maggie maggie's Profile

今日經過見好多人買就忍唔住去睇吓，果然係伏，買左個海鹽可頌，明太子可頌，蛋撻，返到屋企即刻試吓個明太子包先，一撕就發現個包底係淋既，再睇埋個海鹽都係😭，食過好多間都係焗到個底香脆，呢間完全唔係，好失望，蛋撻都一樣唔係咩特別嘢，13蚊都比多佢，伏伏伏…Read More

買過幾次外賣，崩沙腩都OK，算係街市街附近唔錯選擇，上次買外賣聽見炸魚皮係即炸，所以今次試吓，質地簿脆，略為咸左啲，呢間嘢外賣app都有，但係app既餐牌同店舖實際餐牌不同，手頭冇外賣餐單所以開panda app睇餐單，因為打去叫反而有9折平啲而唔用app，睇app話有紫菜四寶麵，咁打落去就照嗌，點知最後係變左牛買寶，價錢差很遠，而且唔係想食既嘢，大家要留意…Read More

已經幫襯左幾年，最近好生意改成一晚做兩轉客，每轉限時2小時既私房菜，，今晚人均$420，食物質素同味道明顯下降，環境擠迫，開2大1中2細枱，聲音極度嘈吵，某女店員（疑似新任老闆娘）態度禮貌欠奉，由以前可以慢慢享受美食同暢談暢飲既好地方變成趕食既餐廳，叫左8餸1湯，最後一道菜上時已經過左1小時30分，還有15分鐘交枱就趕右切埋蛋糕，全餐都急住食，如果唔介意趕食既可以考慮，豉椒聖子米粉底，個味咸到一個點，其他食物一般，成餐晚飯感覺好似食放題般趕急…Read More

見新開就同一班同事買外賣番去試歡迎外賣，傳單又有電話，但係外賣就只限親身到店下單，對繁忙既香港人來就浪費時間，都唔知個電話要嚟做咩！到店落單先知炸物沒有提供外賣，又要再浪費時間打番比同事改單，最後終於落單成功，外賣碗收1蚊，冇問題餐具又收1蚊份，外賣交袋再收1蚊即係1個餐收3蚊，唔該晒到最後用膳，男同事們食牛舌丼，一打開份量極小，幾個同事都食唔飽自己就食個傳說牛肉丼，同另一款和風牛肉丼相差20元，只係多幾條菜同唔知點解會有沙律醬，而且味道一般，不會再回頭…Read More

2個人去我叫左個最基本既168元祖牛套餐因為平時去食吉列牛都係用石燒呢間用煎pan已經令我好奇怪個煎pan係燒好耐先熱熱地唔能夠做到短時間就可以把牛肉表面燒熟封住肉汁個牛肉係完全唔會有雪花紋仲要帶有筋，條筋係上枱都冇切斷到要自己用2隻筷子強行分開成件牛肉都無牛味男友食198牛雙味都係同一評價有件邊位係整舊都係筋比幾多款醬汁都唔能夠令一件唔知咩肉變成牛飲品都係顏色糖水寧願佢比可樂我選擇好過一定冇下次，十個伏…Read More

肉骨茶淡而無味，內裏好明顯係即叫即烚，無味，個白飯仲要煲到係爛飯，收$80蚊唯有唔浪費點豉油食D肉，點知連個豉油都係冇味，真係連影相都費事海南雞飯雞肉過熟，個油飯都係無味㗎…Read More

一行十人行完山約下午2時，有朋友提議去永和飲茶，聽說這店於西貢已經開了很久，大家都未去過就決定去試試，叫左廿幾個點心，可能點心師父已收工，蝦腸牛腸都沒有了，只剩蝦米腸，我地照樣叫左兩碟，蝦餃食落去有芹菜，本人不太喜歡，因為一般都係用荀，蘿蔔絲酥餅淡而無味，蝦米腸兩碟上枱時只有一碟甜醬，一碟麻醬，鍾意食腸粉腸醬既我即時問侍應姐姐: 唔該可唔可以比多碟醬，侍應姐姐就話比多左㗎喇，啲醬要去點心部先有㗎，個侍應既態度同語氣令我覺得好似同佢乞緊碟醬👿，之後朋友想問張單既嘢，個姐姐唔比人問，最後就係我地落左既2碟牛肉球上枱時變多左3碟乾蒸牛肉燒賣，此時一行人都費事再叫侍應問，唔想再遭到侍應既黑面回應…Read More

成日行過都未試過，今日終於試了，$36套餐? 起初以為係幾餸選2至3個，點知望吓隔離發現個個都係樣樣有，😱原來唔洗選擇，可以選擇係要粥or飯，湯or豆漿，望一望全部餸我都啱食就決定食套餐啦！湯:老黃瓜蘿蔔湯餸:煎冬菇煎蛋角 蕃茄薯仔 素漢堡扒 沙嗲蘿蔔 炒豆角及菜芯粥負責夾菜的好人姐姐仲會問我有冇嘢唔食(可能見我坐低一輪先叫估我係第一次幫襯所以問吓)，套餐嚟到我諗緊食唔食得晒😂😂，最終死撐食剩幾條菜。總括嚟講呢度既餸唔會花巧，簡單，好似屋企餸，以$36呢個價錢滿足到我唔洗單一食一款餸既要求係唔錯，樣樣有啲，會再回來幫襯的…Read More

這小店已經光顧了兩年多，一直是我喜歡忙完過後過來放空的地方，以往有幾位熟悉的服務員，親切如朋友，總會記得我的喜愛，最近換了一批服務員，一星期來了三天，由於頭兩天的水準跟以往有點出入，在他們的facebook反映了，今天得到他們的關注，接受客人意見，調配了一杯滿意的咖啡給我，這一份心意非常窩心，店長知道是我的反映還上前跟我閒聊一會，了解問題，我會繼續支持小店…Read More

朋友揸車可以去遠啲食飯，所以就來了之前朋友介紹的食店!今天星期一可能比較少人出街食飯，所以唔需要等位，好快就決定咗叫蟹子蟹棒手卷，海膽手卷，2人前刺身拼盤，芝士年糕，蟹肉薯餅，燒雞翼串，燒牛肉串同埋個明太子炒飯，食物上枱速度比較慢，但正合我與朋友聊天的節奏，不會有趕客的感覺，可以慢慢享用美食!是次晚飯最愛刺身拼盤，厚厚刺身，食落又新鮮，仲有個芝士年糕帶給我驚喜，因為平時食都係炸的，但他們好像是用焗的方法，沒有了平時油膩的感覺，的確要讚!第一次食都係食晒日本嘢，下次要試吓佢地既生蠔同西餐，希望一樣美味!…Read More

今日放假冇嘢做就約咗啲同事晚飯，諗緊食咩，唔想去啲限時既地方，可以慢慢食傾吓計，諗起先前見朋友食過呢間，同事們又ok可以一試就打嚟訂位，最初係打嚟問咗有冇枱先，因為未confirm人數，接電話個小姐好風趣，我話未知幾位想問吓有冇枱先，點知佢話，衰嘢咩都未知就打嚟，依家仲有，你快啲確定唔係一陣就冇架喇！呢個電話另我對佢地加分！最後book咗7點4位，嚟到即刻有枱，一嚟到就會我地出去睇海鮮，唔食海鮮既朋友可能就唔啱呢度，好彩我地幾個餵食友咩都啱，好快就叫咗龍躉，花甲，九節蝦，蠔，花蟹，鮑魚糯米飯同肉碎雜菌，一開始姐姐就放咗米、南瓜同排骨落石窩到，跟住就放上蒸隔，首先蒸咗花甲，服務員幫我地教咗鬧鐘，一響我地就即刻開蓋，熱辣辣好鮮甜，服務員同我地講咗幾次醬汁可以出去攞，但我地都覺得食新鮮既海鮮係應該食原味，所以都冇去攞，之後食龍躉就覺得有少少腥，可能係我唔慣連彊蔥都冇落，跟住就食花蟹，呢隻蟹係我地見倒呢度最大嗰隻，要780蚊，初時都有擔心驚係水蟹，點知啲肉多到爆，啖啖都係肉，提一提，如果食得慢既可以叫服務員停一停等陣再蒸，因為服務員會怕客人以為冇人理就埋嚟幫你預備下一樣，再嚟就係蠔，有點普通，蝦就當然爽甜啦！接住再食個糯米飯，飯只係有少少咸味，鮑魚就冇咩味，所以終於要用豉油喇！雜菌都係普通，只係諗住叫啲蔬菜所以先叫，最後就係個粥，真係好甜，一滴水都冇落，全靠海鮮既水份煮成，邊有可能唔好食！雖然有啲貴，不過係值既，應該會再嚟，9點後全單有8折，希望唔會冇晒海鮮啦！…Read More

尋晚個好姊妹生日, 諗左好耐終於去左泰味村,因為貪佢收得夜同埋有室外坐 !!我地一行六個人,叫左一個四人餐, 4 碟生蝦剌身, 咖哩牛肉, 雜錦拼拌, 蒜蓉包, QQ薄餅, 一打串燒, 仲有啤酒 & 紅酒 !!佢呢度 D 生蝦比其他地方貴,不過好似比出面既大隻 D 同埋爽 D,個四人餐就有碟豬頸肉, 炒蜆, 炒雜菜, 泰式鳳爪, 蝦醬炒飯同埋冬陰公,冬陰公味道偏酸, 如果唔食得辣可以試(我個人就覺得唔夠辣),炒蜆就大家都讚, 不過一定要即食, 個多士好快"林",QQ薄餅就好硬, 紅咖哩牛肉就普通( 因為本人鍾意食炒蟹個種咖哩汁多 D) ,如果帶紅酒去開要收$50 , 所以無帶去,結果係個度叫左兩枝$165既,我 D 朋友話味道 OK , 不過價錢就..........(因為好似百佳有得賣, 唔洗咁貴 !!)我地飲開有隻百佳野只要幾十元,早知帶枝酒去開比埋開瓶費都仲平靚正 !!啤酒就有好多選擇(30多款), 我地就好似試酒家咁,每款要一枝開出來一齊試(溝酒溝到爆),有隻我地改左佢個名做香片( 因為飲落口好香 ),前前後後試左十幾種( 因為有 D 果汁味同埋平日成日飲開既都無要) ,啤酒總數飲左大概廿幾枝再加 2 枝紅酒,埋單 $1940 (好似幾貴) , 除 5 每人$400,不過諗真 D 都差唔多啦 !!平時食餐飯每人都要$1XX, , 如果有下場飲埋酒計埋條數都一樣,當然我地係個度已經死晒唔可能有下場啦 !!我地坐室外個 feel 幾好幾舒服,之前有人話呢度有曱甴, 你坐室外有都唔出奇啦!!因為我地都見倒, 侍應姐姐仲講笑話係佢養既,姐姐見倒我驚就用黃金右腳踢走佢, 比十個勁字佢 !!最衰就係我地唔小心打破左隻紅酒杯, 要煩倒姐姐 , sorry！！先前有人話過姐姐好細心, 知有人生日就係個甜品加枝爉燭先上,姐姐真係底錫 !! 佢仲介紹左佢地隻貓貓 " 丁丁 " 比我識 !!…Read More