Meg52's Profile

衛生程度:   店員放包入夾包箱，唔冚蓋攤凍，店門對住大馬路，啲塵入哂去，見過烏蠅飛嚟飛去，僕喺啲包上面，店員都冇理。店員唔移開啲包，就喺度抹嚟抹去。食物質素:  蛋撻，蛋冇蛋味，深黃色到似顔料。 綠茶燒餅，餅皮綠得好怪，疑似加咗色素。雞尾包、墨西哥包、椰絲卷、菠蘿包、紙包蛋糕等， 都唔係實心，食空氣。叉燒酥、奶油筒、奶油筒、蛋撻酥皮、老婆餅嘅酥皮，有膱味。合桃酥唔脆，似放咗好耐。服務態度:    其中一個身材矮小， 體胖，頭髮紮起，操鄉音嘅中年店阿姐好惡，非常冇禮貌。問下一款餅會唔會再出， 佢話冇之後，仲要串多幾句: 「乜咁野蠻㗎，係要呢款，呢度有咁多款，揀其他喇」，「揀唔到，有選擇困難症吖!」…Read More

操帶鄉音廣東話的那位「沙嗲之星」收單女店員, 服務態度非常傲慢惡劣。 請佢加啲鼓油、辣椒油, 佢起先唔睬人, 扮聽唔到, 施施然攞手機出嚟㩒, 跟住仲俾説話你聽: 「叫個31蚊餐, 加呢加路, 麻麻煩煩, 剩係服侍你一個呀! 」坐埋位食飯唔理佢, 佢仲繼續向住其他客單單打打。態度、品格真係差到冇人有, 食物質素又唔見得好, 以後唔駛旨意會再幫襯。…Read More