經過聯和墟見到呢間諗住試下，聞落啲味唔錯，最後買左五百幾蚊串燒外賣番屋企食。番到去一開盒已經見到啲串燒好多燒到燶哂黑哂。同埋本身叫左個小辣，點知原來辣到癲，成家人都食唔落太辣。回想起原來間鋪有分最小辣係bb辣、微辣跟住先係小辣，店員都無同過我地講原來小辣辣度係咁勁，平時食到大辣既人都食唔掂佢呢種小辣。食落啲野食完全無調味過，啲肉又乾又柴，一啖咬落成口得辣味就乜都無。極度懷疑唔要任何辣味係會淨得雪藏味。除左以上問題，價錢亦貴得唔合理，叫左三幾樣野就五百幾蚊，講真當買個教訓，咁既質素真係食到成肚氣！想去嘗試呢間既朋友要再三思！…Read More
