Lotus Cheung's Profile

今日跟朋友去左呢間店仔食野，我冇食開街頭小食，求其叫左我喜歡的咖哩魚蛋再加辣汁，初入口覺得正常好食，食多幾粒後覺得原來個汁真係好辣但又好好食，結果食哂朋友推介牛什，我就再要牛肚加蘿蔔，嘩，個腩汁好好味，牛肚質感好，另外粒粒size剪得較細好易食，啱哂我呢d唔慣食街頭小食的ol 食完兩杯野已經飽左，即刻影番張相記得呢度，下次嚟試埋滷味 (有人話呢間滷味唔錯) …Read More

今早第一次來富臨飲早茶,環境和價錢都ok,大大間易揾位,我們2個女仔點了六碟點心。等候了半小時,點心終於來了！腸粉、鳳爪排骨飯、燒賣、菜肉包、棉花雞都正常，但食到花枝炸雲吞就出事，一路咬落去都食唔倒餡，開另外兩隻，都見唔倒有花枝的踪影，只是在食「炸雲吞皮」，這個點心都花費10幾蚊,冇理由食塊炸皮者。跟伙記理論，伙記說：「係冇花枝架！係咁架！」她就走左去。我們叫她取消這點心，她話喳唔到主意，叫她call經理來，她又冇幫我地，冇理我地。我向一名男的年輕經理理論，他說：「係冇架！」我再問他，他更答得妙：「花枝包出來嘅咪就係雲吞囉！」可能他都不知佢自己在講緊咩野。同枱食客都忍唔住幫我地，叫我地找店長，仲話我知邊個係店長。但等左好耐都唔見店長出現，結果我們直接向收銀阿姐話取消這點心，她即在單取消了，並用傳呼機通知店長，知識又增長了！另外，d 點心傳菜阿姐都好「兇猛」，只是問囉一碟雲呑醬，她發晒爛喳咁好惡鬧我地，她說：「應該問番比點心你果個阿姐，你問我做咩者？」我都不能盡錄她的連珠爆發，好似問佢攞十萬咁，其實我都唔記得放下點心個阿姐係邊個。結果我地問過三個阿姐，都拿不到一碟醬，好彩原本給點心的那個阿姐記得，比番一碟醬我地。…Read More