lokyi330's Profile

今朝打算同男朋友行山前食個飯，就去左大埔依間分店食。其實自己之前都食過一次，果次叫左個豚肉，又硬又乾，已經覺得有啲中伏.....但無選擇情況下，決定再食多次我地嗌左個鰻魚飯。個鰻魚飯得兩小舊鰻魚，喺少到唔合理，性價比不俗。即使問番店員點解得咁少，佢同我講‘’係得咁少架啦‘’，真係得淡笑。服務態度方面，店員明知我地叫佢，都一支箭走左去，依點都算，就當佢真係忙。最離普係，佢地成日對住出餐位啲嘢食大大聲講野（因為我地坐正出餐位前面，所以睇得好清楚）。#日本風茶餐廳#以後唔會再食依間…Read More

是咁的，今晚同個好耐冇見嘅朋友去食晚飯。第一次去依間鋪，比較細間，同埋枱都比較迫，傾計有啲唔太方便。加上得番最近門口個張枱，所以一路食野，全程食飯要忍受冷熱風不斷交替 （不斷出出入入開門關門）開頭都好地地，食物幾好食，環境音樂都唔錯。到埋單就出曬事....*服務員每次都好好心叫我地check下單*第1次埋單（$780，加一 $78）：我發覺張單出錯，原先話點2人set dinner每杯飲品-$24，最後張單冇減到24蚊x2，我同服務員提出要更改，佢叫我等等第2次埋單（$740，加一 $78)：聰明嘅你地應該發覺到個問題位係咩。就係個加一， 佢竟然計番我地第一張單嘅加一. OMG，真係笑左出尼。我再同佢講張單加一個到唔岩，佢叫我又再等等 (我見到佢已經開始唔耐煩)第3次埋單（$690，加一$69）：今次服務員語氣‘’好‘’到極致咁同我講 “今次就當我請埋你2個飲野，你再check下張單”wtf？佢索性free左2杯野飲比我地，但佢完全係唔耐煩，覺得我地想r 著數？講真，我唔係要r 著數，但我更唔想係再要等依位服務員埋第4次單，之後又唔知依位服務員會用咩語氣對我地2個講啲咩，比咩說話我地聽 Anyway，如果貴餐廳+依位服務員見到依個post，我想同你講聲，多謝你地依2杯飲品。…Read More

以前的確係好食好多，依加76蚊一個飯，飯勁多，但餸好少，飯焦又唔好食，一啲炭味都冇，又唔脆。全部野都縮曬水，又貴又唔抵。唔值得試。食過一次以後唔會再食。最抵咪$6支飲品囉。…Read More

服務態度極差，話坐窗邊位最低消費要要比$2000。到之後佢轉位比我地，特登安排左個冇冷氣死角位，超焗。到我地決走個陣時先話比第二個位我地。同侍應講野，同佢講中文佢講英文，同佢講英文佢又同我講返中文，九唔搭八。 …Read More