vanitang's Profile

上網見到有人介紹話平靚正就試下，用whatapp落單，幾秒就覆，整好仲會通知先岀發拎，唔洗去等，門口仲有位泊車，贊👍🏻叫左一個椒鹽雞軟骨/蝦醬炒芥蘭/泰式鳯爪/串燒/小食拼盤。認真講鳯爪真係好抵食，份量根本係岀面嘅2倍，起碼都幾十隻，真係分兩餐食👍🏻👍🏻👍🏻👍🏻拼盤個蝦餅真係一定要試，好大個好彈牙👍🏻👍🏻👍🏻串燒叫左墨魚仔，幾好食。所有嘢都唔差，係可以再食，價錢合理，份量好多。👍🏻😋😋…Read More

路過行街見到好似幾多人食，就試試，無坐滿即時有位唔洗等。坐底就送左每人一碗雪耳糖水，不過唔熱唔凍得個甜字，講真唔送好過送🙄枱面一早準備左一樽茶一樽湯等你自己斟，但啲係凍嘅仲要油面，叫人點飲！！之後2個人就叫左幾樣都係半份嘅食物，諗住可以試多幾樣，揀左兩款湯底，普通辣同骨湯，但都無乜味，尤其個辣只有少少麻味，乜味都無，見到枱紙寫住要點豉油碟食？唔係掛，點得豉油點會唔得，之後點左係好食好多，不過打邊爐要點豉油嘅目的為乜，即刻覺得無下次，啲食材都算新鮮，但無亮點，另外啲職員一味係外面，完全無諗住留個人負責入面嘅客人，想埋單都要等人岀現。總括嚟講，無驚喜，好一般價錢又唔係抵，所以都唔會有下次。…Read More

朋友介紹話夜晚岀左半自助餐，話有即開生蠔/蟹腳食，所以即刻訂位試下。星期五晚大約6:30去到，都唔算多人，入到去環境都唔錯，坐得都舒服。第一下梗係攻海鮮啦，首選梗係生蠔啦，有位大廚係現場有客要就即開，無要求就每碟兩隻咁，不過可以要求比多啲都得，一次拎左半打先，食落都幾新鮮有海水味，完全唔洗加檸檬汁，仲可以任食，正👍🏻👍🏻其他海鮮都有龍蝦鉗/長腳蟹腳/蝦/翡翠螺/原隻蟹，款式都算ok，最緊要新鮮。食食下職員送左每人半隻龍蝦，仲有一個燉湯，龍蝦都好新鮮，肉都好厚肉唔錯。燉湯都幾濃味，算足料，有塊勁大塊螺片，都唔錯啦。基本沙律甜品熟食都有齊，反而亮點竟然係pizza同埋蘑菇湯，pizza勁脆勁多料，估唔到幾好食，蘑菇湯就好濃蘑菇味配包都好正。而前菜我就覺得一般，得泡菜/木耳/三色椒幾款，不過不失啦。去到主菜，就有幾款揀，見到有帶子/大蝦/和牛，本身唔食牛，如果唔係實揀和牛啦，最尾揀左大蝦意粉，賣相都唔錯，隻蝦都好大隻好彈牙，朋友就揀左帶子意大利飯，帶子都好大粒下，估唔到，意大利粉都可以，唔算大硬，不過我就鐘意意粉多啲。甜品就有一口蛋糕嗰啲，我本身就麻麻地蛋糕，所以梗係食雪糕啦，有movenpick雪糕，唯一唔好就係要叫職員拎，雖然任食但就要叫人拎囉。總括嚟講都唔錯啦，有即開生蠔同埋movenpick雪糕，食少少都回本啦。…Read More

昨晚一共5個女仔去依間食，之前完全無食過，係OPENRICE見到D環境相幾好咪試下囉！其實塊到環境真係唔錯，坐得都算舒服！但到了食物那一部份真的很差，我們叫了一個4人餐再另加飲品同小食，但由第一碟到最尾一碟菜全部都不熱的，充其量只是移暖而已:(，味道是還可以的如果是熱烘烘的應該會很不錯，而且上菜時間很慢，慢到連續3碟都忘記了..還以為我們是全部菜上完囉..而且5個人叫了所有飲品都貨不對板，差到極點...!!!!另外是當晚食飯有朋友生日，唯一以為好好啦，可以叫甜品在碟上寫HAPPY BIRTHDAY，誰知....D字核突到....= ="真係無必要都不會再去!!!而且那麼多客人都是一直見到一名侍應，要到走前才看到原來有另一位存在囉...依間野最差係D食物飲品質素差，如果唔係其實係一個幾好的地方！…Read More