老光的個人專頁

由巷仔轉左出大街，少左黎食喇，一來少左揸車過黎買汽車產品，二來個價錢都貴左好多，相信同租金有關吧⋯⋯好耐無過黎食，之前食過金沙撈麵，還可以啦。今日再去，食鼓油王炸醬撈河，好失望⋯只有咸味，無炸醬味⋯一路食又有啲烏蠅仔嬲黎嬲去，食完仲要有啲肚痛⋯希望搞搞啲烏蠅仔啦，真係好影響食慾唉，以前觀塘一排麵檔，清拆後重開嘅都無辦法做得返以前嘅水準⋯ 好心酸⋯估唔到特登出去搵麵食，都一樣失望而回，呢間應該唔會再食了。…查看更多

迫人食前菜，唔俾取消，話：「一係轉過另一款前菜啦，呢d係伙記下欄錢，取消就伙記無左「辛苦錢」，好難做。」乜你地公司難做到客人唔要「下欄菜」就無糧出？之後部長又話：「餐牌有寫每有幾多位就指定要幾多碟前菜，無得唔要。」咁你地喺門口大大隻字寫明「前菜焗食無得唔要」吖嘛！坐低先迫客食？你餐廳人均消費都百幾二百架啦，差嗰十幾廿蚊交租呀？其他野食無乜問題，湯、小菜、雞、魚都唔錯，但擺低兩碟睇到都唔想食嘅野迫客食係咩情況？…查看更多