charliebrown21's Profile

食到一半都係忍唔住影相讚一讚！夜晚8點幾9點想搵個地方坐下，就揀左間光光猛猛嘅茶記，有港式pop song，座位新淨舒適（可能因為新開），檯面同環境都夠乾淨。但令我真心想讚嘅係啲食物好「準確」👍🏼，撈丁軟硬適中，少汁都會俾定士啤汁，奶茶少冰係剛剛好溶哂冰又夠凍，豬扒炸到脆邊，咸度剛剛好，菜都係淥過有溫度又爽口。埋單$61，上餐又快，茶餐廳嘅榜樣！！************************…Read More

包裝係幾好，貌似好食。但味道真係好一般，我諗係食材同調味問題(漢堡係麥當勞味，生菜軟淋淋，食材乏味顯得沙律醬太甜。雖然我試嘅只係至尊漢堡，但最簡單嘅食物最見真章。其他特色漢堡好食到識飛都無用，因為都唔想再試😕薯條同腐乳雞塊明明可以搶分，但兩樣野都炸到又乾又硬。新開張可能好好生意，唔想咁快想倒自己米可能要做下員工訓練。…Read More

朋友慶祝生日，為識得出煙嘅波波飲品慕名而來。第一次來食，店員都好nice同埋環境幾好。食物質素不錯，因為fusion牌頭所以款式新而且多，日式食材配少少西式做法。唯一失望係慢煮牛太乾身。其他海鮮凍盤，海膽多士同帶子刺身，意大利飯，粟米雪糕等等都甚有水準。唔知係咪因為限時(無人等位可以繼續)定係怕食唔哂，店員見我地點得多仲會提一提，見我地自拍影相又會主動問需唔需要幫手，幾真誠又細心。慶祝嚟講呢間餐廳係會食得好開心。…Read More

第一次食試下個泰式香蕉煎餅，外賣其實都預左會淋淋地。見到店員傾計所以一直都以為整緊又或者個餅團要攤一陣先煎得，點知隔左十五分鐘左右先見佢拎個餅團出來整，結果前前後後等左25分鐘有多。返到去打開一睇我以為係章魚燒嘅汁，食落口出事，苦嘅喂？？燶到朱古力醬都冚唔住啲燶苦味☹️好失望P.S.其實中途仲見到兩個店員無戴口罩對住個串燒爐頭食野，因為無影相所以唔講，但呢度又唔批個食評話要避免重覆講一樣野，咁唯有講埋呢樣，信唔信就大家去買時有緣會見到。店員都係人都要食飯，但可唔可以唔好除口罩對住個爐食仲要俾人見到。。。…Read More

搵食艱難，而家連平日夜晚出街搵食，閒閒地都要等返一頭半個鐘。尤其想搵間好坐少少傾下計嘅就更加難。搵左幾間fullbook, 膽粗粗試下去呢間walk in, 竟然唔使等，一入去仲有少少日本feel, 感覺已經唔錯。一打開餐牌見到有牛肉他他，一間餐廳夠膽賣牛肉他他應該有返咁上下，佢夠膽賣我夠膽試，毫不猶豫就點左，連埋刺身上檯，兩碟食物都很可以👍🏻另外叫左三款牛都唔錯，不過掛住傾計就無影相喇。（A5系列同壺漬牛肋條試得一試）mocktail有新意，亦都有cocktail感，暫時唔飲得酒嘅我係夠頂住條酒癮嘅。另外試左啖殺菠蘿生啤，夠凍夠“生”，好爽！店員都幾nice同細心，到十點零我地係最後走嘅一檯客，但都無任何催我地走嘅舉動。所謂阻人收工尤如殺人父母，所以飲埋杯野我地都走人了。作為文明客人，盡量就唔好阻人收工，大家都開心🎃…Read More

近排鍾意食呢間嘅港式早餐同下午茶。早餐啲炒蛋好滑，下午茶沙嗲牛麵好香花生味，生炸雞脾同煎雞扒外脆內嫩，半件西多都好香甜足料。但午餐食過兩三次都麻麻地，上海排骨好乾柴，肉絲忟米撈唔勻一啲好咸一啲無味。飲品方面，茶底不錯，檸茶奶茶都合格有餘👍🏻就嚟變港式小聚。。點解會咁架😂P.S. 呢個時勢外賣多左，盡量跟湯(湯同麵唔分盒)同走餐具飲管啦唔知點解唔夠200字唔止無得評分，連submit都唔得，拿打到而家就夠喇。…Read More

因為想食叉燒奄列入左來（同埋開頭以為呢間係黃店，聽講老闆娘話佢背左願榮光歸香港，但可能只係老闆娘係黃）。講返正題，圓檯坐左個輕度智障的食客，佢唔係特別食得慢，半個鐘左右食完，只不過間唔中會自言自語，個阿姐叫佢“食完快啲走啦，啲客都唔敢坐你隔離呀”，我心即刻小左一聲，我隔離都換左一轉食客（同檯），根本無人唔敢同佢同檯。唔知阿姐憑乜野咁樣歧視人。其實阿姐對其他客都有呼呼喝喝，我聽到己經食到背瘠骨落。咁樣蝦一個智障人士，我唔會再來。（仲有我叫左杯茶走，佢唔識落左熱奶茶，杯茶來到我問係咪茶走，佢話係呀咪熱奶茶囉，好在有另一位阿姐幫我換返。）…Read More

作為拉麵控，純粹睇完fb短片介紹而來。店鋪環境可以，上麵速度好快！一向喜歡幼爽拉麵，湯底唔蘇但味道唔夠出（好怕啲湯底整到好蘇就當係入味），溏心蛋一整隻係幾抵食，但可以再入味啲。叉燒肥瘦適中，但唔夠"林”，無入口即溶的感覺。最欣賞是環保落單紙，以及加左青瓜檸檬的水，一般拉麵要配冰水，室溫青瓜檸檬水可以平衡油膩同熱辣辣的拉麵，亦就得到唔飲冰水的人👍整體來講，味道中規中矩，老闆係有熱誠的，希望會進步！…Read More

拉麵控試新店，試埋期間限定，雖然original先可能見真章，但第一次食，對呢碗檸檬豚肉拉麵認真失望（仲要本身都無咩期望）。賣相係唔差，但湯唔夠味，麵無彈性，豚肉半肥瘦可以接受，蛋都叫半生熟嘅但唔入味。好普通好普通一個拉麵🤷🏻‍♀️…Read More

Nice  restaurant  !  Nicely  decorated  ,  food  are  delicious,  staff  are  nice!  Enjoy your time with yourself or friends here! Me and my friends were here at 2pm. After 3pm it started to get crowded. We orders three kinds of herb tea, waffle, soup noodle and Indian pancakes. All are great!…Read More

做冬食飯一早訂了一圍半，去到俾一張大檯，18個人迫埋一張檯，向經理反映，經理話訂檯嘅野我唔知，然後行左去。咁佢岩丫，唔通我18個人臨時搵到另一間酒樓做冬咩😒無下次！…Read More

試左豬軟骨焰拉麵，豬軟骨超蘇，適合愛豬心士。湯底偏咸同油，最好跟罐可樂中和返。味付玉子（糖心蛋）好食！鐵板牛舌凍嘅，得黑椒味，而且太有𡁻頭。唔知點解要打夠80字，而家夠了。…Read More