kevin_wong80的個人專頁

日本人追求美味既認真同執著, 全世界都知!行過銅鑼灣, 見到有間新舖將日本師傅甚至成間拉麵店引入香港! 試下先!甫進店內, 發覺店舖不大, 但咁就更加有日本拉麵店既感覺! 座位雖不大, 但仍算舒適! 如果可以貼心一點, 預番位置或籃子給客人放行季會比較方便一點!坐底無耐, 店員便遞上餐牌, 講解每款拉麵既不同之處, 態度親切! 遺憾既係當天因為食材問題, 沒能吃到至尊叉燒拉麵, 只好試試它既經典叉燒拉麵, 睇睇有幾經典!第一次試, 還是先試試”普通”的麵質吧!今次是用紙落單的, 但其實店內有部自動售賣機, 可惜暫時運作, 未能一試!希望下次可以試到~在外面是能夠看到廚房的工作的! 旁邊有芝麻供客人們自行添加!等左一陣, 黎啦! 上菜速度適中, 不會慢到令你想離開, 也不會快到令你懷疑新鮮度!濃厚既豚骨湯味道襲來! 第一個感覺係, 好香!第一口豚骨湯, 印象很深刻, 因為味道實在太濃啦! 而且湯底有一丁點”結”的感覺, 應該是因為真正用豚骨熬成的關係吧! 很有驚喜的湯底!之後就是”普通”麵質的拉麵, 也是很影響一碗拉麵評價的主角!雖然點既係”普通”, 但咬口好好, 好有彈性, 而且不會輕易斷開! 老實講, 雖然唔係吃過之中最好既, 但已經比香港絕大部分既拉麵店好啦!再來就係叉燒! 到底它如何經典呢? 跟外面所謂叉燒拉麵不同, 呢到叉燒係薄切, 所以咬口不會韌, 有一種入口融化既感覺! 除左口感外, 味道還是很香的!下次一定要試試至尊和芽菜叉燒拉麵!…查看更多

今次係vcity入面, 見呢間主打泰國菜, 8點前入坐, 唔使等位直入!今次一共兩個人, 因為個朋友都唔係太食得辣, 所以無得試冬蔭公湯 ....... 見到其他客人食真係好似好好味咁, 可惜!什錦拼盤:一共有5樣野 : 魚餅, 蝦餅, 雞翼, 春卷, 串燒咩都可以試下, 唔錯, 雞翼外皮夠脆, 特別係串燒, d 肉keep 得好好, 唔會老, 搞到我好期待之後個半打沙爹串燒沙爹串燒:最多可以mix 兩款, 有雞、豬、牛三款, 我地要豬牛拼 ~狂推牛!!!肉質讚!!!沙爹味濃, 食唔停口!扎肉金邊粉:清清地上湯, 淨食小食又唔夠飽, 全部小食都係濃味野, 我覺得叫個淡味既粉唔錯, 而且可以填下肚, 暖下胃~香茅豬頸肉:呢間真係個火侯控制得好好, 串燒之後, 豬頸肉又係肉質正, 又爽口又滑, 重有少少肉汁, 加埋d香茅味, 好滿足!!香茅雞翼:真係實物如圖!!!同什錦拼盤雞翼一樣, 不過呢碟就惹味d, 要夾埋d蔥同香料碎一齊食! 食一碟什錦拼盤得兩隻又點會夠侯, 點都要叫多碟啦, 真心推介! …查看更多

得10度個日, 幾怕凍都好都要食番個龍眼冰!唔好睇個碗野白雪雪好似唔吸引咁, 一食就停唔到口!全碗主要內容都係龍眼味沙冰, 沙冰甜度岩岩好, 好清甜, 龍眼味適中。而且冰既碎度適中, 有似食緊綿花糖軟綿綿既口感。沙冰入面有椰果粒,龍眼粒同大粒西米, 口感非常豐富。椰口夠大粒夠咬口, 龍眼粒就細粒d, 幫個沙冰增加甜味!雖然天寒地凍係出面排真係好辛苦, 但係為左個龍眼冰都值既, 真心推介!!…查看更多

聽朋友講過好多次, 一直抽唔到時間去食。今次終於抽到少少時間, 即刻出佐敦山林道食串燒!去到山林道, 搵左一陣, 原來係巷仔入面…講真有少少難搵…入到去望下周圍裝修佈置, 幾靚仔的的色色咁:坐定揀野食先, 種類算多, 就算無選擇困難症既我都揀左一陣先有定論。惹味燒韮菜:一上到黎已經聞到好香, 落埋孜然粉更加不得了!如果係鐘意食韮菜, 呢個係必食之選。之後係燒龍蝦肉丸, 車厘茄串, 燒鮮冬菇串, 6寸珍寶香草肉腸, 燒汁八爪魚:每種都香咪四溢, 食落都幾好食。值得一提既係個車厘茄, 真係好多汁!!跟住到肉類啦。脆燒雞皮, 燒雞腎, 脆燒雞軟骨, 黃金蒜蓉燒扇貝:試左個雞腎先, 唔算太有驚喜, 不過不失。扇貝就推介既, 夠鮮甜, 加埋蒜蓉都幾香口。反而第一次食雞皮, 有驚喜, 未試過既朋友可以一試。燒汁牛油栗米:夠香, 不過我自己覺得一般, 可能因為我鐘意食多汁既鮮栗米, 而我朋友就讚。最後係原條茄子: 從可樂對比返個比例, 已經可以睇得出有幾大條……見到都真係嚇親!茄子本身好食, 配上上面既野好香～總括黎講, 其實好多野份量都足夠, 呢次係一男一女去食, 大家都食都捧住個肚走。埋單唔算貴, 合理水平啦～…查看更多

Pancake Colour 唔係真係一間皇宮, 而係入變裝潢好似皇宮, 每個四人座都有差唔多兩個人咁高既梳化, 雖然餐廳有唔少其他既食客, 呢種設計俾人有種 cubicle 既感覺。Happy Friday 約左前度女友出黎食飯, 兩年無見, 佢靚左, 揀呢間餐廳亦係佢既意思, 因為佢記得我鍾意食石鍋飯, 個種暖意係冬日真係由心底入便滲出黎。所以我點左既就係西京牛柳粒溫泉蛋石鍋飯, 而幫佢點左千層麵 (因為我都記得佢鍾意食 Lasagna), 再加多兩個小食, 一個係芝士肉醬焗薯條, 另一個係 American Buffalo Chicken Wings。點完菜, 我開始關心佢既近況, 傾下傾下, 侍應拎住兩個碗過黎, 原來係正餐前既羅宋湯, 非常開胃, 尤其係係食呢一餐之前, 因為見客既緣故, 食左個西多士做 tea, 未至於飽, 但係有 D 膩, 呢個湯濃度適中, 特別係酸味。 原來既我對好多餐廳既餐湯都不感興趣, 今次少有的成碗清哂。隨之而來既係佢既千層麵, 賣相討好, 由於有我最鍾意食既芝士, 所以我都有切一份黎試下, 肉醬加焗乾既芝士真係賣飛佛, 至於麵層有少少似拉麵個種煙韌, 我同佢都好 arm 食, 我切 D 黎食, 佢又切 D 黎食, 又令我諗番起以前………食緊千層麵既途中, 我既西京牛柳粒溫泉蛋石鍋飯到啦! 個樣超靚仔, 勁討好。不過唔可以咁心急, 除左篤爆隻蛋, 等 D 蛋妝黃慢慢滲落去, 最緊要既係平均咁倒呢碗特製醬油落去, 之後再攪攪攪, 攪到每一粒飯都沾滿蛋黃同醬汁為止味道呢, 先講飯, 飯質因為有蛋黃同醬汁既緣故, 所以有少少濕, 濕得黎好香, 因為係濕濕既飯粒同時亦有痴住石鍋既飯焦, 達到應有既石鍋飯水準。至於肉, 完全係喜出望外, 係石鍋熱住既情況下, 直至我擺入口個一刻, 大概有已有八成熟, 軟硬適中, 鍾意食牛既人都會明白, 食牛唔可以太熟, 太熟就會老, 老就會韌, 依家 arm arm 好, 肉味配搭特製醬汁, 有和風既味道, 唔錯唔錯, 更加令我懷念以前同佢一齊 share 一個石鍋飯既回憶。再黎既就係小食~~ American Buffalo Chicken Wings 同埋芝士肉醬焗薯條。至於呢兩個小食, 只能夠講鍾意食香口野既人都會鍾意, 好似我前度咁, 佢就一般, 但係我呢, 我自己一個食哂盤薯條, 雞翼食左三隻, yum yum yum~~~ 其實我咁大個人, 仍然係一個小朋友~~最後黎餐茶, 杏仁茶與檸檬菊蜜, 中規中距, 相比起之前食既野, 係一個幾唔錯既結尾。P. S. 之後我地去左睇戲 =] …查看更多

OT 同同事食飯，得$50飯錢，唯有平平地求其食上海野叫左雞絲擔擔麵，雞絲OK, 仲份量唔少，不過湯底一般，可揀辣或唔辣，要左辣，變左得個辣字，D麵幾好，粗幼適中，唔太硬同唔太冧，覺得如果個湯底再調教一下，唔好咁辣，多d 花生味就更好啦～仲有豆漿送，不過偏淡，有改善空間～…查看更多

今日朋友帶左我去呢度食晚飯, 裝修簡簡單單, d枱都擺得幾密, 不過都尚算舒適!試下佢個越式金邊粉, d料都好足,味道不錯!!又試左佢個牛油蒜蓉焗青口!! 好鍾意呢個小食!牛油加蒜蓉好香.. 正!最後呢個烤肉棒生菜包, 肉棒嘅味好濃郁,包埋d香葉同酸蘿蔔一齊食, 好特別!! 不錯!!總括黎講今餐都算不錯.. 份量足,夠晒飽下次同多幾個朋友黎可以試多d唔同ge小食!!…查看更多

今晚出深水場買電話野~買完又係時侯搵下野食~福榮街不嬲都多野食~,今晚就揀左去好耐無食過既泰潮~門口有一大隻泰式滷豬髀, 睇到即刻3尺口水~坐底左就叫左個活生蝦刺身~..點知D蝦雪得太耐...比起九龍城泰國野個D..依到貴又唔好食~好彩主菜泰式滷豬髀飯餐有料到~ 滷水蛋, 大腸好味~豬髀肉又軟又入味~正~!龍眼冰+10$但係淡既..多水得仔...…查看更多

個晚去親戚到食飯, 去左黃大仙, 食完行下黃大仙商場, 見到有間甜品店..死啦..我就肥死架啦~XDDD本來無唸住食既, 但係係屋村既小小甜品唐, 竟然有心太軟, D 賣相仲好靚, 肥就肥啦~佢D WAITER幾好招呼~又推介甜品~我呢就叫左個木康布典~一來本夾中意食, 2來佢既賣相吸引我~ 18蚊又唔貴BOR~佢用左個高身既杯黎裝, 睇落好有層次感~木康呢, 細粒又清香~唔錯~如果今次唔係太包, 一定食佢既心太軟, 賣相一流架~!!!!大家試完話我知~…查看更多

今日去開香港仔個邊D幼稚園做野, 做到累就想搵D野飲下, 就去左湖北街既"3樣好", 依間野之前黎過架啦~當然唔只3樣好味啦...好多都好好食架~之前聽個呀姐講依間野好多年歷史架啦, 有成3,40年添~間野雖然耐, 但佢既甜品耐唔耐都有新款新驚喜既.入到去因為太口乾, 就叫左杯蔗汁飲下先~我最中意飲蔗汁架啦依到D蔗汁呢唔似MK個D加晒糖個D甜..係真係清清地既甜~之後我就叫左雪糕三色龜苓膏 , 見佢幾特別~佢係由雲呢拿雪糕, 大同細粒既西米, 同龜令膏4樣野合埋一碗而組成的~我最中意大粒西米~煙煙韌韌, 平時又好少食到咁大粒~另外呢~佢個龜令膏又甘又濃....幾好食~!…查看更多

今晚放工, 順便食埋飯先回家~, 唸住求其搵間茶餐廳食餐算~後尾就去左新萊發茶餐廳.因為見間舖幾多人~又幾大~見到好多煲仔飯~40幾蚊2併煲仔飯又有野飲~抵~我就叫左個窩蛋牛肉煲仔飯, 35$ JA, 開左蓋見到隻蛋剛熟, D牛肉又幾多幾靚, 又多薑絲配料~D牛肉食落好嫩, 唔似牙, 正~!+埋野飲就叫左凍檸茶, 5片檸檬又大大杯, 幾抵架~下次冬天凍D再去過先得~…查看更多

今日去開觀唐做野, 下午唔知去邊到食, 行到鱷魚恤中心, 就見到CoCo壹番屋.依間野係日本聽講幾出名, 有成千間分店~咁就入去試下~嘩..佢原來有成3,40款揀, 多到可以1日食1款~舖頭都唔細, 睇落去有成40幾個位~睇個MENU 好多野揀, 飯量 ,辣度及配料都有得揀~ 飯200G 可以減5$, 加飯就要加錢~咖喱汁又有7種辣, 配料又唔同價錢~我就叫左牛肉奄列咖喱飯,佢既蛋又有蛋汁, 又滑~牛肉粒又好食, 加里汁都幾香, 正另外+左個檸檬炮冰~都幾好食架~跟餐18$JA…查看更多

今日經開土瓜灣, 去完欣榮花園附近銀行羅完錢, 見有d肚餓想食碗粉, 就去左間大茶餐廳德昌啦~記得之前經開九龍城, 見依間野出面排晒長龍, 雖然依間係分店, 但都去試下啦~入到去, 嘩, 原來間野咁大架, 入面可以等同成間美心/大快活個d, 差唔多坐滿架, 坐底左就叫左碗魚蛋粉同杯凍奶茶~侍應招呼都快手, 唔似上次德福個間野...等左唔駛幾耐, 碗粉到啦, 雖然我叫魚旦河但碗粉有幾片魚片~唔會成碗剩魚蛋, 4粒魚蛋3塊魚片~^^幾足料架河粉都算滑, 係個湯底清左d無乜味~另外杯奶茶奶味同茶味都有~適中~唔錯~…查看更多

今日下午同同事去左合和附近既橫街食小菜, 間舖頭叫金源~入到去,完來佢有2層, 上層好隱敝~唔知係未偷偷地開埋樓上呢~我地一行人坐左張大台, 由於地方唔大, 所以都幾逼下~環境衛生一般~如果對依2樣有要求既可以唔駛黎~好..一開始就食晒D杯碗先~同事就叫送~送未黎就黎左例湯先, 飲完可以再添, 正~!!!!!個D老火湯黎架~之後主菜黎啦, 就係手撕雞, 如果你平時懶既人..手撕雞係無骨既~淋埋佢D汁...我唔理高唔高膽固醇, 我都要食佢既雞皮架啦~KAKA之後呢另外仲有幾個小菜都好好食架, 中式牛柳, D牛唔似牙~D汁又幾野未~魚腸焗雞蛋, 一D都唔醒, 唔錯~之後食完呢, 就叫左佢自制既甜品-木康布典, 我就要左好立克未, 好好食呢~又唔太貴..10多元~下次都要自己買個外賣黎食先~@@…查看更多

上星期有2日係九龍城食野~1日就食左泰國野, 另一晚就去左食依間台灣牛肉麵~九龍城依間呢, 我覺得比其仔既台灣牛肉麵好~2人餐都係120蚊到, 都幾抵架~個晚叫多左個小籠包~, 但中規中巨~唔食無損失既都~去骨鹽酥雞, 唔錯, 係略為咸左少少~@@紅燒牛筋牛肉面, 牛肉軟熟, 湯底香濃, 又鬆化, 好食, 不過湯底似乎味精重左少少手=], 2者相比, 我仲中意清燉牛肉麵.個蒜蓉菜比起出面都算幾大碟架~最後飲埋杯鋒蜜菊花清熱下, 飽飽~…查看更多