phyan cat's Profile

西貢市中心橫街窄巷內，經過見到玻璃窗入邊有好多林林總總嘅芝士，身為芝士控嘅我忍唔住行咗入去，原來係一位由荷蘭人打理嘅一間芝士店，入邊除咗可以外賣芝士、臘肉、火腿，麵包、紅白酒外，仲會有Cheese platter 俾客人坐低慢慢享用。店員首先會問你有邊種芝士比較喜愛，會根據你嘅口味挑選唔同種類嘅芝士放落platter到，價錢每人$250不包含飲品，我同男朋友就偏愛松露味同較硬嘅芝士，要求唔要偏軟身或偏cream狀嘅口味。留意製作需時，建議預留時間等待同享受，感受一下慢活嘅感覺。店內有提供咖啡、杯裝或支裝紅白酒選擇，我地就選擇咗兩杯白酒（$55杯；$320一支），好smooth易入口得黎同芝士好夾。芝士盤一上，老闆會親自介紹每款芝士，碟上除咗芝士仲會有時令生果同乾果，今次有青提子、紅莓乾、合桃、杏仁等乾果，另外仲會配上脆片面包等等配芝士食。其中一隻芝士特別深刻，名為「Gjetost」嘅brown cheese ，挪威出產，用牛奶同羊奶製作而成，味道同口感都好似焦糖拖肥糖，好特別…Read More

兩個女仔想靜靜地飲杯野食個晚飯，就選擇咗呢間充滿藝術感嘅 Avenue75。一入到去就係一面色彩豐富嘅壁畫牆，一坐低職員就介紹佢地嘅餐牌，原來佢地有指定時間嘅special prize cocktail menu，啤酒仲買一送一添。但我同朋友都不敵佢另一本好似童話書嘅cocktail menu吸引，最後叫咗杯Lady Grey（$120）同埋Americana($130)，野食就叫咗珍寶帶子泡菜卡邦尼（$168）同埋黃咖喱蟹肉蒜蓉包（$95）職員好好👍🏻問多少少有關Cocktail入面嘅成份都會願意解答～環境舒服，嘢食嘢飲都不俗，係一個chill住傾偈嘅好地方。…Read More

為咗慶祝情人節，男朋友帶咗我到呢間全藍色餐廳，入邊所有嘅裝修都係用高貴寶藍色做主色，打卡一流😸由於提早預約關係，可以安排到坐比較安靜嘅卡位，可以話係最舒服嘅位置，牆身佈滿晒相同色調嘅畫，掃一掃畫旁邊嘅QR code可知道價錢🤭當服務生放低餐牌後，我哋叫咗個地中海燒海鮮拼盤，入邊有龍蝦、虎蝦、青口、蜆、八爪魚、墨魚、蕃茄仔雜菇等等。口味濃嘅朋友會好鐘意～另外叫咗個德國黑啤慢煮醒黃雞，皮脆肉嫩，最鍾意食佢嘅薯蓉，配搭一流💐 叫咗兩杯白酒，兩個人慢慢食都好飽好滿足！另外一讚嘅係，有位服務生好好，當我提出冷氣太凍嘅時候，即時幫我收細冷氣，十分感謝。如帶位服務生多點笑容會更好…Read More

年初九，一行六人選擇咗文苑飯莊團拜，呢邊地點雖然唔係市區地段，係座屋苑嘅一間飯店，但都全院滿座！ 座位闊落，職員熱情，服務周到，有代客泊車，記得要泊佢地嘅泊車位，如果唔係冇得免費泊車。我地預訂咗桂花片皮鴨一份，到場再叫咗蜜汁叉燒王10件，蟹醬蟹肉炆伊麵，羊肚菌紅燒豆腐，炸子雞半隻，小炒王，瑤柱瑤柱陳皮火鴨絲羹。每樣嘢都好入味，好足料!有樣美中不足嘅就係冇試到文苑炒飯，因為需要提前預訂。唯有下次再試！…Read More

凍冰冰既天氣一定要食返熱辣辣既野，唔想下下打邊爐咁熱氣，就搵左呢間村爺爺試下，當日就算8點半去到門口都排晒長龍，就知我冇簡錯啦! 雖然要排隊，但老闆好好咁係門日先幫客人落左單，等我地埋到枱唔使一陣就上齊野食，真係要讚一讚!💕💕我同男朋友分別叫左個花膠·《龍躉》螺片海鮮龍蝦湯泡飯同鮑魚花膠蟲草花雞煲翅，再叫左個爺爺三寶食。野飲男朋友就叫左個石榴梳打$18，我就貪得意叫左杯鮮果茶$36，唔係講笑杯鮮果茶係好surprise既，冇諗過會有大半個熱情果同火龍果係面，飲飲下原來仲有兩大舊芒果肉係底，好正! 🥳爺爺三寶$45爺爺三寶入面係有炸南乳雞翼同炸魚腐各3隻加一舊炆冬菇，賣相平平無奇，但炸南乳雞翼都大隻好香南乳味 ; 冬菇係超入味好好食 ; 炸魚腐就一般般唔夠熱。花膠·《龍躉》螺片海鮮龍蝦湯泡飯 $108 龍躉好大塊!!! 龍蝦湯唔似平時西餐既龍蝦湯咁得個鹹字，係好鮮甜既，而且料好足!!入面除左有龍蝦仲有幾種海鮮配料，有 魷魚、青口、蜆等等，最緊要係有大大舊花膠·同螺片。鮑魚花膠蟲草花雞煲翅$168套餐+$15套餐係包左一個飯, 一碟辣豉油同一碟油菜，叫完套餐有D後悔，因為湯入面除左係有大半隻雞，仲有一隻鮑魚、魚翅、珍珠帶子等等配料，而個金黃色既湯係精華，將飯浸落濃濃既雞湯加埋其他配料一齊食，食完全身都暖立立。個餐仲包埋兩隻手套，俾我可以手撕雞，再點下佢地秘制辣豉油，完美!雖然環境迫咗少少，但全單冇加一，真心一推!👍🏻…Read More

前幾日同屋企人一家幾口去咗the greenery食自助晚餐, 又咁岩就到halloween, 佢地set到個場好有氣氛, 呢到真係值得一讚!!而且仲會有人係台上面自彈自唱,差唔多8點幾仲會有個把聲勁甜嘅美女係台上唱英文歌,感覺置身係外國餐廳一樣.而且服務員好快收碟同不時幫我地加水,又好笑容! 唔錯!坐低後, 服務員俾咗張領蟹卷俾我地各位, 原來呢期送一人一隻蟹, 佢地仲有薑茶, 岩哂而家秋天呢個季節!!另外驚喜嘅係, 佢地個鴨肝多士同蟹粉鍋粑真係好香好好味!!仲有燒牛肉, 有專人會幫你切埋, 搞到我忍唔住食多幾舊!最好嘅係佢地個buffet時間係由6點半食到10點鐘, 比起出面多間buffet時間長,唔洗點睇時間食野,超好!而且食物種類又多,有蒸魚, 有煲仔飯, 有羊腩煲, 雞煲, 有牛肉芝士千層面, 而壽司又唔限人數, 仲有多樣火灸芝士壽司, 我諗我果晚同家姐ko咗幾碟燒芝士鰻魚同三文魚幾十碟.仲有嘅係, 佢地沙拉吧勁多選擇, 日式英式都有,仲有唔同口味嘅芝士同HAM. 另外, 佢地個海鮮吧種類多，有龍蝦仔、蟹腳、凍蟹等等, 仲要幾新鮮. 而佢地有個位係即煮海鮮同菜, 湯底有雞湯同喇沙湯簡, 配料有貝有蜆有菠菜生菜等等.跟住就係串燒區, 有羊架有雞軟骨有牛有雞, 燒到香噴噴咁又搞到我食多咗幾串.之後要講一定係燒味部, 佢地D叉燒同燒肉絕對比得上出面有名嘅酒樓, 佢地個海南雞飯更加冇得彈, D飯香得來唔油, D雞又滑少骨, 正!最後最後, 就係我最鐘意嘅甜品, 呢到有十幾款蛋糕、芝士餅係個大大個甜品櫃入面, 樣樣賣相勁靓勁有心思, 有檸檬番石榴乳酪慕絲, 巨峰提子啫喱, 椰子忌廉菠蘿啫喱, BROWNIE, TIRAMISU, 黃梅撻, 花生朱古力脆餅, 馬卡龍,朱古力噴泉,各種生果, 連黑白糖水都有!!仲有H字頭雪糕同PANCAKE食!食到飽一飽先走.…Read More

琴晚媽咪生日，為咗輕微報答一下多年嘅養育之恩，所以就決定帶佢到the greenery嘅buffet食一餐豐富嘅dinner。先唔講食物，那環境實在不俗而且幽雅，我地坐咗係全場正中間，雖然俾幾張枱包圍住，但位與位之間都有段距離，唔算逼夾，坐得都幾舒服，而且又剛好對正舞台，就算俾其他食客遮住都可以看佢地嘅大螢幕or電視機。真係要講講現場嘅駐場男歌手，邊彈鋼琴邊唱英文歌，相當浪漫，不久更有個女歌手上台獻唱，歌聲同樣貌都一絕，使全場更有氣氛。由於打電話前有講到有人生日，所以仲送埋個生日蛋糕，最正係可以要求上生日蛋糕時點生日歌，讓歌手即場為我媽咪唱生日歌，使她樂透。同埋要講埋啲staff 超好服務，主動幫我地一家人影大合照，仲等我地影好哂相媽咪吹好蠟燭許埋願再主動問我地需唔需要幫手分蛋糕，照顧周到之餘仲好好笑容，值得一讚！開始講食物，種類都幾多，雖然冇生豪，但都有其他凍類食物，好似長腳蟹，龍蝦仔，煙三文魚咁，食落唔錯仲好新鮮。熟食真係要講講佢嘅燒牛肉，即叫即切，配上佢地嘅汁口感味道一流，肉味好出。而佢地仲有好多不同種類的熟食,例如鴕鳥肉,鴨胸,青口等等.其他嘅仲有串燒同埋燒味，佢地啲叉燒同燒鵝仲好味過我係出面酒樓食果啲。另外要講講佢地啲壽司，師傅樣子好後生，但刀功一流，手起刀落咁，原本眼見要排好耐隊，但好快就有到我，同埋個師傅仔都好有耐性，明明咁多人等我仲叫佢切薄啲三文魚同燒熟啲蝦佢都冇黑面，仲笑住問我八爪魚仲需唔需要都熟啲，值得一讚。而且所有壽司都好新鮮又放得好整齊，真不錯！而隔離嘅粉麵檔有好多海鮮選擇，好似東風螺，貴妃蜆咁，最緊要係冇乜沙！！最後真係要講下我最愛嘅甜品，超多選擇，唔只蛋糕種類多，仲有啲一小杯嘅慕絲仔，得意又好味，佢個糯米皮朱古力卷都超級好味，好有口感又唔太甜，朱古力味又出，而佢哋個tiramisu 亦都唔輸蝕，好濃好好味。另外就係佢地個班cake, 又係即叫即整，除咗原味仲有班蘭味簡，仲可以要求佢係入面加雪糕，超級好味！…Read More