mosquitowongip's Profile

聽聞最近才推出的週末限定brunch buffet, 外子立即用openrice訂(有85折!)老牌酒店在銅鑼灣非常方便，餐廳在31樓居高臨下，所以能睇住海景和維園景觀歡番餐。餐廳位置不多，十多檯，因此不會出現排長龍和食物俾人整到亂哂的情況。舒舒服服已經可以自行拿到：精美新鮮沙律，有蝦杯和芝士杯和各式火腿。芝士款式很多亦有凍海鮮，全部新鮮美味。亦都有即場用龍蝦製的龍蝦湯，記得要飲多碗，非常creamy請廚師煮的意粉，意粉選擇也算多，特別是有意大利麵團，粗筒意大利粉，見到也心心眼。另外有牛和豬請廚師切片，記得記得順便請廚師煮蟹肉黑松露炒蛋。甜品區的蛋糕款式不少， 而且蛋糕做得好好味。特別是tiramisu很受歡迎, 很快餐廳拎2個出來都清哂。我第3個先食到本身以brunch buffet已款式ok多及精美，最最最特別是全程也有不同新食品會送到檯上，包括熱辣辣4款法包、羊架、黑松露意式雲吞、有辣和唔辣任君選擇的沙甸魚另外有刺身配魚子醬人生第一次一盒魚子醬任意食以brunch buffet來說這件事也太奢華吧！甜品除了蛋糕也有4款意式雪糕，可以配焗脆牛角飽仔一起食，非常美味！另外一提：酒水熱茶水全部任飲，女士還送了護膚品試用及酒店其他餐廳現金劵。服務很好，環境好，食物水準好，性價比超級高。1130至1430，3小時舒服地享受食到飽。大推，令放下寫食評一段時間的我也的起心肝介紹下。其實香港有很多高水準值得去食的餐廳。這間便是週末值得去享受的好選擇呀！…Read More

從來無諗過觀塘有一間咁高質fine dinning, 經open rice訂位後餐廳會預早whatsapp選擇餐膳。有素食6course7course5course三款選擇。我和好友2位女子食量一般故選了兩個5 course3款自家製麵包，無花果包一流，3款包都好好味椰菜花奶凍配鱒魚子：打卡一流，鮮味又特別前菜2款我們各選1款，風乾火腿配芝士好特別，自己吱汁，又靚又好味。皇帝蟹蘆筍沙律完全唔係我想像的沙律，明明材料唔係我杯茶，但整出來好特別好美味南瓜湯：熱碟內有脆麵包，在我面前才倒湯，咸甜鮮的混合，好滑好好味黑松露手工意粉：細細碟但碟條挺身有咬口，口感一流，黑松露又香，汁又creamy，難忘主菜兩個同樣叫了黑毛豬：香軟嫩滑，太好食，又唔會膩甜品兼生日蛋糕：自家制黑朱古力蛋糕，細心寫了兩個人的名。兩位同月同日生日女子一起慶祝最後送一人一張即影即有。服務一流細心，食物質素非常高，非享受難忘的一晚。其實素菜的menu都非常吸引，下次要試試…Read More

2024年第一篇食評，寫寫我的生日飯外子訂了這間位於藝術館一樓的餐廳和我慶生，一入餐廳看見的落地大玻璃，每張檯都望到維港景色，非常漂亮，晚上8點當然可以看到幻彩詠噹噹。環境優美舒服，絕對是慶祝好地方。是晚餐飲：前菜兩款點了牛肉他他和吞拿魚睇相已經見到擺盤非常靚，味道新鮮，口感一流，集打卡和滿足食慾於一身。主菜一款是池魚，另一款雞肉。鮮嫩美味，醬汁和食物非常配合，無得彈。漏了講自製麵包都好好味，特別是特調牛油，好想食好多好多塊呢！最後甜品選了芝士和蛋糕，蛋糕有名唔放出來了芝士拼盤也是一絕，款式多配襯足夠，也是很好味總括來說環境優美，服務貼心，食物樣貌和質素都好高。非常滿意的一餐…Read More

圓方餐廳選擇不少，想食日本菜，和朋友選了這間。木系環境，寬敞舒適的餐廳，非常適合朋友家人飯聚。是晚點了：海鮮刺身井：女仔食份量剛好，每款刺身有2塊，共有4至5款刺身。日本米甜甜黏黏，刺身新鮮，好味。滑蛋豬扒盛宴：非常豐富，蛋滑豬扒脆 連湯，蒸蛋，3塊刺身，餐前酒和雲呢拿味布丁甜品。兩至三人分享最理想。服務周到 ，對食物解釋清楚，食物質素高又新鮮，很不錯的餐廳。…Read More

北角食點很多，這間小店身在比較靜的街，近和富，成條街夾雜汽車維和雜貨店。餐廳環境細細，有bar檯和一般二至八人檯。有少少迫和人多時比較嘈，但整體裝修舒服骨子。是次點了牛乾菌寬條麵：雖然份量略嫌少，但香滑，精緻入味。女仔細食都夠食。辣肉腸pizza: 香脆足料，甜甜少辣，個人麻麻果種甜味，可能是藩茄醬味每人口味不同。牛奶咖啡和檸檬汁：兩杯飲品一般，細杯又唔算很夠味。總結來說，侍應好chill, lunch time趕返工去食唔建議，因為等都等足45分鐘才有嘢食，所以至少要預1.5小時以上享受chill time。食物質素好，味道唔差，但份量相對細價錢唔平，打工仔附近開工搵食唔建議。建議放假1至2個人去飲下咖啡，食餐精緻餐，慢慢hea最理想舒服。…Read More

近期看過石塘咀歷史，想親身來一趟看看這社區，既然曾經有塘西風月之名，一間名為［鬼混］的餐廳名便吸引了我眼球，於是來這地方鬼混一番。餐廳有露天位外，樓高兩層，整體四個區域供客人坐，是日被安排上2樓樓梯右邊近廚房區。餐廳有古堡大宅的感覺，好特別，擺設裝飾也別具一格。很喜歡這餐廳環境，打卡一流是日點了：桂花蘋果沙冰：香甜清新之選鮮奶咖啡：香濃龍蝦沾麵：龍蝦比較細隻，配沾麵好特別，可是是日這碟很咸，曾經有一啖好似成匙鹽食落肚。有點失準。鹵水鵝肝意大利飯：上檯時已非常香又吸引，鹵水很地道港式，配西式鵝肝意大利飯，別有風味。非常好食。四色焗蠔：菠菜蠔香口肥美，蒜蠔微辣。這味前菜是出色好味的。整體來說環境食物氛圍都有特色，值得光顧。沾麵無咁咸及建議埋單時直接拎信用卡機即拍更佳。至於侍應服務就不過不失，有自稱第一日返工不知餐牌內容的侍應，有叫埋單做埋手勢但仍不知就裡的侍應，還有拎咗張信用卡好耐都未返嚟的情況，離開時完全漠視無打招呼，甚至夾硬帶新客入座要舊客行行下都讓路但唔該都無聲。如果服務能賓至如歸些，份微微量多番少少，應該更吸客，氛圍和性價比會更好更完美。…Read More

一間以木系裝修的cafe, 感覺清新。位置不多，適合二至四人的組合光顧。事實上椅高檯矮，對比較高嘅我來說唔算特別好坐，亦唔太喜歡疫情緩和立即將所有隔板拆掉，檯和檯距離本身很近，撞正隔離位狂噴鼻涕其實令成餐飯感覺麻麻。講番食物，點餐用QR Code方便， 但無即時update售罄或無貨的食品，點完才說沒有有點掃慶。是次點了：富士山蘋果芝士蛋糕：味道清新都算多蘋果，但成件蛋糕細件，性價比唔算高芥末火腿三文治：夠大份香脆，芝士微微流出，好香好味，配有沙律菜，成件事又靚又好味又健康。牛奶咖啡：配餅乾，好飲。整體食物質素是好的，亦適合打卡，但性價比略為一般。另外侍應唔戴口罩無問題，但拎住食物一直唔上餐，掛住和其他客講嘢，傾一輪先送俾另一檯客，又係令人感覺麻麻。…Read More

銅鑼灣太多食店，交通方便的食店亦非常多。這間感覺做街坊生意為主，因為位置在馬場對面行多幾步的細街地鋪，附近住宅較多，無大商場。但由地鐵站行過去其實都唔太遠，當散下步其實沿途路程都舒服，亦會行下平日較少踏足的銅鑼灣地段。這間食店長方形格局，有落地大玻璃餐廳，環境舒適。主要食意粉、飯、pizza，亦有小食串燒等。食物選擇很多另外飲品選擇非常多，無論樣或味道總有一款啱自己。是晚點了：忌廉蟹肉螺絲粉：香滑creamy,好味三文魚介末pizza：薄脆唔膩，正凱撒沙律：新鮮份量足檸蜜：大杯，唔錯威士忌cocktail: 樣唔錯，(唔係我飲，介紹唔到)總括來說，此店兩三知己聚腳好地方。飲嘢傾計一流，舒服唔迫。食物又唔錯。…Read More

位於the one高層，有海景的餐廳，本身想食fine dining慶祝生日, 一早訂了位，但遇正母親節，臨近節日被通知改為自助餐。而自助餐包埋隔離日式餐廳，兩間餐廳互通的自助餐非常高質。西式的有巴馬火腿、鵝肝和高質熱食；日式有炸蠔、鱈魚、串燒燒物、和牛以及各種壽司刺身。飲品任飲，甜品雪糕都高質好食。但更期待食fine dining.下次要再試…Read More

赫德道多食肆和酒吧，但泰菜兼酒吧可能只始一家!?餐廳分兩層，地下那層有露天地方。上層設計cyber, 有一半圓形大屏幕，隨節日時間轉變影像。我光顧當日是母親節，屏幕全部粉紅心心，方便打卡也很有氣氛。環境特別之餘，食物質素很不錯，既多選擇亦有多款適合打卡的食物和飲品。是晚點了：燒蠔：香滑新鮮大隻。燒魷魚：炭燒味爽脆。燒牛柳粒：份量足夠惹味。燒菠蘿非常香甜：一片燒香的菠蘿，香甜美味。飛天炒麵：打卡一流，淋熱汁會慢慢溶的飛天麵。黃咖哩軟殼蟹配薄餅：唔辣但非常香的咖哩，啱哂唔食得辣但喜歡泰菜的人，軟殼蟹份量足又香脆，配薄餅一流。燒虎蝦：夠大隻鮮味。飲品叫了椰青、咖啡和Ms beauty食物質素好，上菜時間快，服務好，但限時90分鐘略短，但明白要俾多些客光顧。…Read More

這間觀塘地鋪Cafe以camping作招徠，餐廳空間大，中間有部camping car作裝飾兼房間之用，特別又實用。傢俱都是露營feel的陳設，很貼題。唯一要講，其實唔好坐，檯的支架阻腳，椅的高低不太fit， 二人位一個好高，一個好矮，坐得唔太舒服。另外，餐廳佔地大，明明空間感應該多，但位與位之間較迫和侷促，令全間餐廳好嘈，d人聲侷住哂，講句嘢都要用嗌的聲朋友先會聽到。索性唔想講嘢。不過食物方面是多選擇而且有質素，是日點了：椰汁忌廉蟹肉意大利飯: creamy香滑，好好味。三文魚介末pizza：香脆惹味他他醬薯條：幼身薯條都夠脆，配他他醬好味檸檬梳打：好飲整體味道好，食物質素好又多選擇。一大班朋友值得來興高采烈相聚一番。二人想chill想傾偈就適宜坐出戶外或近正門，應該無咁嘈。…Read More

外子說長假期要來點儀式感，帶我食西餐慶祝一番，選了這間位於5樓的食肆。𨋢門打開便是餐廳內部。餐廳面積麻雀雖小，但空間感仍然十足，沒有侷促感，而且看到開放式廚房，見到廚師Grill食物火光熊熊，鍋氣十足。是晚點了二人餐:前菜1: 粟米湯香濃美味，配以脆麵包口感十足。前菜2: 香蒜蟹肉伴青瓜沙律，精緻清新。主菜1:在烤雞、牛扒、豬扒和吞拿魚選擇中，我們選了鐵板燒汁烤吞拿魚扒配魚蓉椰菜花，原因是一來比較少見吞拿魚扒，二來魚肉感覺健康清新些。不負期望，魚扒夠厚，肉質有口感，竟然有點牛扒的樣子唯一是燒汁味唔太出，但烤味很出色。如果真是鐵板出好似更加勁。主菜2: 在4款意粉或飯中，我們選了蟹肉車厘茄忌廉汁意粉，蟹肉味濃，上面加塊脆脆，味道和口感也非常豐富惹味。甜品1: 提拉米素用杯盛載，很creamy 甜度適中又夠凍，美味甜品2：朱古力撻我覺得朱古力夠香濃，撻皮較硬和厚但仍算脆，可能熱食流心加雪榚或雪笆會更好味。飲品另外買一送一，一杯點了士多啤梨+莓+薄荷, 幾好飲，夠清新。另一杯是檸檬有關藍紫色的，甜甜的打卡一流。食物質素高又款式多元化，滿足的一餐。 得意是聽到侍應問附近各檯食客好唔好味，就是無問我們這檯無得親口讚，可惜…Read More

九龍城很多食肆，這間餐廳外觀上唔多覺眼，感謝比較暗，但入座後環境及間格都闊落舒服。有少少酒吧feel的格調？！是晚原本為了龍蝦All day breakfast 而光顧，但原來All day breakfast並唔係All day都叫得，去到1730便沒有。於是點了其他餐膳作晚餐：4款海鮮：其實可選3款4款5款6款的。今次點了龍蝦，長腳蟹腳，鮑魚，日本帶子。選了忌廉汁，非常香又新鮮。威靈頓牛餐：是晚做套餐優惠，連湯沙律及甜品。牛夠嫩，酥皮夠脆，好味薯條都非常好味。 甜品是焦糖蛋，甜度適中非常香雲呢拿味。大滿足服務周到，經常換碟確保乾淨。唔錯…Read More

近期愛上遊天后，是晚選了這間居酒屋。門面細細，內裡比想像中多檯和長坐最入的房，日式colorful 的裝修打卡一流。是晚品嚐：六杯蠔：又大又肥美的3款佐料的生蠔。鮮味又滿足。和牛三文治：比相和想像中細件，但算厚和脆。滋味黑松露大拖羅卷：6件多黑松露和鮮拖羅，鮮味係口中打轉。正白鱔串燒：肥美香口的鱔，juicy牛舌串燒：有咬口爽脆牛雞翼串燒：醃料汁料很香的雞翼總括來說，食物質素高，種類多又特別。很多適合打卡的食品 推介…Read More

來K11 musea 經過這店兩次，兩次也見有小排隊，好奇是甚麼餐廳，看看甜品櫃蛋糕很美，又看見餐牌說半自助餐，於是決定要試試。一家四口食餐好，一早訂了位，入餐廳看見環境裝修優雅舒適，藍黑色也有其浪漫高級格調，侍應親切請我們先拿自助餐，稍後再送上晚餐主菜。先介紹自助餐：海鮮類：生蠔鮮味不過偏細隻、長腳蟹新鮮大條已整開易食、蝦大隻、蝸牛大隻、青口大隻。整體選擇多又新鮮。火腿類：非常多選擇，莎樂美至巴馬火腿應有盡有，全部都好好味。配哈密瓜或芝士悉隨專便。芝士也有幾款，淡至濃軟至硬的選擇也有，芝士人會滿意。沙律類：不同款沙律也有，唔逐一介紹，沙律迷唔會失望，選擇都多。有湯有包，南瓜湯夠濃，包夠脆，非常美味甜品類：朱古力噴泉、細杯的甜品款式都多，看圖自己感受，款款都好味，唔太甜但夠味，甜品人都唔會覺得有欠缺，因為蛋糕款不斷轉，款款都好味。食完直情想第日買蛋糕慶祝都要回購任何一款蛋糕。主菜一：意大利飯，夠細夠煙韌，作為主菜既有意大利風情又唔會令人太包影響食自助餐主菜二:肉醬闊條麵，也是意大利精髓的主菜，濃郁有芝士拉線，好味主菜三：瑪格麗pizza, 最正宗的pizza, 完全食出正宗意大利味，非常濃芝士味，夠熱夠脆，在外面的pizza店食唔到咁好味。驚喜！主菜四：鱈魚非常滑，口感彈牙，不油膩，好好味！總括而言，非常滿足飽足的晚餐，無論食物還是環境性價比都高。肯定會再來推薦用來慶祝或想食餐好的，不能錯過…Read More