥扇俾你撥向豆乳鍋咁樣就會有一層層豆腐皮俾你先常常幾特別）唯一留意：1，美中不足只有兩個餐選擇一定要叫而且最少兩個人嘅餐*2，食開大魚大肉嘅人黎朝聖預咗感覺食唔飽因為佢油份比較少（分量唔少好多菜但係食咗唔會有制同埋好似好飽嘅感覺）…Read More

今個星期天早上沒有很多時間但也想找一間有些特色嘅餐廳食一個休閒嘅早餐，估唔到很容易便找得到這一間旺區中可以停一停嘅休閒點...三級歷史文物...唔需要去到好遠好遠但仍然可以感受到休閒，另一個空間的感覺很好.......約9:25 am 到，不用等位，剛踏入餐廳外圍已經需要探熱很安全,另外可以有室內室外選擇室外更加有單獨獨立位置,真的意想不到.....沒有好華麗感覺但好舒服自然簡單...食物不過不失，咖啡也比想像中好飲.跟餐本身已包美式或者黑咖啡☕️，沒有選擇拿鐵但看見別人的奶泡也打得很好下次再來會試一試.我朋友兩個食完買單$115，用約$60 喺呢個氣氛下食用早餐約1小時真的很抵（沒有時間限制只是我今次有啲趕時間）…Read More

同一個超級耐冇見嘅男孩子朋友吃午飯，俾佢選擇餐廳佢揀咗呢一間漢堡包店，喺店外面係繁忙嘅行人道路但係一入到去你就好似去咗美國一啲鎮上面嘅漢堡包小店....都算有種與世隔絕嘅感覺，感覺幾好....雖然唔係商業模式嘅大店，一入到去坐低就要我哋填健康申報，雖然係美國小店但係都非常之方便係用電話落單.基本上除咗落單同埋填申報其他嘢我都係好傳統嘅美國裝飾，氣氛.中午佢哋有餐，我同朋友各自點了個漢堡包薯條同飲品$88（經典漢堡 ）&$98 （美式芝士漢堡）冇香港一般漢堡包店嘅浮誇大件漢堡，一個同M記差唔多大細嘅漢堡，但入邊係真材實料酸瓜芝士patty beef ~ 口感唔算太juicy ,但係香味夠，口感亦算豐富.如果我想感受置身美國漢堡包小店一定要嚟啦嚟～ 總結：環境 8* （唔係豪華但係非常有特色）服務 6衛生 6性價比 7回頭率 6.5*提提你店員都唔識講中文…Read More

去到元朗入下白泥前先去吃個早餐朋友大左我去呢間～個名好靚嘅茶記～店內已經感受到有懷舊氣息，入到去感覺更加好，懷舊得來很整潔，而且店非常堅持每台只能有兩個人（唔會喺台中更加塊版之後放四個）空間感唔錯.入到去抬頭看會見到小飛俠但係因為呢排比較晏起身去到11:45 早餐最遲11:30，所以唯有叫其他.朋友點了他們的招牌雞髀🍗系列，雖然佢係男仔但係話點都會分到啲俾我食因為真係好大隻，所以我便點了豐富常餐✨我個餐到先，👍🏻牛肉米粉：真係冇乜味精，豬骨湯底雖然淡啲但係都幾好味，牛肉生鮮（如果鍾意食濃味嘅朋友會覺得偏淡）👍🏻前雙蛋午餐肉多士：豐富水準好👍🏻奶茶：高質素茶記奶茶嘩，朋友個餐終於嚟到(約15分鐘）隻雞比差唔多有我三隻手掌（我隻手比較細，其他人可能係兩隻）唔單止得個大字，外脆內軟，仲要勁多肉汁，OMG （女士要小心份量都真係大）總結:食物：（茶記黎講）9環境：7.5清潔：7服務：7（茶記黎講真係幾好，當然唔好預佢酒店嘅服務）性價比：7.5回頭率：8（每次有朋友冇嚟過都應該會帶佢食雞髀🍗）…Read More

入完下白泥出反元朗市中心，住元朗嘅朋友話帶我去食沙窩粥...完全唔知佢講咩...（小編小見聞80s後....）帶住好期心同呢位70s後朋友仔一齊去食～去到門口一睇就知係老店～正中午約1:30-45 ，好多人買外賣同排隊，但唔算等得耐約5-8min .位好迫，衞生麻麻係一早預咗.朋友話豬膶出色所以叫左豬膶靚雞粥，另外叫左炸兩.大約等咗五分鐘炸兩就到所以食咗先，就咁食個感覺都真係幾鹹....再過三4分鐘粥到，併埋一齊食會好食啲.粥好香，特別係雞味，黃色的雞油同粥一齊食...簡直太幸福，同埋分量超多好似有半隻雞係入邊...豬潤真係超好食滿身經歷嘅老店果然冇外在美但係內在超美總結：食物 6 環境（70年代）🙈清潔 （70年代）🙈性價比 6回頭率 8…Read More

去開尖沙咀新太陽廣場DFS,行咗有啲耐有啲攰坐低諗住食下午茶🫖，朋友想食中式我又想食麵食，一路行一路玩點知行到一個比較入嘅角落見到呢一間有點心同朋友喜愛的特色叉燒包又有台灣特色小食及麵食嘅餐廳，裝修都好友風格同幾漂亮便入去坐低了.座位還算闊落，我點了一個清燉牛肉麵 餐（$78）朋友就點了 點心餐，（$45） ，佢好開心因為加$15可以飲到下黑糖珍珠奶茶🧋我點了一個蜂蜜柚子茶🍊👍🏻清燉牛肉麵 店員一放低就聞到一陣好香嘅牛肉湯味，最好嘅係食落去唔係好感覺到味精真係好真好新鮮嘅牛肉味，牛肉亦都好林好好食.就算本身好鍾意食辣都冇落辣椒油，以免破壞咗原本個味，非常好吃😋（如果男仔會略嫌份量少咗啲）*但係呢個味道喺坊間有唔少大家第一點都會找得到，下午茶黎講性價比就爭少少🤦🏻‍♀️點心（腸粉&叉燒包）腸粉....應該唔係佢哋嘅強項，朋友話麻麻地叉燒包我send應該係唔錯但係冇特別加熱才上，外面暖入面凍，感覺有啲似喺茶樓自己拎嘅效果，每份有兩個好在有一個係新鮮出爐，外脆內熱（入面叉燒醬同少量叉燒味道比較重比較鹹）👌🏻（少甜少冰）黑糖珍珠奶茶不過不失幾好飲🤔蜂蜜柚子茶唔太甜都係好事...飯完似柚子紅茶☕️多D總結：食物 6環境 7（有打卡位）服務 5衛生 7性價比 4回頭率 4…Read More

有Affinity club 自助餐買一送一優惠緣故我同朋友星期六走咗去呢間酒店自助餐食下午茶($268+10%)（可以星期六都有非常好，另外我同朋友一般覺得酒店自助餐我好驚唔夠細緻同埋味道都比較一般所以都唔抱有太大期望）*去之前先打去預約入到去坐低咗之後先拎左杯咖啡飲，雖然唔同嘅酒店都係用類似嘅機但係個豆就令大家會有分別呢間都幾唔錯👍🏻之後去食咗啲熱食，普遍都係中式嘅意識為主，平均來講都好唔錯最特別係個牛腩*👍🏻真係非常非常非常非常好食，肉身夠厚夠淋（真係好淋）仲要有牛筋選擇，跟住膽粗粗試吓啲日本刺身同壽司🍣....世紀災難....嗰塊什麼鯖魚魚生唔新鮮到我要吐返出嚟.....甜食方面真係不得了，可能佢哋同自己意大利餐廳嘅廚師👩‍🍳共用...我各式各樣嘅甜品都唔差特別係個熱嘅牛油麵包布丁最出色...生果盤都係世紀災難唔係太新鮮...總體來講喺凍櫃入面嘢麻麻地熟嘅食物同甜品非常唔錯.總結：食物 6 （-4 大概全部都係因為凍櫃入面嘅嘢）環境 5衛生 4.5服務 6性價比 6回頭率 5.5…Read More

河內道K11 商場中間通道常常都予人一種繁忙但休閒嘅感覺.與朋友去了位於哪裏的一間呢間已法式薄餅為主題嘅法國餐廳，入到去感覺有點像咖啡店，但係比咖啡店優雅及細緻一點.店內有鹹同甜嘅法式薄餅選擇極都有少量其他食品.朋友同我約晚飯時間去食5pm 當食埋夜晚），所以點了鹹的.L’Epicurien (風乾火腿，布里芝士配羅勒醬鮮茄及蛋）and Le sunrise （早晨法式薄餅牛油果炒蛋配瑞士芝士）另外我哋還點了一杯紅寶石朱古力等咗大約12-15分鐘，去取餐處取餐及餐具，認識比較自助.唔同款式夾餅餅身軟硬唔一樣，像L’Epicurien 薄餅身會比較軟，而Le Sunrise 薄餅就烘得比較香脆.食材新鮮味道也不錯但唔算有超級驚喜.飲品方面：紅寶石朱古力奶（世界第三隻朱古力）外形非常之漂亮，但真係飲唔到特別嘅朱古力味主要飲到嘅係甜同埋奶味...小編本身好鍾意好鍾意飲奶...但係都覺得奶味太過重總結：食物：6環境：7（有置身於法式/巴黎快餐嘅感覺）服務：5衛生：7性價比：6.5回頭率：6…Read More

我嘅一位「公主」女性朋友帶我去咗呢間華麗嘅咖啡店食下午茶.店內店內都真係非常漂亮佢以粉紅色為主題裝修設計少女及經典復古風格...入到去有一種去咗另外一個世界嘅感覺...（雖然本人已經唔係少女但入到去都.....亦令心情非常好）望了餐牌朋友純熟地點了飲品及食物而我要用上一點時間...看來女王嘅下午茶唔夠我食...唯有單點了一個養生麻油雞麵線....本來諗住唔叫飲品....但原來呢度最低消費係一杯飲品...對..唔係一杯飲品嘅價錢....係一杯飲品(即係就算你叫1000樣嘢食都要叫...一杯飲品🌝)飲品:仲夏熱帶水果茶&Dazzling 熱紅茶食物：養生麻油雞麵線&香草冰淇淋鬆餅（+QQ麻薯)👍🏻👍🏻仲夏熱帶水果茶非常非常香甜口感豐富嘅水果茶...高貴,少女,優雅,清閑 ...配合環境一邊飲一邊就有呢啲感覺...👍🏻Dazzling 熱紅茶普通嘅紅茶旁邊放咗一小疊切碎嘅生果好似好普通，但係份量應該真係計劃過混合之後呢杯紅茶升咗呢是一杯女王嘅紅茶....生果嘅香同茶香混合得好好👍🏻👍🏻👍🏻香草冰淇淋鬆餅（+QQ麻薯)外型香味咬口...非常非常好...好似冇缺點咁...一邊吃入邊好似飛緊上天堂咁👍🏻養生麻油雞麵線抱着懷疑嘅心態去吃(普遍飲品同甜品出眾嘅餐廳熱食都一般般）..竟然有驚喜...藥材味同雞湯嘅甜味配合得很好...台式..唔錯☺️雞嘅份量及質素亦都非常好.（美中不足...服務方面有進步空間...可能服務員都係呢度嘅氣氛感染到變咗做女王🌝人流唔算多服務員都未能夠一眼關七...笑容亦都隨處....唔可見🙈）總結：食物：7.5環境：8衛生：8服務：5性價比：7回頭率：8…Read More

同一個好耐冇見嘅貪靚女性朋友想去一間食物及飲品精緻嘅咖啡店聚聚舊，揀咗K11呢間個名幾得意嘅牧羊少年咖啡.....呢度嘅飲品有有酒精冇酒精望落去都精緻，啱晒我哋（一句唔飲酒一個唔飲酒）因為喺商場邊租貴都預咗空間唔會太大，入到去坐低（坐高枱）感覺好多人，少少壓迫咁，但格局裝修還是可以的.我們冇特別睇食評簡單選了～食物：千島香芒牛油果雞肉薄餅及煙三文魚凱撒沙律飲品: 哈利奶油啤酒咖啡及蘋果蜜桃鮮打紅茶結果.....一半砂糖一半Dee.....砂糖：兩杯飲品「外型」味道創新都非常出眾👍🏻👍🏻哈利奶油啤酒咖啡（$78）：一般咖啡加上啤酒或者有汽水都會將果香無限增大（即係非常酸）呢個混合左奶油嘅啤酒咖啡感覺上好似所有嘢都平衡得啱啱好，好滑又咖啡香味有奶油香味有啤酒香味（當然有人會覺得啤酒味重，但係我想講如果佢唔係重啲飲咗真係唔知呢杯係有啤酒㗎——利伸：我有偏見因為我鍾意飲啤酒🍻）👍🏻蘋果蜜桃鮮打紅茶（$52）清新新鮮，甜得來保留到紅茶味道但係冇咗啲苦澀味 （小插曲：第一杯嚟嘅飲品係蘋果蜜桃鮮打紅茶，飲品到嘅時候店員冇解釋呢杯係咩你都冇單放低望落去以為係啤酒咖啡結果飲錯錯飲品...呢度服務有改進空間）好....做一半Dee...🥲煙三文魚凱撒沙律🥗其實沙律一般都好難好差....佢嘅沙律菜比較少種類主打都係羅馬菜呢個都唔係最重要最重要係個醬汁同埋煙三文魚係唔係太新鮮.....🌝...小編成日都食煙三文魚👎🏻👎🏻低處未算低..千島香芒牛油果雞肉薄餅就算食開普通嘅薄餅相比起呢個都真係好差...千島醬味道一般芒果牛油果唔新鮮...淨係得返雞肉係正常但係得好少....（公道說話...呢間咖啡店可能主打飲品及甜品或者我哋係錯嘅時間嚟咗唔應該嚟食晚飯)下一次嚟嘅試埋甜品及小食時候先再比總結因為淨係食咗一啲佢哋唔係主打嘅食物會唔公平.…Read More

話說同朋友係屋企傾傾吓過咗時（本身諗住五點去食夜晚飯）唯有叫外賣朋友同我都想食燒鵝所以就叫咗海港嘅外賣（呢段時間佢哋外賣有折扣8折，但只限特定外買紙上的食品，張外賣只有啲混淆因為大部份食物係紙上價錢八折，但燒鵝就已經係折咗嘅價錢（七折））點左例牌燒鵝（$87）+欖菜肉鬆四季豆（$52）+1個白飯（$15）*非常非常搞笑地唔接受電話落單要用WhatsApp（都幾潮），這直接面對面落單.👌🏻例牌燒鵝比想像中大份，打開以為俾咗半隻我地，之前都食過幾次海港嘅燒鵝水準非常唔錯，今次好似燶咗少少及都有幾舊係無咩肉嘅.👍🏻欖菜肉鬆四季豆（小鹽）非常非常香，啲豆炒得好入味而且都爽口，回頭率非常非常高*對於有得order少鹽感覺非常好😀白飯好大碗兩個女仔share 啱啱好總結：性價比好強 ，埋單$149回頭率好高：因為性價比好強…Read More

因為早咗食夜晚飯去到九點幾有啲肚餓想食個飽肚嘅甜品....朋友車左我去九龍城金滿堂買外賣.佢地主打甜品係食得飽肚嘅椰皇系列❤️同朋友點了一個椰皇燉湯丸及銀竹花回家share 吃.👍🏻銀竹花（薏米+腐竹+銀杏+蛋花）（$38）各㨾配料都配合得剛剛好☺️比一般腐竹糖水唔同用了蛋花及加了薏米，好感幾好都唔算太甜一路食一路都有腐竹同埋彈花嘅香味.👍🏻👍🏻椰皇燉湯丸（$52）非常非常香嘅椰子味配合着燉蛋白簡直係天作之合....食完有種幸福嘅感覺😆配合着清心丸口感好豐富，係呢個時候在家粒湯圓嗰種甜.....(一粒對於小編來講剛剛好再食多粒就太甜...但如果鍾意食甜嘅朋友應該覺得呢個非常非常之好） 湯圓皮唔算口細細粒黑芝麻好好重芝麻味亦都好甜.買滿$80會送一次$8嘅椰皇水總結：因為係外賣只會有食物:7/10性價比:7/10回頭率:7/10…Read More

今日去咗公司北角分店開會，開完同事帶咗我去呢間小店吹水同食嘢.入到去感覺好特別又似酒吧又似Cafe又似串燒店...另外員工好親切好有禮貌，所以就算坐為迫啲都冇所謂啦.見到佢哋有手工啤所以點左，我諗呢個都係佢哋其中一個賣點. 另外都點左一啲串燒.👍🏻本地手工啤：Big wave bay 7%金橘味真係好重好香另外味道比較濃 👍🏻蘇格蘭手工啤：Indie Pale ale 4.2%對比起Big wave bay 比較淡身，淡淡的清香比較適合女士（或者斯文嘅男士😀）👍🏻炸燒賣外脆內軟配合着佢哋嘅糖漿意料之外好吃👍🏻👍🏻牛舌（$48）厚身而且中間肉好淋好淋，亦都好香及牛味重👎🏻👎🏻👎🏻燒茄子🍆（$48）咁多樣嘢食唯一得一樣唔好食就係呢樣...蒜頭太多亦都係生嘅...我同朋友都覺吃完之後感覺非常不好👌🏻雞軟骨（$28），雞腎（$28），金菇肥牛（$38），羊肉串（$38）都不過不失1/2👍🏻黑松露薯條（$78）朋友覺得得黑松露醬唔抵，我就覺得幾好飲呀條薯條都新鮮又無返炸，點走醬都好好食總結：食物：5/10環境：5/10服務：6/10清潔：5/10性價比：5/10回頭率：6/10…Read More

我同朋友都很鍾情法國菜...特別喜歡周圍是法式薄餅，之前我同朋友去過銅鑼灣同尖沙咀某法國餐廳都很出名（其中一間被稱為隱世性價比高的法國餐廳）今次我朋友帶我去呢間....沒有隱世...但性價比真的很高而且我真心覺得係我食過咁多間$700樓下嘅法國餐廳之中最好最好食）我們約大概四點去到，原本佢哋都有自己signature下午茶，但係因為我哋本着食薄餅嘅心去所以就朋友就幫忙點了一個薄餅同埋法式繪龍蝦海鮮伴奶油包及薯條.另外朋友點了一杯佢口中話好好味嘅’檸檬茶‘（全名為冰薄荷茶：內有橘子雪巴及蘆薈果粒）👌🏻法國繪龍蝦海鮮伴奶油包及薯條（$260）成個碟上來都是很漂亮的，雖然龍蝦份量少但係質量非常好新鮮及彈牙，另外有三文魚及青口都很不錯重點是(小編之前睇過自己好鍾意真味道唔鍾意食太鹹或者太多調味料）佢嘅醬料雖然味道淡啲但係茄蓉非常新鮮，味道亦都很真.奶油包烘過香香地點左茄蓉醬汁食都幾好食.❤️薯條脆口及熱非常好吃👍🏻👍🏻👍🏻薄餅我們選了火腿，瑞士芝士及雞蛋（$160）雖然配料都是重點,但係個薄餅先喺佢哋最大嘅重點....香脆又唔會太薄有啲煙韌感覺....未試過有一間店可以有呢個味道亦都暫時冇一間代替到呢個薄餅係我心目中嘅位置...（朋友喜歡火腿所以點了這個，下一次我應該會選另外一個因為火腿略嫌咸咗啲...但我知正常係要鹹)冰薄荷茶（朋友說）：口感清爽薄荷但內容豐富（$90）我真係好鍾意好鍾意好鍾意好鍾意呢個薄餅總結:食物：8/10環境：8/10服務：7/10清潔：8/10性價比：9/10回頭率：8/10…Read More