cc sissy's Profile

抵食得嚟 老闆仲要勁親切❣️九龍城點止得泰國嘢 今次就發掘到一間港式小食店重點係款式多 價錢平 即叫即做！仲要開到成凌晨一點🤤炸雞髀🍗超級無敵大隻 即叫即炸 拎上手時真係超級熱雞皮超酥脆 咬落去啲肉汁流晒出嚟 雞肉入味 口感嫩滑🤤咖喱魚蛋勁鍾意個咖喱汁 完全係港式咖喱魚蛋嘅精髓 夠香口配呢隻細細粒嘅魚蛋 一食就係香港嘅味道🤤燒賣$7有五粒 完全係佛心價 食落有魚味唔係成嚿粉配埋個秘製辣椒豉油食 夠晒滋味🤤生菜魚肉生菜魚肉一諗起就係滿滿嘅麻油香同胡椒味一開蓋果然係預期嘅味道 生菜吸收晒湯頭嘅味道魚肉大大粒 食落彈牙 有魚嘅香氣🤤煎釀三寶$10一份有四件 最鍾意紅腸同茄子🍆同啲魚肉夾埋食有兩重嘅口感🤤炸雞翼雞皮炸到金黃色 食落好香口…

送朋友去坐高鐵 臨分開之前梗係要食啲地道嘅食物啦朋友鍾意食清湯腩 咁啱呢間有好多人幫襯 一於食佢❣️清湯三寶飯三寶有牛腩、牛筋、金錢肚飯同餸會分開上 一份勁足料 超大兜牛腩想要肥定瘦可以落單時講定 我就要咗半肥瘦 食到脂肪部份嘅香味 牛腩有炆到好入味牛筋最重要梗係要炆得腍啦 金錢肚大大件底下仲有幾件白蘿蔔吸收晒牛嘅精華❣️咖喱牛腩河咖喱牛腩配河粉真係第一次食 初初以為係湯河點知其實係撈河咁樣 港式咖喱汁勁惹味汁嘅份量足夠撈晒成碗河粉 牛腩炆得好腍 份量都好多❣️菜肉雲吞上海麵拼魚蛋菜肉雲吞好似乒乓球咁大粒 咬落去肉同菜嘅比例剛剛好而且雲吞皮超級滑溜 魚蛋重魚味得來夠晒彈牙呢度嘅上海麵係幼身嘅 食落都幾滑溜…

灣仔出名多好嘢食 行美食展前一於嚟醫下肚先～星期日有供應brunch set 包括頭盤＋主菜＋飲品 夠晒滿足Starter❣️法式香草蛋沙律係Caesar Salad 沙律菜同沙律醬已經拌勻 好有誠意雞蛋上面都有一層mayo 夠晒開胃❣️炸白汁三文魚球麵包糠卜卜脆 一咬落口勁流心 白汁好creamy 仲有啲三文魚蓉 Main❣️早午餐奄列拼盤一份勁滿足 西斑牙火腿有咸香得嚟冇豬臊味牛油果蓉滑溜得來又有牛油果粒粒 層次豐富燒薯粒好香口 田園沙律滑新開胃❣️香煎盲鰽魚魚肉結實得來不失滑溜感 魚皮煎到好香脆配埋北非小米、法邊豆、蕃茄紅甜椒醬汁食 好味得來又健康❣️普羅旺斯香草燒蝦蝦肉大大隻爽口彈牙配上番茄茴香酒香草醬汁食落香口 配埋多士食口感更加分明❣️開心果焦糖燉蛋冇諗過份量咁大 燉蛋滑溜焦糖香脆仲有烘脆開心果粒粒開心果控必食呢度雖然舖仔細細 但裝修好有格調 而且店員非常友善 唔怪得咁多競爭都滿座…

行過發現呢間冰室 乾淨又企理原來係父子檔開舖 老闆仲好有心思咁介紹出品阿仔負責廚房 除咗小炒出色之外 見碟頭飯都一樣靚仔😍例湯都超足料 係青紅蘿蔔粟米豬骨湯～❣️鹹魚雞粒炒飯炒飯粒粒分明 好有鑊氣 食落乾身唔油膩鹹魚帶有鹹香 與雞粒的鮮味相互輝映❣️黃金蝦球成隻蝦都好脆口 蝦肉大大隻 外層炸漿好fluffy 空氣感好重 充分裹滿鹹蛋黃 食落鹹香惹味 但一啲都唔油膩❣️鮑汁菜膽雞遠遠已經聞到鮑汁嘅香氣 芡汁打得好靚 唔杰唔稀 雞肉有咸香 全熟得嚟非常滑溜 仲有幾條菜心圍邊❣️紅燒豆腐斑腩煲個煲燒到好紅 上檯時吱吱聲 呢啲就係港式風味嫩滑豆腐輕輕炸過 班腩鮮嫩入味 仲有啲薑段同草菇 非常下飯❣️海味什菜煲一般食店只會用海味或者海鮮 呢度係兩樣都用晒有土魷、大大隻嘅蝦乾、鮮魷、大蝦、斑腩飲落個湯頭係非常之咁有鮮味 夠晒足料冇得呃人啲菜同粉絲吸收晒海鮮嘅味道 超級惹味…

落大雨 食完米芝連雲吞麵望過對面就發現到呢間飲品店 個店名咁特別叫牛油果先生就吸引到我注意啦～因為我都係一名牛油果控🥰見到店家秉持四真：真蔬菜：拒絕冷凍蔬果汁真鮮奶：嚴選日本明治鮮奶真乳酪：嚴選香港維記乳酪真鮮果：嚴選新鮮澳洲牛油果就等我每樣生果都嗌嚟試吓先～三隻色有晒幾吸引🥳雖然店員唔建議走糖 不過我堅持 其實一樣咁好味！❣️一桶8424真正飲得又食得 一桶裏便有新鮮嘅西瓜汁仲有大大嚿嘅西瓜 底下原來仲有寒天脆波波飲落夠晒清甜 一桶夠晒份量 行街慢慢飲勁解渴❣️芒芒碧根果乳酪芒果好香甜 乳酪酸酸甜甜 底下仲有啲芒果蓉配埋啲碧根果有咬口 絕對推介俾芒果控❣️牛油果羽衣甘藍藍莓加芝士牛油果同羽衣甘藍真係超級匹配 飲落帶淡淡青草味羽衣甘藍已經打爛晒 絲毫沒有渣 藍莓粒粒有咬口手打芝士夠晒挺身 又有咸香 幸福能滿滿見到店面乾淨企理 即叫即做 飲得好放心…

潮州嘢成日覺得一係就好貴 一係地方就會好污糟嚟九龍城呢間就顛覆咗我嘅想像～裝修有滿滿嘅中國風 座位闊落 價錢又公道❣️滷水鵝肉拼有鵝件、掌翼、豆腐、雞蛋、紅腸鵝肉滷得夠晒入味 掌翼炆到好腍 係膠原嘅感覺❣️油鹽水花甲細心位係花甲已經開晒邊 食得好方便 真正真材實料花甲煮到恰到好處 唔會韌 夠晒鮮甜湯頭有滿滿嘅胡椒香味 配埋啲芹菜 撈飯一流❣️春菜排骨煲食潮州嘢當然要食呢道餸啦春菜非常吸汁吸味 同白蘿蔔嘅功能一樣湯底滲滿排骨精華 鹹香中帶微甘❣️清心丸綠豆爽清心丸口感煙韌獨特 呢度切到細細粒 同埋綠豆嘅size相若 加上綠豆有消暑解毒的功效食落唔會好甜 夏天食清熱解膩…

赤柱俾我嘅印象就係遊客區～餐廳價錢比較貴 點知今次行過啲嚟到赤柱廣場 竟然有間性價比極高嘅餐廳！呢度主打食龍蝦 環境好闊落 仲有印度菜食添～❣️Tandoori Chicken with Garlic Naan 🐥🫓 印度泥窯烤雞 通常食都係冇骨 呢度竟然有有骨版本誘人的橙紅色 上桌時熱乎乎 重香料味食落肉質鮮嫩 一啲都唔柴 配埋薄荷醬食又係另一番感覺烤餅可以揀蒜蓉、原味或者牛油 食落煙煙韌韌有咬口❣️Surf &Turf with Daily Vegetable, Mashed potatoes海陸雙拼包括原隻龍蝦同安格斯肉眼扒🦞🥩龍蝦新鮮喺個缸撈上嚟 先比客人過目 大大隻 真係勁生猛㗎 用咗芝士嚟烹調 肉質爽口彈牙 帶鮮甜味 勁滋味安格斯肉眼扒超大塊又厚切 牛味濃郁 熟到拿捏得恰到好處Side dishes包兩款 可以簡薯條、沙律、薯蓉、烤雜菜薯蓉做得好滑溜 但一啲都唔膩烤雜菜有翠玉瓜、茄子、紅黃椒 每種都好新鮮清甜除咗食物抵食夾大件 呢度仲有live Band、桌球枱一班人嚟傾偈食飯Hea下一樣正…

有外國朋友嚟香港 當然要帶佢去廟街感受吓香港嘅風土人情 順便食吓大排檔地道風味吳松街呢邊比較遠離遊客區 價錢更加公道而且明碼實價 包保唔會呃遊客啦！食咗咁多樣嘢 $500都唔洗 CP值勁高～❣️紅燒斑頭腩夠晒份量 又有鑊氣 有豆腐、火腩、班頭腩仲有啲薑片 完全係香港嘅味道❣️蒜蓉蒸中蝦中蝦size都唔細 中間開咗邊 食落勁方便 蝦肉彈牙蒜蓉份量非常慷慨 粉絲吸收晒蝦肉嘅精華 仲有滿滿蒜蓉味❣️豉汁炒蟶子炒得超級有鑊氣 蟶子味道鮮甜 唔會韌 火候拿捏得好好配埋啲豉椒汁食 撈飯一流❣️金銀蛋白菜仔皮蛋真係要介紹俾外國嘅朋友 點知佢都讚好味上湯配埋啲翠綠嘅白菜仔 濕濕地好好餸飯❣️欖角骨酸酸甜甜 好開胃 呢度用豬扒唔係用一字骨啖啖肉食落更加有滿足感 呢度嘅碟頭比想像中大 老闆同店員都好親切…

排住韓國了～近近哋放工喺中環搵到呢間韓國餐廳由韓國廚師製作 主打嫩豆腐鍋嘅食店 連裝潢好有韓國感覺 首先上前菜 有辣炒年糕、小黃瓜當然唔少得泡菜啦韓式粉絲一大碟 有魚糕絲食落重麻油香 仲可以無限添加❣️烤牛小排套餐一次過食晒烤牛小排、嫩豆腐鍋 滿足晒兩個願望嫩豆腐鍋仲可以揀配料 部隊、海鮮、豬肉、牛肉、泡菜牛小排好嫩口 具焦香味道 蘸上韓式辣醬更滋味豬肉嫩豆腐鍋 豬肉冇豬臊味 打埋隻雞蛋 有少少肉碎一大啖搭配滑溜豆腐食 係滿足嘅感覺 湯底仲可以揀辣度❣️海鮮蔥煎餅大蝦超級大隻又爽口 仲有啲魷魚 個蔥煎餅金黃色 咬落卜卜脆 好香口 超好味！❣️菜肉煎餃🥟一食就係韓國嘅味道 餡料有韓國粉絲、豬肉、高麗菜皮薄得嚟餡料豐富 餃子皮帶點Q彈 底部就煎到好香口❣️Apple Mango Ade飲落重芒果味 好清甜 夏天飲一流…

新加坡過江龍 好耐之前食過 係單點的 今次比我發現全新甜品火鍋放題 完全保持水準價錢低至$198！平時嗌個湯底都唔夠錢完全係性價比之選 唔怪得咁多人排隊而且呢度嘅環境好舒服 有空間感 唔侷促點了清涼解熱雪耳鮮椰子鍋同膠原蛋白養顏美容鍋～兩款都係店家signature 一款清潤 一款滋補 各有各出色食材選擇非常多 有小食、肉類、海鮮、蔬菜、甜品、丸丸類、蔬菜類、粉面類、飲品、小食可以喺自助區選取自助區整潔企理 最鍾意有好多蔬菜選擇小食方面，地道小食茶葉蛋、碗仔翅、鹽水鴨真係勁正！肉類同海鮮類就經QR code落單美國牛下肩胛超靚 肥瘦均勻 牛肉味濃海蝦隻隻新鮮彈牙 卜卜蜆粒粒飽滿甜品小食自助區有超過20款甜品選擇 提拉米蘇、懷舊砵仔糕、芝士蛋糕非常出色仲要重點推介有疏乎厘pancake 師傅現場製作食落重蛋香 又夠fluffy 食多幾件就回本每日營業至凌晨2時～想食宵夜啱晒9點後入座仲係無限時任食添㗎…

$10就有串燒食！串燒價錢親民化❣️平時想食串燒 唔覺唔覺閒閒地冇知覺都四舊呢度有唔同價錢選項 定價較低 真係佛心 唔怪得座無虛席🐥鹽燒雞腿、鹽燒雞中翼、椒鹽雞軟骨雞腿肉好滑溜、雞中翼充滿肉汁、雞軟骨好香口🐮鹽燒牛舌芯、韓風燒牛肋肉、鹽燒和牛牛小排牛舌芯好軟嫩、牛肋肉好惹味、牛小排充滿濃郁牛肉香🍆蒜蓉菜脯燒茄子茄子原條上 充分吸收晒蒜蓉香味 菜脯夠晒辣🍄‍🟫 黑松露金菇卷見到有黑松露醬 配埋燒汁燒 甜甜地好開胃🐟山椒鰻魚汁燒白鱔白鱔好厚身 魚皮好厚 有膠原感覺 肉質彈牙厚實🐷麻糬豚肉卷豚肉包裹著麻糬 一咬落去好Q彈 燒汁令層次昇華另外仲推出咗新餐單 有各款嶄新、獨特的風味菜式🦑🦐墨魚滑、紫菜、大蝦即係用紫菜包住咗啲墨魚膠在釀入原隻大蝦去炸墨魚膠部分好厚 又夠彈牙 蝦肉睇過橫切面都知大隻用紫菜包住嚟炸夠晒酥脆 配埋明太子蛋黃醬食一流…

掛住韓國了～香港食韓國菜普遍都好貴今日比我搵到間$238有二人套餐～餐廳佈置仲要好別緻～當然要幫襯下啦❣️❣️招牌無骨炸雞拼盤炸雞可以簡甜辣/蜂蜜芥末/牛油蜜糖/芝士撒粉/原味我咁鍾意mustard 當然簡蜂蜜芥末 甜甜地辣辣地勁開胃炸雞好大件 雞肉好滑溜 炸粉都好薄身另外仲有紫菜粉絲卷、炸帶子、炸芝士條同沙律食得開心 又有睇頭❣️芝士辣炒年糕炒年糕勁開胃惹味 有大量嘅芝士 仲有魚糕重點係隻雞蛋食嘅時候呈現溏心狀態 好有誠意❣️雜錦紫菜包飯充滿麻油香 餡料亦非常豐富❣️肉鬆芝士蛋捲蛋捲超級滑溜 芝士份量好慷慨 配肉鬆食再多一叢滋味另外仲有兩罐汽水送返🫶🏻二個人食呢個set 夠晒滿足…

高質小炒 鍾意食邊樣點邊樣~餐廳新開 好光猛 環境乾淨 小菜整整齊齊排列 好企理每款小炒價錢不一 門口有餐牌可以參考飯同餸會分開裝 唔怕啲飯吸晒啲汁 留意返呢度有堂食㗎🫶🏻❣️梅菜扣肉一份份分開蒸～想要肥啲瘦啲同姐姐講就得五花腩炆到好腍 入口即溶 梅菜香甜 撈飯食一流❣️蒜香牛油雞中翼超級香蒜蓉味 牛油味就慢慢滲出嚟 雞中翼大大隻 肉質夠晒嫩滑 超級邪惡❣️椒鹽豬扒豬扒醃得好入味 鬆軟香酥 夠厚身 重有香濃大蒜香味❣️陳年黑醋一字骨食得出係經過慢炆 充分咁吸收了黑醋的香氣一字排肉厚帶點肥 口感好平衡 食落有層次 ❣️苦瓜豉汁炆排骨豉汁惹味濃郁 苦瓜翠綠帶甘香 排骨不韌 肉嫩多汁…

在上環找到一間價錢實惠的扒房Found a reasonably priced steakhouse in Sheung Wan午餐包括前菜＋主菜＋配菜＋汽水，價錢低至$148🫶🏻Set lunch includes APPETIZER + MAIN + SIDE + ONE SOFT DRINKS, from $148傳統蕃茄醬燉肉丸Meatballs with sofrito "Tomato sauce"牛肉丸子在調味番茄湯裡慢燉而成 味道濃郁 令人十分滿足！Made with beef meatballs which are simmered in a seasoned tomato brothIt’s full of bold flavors and totally satisfying!Soup of the day 是日餐湯This sweet potato soup is made with veggies, coconut milk, and spices, it's rich, creamy, and delicious這道蕃薯湯用蔬菜、椰奶和香料熬煮而成，口感濃厚順滑，美味可口“Provenzal" Fries 薯條Provenzal fries are a delicious and flavorful variation of traditional French fries, highlighting the aromatic and savory combination of garlic and parsley普羅旺斯薯條是傳統炸薯條的美味變奏 突出了大蒜和歐芹的芳香Mixed Salad 雜錦沙律This fresh mixed green salad is light, crisp, and full of vibrant flavor這道新鮮的雜錦沙律輕怡、爽脆又美味Homemade 7oz Beef Burger手製 7 安士牛肉芝士漢堡Provolone cheese, caramelized onion, pickled jalapeños and bacon with mayonnaiseThe bun is baked very crispy and we could suggest the doneness of the patty帕芙隆起司、焦糖洋蔥、醃墨西哥辣椒、培根和蛋黃醬麵包烘得好香脆 漢堡扒還可以選擇幾多成熟Salmon 香烤三文魚配翠玉瓜、茄子、紅洋蔥、番茄和青醬With sautéed green zucchini, eggplant, red onion, tomatoes and pesto三文魚用各種調味料醃製 外皮酥脆，肉質鮮嫩The salmon is marinated with various seasonings, with a crispy skin and tender meat.…

尖沙咀新開甜品店～環境好舒服 menu有好多甜品嘅插畫 感覺好摩登而且款式超級多 港式、台式都有之外 連雪花冰都有得食添嚟樣樣都想食 兩個人share三個甜唔都唔過份～❣️白玉娟姍雙皮奶雙皮奶非常細緻 吃下奶香四溢 口感滑溜香醇濃郁的滋味在口中久久未有退去很適合喜歡奶製品的人來品嚐❣️芋圓香芋紅豆奶凍一碗裡面有多種配料 真係大滿足芋圓同紫薯圓好Q彈 香芋好棉密 紅豆煮到好腍 仲有好滑嘅奶凍個base仲係椰汁西米露～❣️楊枝甘露雪花冰有奇異果、芒果、藍莓 芒果大大粒好香甜再配埋啲芒果忌廉 底下就係芒果味嘅雪花冰雪花冰做到好綿密 食落有啲似雪糕嘅口感 清香唔會膩夏天熱辣辣食真係一流…