219bosco's Profile

之前網上見有人介紹，大圍新開一間專食咖哩餐廳，今日專程去食，地點尚算方便，地鐵站行過嚟5分鐘多dd，一踏入店已經聞到勁香咖哩味。menu上選擇唔多，就係一款咖哩飯，可以揀茄子 / 雞 / 肉餅做餸，每份送一杯冰茶。飯加$10可以轉薄餅，另外餸亦可以加$10揀牛肋肉，因為第一次黎，試佢最基本款式，同女朋友分別叫左茄子同肉餅。賣相相當吸引，茄子好大條，切半煎香，茄子肉好淋，配上咖哩汁好好味，咖哩汁以香氣行先，唔算辣，客人可以自行加辣椒油增加辣度至於肉餅份量亦相當大，兩大塊，肉質好彈牙厚實，加上兩面煎香，同茄子不分上下同女朋友超級滿意，一份已經好夠飽，見佢可以whatsapp落單，之後可以嗌定黎拎…Read More

地方幾舒服，泡菜免費添加，野食覺得高質，但價錢唔低，一分錢一分貨。我地兩個人，嗌左3樣野- 芝士泡菜煎餅幾特別，芝士同泡菜餅好夾，但兩個人食會有d濟- 紅辣椒醬五花肉尼個好好食，個醬睇落好深色好辣，其實味道調得好好，五花肉亦好淋，配埋旁邊d葱一齊食，perfect，我食剩左打包翻屋企用焗爐翻熱都勁好食- 芝麻豆腐Tiramisu 好香，唔太甜，男女都會中意…Read More

見到報紙報道，太子有間專食花膠米線粉嘅黃店，趁今晚早食飯專程去試吓，佢店舖好細，坐到三四台客only，店舖牆上大大句「我地真係好撚中意香港」今日我有三個人一齊食，我哋就叫咗個二人餐再另外散叫一個面，二人餐除咗包兩個粉之外仲有一碟菜同埋兩支嘢飲。佢最招牌出名就係花膠湯米粉，二人餐裏面其中一個當然會叫呢一個，佢嘅湯係用雞湯，送米粉一流，花膠煮得好入味彈牙，但係略嫌件數少咗啲。另一個就揀咗廣島蠔湯米粉，廣島蠔好肥美，一咬落去蠔汁就會湧出嚟整個口腔都係蠔嘅鮮味。另外仲散叫咗個蠔油花膠撈米粉，幾特別撈米粉唔多有得食。見到佢寫住有推薦額外叫咗一個清酒煮大蜆，呢個好好食，夠大隻夠甜，如果一個人嚟食，可以直接叫佢個清酒大蜆湯米粉。…Read More

平日午餐專登去食，好多人排隊，兩個人都要等10分鐘，佢入面掛住幾張90年代電影海報，幾有feel幾特別。我同朋友分別叫左吉列豬扒鐵板炒烏冬同肥牛鐵板炒烏冬，佢幾好的，送野飲，可以揀青蘋果綠茶或者荔枝紅茶，5x價錢份量都幾合理。吉列豬扒普通啦，炸粉唔算厚，但d肉就鞋左d，有d un，烏冬唔錯，有d雜菜喺裏面，鐵板上夠唒熱辣辣。肥牛好味，唔會太老，有肉香，但唔知點解肥牛果碟個醬汁甜好多，就烏冬黎講，吉列豬扒果個好食d。作為普通一個平日午餐，叫做唔錯…Read More

想食呢間好耐，之前成日會經過，但成日都見到好多人排隊，今日終於的起心肝同屋企人預時間去排隊食，由於疫情關係，某部份座位冇得坐，所以位置變得更加少，我哋一行三人都排咗10-15分鐘。佢入面裝修幾舒服，坐左入去之後心情會變得放鬆，我揀咗北京填鴨漢堡，屋企人揀咗煙肉煎蛋漢堡同埋牛油果炸軟殼蟹漢堡，北京填鴨漢堡老實說，有少少失望，個汁有啲過甜，鴨肉亦有啲鞋口，反而最正路煙肉煎蛋漢堡覺得好好食。甜品方面，帶咗陀地西多，個人極度推薦必叫，佢西多旁邊放咗好多花生，全部用糖去煮過好甜好脆好好食，再配埋個雪糕喺面，超正，難得一間好好食嘅黃店推薦…Read More

去中環搵野食，第一個感覺就係貴，想搵d平靚正真係要比心機尋找，老蘭範圍原來都有。可惜店面唔算大，繁忙時間都要等下位。藥饍我本人不嬲中意，但香港做得好既唔多，尼間首先唔貴，價錢幾十蚊碗，有雞有面，藥材足料，湯夠香。我叫左碗香辣養生湯農場雞米線，d雞好滑，夠大件，啖啖肉，唔中意雞既朋友叫餃子都唔錯。湯頭先介紹過，佢裡面仲有d木耳，杞子紅棗，超養生，食完碗麵唔知係咪藥材關係，成個人暖粒粒，不過夏天食就好熱 lol…Read More

話說有一日放假，忽然間好想食燒肉，但食量又唔算好大，同埋得自己一個人。我記得之前睇介紹見過話香港開咗間一人燒肉，上網搵咗好耐先知原來開咗喺深水埗，就即管去試吓。去到間野都等左5分鐘位，入座後第一個感覺就係簡潔，一個電子menu一個火爐，無了。我揀咗一個大盛燒肉set有齊牛肉、豬肉、雞肉，另外單點左牛舌同牛油金菇送餐時間都好快，個set有跟飯 kimchi 海帶湯，望落都幾豐富。唔講多，快d燒，餓死！牛舌係我最愛，唔洗燒太耐，加少少鹽巴，口感好正，豬牛雞我偏好雞，佢係雞脾肉，勁滑，又厚肉，最後整埋個金菇，d牛油溶唒超香，所有餤都好送飯，d質素堅ok，一定會再幫襯…Read More

限聚擾民令聽日開始全日禁堂食，下午4點喺世界的中心食埋最後一餐。可能離6點得翻好短時間，都無乜人，兩三枱客，我地坐低一人叫左個烏冬，一個撈烏冬一個湯烏冬。佢尼到d湯烏湯都可以揀湯底的，客人可以根據自己口味去選擇，非常人性化。首先出場係和風溫泉蛋牛肉撈手打烏冬，佢有d洋葱喺個汁到，味道幾好，牛肉亦算嫩滑，d溫泉蛋打左入烏冬，食到雪雪聲好過癮。之後出場係吉列蠔手打烏冬，佢隻蠔都炸得出色，唔會太多炸粉，蠔仲有d鮮味，有d juicy feeling，配埋豬骨湯烏冬，出奇地夾。…Read More

又黎到測試黃店係咪一定難食既一日，今日入元朗，超級遠，又勁勁勁爆熱。尼間店之前想食好耐，但有直苦無機會，今日搵到女神陪我食，開心。叫左幾樣野share, 間野叫得羅東肉焿，當然叫翻個肉焿米粉，配一口鹽酥雞，之後有一份芋圓配精選炸物拼盤，最後就係芋見紫薯吐司。肉焿好似口水，好杰，但味道ok既，d肉就un左少少，鹽酥雞好味，炸粉唔會太厚，而且好多舊。芋圓對我黎講太甜，佢唔只糖水甜係連d丸子都甜xd不過芋圓係幾煙un好食既，裏面仲有d海藻水晶都好食的。最後芋見紫薯吐司，兩個人share係岩岩好，一個人會好濟，d芋泥同紫薯溶都好滑，配埋吐司包，好味…Read More

下午茶忽然想食小籠包，諗起新港城有翡翠拉麵，反正而家都唔洗排隊就試下，都好耐無食。我分別叫左一客小籠包同一個口水雞冷麵，諗住解下熱。先講小籠包，不得不說，佢做得幾好，皮簿多湯汁唔在講，佢d豬肉係有肉香，吸唒d湯汁後好滑，點少少醋好好食。之後就到口水雞冷麵，我自問算食得辣，但佢真係好好好好辣lol 麻到我個咀好似梁潮偉咁，麵質同雞肉係ok的，但味道太勁，我相信要食得好辣既人先食得到，如果佢淡翻少少就ok…Read More

高街，第一至三街一向都係搵美食既好地點，今次去一間朋友介紹既靚靚cafe。一入到去第一感覺係好舒服，雖然8成滿座但唔會焗促，空間設計，擺設做得幾好。由於唔太餓關係，叫左幾個輕食，繼續貫徹相機食先既大原則！我本身好中意食Smoke Salmon Egg Benediet，佢尼到既蛋幾好，都做到流心，煙三文魚唔會太咸，個南瓜泥好有驚喜，清甜感覺Caprese Salad我就唔多評論，因為我唔食蕃茄，見到都唔想食xdxdxd最後Fruit Bowl With Milk就打卡好靚好colourful，生果數量又好種類都多，根據我朋友講，唔好睇落好輕食，其實好飽，健康推薦…Read More

天氣咁好緊係同朋友去西貢玩下，玩到攰搵飯食，唔想比遊客價食酒樓湯，就搵左尼間好出名嘅泰國菜食午餐，佢啲鋪好細，勝在冷氣夠。我二話不說，嗌咗海南雞拼魚餅飯，佢啲海南雞好滑，無骨全部都係肉，同埋佢個飯係油香好多好好味，海南雞仲會配埋一個酸甜醬，有別於馬來西亞嗰隻黑豉油國薑溶，佢呢隻片泰式嘅感覺，再酸d好開胃。食泰國嘢就當然一定要叫生蝦刺身，佢啲蝦都新鮮大隻爽口，我嫌佢啲辣椒同蒜頭唔夠強烈味道。其實已經好夠飽，但始終口痕叫咗兩串串燒，分別係豬同牛，豬就幾好食，幾滑啲肉幾嫩，反而牛就出奇地失望，有d un無牛味，可以再好d…Read More

好耐無行D2 Place最近經過先知尼到有間金鳳，知道佢牛排好出名，不過午餐就當然唔食排啦，食翻d碟頭野。全部餐都跟湯同餐包，佢羅宋湯做得幾好味，唔會太酸，多雜菜。我叫左鐵板牛柳配司華力腸跟沙律，牛柳幾嫩，唔un，佢個汁幾入味，而且有d菇伴碟，另外沙律就係我最愛既雜果薯仔沙律。之後仲有個牛粒焗意粉，個汁有d咸，但意粉又無乜味，勝在夠大盤，份量非常足夠。最後個忌廉帶子天使麵，真心難食，帶子又細粒，佢個忌廉汁配天使麵食落好奇怪，唔會再叫！…Read More

下午三點幾熱辣辣，搵咗間冰室避暑，諗住食個下午茶飲杯凍奶茶爽下。呢間冰室樓高兩層，裝修都幾靚，地下有自家新鮮出爐麵包，全部脹卜卜望落好吸引。今次嗌咗三個餐，牛肉公仔麵腸仔煎蛋，不過不失，值得一提嘅係，佢全部都採用日本版出前一丁，係賣點之一。之後叫左個芝士咸牛肉潛艇，尼個好食，咸牛肉同芝士非常之夾，芝士口感豐富，而且稍微中和左鹹牛肉嘅鹹味。最後叫左咖央西多士，我中意落勁多蜜糖，麵包夠厚身，中間層咖央好正，酸甜配撘得好好，麵包炸到金黃好好食，推薦…Read More

東歐餐廳經過杜汶澤嘅加持，訂位滿座到成日話要預早一個月訂，超誇張，今日屎忽痕忽然想試，就打電話問臨時有冇位，可能平時好事做得多，又真係有3個位比到我^_^事前已經在網上做好資料蒐集，已經想好要叫什麼，首先我們叫了兩碗羅宋湯，比我想像中有點酸，但勝在料夠多，好多集材喺裏面。然後叫咗一個芝士焗牛脷盅，佢面嗰層係麵包，切之前侍應好細心問你使唔使影相，然後係你面前將個麵包切開一格格，牛脷好嫩，加埋芝士醬夾落啲麵包度一齊食，好好味然後第一個主菜係芝士焗三文魚扒，份量比我想像中多，魚肉焗到超滑，芝士又唔會蓋過佢海鮮嘅鮮味，鍾意食魚嘅朋友不能放過跟住第二主菜係香燒豬肋骨，呢個好特別食前一定要準備相機，因為佢會上菜喺你面前淋上著唒火既vodka，好似火燒火豬肋骨一樣，最重要係佢唔止賣相好，啲肉都非常之滑，而且有少許酒味配搭，又係不能放過…Read More