eatogether1's Profile

座落係尖東又鄰近海旁嘅尖東地舖，採用落地玻璃，成個環境都都覺得好chill好有空間感，非常之舒適～❤️泰式梳乎芒果糯米飯 hkd 138欣賞佢勁多芒果🥭而且芒果少酸得嚟都甜，配埋招牌軟熟梳乎厘，好夏天啊～❤️ 椰香冬蔭功海鮮意粉 hkd 126冬蔭功個汁夠辣都多汁，所以意粉好入味！海鮮仲有青口、魷魚同埋蝦！新鮮呀！❤️漢堡扒全日早餐 hkd 156有成半粒新鮮冇變點牛油果同埋兩個玫瑰花形嘅煙三文魚，都係我嘅至愛！仲有麵包都用牛油烘嘅，所以全部都好好食😋佢啲特飲都好推介，糯米芒芒椰奶沙冰唔會太甜，有啲似芒果糯米飯感覺。香葉檸檬特飲有用青檸同埋檸檬配梳打，非常清新！…Read More

好鍾意地中海風嘅裝潢設計，仲要近海邊，成件事好浪漫💕仲要食物樣樣都好食😋❤️tuna tartare 吞拿魚他他喜歡他的茄子蓉底，仲有黑芝麻，吞拿魚粒新鮮，而且有點酸酸甜甜，是一道很開胃的前菜❤️Dry aged striploin 熟成西冷牛排用Dry aged烹飪方法可以鎖住牛扒肉汁，而且肉質更嫩滑，份量也很足夠，❤️cesarecce pasta松露蘑菇 麻花捲意大利麵松露蘑菇又香濃，數量都很多，麻花捲意大利麵還可以沾上很多蘑菇汁呢！起喜歡這裏的cocktail,叫左Cazador's Sangria和Prey & Replay ，兩款都很容易入口，Prey & Replay的甜度會更高一點，更適合女孩子喔！而且超適合打卡的！絕對係食過翻尋味！…Read More

Joongang Haejang 一向係韓國都好出名，今日同朋友係到食lunch, 隔離嗰啲都係韓國人，想食正宗韓牛，呢度真係不二之選👍🏼❤️ 解酒煎餃子（八隻） hkd 68真係煎得好香脆呀！而且8隻大大隻，包韓牛同雜菜，好適合小酌二杯，談天說地。❤️ Bokbunja 覆盆子美容酒 hkd 130職員比左2個小酒杯我地share, 覆盆子係一種生長喺野山上嘅樹莓，而覆盆子酒就係韓國傳統水果酒，但唔會太甜，好易入口，仲有驅寒遞暖效果，我個人就好喜歡😊❤️ 牛腩湯火鍋 hkd 388冬天好岩食火鍋，牛腩上嘅時候已熟，所以唔使大火再煮佢，份量好多，而且都有好多雞髀菇，兩個人絕對夠食！賣相都好靚呀！❤️ 牛肚解酒湯 hkd 98呢個係小辣，而且係配飯，佢啲牛肚一面係黑色係因為佢哋冇好似香港咁染到變白色，所以係更加健康同埋更加食到啲牛味，個湯都好好飲！配菜就仲有Kimchi同埋醃蘿蔔，都係小辣，整體都健康，而且用韓牛，所以真係好正宗啊！…Read More

坐得舒服又大又乾淨嘅冰室可以係Airside 揾到呀！份量大都好食😋 值得一試！價錢仲好親民！今晚3個人一齊dinner~❤️ 雪糕西多士 hkd 45原來加雪糕係咁夾！！冷熱交融加上雲呢拿雪糕，真係好解同中和返本身西多士嘅少少油膩感！👍🏼❤️ 香燒羊架餐+ 美祿暴龍（有忌廉） hkd 147羊架唔會太勁羊味，一般人都接受到㗎！肉質鮮嫩，推介！❤️ 西冷牛扒餐+ （凍）檸檬百香果茶 hkd 147個西冷7成都好好chew 👍🏼 大讚！檸檬百香果茶嘅百香果味好夠，如果本身鍾意檸檬多啲就叫返檸檬啦！佢地仲有jumbo 版❤️龍鳳檸樂好特色！有成四片檸檬之外，仲要有粒大大粒嘅鹹檸檬！真係唔多餐廳有！秘制辣雞翼有成6件咁多同真心比較辣，但都好推薦食得辣嘅朋友叫！海味粉絲雜菜煲我個人都好喜歡，因為粉絲好入味，仲有好多海味蝦仔同埋菇！今餐真係食飽飽呀！呢度仲有好多特飲可以下次再試～…Read More

裝修好有特色，走月球風格。小食主食都好唔錯！mocktail cocktail都睇得又飲得，怪唔得咁full!!❤️J.moon佢個Signature cocktail 真係好正！！店員用氣泡槍整左2次大泡泡去打卡～而且係偏柚子汁味酸酸甜甜，好易入口❤️ Lyra呢款mocktail 都好有特色！係斑斕味！好似食緊泰式椰汁糕嘅感覺，同樣好飲👍🏼❤️ Angus Beef Burger with French Fries and Salad 欣賞佢麵包皮都用牛油煎過，而且安格斯牛好大件，仲有bacon,大滿足！ 薯條大大條，配左啲辣粉同紫菜粉，有啲似好味版嘅Shake薯條❤️ Salmon Poké Bowl好健康呀！佢個三文魚有簡單烤過，所以裡面肉質口感仲係好好👍🏼仲有我最鍾意嘅牛油果🥑、藜麥等等蔬菜，好健康！！主食好味嘅酒吧推薦～好有feel~~正！…Read More

呢間嘅裝修好靚！想去食好耐！今日同朋友去左the one 呢間dinner, 佢有2人dinner set,叫左2個main, 1 個starter 同1 個apple pie 🥧 仲送湯同法式麵包👍🏼❤️番茄湯飲得出係足料blend 出嚟，所以好濃味，又唔會太咸，仲飲得出其他配料香味👍🏼加埋牛油法式鬆軟麵包😋❤️ 法式點心拼盤
有炸辣蟹肉球，煙三文魚，迷你蛋批，香草芝士撻，雅枝竹蘸醬煙三文魚新鮮，炸辣蟹肉球唔會太炸，雅枝竹蘸醬配菜好清新，值得試吓咁多款法式點心❤️ 龍蝦馬賽魚鍋有成半隻活龍蝦🦞欣賞佢俾曬工具剝龍蝦，肉質嫩口，加上海鮮番茄醬汁，好夾！盲鰽魚都係煎得皮脆肉滑！仲有好多黑青口同茴香酒燒大蝦，係豐富海鮮餐！❤️ 法式蘋果撻由多塊切成薄片嘅蘋果整成嘅蘋果撻，多蘋果，撻底薄，配埋雲呢拿雪糕，味道酸酸甜甜同朋友都叫左cocktail,個人比較喜歡 Green apple Mojito, 清爽又甜👍🏼happy hour 有買一送一呀！抵！仲有呢間嘅水都好特別，係加薄荷葉，好香呀！另外服務都好好👍🏼待應上菜都係你食完先上，而且仲會問下你食物點樣，真係好有心！…Read More

鰂魚涌嘅太古坊真係有好多餐廳！但係呢一間真係好有feel ～個環境好靚，佢係室內酒吧，但都有室外位可以坐，好適合同朋友傾偈!不過同朋友都唔肚餓，所以冇叫咗好多嘢食，但係飲品真係好好飲啊！就咁嚟Chill吓都好正！ ❤️Organic Pomelo Salad (+hkd18 shrimp) hkd 156佢個柚子沙律又靚又好食！！除咗好多柚子之外，仲好多其他配菜，例如蕃茄仔、三色椒、洋蔥🧅同其他herbs 等等！配埋花生同佢個柚子汁就真係好好味🤤而且係勁大份！❤️ Detox Verde hkd 48Happy hour 3-8pm 好長！呢杯好清新呀！雖然個成份有菠菜，但係青檸汁湯同綠茶令佢冇咁青嘅感覺，推薦！❤️ Perfect Detox hkd 48紅菜頭🫜味係飲得出嘅,不過佢本身仲有檸檬汁糖蘋果汁，加埋蜜糖，所以都係好容易入口感！之後都嗌咗佢嘅 Signature steak,正常發揮。仲叫咗Thai High Gin 呢款cocktail,酒味都比較重，但係勝在個變色效果真係好靚!有加一，但真係坐得好舒服！就算唔飲酒，都有好多好好嘅飲品可以揀！仲要可以帶狗狗🐶👍🏼👍🏼…Read More

同朋友一齊食串燒傾下計，成晚都幾爆，朋友係咁讚好好食，難怪keep 住有人！而且佢啲醬汁係師傅特別調製，同普通串燒真係冇得比，叫左好多款，特別必叫以下！❤️ 燒瀨尿蝦乾 HKD68呢款唔係間間都有得食㗎，可能要大澳先食到，細細隻又多，小酌一流，必叫！！❤️ 燒羊架兩件 HKD 108肉質超級嫩滑！真心燒嘅時間啱啱好，好味死！而且係唔會有臊味！放心叫！❤️ 燒扇貝配蒜蓉 HKD78好大件，而且好入味啊！粉絲都吸晒啲汁，所以我覺得又係一定要叫嘅❤️ 燒菠蘿 HKD48真係好似落咗糖咁甜呀！出面仲有香脆嘅焦糖，當甜品啱啱好！仲有好多款都好好食得好原隻燒魷魚都好推介呀！朋友一齊叫左青檸梳打，啱啱好可以解油膩，整體100分！服務都好好，都會好細心嘅介紹食物同埋提醒你要點樣食👍🏼👍🏼有加一～但真係好回味，同埋成日都會幫你執枱，真係食得好舒服！…Read More

係中環揾食真係唔容易！今日去左間坐得好舒服，而且好啱同朋友傾計仲有戶外嘅中餐廳，背景音樂係英文歌，好推薦呀！佢個set 包曬點心同蒸飯，仲有靚湯，啱晒滋補嘅女仔～❤️ 午市點心拼盤（蝦餃|燒賣|粉果|叉燒包）一人一籠點心，個人最喜歡蝦餃、燒賣、叉燒包。除左佢個熱度好保持到之外，燒賣都好多蝦，樣樣都好好食🤤仲有西蘭花🥦❤️ 蓮藕茶樹菇粟米排骨湯非常好飲，好足料！好夠味嘅老火靚湯呀！可以好好滋潤下❤️ 迷你蒸飯我同朋友試曬北菇蒸雞同梅菜蒸豬肉，個人更喜歡北菇蒸雞，可以多啲雞就好啦！啲雞好滑好嫩我哋簡左香片，茶都好靚，仲好細心比杯水我地。同埋待應見到我拎好多嘢，仲拎多張櫈俾我放嘢，又會主動介紹食物，仲提我地小心熱，而且食完先上下一碟食物，整體感覺食得好滿意同好舒服！推薦啊！…Read More

近期食過覺得服務非常好嘅印度餐廳！所有嘢都好好食😋環境都好好，地方又大仲要有室外添！真係好啱同朋友一齊傾吓偈聚吓～❤️Afgahani Mushroom 阿富汗瑪莎拉香料芝士釀蘑菇 $128呢款前菜好得意呀！佢每一串都有四個蘑菇，兩個蘑菇之間夾住一啲芝士、自家製馬莎啦、仲食得出有啲豆醬，非常好食！❤️ Butter Chicken 馳名牛油咖喱雞 $148呢款非常易入口！無論係個質定係啲雞都好滑！butter chicken 食得多，但係真係覺得呢個好好食！❤️ Palak Paneer 茅屋芝士球 菠菜蓉咖喱 $138好多芝士球喎！目測大約有10粒咁多！菠菜蓉都好嘢味，食得好舒服！❤️ Sunhari Laccha Naan $52呢款皇室烤餅佢話材料有番紅花、罌粟籽、杏仁，整得好鬆脆👍🏼又唔會好似Paratha 咁油，一樣推薦！整體覺得好滿意👍🏼特別係啲服務好好！食完前菜幫你碗碟、隨時幫你斟水、主動幫你影相！所以有加一都抵比佢呀！…Read More

今晚同朋友去咗呢間喺灣仔新開嘅餐廳，佢有啲似Cafe，感覺小清新，真係好啱年輕人啊！而且出面仲有地方可以比狗仔同主人一齊食嘢，成個感覺好chill～今次我哋就食咗兩個都係tasting Menu嘅，咁就可以揀一個前菜、一個主菜同埋一個甜品❤️雜莓橙柳合桃沙律（素）我個人最喜歡這個！沙律清新可口，草莓和藍莓與橙子的酸味完美結合，搭配香脆的合桃，蜜芥醬更增添風味！而且非常健康啊！🧡冬蔭汁藍青口鍋藍青口在冬蔭汁中浸泡，帶來濃郁的香氣。配上一片香脆的烤麵包，完美的海鮮享受。🧡山葵醬蟹肉薄餅真係第一次試！薄餅是薄皮的，蟹肉分布均勻，山葵醬添增了獨特的香氣和微辣感，薄餅底部酥脆，是一款令人驚喜的小吃！🧡拿坡裡辣肉腸火腿意大利麵意大利麵是這裏的招牌，因為他們都是使用手工意粉。搭配香辣的拿坡裡肉腸和火腿，番茄醬的酸甜平衡了肉類的油膩。🧡提拉米蘇咖啡的濃郁與奶油相互交融，但我個人更喜歡更多的咖啡味🧡咖啡焦糖布丁個人覺得如果上面嘅焦糖可以有火槍燒過，令焦糖變得香脆就更完美了！整體體驗非常好，服務質素很不錯呢！特別欣賞佢哋係你食完一碟再上另一碟，令食物保持熱度！…Read More

坐落喺怪獸大廈對面，選址非常之方便上班族的一間餐廳，今晚同朋友去食飯傾計，環境好舒適，係日系嘅感覺，最開心職員仲安排左卡位比我同朋友。我地叫左2個 set dinner，前菜有餐湯、薯仔沙律同日式蒸蛋，都算幾豐富。❤️ 北海道牛油味噌松葉蟹膏蟹肉湯烏冬 hkd 148食材都算豐富，除左真係有牛油之外，仲有松葉蟹膏蟹肉、蛋、粟米同埋筍，不過如果可以熱啲更好！❤️ 烤紐西蘭羊扒配開心果香草醬 hkd 228羊味都幾重，我地叫左5成熟，今次咁岩我地啲羊比較肥，所以配有開心果香草醬比較可以解肥膩感，覺得配菜個薯蓉都幾滑～❤️ 宇治抹茶芭菲 hkd 58配有雲呢拿同綠茶雪糕，仲有脆脆係底，仲有蕨餅，提升整體口感和層次。個人推薦這個。❤️ Royal Sunrise +hkd 30由士多啤梨和橙汁配上梳打水，個花食得又整得靚，好岩打卡整體不俗，適合同朋友聚下同打卡…Read More

原來銅鑼灣都有德國餐廳 ！唔洗去到赤柱咁遠！呢到除左豬手出名之外，晚餐都同樣好食😋同朋友都好enjoy!!❤️德國風乾肉和芝士拼盤 hkd 280呢個拼盤大約可以比兩至三個人食，真係好食又好適合打卡！除左有黑森林火腿之外，仲有芝士配埋德式麵包圈，味道同賣相都滿分💯好適合同朋友chill 住食同傾計❤️ 紅酒燴牛尾配珍珠洋蔥，番薯薯條，蒜芯，甘筍苗hkd 368食完個芝士拼盤已經好飽，不過都叫左個main 2個人一齊share，佢個牛尾係用燉嘅方式，所以肉質比較滑，但係記得要趁熱食！❤️ Mulled Wine hkd 58即係熱嘅香料紅酒，呢一款係一定要叫喎！佢每一杯都好抌本咁樣放玉桂條，賣相都好吸引，而且真係好啱冬天飲，飲完係暖笠笠！同朋友都勁鍾意！另外都試左Spice, 係用薑酒配金桔，但係熱紅酒實在太搶fo, 呢杯就算係比較清甜啲。如果想健康啲，唔想飲酒都可以試吓佢哋嘅jasmine’s garden,賣相好靚嘅花茶。另外，佢哋最近仲同好出名嘅安記海味合作出咗鮑魚蘿蔔糕，除咗個面有三隻鮑魚之外，裏面都有鮑魚粒，而且係冇防腐劑，真係好健康！而且而家買兩底仲有九折優惠添！嚟緊假期可以同朋友好好分享一下！💁🏼‍♀️服務：有加一，職員好樂意為你服務，好友善～🏡環境：好夠大！好適合同朋友傾偈…Read More

呢一間係行牛陣嘅高級路線，所以食材都會更加優質。餐廳主打和牛壽喜燒，而且佢嘅午市套餐仲有埋前菜同埋無限嘅雪糕，真係好吸引。❤️鹿兒島縣產 黑毛和牛 壽喜燒 hkd 189真係好驚喜！因為呢個和牛雪花比例真係超好！佢唔會太肥，但係口感食落去都係好滑㗎 ！加埋生蛋真係冇得輸！呢個質素完全性價比高啊！必叫！❤️ 本日推薦海鲜涮涮鍋配'極”黃金鰹魚湯底 hkd 199海鮮有大蝦、魚片同埋大粒嘅生蠔，食材都好新鮮！同鰹魚湯底好夾！而且我欣賞個大蝦冇蝦腸🤣食得放心~配埋三款前菜、野菜成盒、烏冬，成個套餐已經好夠飽同埋好豐富！雪糕嘅口味今次係芝麻味，其實雪糕係可以任食，但係實在太飽，所以同朋友一齊分享咗個雪糕，芝麻味香濃！加埋環境都好舒服，朋友都話會再嚟！💁🏼‍♀️服務：有加一，職員好樂意為你服務🏡環境：光線充足，非常寬敞…Read More

所有餸菜都好大碟呀！完全超出想像！覺得佢個三人餐好抵呀！hkd 248就可以有一個主食+3個小食，仲要包飲品，再可以加錢叫埋芒果糯米飯，認真抵食！-醉貓豬頸肉炒河啲豬頸肉超級大嚿！滿足呀！-泰式鮮蝦粉絲鳳爪沙律無論係鮮蝦、粉絲定係鳳爪份量都好多！係一大碟咁樣上❤️ 泰式鮮蝦餅呢款係必要！除左有4大塊之外，蝦餅配埋芝士真係好夾！第一次食到有拉絲嘅蝦餅☺️-泰式粉絲扇貝扇貝都有四個咁多！真係好驚喜！平時就咁食扇貝已經要二百幾蚊🤣仲要加多$48就有椰汁芒果糯米飯，芒果份量超多！！💁🏼‍♀️服務：冇加一，職員好樂意為你服務🏡環境：餐廳出面有得泊車，好方便！…Read More