joannekyng's Profile

已經係第三次嚟呢一間位於九龍城嘅特色茶餐廳，餐廳內同餐廳外面裝修懷舊，有舊香港嘅情懷，打卡一流！喺7月1日嘅早上，九龍城非常之靜，所以呢一間打卡王亦都唔使排隊。後來發覺點解唔需要排隊，因為佢最出名嘅雞蛋仔雞係要11點後先至會出爐。小妹完全唔記得咗，所以好失望。退而求其次唯有叫佢嘅早餐，叫咗煙三文魚滑蛋三文魚子多士。有驚喜，入口爆珠，味道豐富。另外友人叫咗豬柳強，即係pancake加honey加豬柳。可能本人唔係太好pancake，所以覺得麻麻地。不過朋友就覺得好好食。敗筆之處居然係佢哋嘅主打大和堂鮮奶咖啡。鮮奶味完全蓋過咖啡味，我同朋友飲咗一啖就冇再飲啦。…Read More

自開業以來，每一個月都會嚟一次嘅 Cheesecake Factory 🏭 因為去慣去熟嘅關係，已經知道一定唔會係食飯時間嚟，因為一定要等位。通常我都會係佢一開門或大約5pm食個早晚飯，咁嘅時間就通常唔使等位啦。每一次嚟小朋友就一定會叫兒童餐嘅spaghetti with meatballs 🥩 另一個小朋友大人都鍾意嘅 four cheese 🧀 pasta 🍝 可以選擇淨係pasta或加錢要雞或者Menu上冇嘅蝦都可以直接同佢講 rating 5/5 芝士味夠濃Stuffed cheddar burger 🍔 rating 4/5 Adam’s cheesecake 即係Menu上唯一一個有peanut butter 🧈 嘅芝士蛋糕。好欣賞佢嘅peanut butter有唔同層次嘅味道。…Read More

十字冰室係一個香港既老牌子冰室，我一路都有去開，但就通常係去銅鑼灣嘅分店。銅鑼灣嘅十字冰室我大約兩星期都會去一次，每次都覺得好好食。今日喺正街附近經過，正值肚餓嘅中午時分，就諗住同樣嘅十字冰室應該冇問題啦就入去食啦。點知叫開平時最愛嘅XO醬公仔麵、西多，居然咁都中伏。XO醬公仔麵炒得又唔乾身，又黐埋一舊。另外幫小朋友叫咗茄醬焗意粉，呢一個應該係最容易整㗎啦。但啲意粉都可以係冇味嘅所以，連小朋友都冇食過，成碟冇掂。最後蔥油髀飯，算係可以食得入口，但都稱不上好味嘅一碟。同行嘅朋友都有同感，第一次食一間咁唔好食嘅十字冰室。…Read More

今次已經係第三次光顧位於上環嘅呢一間隱世小店，店內大約10張枱，每張枱四人坐。所以除非假日來，如果唔係辦公繁忙時間，都要等一陣先至有位。每次嚟都會叫佢哋嘅人氣雞髀蔥油飯同炸豬扒飯。雞髀外脆內軟，有肉味，蔥油汁加枱上嘅豉油落飯非常好胃口。佢嘅炸豬扒我覺得做得幾出色，外面脆脆裏面嘅肉暖暖軟軟的。另外比較少人叫，但我覺得都幾好食嘅冬陰功湯米粉配佢哋嘅人氣炸豬扒。呢一個幾適合唔想食太多飯嘅OL。個人感覺唔係太辣，酸味剛剛好嘅湯底。…Read More

本身非常之喜歡新加坡菜，所以香港市面上大部份新加坡菜，小妹都有去過嘗試每一間嘅海南雞同喇沙湯麵。而位於上環嘅LeeLaksa就係我會每一個禮拜都一定幫襯，有時堂食，有時外賣。今個星期每一日都唔係黃雨就紅雨，就梗係叫個外賣啦！第一就梗係叫海南雞飯，通常會叫半隻海南雞，另加兩碗油飯。咁樣叫通常會係抵過叫兩份海南雞餐。海南雞肉嫩有雞味 rating 5/5第二就係我的最愛喇沙湯麵，最鍾意佢嘅湯底非常濃郁 rating 5/5。黃金雞翼同黃金魚皮，都係我嘅大愛。不過同行嘅朋友試過話覺得太鹹，但我就係鍾意佢濃郁嘅蛋黃味 rating 5/5，豬頸肉配samba sauce ，豬頸肉肉質爽口 rating 4/5…Read More

每次經過中環區嘅Bakehouse，都大排長龍，目測20人以上。所以，我每次都會喺一係就啱啱開舖或就嚟閂舖嘅時候先去買。今日睇完牙醫，大約10am，居然冇人。即刻入去買我最愛嘅蛋撻。見既然冇人就買埋俾啲同事，結果就出嚟埋單$245，總共買咗8樣 🥐 pastries：Egg tart x 2$ $12.50 5/5Chocolate croissant 🥐 $30 4/5Ham & cheese 🧀 croissant $40 5/5 芝士味夠濃Strawberry danish $40 3/5 略嫌太甜Chocolate cookie $22 3/5 地鐵嗰間好食啲🤣Beef pie 🥧 $48 味道豐富 5/5 不過如果唔太好印度味，就未必會鍾意Sausage roll $40 5/5…Read More

每一次去完銅鑼灣嘅中央圖書館借書，都必定嚟地面嘅Delifrance食。呢個位置簡直完美配合。通常我都會叫佢嘅二人餐($198)，加埋上一次食完嘢嘅coupon，減完就會係$188。二人餐會有兩個前菜，通常會叫一個沙律同一個是日湯。正餐就一定會叫我最鍾意嘅Carbonara和蕃茄菠菜意粉。佢哋嘅甜品好有驚喜，牛角包配雲呢拿雪糕。唔會太甜，擺落又暖又軟嘅牛角包。好開心嘅一個午餐！通常平日嘅午餐時分都唔會太多人，帶埋啱啱至完嘅書喺度打書釘，既悠閒又開心！…Read More

之前朋友極力推介呢一間臨林檸手打檸檬茶，今日去到附近就諗住試吓。見到長長嘅人龍，便滿心期待應該唔會差得去邊。我同同事一人叫一杯，我哋各人叫咗一杯招牌手打檸檬🍋同原諒手打檸檬。我哋都係叫少冰同埋甜三度加寒天珍珠。滿心期待等咗大約10分鐘，到手嘅時候一飲勁甜，覺得完全冇理會我哋嘅甜三度。明明加錢叫寒天珍珠，但比支幼筒我哋。:(多冰同多渣。同事飲咗三四下，就飲晒。我就覺得太甜無謂勉強。唯有等到啲冰溶晒，先覺得甜度似樣少少。…Read More

今晚又係唔想出街、亦都唔想煮飯嘅日子。又叫外賣叫我最愛嘅pasta restaurant - 位於大坑嘅Ask For Alonzo。呢間餐廳我試過堂食、叫外賣，都一樣咁好食。唔會話叫外賣份量細咗，因為有一啲餐廳叫外賣份量就會減少。每次叫呢間餐廳嘅外賣，都會收到佢哋手寫嘅卡。非常有心意、感受到佢哋對煮嘢食嘅熱誠同愛。每次我都會叫兩份Carbonara，意粉硬度剛剛好、味道十足，啲Ham非常夠味。其次，我另一個最愛就係佢哋嘅四芝士🧀長通粉。每次都覺得佢哋嘅四芝士非常足料，亦都好有層次感。另外，雖然我唔係好鍾意食bolognese pasta，但都會叫因為其中一位家庭成員鍾意。但我都覺得呢一間值得特別好食。我今次係叫咗個外賣四人餐，除咗以上四個pasta外，有四個前菜（ meatballs 、tuna salad 🥗 x2, ham & cheese 🧀)。啲前菜不過不失，唔會話令人太過回味。…Read More

每逢母親節、父親節，我哋一家都好鍾意嚟金鐘嘅北京樓食佢哋最出名嘅北京填鴨。所以，今年都不例外。我哋一台六人，但每次都鍾意叫佢哋嘅三人餐再另加嘢食。前菜：醉雞，酒味剛剛好唔會蓋過雞味 沙律香芒蝦球係我爸爸嘅至愛，香香甜甜嘅芒果配炸蝦球，冇得頂蟲草花鮑魚螺頭湯，湯料十足，味道豐富，齒頰留香主菜：嚟北京樓就梗係要叫佢哋嘅王牌北京填鴨。填鴨嘅皮入口即溶，好味得過分。腐竹雞毛菜，略嫌太鹹。甜品：合桃露，唔會太甜，不錯不錯。餐以外我哋有叫燒黃花魚、炒飯、兩大鍋嫩雞煨麵。燒黃花魚就太乾。:(如題目，食材就非常好，但服務每一次都覺得佢哋啲侍應好似做又卅六唔做又卅六嘅態度。亦都非常之冇禮貌。…Read More

今日又係唔想出街，喺外賣平台度睇吓有啲咩食。記得之前啲同事都有去開呢一間，就叫咗個燒味飯雙拼和燒味撈麵雙拼。因為都係同另外一個同事share，所以我哋兩個人就叫咗四個餸：燒鵝、燒肉、白切雞同豉油雞。令多加薑蓉、鹹蛋。白切雞就不錯不失:)豉油雞，都係麻麻哋:(燒鵝係最好食嘅燒肉都尚算OK 最有驚喜反而係個撈麵。欣賞撈麵彈牙、好味。可能因為係Delivery嘅關係，賣相認真差。同事一開話嘩乜擺到成件垃圾咁，佢形容好似垃圾堆填區咁樣。…Read More

今日午餐嘅時候，出面落好大雨，唔想出街食。睇吓外賣平台有啲咩好食，見到呢一間Hungry Korean。抱住試吓心態，叫咗一個一人餐。一人餐$238：前菜叫咗Ban Chan正餐叫咗韓國菜粉絲、牛肉石鍋飯、牛肉鐵板燒另加嘢飲一人餐份量十足，不過講真價錢$238！都應該包得多嘅。韓國菜粉絲煙煙韌韌，唔錯。7/10牛肉石鍋飯略嫌味道可以再豐富啲，覺得唔係好夠味。6/10牛肉鐵板燒啲肉就有啲韌，有啲失望。6/10…Read More

之前煩惱緊今年父親節去邊一度慶祝🪅嘅時候，就有幾個朋友不約而同咁介紹位於比較新嘅五星級酒店Regent Hotel 既扒房——The Steak House。父親節當日，我哋準時6pm到。餐廳安排我哋喺梳化位，可以睇到維多利亞港夜晚浪漫嘅景色。坐低冇耐，餐廳就送上溫軟嘅麵包sourdough 🥖 前菜要咗老公最鍾意嘅beef tartare，不過不失，唔係太有驚喜。主菜叫咗日本A5 wagyu 8oz，入口即溶，超有水準。因為我哋係食肉獸，除了A5 wagyu，亦都有叫澳洲嘅 full blood M9+。同樣出色。但如果二選一，我哋會建議日本A5 ，鹹鹹甜甜嘅肉汁噴出嚟，嗰種入口即溶嘅口感冇得頂。Side dishes，亦有叫cheese macaroni 同 lobster macaroni，同樣味道到位，非常出色。我最愛嘅甜品，叫咗呢間酒店比較出名嘅chocolate fondue 🫕 伴送 vanilla ice cream 🍨 裏面嘅朱古力一切即溶晒出嚟，非常邪惡😆…Read More

今朝咁啱要陪朋友喺西灣河買嘢，唔係成日嚟呢頭。買完嘢，朋友同我想搵個地方坐低傾傾偈，途經呢一間冰室就入去試吓。通常去冰室，我都會叫我最喜歡嘅奶醬多。喺冇乜期望底下，嚟到嘅奶醬多啲奶醬醬爆咁樣湧出嚟，好驚喜好開心！食落去鬆鬆軟軟熱熱咁。但杯熱朱古力奶就一啲都唔好味，好似水咁。朋友就叫咗鹹牛肉三文治，但朋友嘅評語就咸牛肉冇乜味。冰室環境乾淨舒適，星期六早上唔係話太多人。所以，同朋友傾吓偈、三五知己聚埋一齊，都係一個幾好嘅環境。…Read More

今晚去咗利舞臺UNIQLO之後，出邊勁大雨，就諗住留返利舞臺商場食晚飯。見到平時中環去開嗰間亞參喺利舞臺，就入去食啦。佢哋最出名係去骨海南雞飯，小食就叫咗春卷同扎肉。個椰青超級勁大。第二出名就係豬手飯，今日略嫌太多肥膏。小食春卷同扎肉啲味道就好木，好似食緊麵粉咁。好鍾意個椰青，非常之大同好甜。但衛生環境就超級麻麻，周圍都係污漬。Service 就好好啦，佢哋唔記得咗上小食。提一提佢哋，就即刻跟進。❤️…Read More