shen.ziwei's Profile

禮拜日訂咗6人臺，誰知去到，係第一個客人嗯～坐低一陣，有第二臺客。我地叫咗兩個雞煲，一辣一唔辣，小食麻辣魚皮唔錯，食食下太辣，炸饅頭好食，俾289一位，食咗5碟炸饅頭。7點鐘叫飲品，我鍾意既嘢飲50%售罄，得忌廉同茶，都算，7點半想落其它野食，40%售罄，得兩張臺，就乜都售罄，請問開鋪做乜，本身打算禮拜日休息？見我地訂臺就勉強開？7點半來咗第三臺客，直到我地食到9點10分埋單，都係得三臺客🤣🤣野食可想而知。完全唔食欲食所謂既和牛（碎既，一夾就散），旁邊乾巴巴，黑色既，羊肉騷到無朋友，落一碟落湯底，成個湯底都騷曬，好鬼唔新鮮，全場唯一好食就係炸饅頭，唔怪得店員都係度食炸饅頭以後唔會再幫襯，完全無野食，野食又唔新鮮，禮拜日得三四張臺，就知好食有限，唔係訂咗臺，都唔會入門口。第一次食放題唔影相（心情唔靚就費時影啦）…Read More

環境ok既，唔係繁忙時段坐都好舒服既，但如果係午餐時間，坐就麻麻地啦，卡位係3個人都要坐埋一邊，要搭檯，可能係呢三年疫情，依家要搭檯就唔想入來食（本人有少少介意搭檯），但入到員工態度唔錯，算如果係放飯時間就唔係幾夠時間食既，我地一個鐘食飯時間，店內客人不算多，但上菜有少少慢。野食我唔知點講好，如果你想減肥，過來食呢間唔錯，一個字：淡！兩個字：清淡！！嗯⋯⋯又貴，😯呢個價錢，我會選擇食對面間小🐟兒，米線都係食返三哥啦番茄湯顏色咁好睇，係我➕咗好多辣椒先咁好睇，先食得落去噶，好彩➕咗10蚊要對雞翼，如果唔係我食唔落…Read More

琴日同媽媽去食，環境就唔洗講啦，平民化大排檔咁，野食一般般，無評論講到咁好，叫咗我最愛既排骨陳村粉，食完後我唔會再敢叫陳村粉，（得閒**）果間陳村粉先叫好食咯⋯拉拉淋食完走人，坐肯定唔好坐，野食一般般，唔會再幫襯，服務態度不佳，不過得一個阿姐包曬來做，咁既服務態度都正常，好心請多一個人幫手啦⋯⋯春卷好食，但有芹菜，唔鍾意食芹菜既人就覺得好難食。第一次食野唔想影相Ps：排骨真心唔好食，又肥又松，都唔知有無肉…Read More

搬遷後，第一次幫襯，竟然發覺，食物質素無以前咁好啦！就食咗一小啖，先醒起拍照，於是快快影張先，👇係對比照不過搬遷後裝修好過以前好多，其實唔明點解咁貴，但裝修會咁是但😄，依家好好多串燒味道唔錯，不過我有少少覺得，無以前咁好食，唔係好新鮮咁，可能我口味轉咗，食得千兩多。個丼飯份量同之前對比，就一樣足，但個蝦今日好腥，之前食係鮮甜。做新會員有份炸雞送，唔錯，好食（無圖，忘記影）總體來講，其實疫情期間，應該更加要保持食物質素。ps:寫食評要睇食完飯後感😄唔係下下都得閒寫…Read More

好幾次經過想食，但係都因為太多人排隊，食唔到，咁次早早過來排隊（5點到），居然人唔多，平時5點都排長龍啦。掃咗安心出行，店員會講明用餐時間個半鐘，人齊先可以入桌。一坐低員工就會俾水同問你有無yuu，用enjoy卡俾有4倍積分。我地食野講求速度同美味，服務態度，我地覺得好好，起碼會幫你加水，打包又唔收盒錢。因為有商場優惠券，所以可以扣4張，兩個人食咗893😄😄😄，➖400都抵既，下次會再幫襯，但水煮牛肉打死都唔會再叫。咕嚕肉會再叫，上面加咗青蘋果🍏絲，好食食過海港城幾間，得城中鴨子抵食同好食唔貴…Read More

今日過去佐敦打針，聽聞間餅店係附近，於是打完針行過去，32度，企係條街度等，超級熱。最搞笑係我忘記咗最出名既‘法式布丁’，老公問我排隊買咩，我話唔記得啦，總之排隊買咩，就買咩啦，老公唔鍾意排隊，於是我叫佢入去等，期間買咗其它餅，價錢普通，唔貴，排咗15～20分鐘左右就開爐啦。買咗四個布丁，原來係凍既忍唔住返屋企先食，係公園我地就開餐啦，一咬落去，咦～個餅底好似食紙咁，唔掂。再試下個布丁，無乜特別啊，就甜甜地，好滑，同自己整既，一樣，整體來講，如果要再次排隊買，唔會，一般般。$15/一個法式布丁…Read More