Beniori's Profile

入屯門搵朋友吃lunch，去了這間以中國宮廷風設計的中式火鍋餐廳，午市有點心及火鍋提供選擇。番茄濃湯海鮮鍋$168番茄味夠濃，湯底內有鮮蝦、墨魚仔、青口等少量海鮮，還有大量番茄🍅同薯仔。日本🇯🇵北海道花豚豬卷🐷$128豚肉味十足，適合不喜歡吃肥肉的朋友，入口嫩滑。特色蛋餃4粒$58千萬不要煮太耐，因為蛋皮好容易開口。脆皖片$58皖魚片比較薄，涮一涮即刻可以吃，不算太脆。唐生菜$38蔬菜都幾新鮮，價錢合理。如經過附近都可以來試試！…Read More

今日友人約左我去淘Super Noraml ，未入門口已經見到D廣告好吸引，望入餐廳都幾多人，應該就無伏既，一於試一試。餐廳行工業風格裝修，氣氛一流，坐得都唔錯，好適合朋友們過黎聚一聚。🔸柚子麥啤浸泰式秘製汁脆皮豬手$148最近餐廳做緊promotion，豬手原本要$228，但而家$148就食到！外皮脆卜卜，好似食緊薯片，而油脂都無話好過份，D肉好鬆軟，多汁，配埋泰式秘製汁酸辣酸辣的，好開胃。問過職員，原來佢地用自家釀製既柚子啤酒浸足8小時，D豬手又起哂肉，一夾就食得，好有誠意~🔸蒜片紅椒藍蟹肉扁意粉$128滿滿既蟹肉絲，微微既辣味配上蒜片已經好好味。意粉爽口彈牙，掛汁力強~🔸黑醋鵝肝安格斯牛肉漢堡$148而度既漢堡好優秀~麵包脆身、牛肉配鵝肝超夾，又juice，重點又夠厚、黑醋汁酸甜，好開胃，薯條都唔亂黎，有溫度，又脆~🔸西柚檸檬四季春茶(少甜少冰)$40好清新，西柚同檸檬好夾，係炎炎既夏天飲到佢，一日既煩躁全無哂無論係食物、環境定係員工質素都唔錯，會再encore~…Read More

週末想去吃個All Day Breakfast，元朗水車館街這間cafe小店就是不錯的選擇。🔸大盤子全日早餐🍳，分量真係超級大，有炒滑蛋、窩夫、雞肉腸、煙肉、茄汁豆、煙三文魚、炒雜菌等，真材實料，真心抵吃。🔸意式菠菜蟹肉寬條麵🍝，番茄醬汁沾滿每一條麵，麵質彈牙，蟹肉豐富蟹🦀，味道濃郁。🔸餐飲選擇了咖啡☕，入口順滑，咖啡味道香濃。✴️整體環境服務都好滿意，食物用心製作，價錢適中，下次會再來支持小店。…Read More

星期六去附近做Bodycheck，搵到哩間樓上西餐，估唔到有lunch set，價錢唔貴，而且坐得幾舒服。套餐可以選擇餐湯或者雜菜沙律🍵甘筍湯，淡淡甘筍味，唔會好重忌廉味。🥗沙律夠新鮮，藜麥及雜菜酸甜的醬汁夠開胃。🍟和風紫菜薯條配黑鬆露醬，分量足，即炸夠香脆，裡面夠粉嫩。🍝鮮蝦明太子扁意粉，鮮蝦🦐爽口，明太子味道都幾夠濃。🐟香煎加州鱸魚配日本🇯🇵帆立貝，魚煎得夠香，肉質保持到嫩滑，賣相都好吸引！去開附近上來吃一餐都係唔錯嘅選擇，環境舒適，食物有質數，價錢合理，性價比高。…Read More

同朋友係旺角行完街，去兆萬搵下有咩吃，間宣傳單張好似幾吸引，點知就中伏。首先價錢同傳單上唔一樣，上到去食係貴啲，不過又唔好意思走。點單時先知想吃嘅龍蝦、池魚、蟹等貴價野都冇得食，感覺被騙了！刺身真心唔新鮮，勁雪味。熟食都冇乜棒邊樣特別好吃，肉都醃得好勁。放題來講真係好失望😞。炸物偏淋，好油膩，吃一片已經唔想吃。成個場唔算多人，但出單超慢，仲漏單，搵阿姐仲唔係好好態度。哩個價錢，會有更多好嘅選擇！…Read More

元朗吃羊肉麵嘅地方唔多，一直想試這間，今晚就去試試味道。羊肉燴麵，麵質都幾好，不過同餐牌相片比較大分別，唔係羊肉清湯，比較濃味，羊肉比較鞋。手撕包菜真係超級鹹，而且好多油，吃慣淡口就要有心理準備了，椰菜都算爽脆的，但係實在太油膩同落鹽太重手了。涼拌涼皮質地麻麻，配菜比較少，口感一般，又係超級鹹，我要用水洗完先敢吃呀！😝…Read More

想食燒肉但又怕食得多，嚟呢間燒肉店就最啱，有唔同套餐選擇，今日唔想食太多，叫咗個分150g嘅牛肉餐，有前菜沙律或泡菜選擇，仲有餐湯連埋飯都係45蚊，真心好抵吃，質素都OK，輕食都夠飽。朋友唔吃牛，叫咗雞肉拼豬餐，飯都可以選擇分量，紫菜加埋溫泉蛋好好味。沒人一個爐，自己慢慢燒，都幾有特色，就算自己一個人吃都唔會尷尬。…Read More

今日中午途經附近，見金園入面好多人幫襯就入去試試。我見大部分人都叫炒粉麵，就叫一個干炒雞絲意粉配熱啡，味道中規中矩。之後聽到外面排隊叫酥皮蛋撻，要等20分鐘，心諗不如試埋，結果比想像中更好，酥皮一層層，沒有一嚿的感覺，蛋黃味ok唔太甜，大家有興趣可以一試。…Read More

已經唔係第一次吃，雖然地點比較偏遠，不過食物環境都幾滿意，最like係炭燒豬頸肉，少少焦香，肉質夠嫩。仲有每次必食嘅金磚蒜蓉包，配咖喱真係無得輸。椰菜苗夠新鮮，唔會太鹹。椒鹽軟殼蟹就真係麻麻，椒鹽碎太鹹，蟹唔脆，希望可以改良一下。冬陰功湯味道夠濃，價錢實惠。炒粉絲就太濕，唔夠香口，味道OK。甜品都唔錯，斑斕同椰汁味道都吃到，唔算太甜。…Read More

滿心期待去試近排人氣急升嘅小店，主打胡椒豬雜湯底，湯底的確唔錯，好濃胡椒味，飲完都唔會好口渴。👍豬雜都夠滑，不過豬潤有筋，粉腸帶點苦味。河粉就好普通，偏淋。豬油撈麵豬油唔夠香，醬油偏甜。醉雞酒味夠濃，分量都夠足，不過肉質比較淋。想試陳皮紅豆沙竟然太忙暫停咗煲，2點後去到好多都沽清，下次要排長龍就免了！可能我太期待，所以有點失望，喜歡飲胡椒湯底嘅朋友都可以去試試。…Read More

本來打算去美孚分店，點知要6：30先開，最後特登來紅磡分店，結果都係開6點，建議在OpenRice更新一下營業時間，未免太多人摸門釘。😝嫩雞煨麵值得一試，湯底奶白色，有濃濃的奶味，連湯飲埋都唔覺好口渴，雞肉粒都幾滑，仲有青菜係入面，夠曬大碗，麵質比較軟滑，like。雞絲粉皮比較失望，粉皮好硬，只吃了兩口就吃唔落了，麻醬亦比較濃稠，唔夠滑。毛豆百葉都OK，豆夠淋，少少鹹。香酥雞扒麵，雞扒都幾嫩滑，炸得幾酥脆，但粉漿比較厚，麵比較硬，清湯底，整體比較失色。…Read More

最近人氣急升嘅小店，今日終於可以食到，唔想排隊記得11：30前去到，因為店鋪座位唔多，不過上菜都算快，店鋪以家庭式經營，老闆好有禮貌。:)蟹膏🦀番茄🍅湯檬，湯底夠濃，有淡淡的蟹糕味，不過青檸同番茄的酸味比較重，唔喜歡酸的朋友就會覺得酸味太重，飲完唔會口渴，有一塊應該係蟹糕蟹肉蛋餅，吸曬湯嘅味道，好好味，檬粉比較特別，唔係一般嘅檬粉，比較軟滑，喜歡這個口感。烤豬肉法包🥖餡料夠足，配搭少少酸菜，刺激食慾，麵包烘到少少脆，比較厚身，吃完一個好夠飽。斑斕綠豆糕都幾特別，甜度適中，好煙韌，下次可以試埋其它甜品。…Read More

元朗好多粥鋪，唯獨喜歡這一間，招牌鹹雞粥係必食，估唔到炒河粉都唔錯，河粉比較粗身，吃起身有口感，而且一點都唔油膩，另外仲可以叫炒菜，唔洗淨吃澱粉，蝦米腸都好足料，不過環境就一般，夏天預咗會好熱，煮粥嘅姐姐都好辛苦。…Read More

今日同朋友去元朗人氣台式小店吃lunch，係朗屏站行5分鐘就到，店鋪雖小，但都坐得幾舒服。🍜招牌紅燒牛肉麵 $96一上枱就見到大大碗，入面仲有好多料，包括有牛𦟌、紅蘿蔔、牛筋、肥牛、豆腐卜，蘿蔔清甜冇渣，湯底都好出色，比一般既台灣牛肉麵湯底更清，麵質係我喜歡較為淋身的口感。 🍝蟹肉金絲炒新竹米粉$96米粉炒得夠乾身，唔會油膩，食落都幾有口感，配埋蟹肉就更有風味，分量足！🍗鹽酥雞$52鹽酥雞炸粉適中，炸到香脆多汁夠juicy，食落唔會太鹹。玫瑰🌹蜜桃🍑果茶$28檸檬🍋蜂蜜🍯$28兩杯飲品顏值同味道一樣正，唔會太甜，飲完即刻覺得好滋潤。…Read More

週末朋友帶我去屏山試試新開嘅cafe小店，環境好舒服，西鐵站行過去都係5min，食物質數都有驚喜。🥑牛油果大啡菇全日早餐($88)牛油果的成熟程度剛剛好，色彩豐富，大啡菇焗得好夠油香，帶出菇嘅香味，仲有新鮮沙律菜，感覺健康好多。🧀車打芝士薯餅蝦肉漢堡🍔配芥末蛋黃醬伴蕃薯薯條🍟($98)哩個蝦漢堡真係好有驚喜，成20隻蝦疊起3層，加埋芝士同薯餅，真係冇得頂，吃完超滿足，比起普通薯條，我更喜歡番薯薯條的口感。☕Dirty咖啡($36)☕泡沫咖啡(42)咖啡唔想加奶，又唔想飲齋啡，不妨試試哩款咖啡。泡沫咖啡一樣咁好飲。店主送咗四款即將推出嘅生酮甜品，賣相同味道一樣咁係呀！…Read More