kathybaby's Profile

睇報紙介紹這間老字號，講到好好食，專登打的去搵，都係想求一絲童年回憶我鍾意食馬拉糕，坐低即叫一客，阿姐問我要邊個位，原來邊位就脆內側就軟，仲問，梗係要內膽邊有人食馬拉糕會食脆？食落口，好味，夠鬆軟，但唔係我想要的點了個排骨飯，正，飯粒有咬口，排骨好軟，真係要試:)再點一客報紙大讚的雞札，頂，賣相無問題，但食落就火滾雞札內有一塊豬皮，唔係魚肚好正常，人家賣十蚊一客，你想點？但塊豬皮上面有毛，係一條條黑色的毛睇真d，係每一個毛孔都有條黑毛，頂，直頭想嘔，成個腦都係影象，好困擾，點會諗到我食個雞札，會聯想到d粗糙毛孔呢？…Read More

新翠華，仲以為同一等一翠華有關，SORI，純綷係個人一廂情願的想法　:(上星期跟朋友飯聚，朋友提議食新翠華，去到見到在東大街後巷已覺唔妥，但朋友再三游說，話平時夜晚收工路過，有好多人坐街打邊爐食煲仔飯，講到好受歡迎，好，最鍾意試真章，一於坐低試下你午餐係人見人愛的蒸肉餅飯，本來都想食，但試茶餐廳，想知個廚房得唔得，好簡單，點個干炒牛河就可以，要炒一碟好味的干牛河話易唔易，話難唔難，今日就試下你單點牛河無餐，飲品要另外畀錢，好，點杯凍咖啡飲下，餐廳以銀鈦杯上，凍飲確係夠凍，味道都OK等了十五分鐘，終於炒起個牛河，上枱睇真d，有部分河粉兜唔勻，仍見白粉條:(算，照食，中招，牛肉片凍的，相信要剛從雪櫃攞出，未完全解凍就落鑊炒都係我衰，午巿無端端點個無單餐又貴的干牛河，但都無理由咁離譜，夾開啲牛，齋食河粉，食食下，發現有條硬野　　居然有條未浸軟的河粉　，這下真的嬲，唔食好過　…Read More

約朋友食飯，天后區，人人讚這餐廳一流好，一於試下你閒日試餐最好，人流不多，臨時臨急電話訂位，職員語氣講到好罕有千唔該萬唔該先留個位畀你去到，只得兩枱客環境氣氛都OK　:)自選位在餐廳盡頭，估不到原來近在廁所位，廚房就在我身後　:(死..揀錯了結果成餐飯不停被雜音煩擾是那個熱水器待應生好有客介紹主打菜油鴨和燒乳豬價錢唔平我們點了乳豬和燒羊架兩個set老實，味道不外如是那份乳豬，味太鹹了羊要七成，可能是錯了，我的羊食落似九成熟，硬到呢......:(還有人人讚的鵝肝，是主打菜式？真的不是太特別，我看，又是一間你讚我又讚的西餐廳甜點可讚一下不錯，女生不妨多吃，最多肥兩磅…Read More

約埋班小學同學飯聚 我提議去食泰菜..食辣, 惹味d嘛今次真係好有驚喜 老闆kenny介紹食冬陰香焰蝦.火鍋兩吃 聽落夠吸引 要試下 真人即席表演 炒炒醉蝦 特別要求加辣..真係又香又惹味 上枱時. 又可以飲啖冬陰功湯..又辣又酸..足料..正先講火鍋配菜選擇多,,先來一客大拼盤..又蝦又鮑魚..全部識郁..新鮮 再點了美國頂級肥牛..這個不用多說..re-order三次..ada話唔好問點解..咁又係..要讚這店的.是夠創意..出面未見過的泰式香葉肉碎餃子,.堅正..皮薄餡多..食落口..肉汁豐富..好似還有羊肉餡..下次一定要試 花足蝦..上次食過..埋位前明明講好只點四隻..但最後都要re-order多四隻..好味..新鮮唔在講..肉質咬落去比起出面食的好好多..加埋d辣辣汁..mmm...very good 點了很多菜式上次試了咖喱蛋白蟹..今回點了一客爆炸蟹..超大隻..個蟹蓋大過我隻手..勁.. 燒花甲..絕不能錯過..新鮮花甲無砂又甜..必食炸春卷..魷魚鬚..蝦餅..墨魚餅..個個搶住食 炒椰菜苗..就好似必食菜式咁..次次都點..仲要求加重蝦膏味...爽嘻嘻...食到咁上下..有人話想爽一爽...好..來兩支大青島...最欣賞這裡提供泰式酒杯..鐵色薄薄鈦杯..雪到凍一凍...飲啤酒一流..飲…Read More

老實講，堅好味「鮨久」以前在中環食，閒閒地要過千，今次點餐，八百元位，抵可能係平日，晚上，店內客人極少，選了bar枱位日籍師傅在你面前料理料理，一級客仔享受我的餐前菜是日本酸菜，好開胃刺身方面，吞拿魚．牡丹蝦都好正　炸物是豆腐，超正燒物選了和牛，入口軟軟的，正　隨伴的醬汁都好味食到咁上下，開始上壽司，天啊，香港女生那會這麼大食呢手握壽司，細細件，好好好，食埋你落肚最正係海膽壽司，一定要食這裡有個很特別的地方，有一個大酒櫃，紅白酒香檳燒酒，眼花撩亂三人點了一支大吟釀，千多元，好味　…Read More

知道這個花雕雞在台灣好紅，即管去試試，不錯不錯，有驚喜，驚喜在，估不到味道咁正　三人行，先來一客花雕雞做前菜，朋友說花雕雞不夠味，下？說的是酒味，花雕味不重，只可說是三杯雞無所謂，反正酒味重可能唔好味，總之家下個味道好啱我口味個雞窩其實幾大個，三個人食，其實都好飽，去到唔執輸，點埋個粿條食，超正．．還有個有型台灣仔來招呼我們他很有禮貌的食完花雕雞，因為鍾意個汁，要求加雞湯做湯底打邊爐，正打邊爐配料無乜特別，所以唔特別講，但要讚的是湯汁好正，煮烏冬一流…Read More

好耐冇去榮記開餐，無法，搵唔啱腳榮記多人食，無非因為碟雞翼尖，腩汁西洋菜今次去食，四餸車仔麵，翼尖，腩菜，正唔知係咪心理作用，翼尖多到食唔晒，唔夠啃骨頭的話，一定要食　菜，獨沽一味，西洋菜，曾經都好驚佢哋煮唔熟，西洋菜唔熟，會有蟲，但諗真啲，啲西洋菜煮到入晒味，點會唔熟？兩個人埋單唔使一嚿，抵…Read More

講咗咁耐，終於有機會去呢間冰室開餐老實講，完全無期待，因為早已知班底係澳洲牛奶公司撬過檔試了常餐，還是那套，公式化的叉燒意粉，炒蛋，多士味道一樣，根本無需懷疑人腳呢，招呼叫做好，起碼唔會趕客正店班友成日好似催你走咁，又成班麻甩仔大大聲你一句我一句，食女客豆腐我想讚下個奶茶，好味，茶味濃，可試…Read More

上環寫字樓多，這食店新開張，擺明車馬搶OL飯＄＄有新店當然要去試下同一大廈分兩層，一樓是越南菜，二樓是上海菜，即江山薈我肯定係同一老闆，因為樓面設計係一樣的行足兩層樓，坐低點菜先見到溫馨提示，原來有電梯的，我頂午餐有套餐，算多選擇我點了水煮牛配酸辣湯，肥羊熗湯拉麵配小籠包味道不錯，算有heart，價錢唔貴，中價位酸辣湯好味，料足水煮牛夠辣，放涼了會鹹，所以要趁熱吃肥羊熗湯拉麵，正，好入味小籠包，皮夠薄很多時，OL開飯都會食到一肚氣，唔係食物太貴就係太難食，這間新店算不錯唯獨店員招呼有限，即係你叫極佢唔應你那種，鬼咩，五十幾個位，得三個樓面…Read More

泰國菜，我至愛，早兩日同朋友去開九龍城，因為道聽途說得太多，所以去試下呢問連泰國人都讚好的餐館老實講，好失望，有靚女泰妹招呼，熱情好客，可惜食物真的要打折扣點了個清炒椰菜苗，唔掂，菜太老，鞋口的泰式炒飯，鹹咗啲，唔啱口味燒牛肉沙律，算係唔錯，水準尚可最驚怕的是生牛肉沙律，點菜時，師傅店員都睜大眼問，乜你識食咩以為係好嘢，禾旱冚珍珠生牛肉，名副其實，生的，問佢哋用咩牛肉，唔答好，一試就知，係街巿肉檔的生牛肉，Oh my god，加啲醬汁，食落肚，感到好困惑生牛肉，完全無煮，感覺似食日本的他他牛，但那處是泰菜館，似在賭舖大的，一係入院，一係攪肚結果，我係後者，疴到甩轆…Read More

好多年無食過，見去海洋公園，好，又去幫襯下先星期六，超多人，等位時買嚿炸魚旦食下，好味，香口又脆口坐低食碗四寶河，唔錯，點了個炸腐皮，好正，凍食都正雖然一路食一路有條友企喺身後好唔自在雖然路途遙遠又要等位但，算值得…Read More

泰國人主理的菜館，有一定水準這間舖細細，毫不起眼的小店，由泰國人主理，即係上至老闆大廚，下至店員洗碗，都係泰國一家人之前食過小炒，不錯，今次試火鍋，牛骨鍋湯底味濃，配菜不算十分精采，沒有生猛海蝦，肥牛不太鮮，菜大大堆鋪底想讚的，是牛胸油，初初聽到一頭冒水，細問先知係牛的胸口油脂，大大塊，望見真係驚好似要將塊肥膏放入口，但食落口唔算差，有咬口，爽爽地還有那塊黑色的牛柏葉，好味可能又關個醬汁事，苦澀感十足，是牛骨鍋的精髓所在值得一試再要重點讚一讚，生蝦刺身好味，勝在大大隻，夠凍，個汁，辣到痺，流晒口水…Read More

睇報道知有呢間餅店，講到好多名人紅星追捧，當然要試下趁有紀念慶祝活動，訂了個Crunch Cake，盛惠$280老實講，真係好味蛋糕好軟，cream唔會滯，啲脆脆好正好香雖然價錢貴咗啲，但真係物有所值好過美X訂那種買蛋糕之餘，再買了包曲奇，是朱古力碎，好味，$57得廿件就真係貴咗…Read More

鮮有睇介紹去食飯，見到呢期好多人講泰肥牛，好，即管試下你早幾日約埋朋友去試食，都好有驚喜喎，門口仲可以泊車添，超方便入門前，例必看看菜式介紹，店員好細心講究是日精選，門外有大魚缸，見到啲花竹蝦好生猛，好，食定你店內坐位算ok，唔算好迫，店員好有禮貌，知我鍾意食海鮮，就建議我食燒魚，好，食食食，仲點了燒花螺，超新鮮，美味是夜點了花竹蝦刺身，燒海魚，燒花螺，咖喱蛋白奄仔蟹，香焰蝦，燒鱔，臭草煎蛋　那客刺身爽甜，正　燒海魚唔使講，新鮮燒，廚師仲要塞咗啲香茅入肚，好香　燒花螺，唔算大粒，大粒唔好味，細粒鮮啲，點辣醬，送啤酒食，無得頂　咖喱蛋白奄仔蟹，真係要食，奄仔蟹呢期當造，膏多又香，個汁用嚟食蒜蓉包，惹味　香焰蝦，唔係寸，有真人堂弄表演，係一種享受，我特別要求加辣，食時有陣陣酒香又辣，正，店員要我用手食，啱，聽話係啱的，用手食，仲要用力啜蝦身，蝦熟度啱啱好，一流　　燒鱔，肥美肉厚，好味，有個汁配備，不過我鍾意唔點汁，good　臭草煎蛋，係地道泰菜，出面少有，店員話每日限量，食到是福，臭草，如其名，有陣味，但配埋佢哋個醬汁，真係好味到爆…Read More

一肚氣，未試過食咁柴燒味飯當晚點了個叉雞飯，套餐有碟菜有杯飲品，$51叉燒乾到似肉乾，切雞衰到無味，碟菜賣點零分老實講，唔係肚餓，真係起身走人班店員好快手，由坐低到食飯，五分鐘燒味飯就係勝在時間快點知食咗一半，有個女店員行埋嚟話要埋數，要我埋單我唔理佢，咪玩，佢重複一次後，我抬頭同佢講：轉頭先你趕收工關我咩事？轉頭，個小姐轉身大嗌經理，話我唔埋單，廿秒後，一位年紀有咁上下的阿姐行埋嚟講同一番說話，話佢哋要埋數，要我埋單，同樣地，答佢轉頭先，因為我碟飯仲有兩口就完成點知個阿姐夠膽死大嗌，經理，唔埋呀，爭呢張咋經理精叻醒目，無行埋嚟，因為我實出聲小爆，究竟係咩服務呢？坐唔夠十分鐘催埋單，仲要$51俾碟超柴超唔掂的燒味飯你食？！到真係食完，都係用多一兩分鐘，起身孭袋，之前個阿姐衝埋嚟隊張單俾我，係咁話$51 $51，我知我知，我會去櫃枱埋單，個阿姐的態度有問題，唔係見攰，我諗我會鬧爆佢呢間燒味店，一定唔會再去食…Read More