khkaren's Profile

沙嗲王一直都係我同老公的開飯食堂之一食物水準ok, 而且價錢又平最少一個月去一次不過佢真係要改善一下佢d服務質素, 如果唔係隨時會搞出人命!!!!!!!!!!!今次再次黎到旺角呢間分店, 樓下reception的大姐真係好好人我地過咗十幾張枱都唔使重新排過, 一有枱就立即俾我地, 太好了!!!!!!~ 眼見當時仲有超過二,三十人等緊枱, 真係好彩呢我點咗個白咖哩豬扒粉絲老公點咗個焗芝士白汁海鮮意粉再加脆蝦棒同焗芝士白汁一口貝飲品方面就叫咗朱古力雪香同芒果檸檬梳打由於老公對蟹肉敏感, 所以每次食親呢個意粉都要走蟹肉落單的時候已經再三叮囑一定走蟹肉, 而且講到明係因為食物敏感追單的時又再度提醒個意粉要走蟹肉結果.....................................個意粉完全冇走到蟹肉, d蟹肉仲要係放咗o係成碟意粉的中層位置老公食咗三分一先發覺有問題, 即刻同個侍應講呢個情況已經唔係第一次發生, 之前已經試過一次又係呢間分店, 我地又係坐同一張枱上一次同樣地要走蟹肉, 但係又係冇走到, 好彩ge係上次d蟹肉擺咗o係碟意粉面,可以叫個侍應即刻換個碟但今次將d蟹肉擺到咁底, 唔覺意食咗點算呀!!!!!!!!!!!!!!!!食物敏感可大可小GA, 可以死人GA, 點解可以完全唔重視真係太過份LA!!!!!!!!!!!!!!!!!雖然佢地即刻同我地道歉, 幫我地換個碟新GE, 但係已經令到今餐飯蒙上污點我真係好希望沙嗲王可以重視一下佢地的服務質素對食材的一個少少要求應該唔係太過份JE但係佢地都做唔到, 仲要係唔至一次的犯錯實在有點離譜今次的喊面係俾佢地的服務希望佢地會有所改善, 我真係唔想將沙嗲王踢出我地的飯堂名單…Read More

今次係第二次黎到倚窗閣食dinner buffet上一次係情人節 今次個場的setting都同上次差唔多, 係冇咗d情人節decoration同埋每枱都附送的心形氣球第一round當然主攻冷盤, 包括生蠔, 魚生同沙律生蠔並唔係任攞, 由廚師分配, 每人2隻, 有New Zealand / US 2種我雖然鍾意食生蠔, 但係食唔出2隻有咩大分別, 淨係覺得d蠔幾新鮮, 因為係即開ma~~~~魚生一樣都唔係任攞, 個廚師好好人, 每一件都厚切, 正呀~沙律的款式都有好多之後就開始食熱盤, 款式非常之多, 有牛扒, 鐵板燒, 即煮的海鮮, 炒牛柳, 焗蠔..........食咗幾round都食唔晒buffet的戲肉當然係甜品la, 倚窗閣的甜品係我食咁多間buffet之中最多ge, 而且賣相亦都係最好, 好多都用小玻璃杯裝住, 整個dessert corner都排得好靚, 最緊要ge係味道非常好la值得推介ge有木槺布甸(個cream整得好滑, 我男朋友一個人食咗3杯), 芒果拿破侖(芒果好甜, 個酥皮整個好鬆化), 各式的mousse, haagen-dazs雪糕(但可惜冇綠茶味)今次仲加多咗自裝珍多冰, 可以自己整紅豆冰, 涼粉冰等等, 可以食又可以玩埋單用咗員工優惠(25% off) 再送一杯果汁哈哈, 突然覺得入大公司做野真係幾好ga, 有咁多優惠每人大約三百幾蚊, 平咗一大截呢~~~~期待下一次再黎的時候~~~~yeah…Read More

今日同媽咪出街預祝母親節, 決定去正記食~點知卻換來失望的一餐......我地叫咗5樣餸, 冇一樣係可以稱得上好味 1) 鹵水鵝拼墨魚: d鵝勁肥, 勁少肉, 而且d肉唔似鵝肉的質地, 似鴨肉多d2) 燒汁焗牛仔柳: 根本就係中式牛柳, 改咗個名魚目混珠, 可惡呀!!!!!3) 咖哩什菜煲: 呢個應該叫做葡汁椰菜煲, 首先個汁並唔係咖哩汁, 係葡汁, 最離譜ge係入個煲都係椰菜, 得o個幾條青椒同2棵西蘭花就叫什菜煲!!!!!!4) 啫啫雞煲: d雞肉勁"鞋", 仲要唔知點解有半煲都係豬膶, 我而家叫雞煲, 唔係叫豬膶煲呀5)芝士海蝦焗伊麵: 個伊麵根本都冇焗過, 只係淋d芝士汁上面呢一餐係我食咁多次大排檔最難食的一次, 冇下次呀!!!!!! …Read More

難得星期六短週唔使返工, 一定要揾節目慶祝一下呢個happy friday 自從第一次誤打誤撞試咗呢度之後, 成日都心思思想再黎食, 今次終於揾到機會la~~~~~我地2個都好鍾意食芝士同三文魚睇完openrice的食評後, 一心想試下呢度的招牌菜:芝心戀人但係一入到去就俾個menu嚇親.........."因為冰島火山爆發的關係, 三文魚的來貨價暴升, 所有三文魚菜式的價錢都有所調整"三文魚壽司(2件) $12-->$18三文魚刺身(8件) $48-->$75芝心戀人 $42-->$55見到呢個咁ge價錢真係好唔開心, 因為我地真係一心想黎食三文魚最後都係決定今餐放棄我們最愛的三文魚, 因為呢個價錢真係唔值呢我地叫咗好多件特價壽司, 包括帶子,北寄貝, 芝麻八爪魚, 鮑魚, 鴨胸, 腐皮.....所有壽司都好好味 當然唔少得我地最愛的芝士壽司啦今次一樣叫咗芝心鵝肝卷, 鵝肝同芝士溶為一體, 正呀!!!!! 仲叫咗吉列蝦同蒜片一口牛, 吉列蝦依然保持水準, 炸得脆脆的另外值得推介ge係蒜片一口牛, 牛柳切成一粒粒的, 煮得非常入味今餐都係一餐令人滿意的晚餐, 但係冇食到三文魚始終都係有一d遺憾等回復返正常價錢我一定要食返夠本, 你要等我呀, 三文魚~~~~~…Read More

每次去旺角登打士街掃街, 幫襯開ge都係愛爾蘭瘋薯同阿升兩個鋪位之間的日船今次先至係第一次幫襯藍色的格仔招牌又幾日本feel wor~~~要咗一盒八爪魚丸同三串雞軟骨六粒八爪魚丸賣$15, 的確比其他鋪頭賣得貴 不過佢整得真係好好食甜甜地的照燒汁再加沙律醬, 真係食八爪魚丸的絶配呀~~~~仲有面頭會"郁下郁下"的木魚碎真係好好味呀而另外的雞軟骨亦都係一個唔錯的選擇, 炸得脆脆的不過可以再咸多咗少少, 味道有d淡嘻嘻, 下次去旺角掃又多咗一個選擇lu~~~~~~…Read More

我地幫襯開的另一間麵線靜靜加價huffy:, 仲加咗25%, 加幅真係有d過份地大為咗抗議佢的無聲加價, 今次我地轉移地方, 試下阿升的麵線要咗2個細麵線($14@)相比阿土的麵線, 阿升的麵線比較稀, 麵條相對較少我比較喜歡"杰"d的麵線, 似台灣正宗的麵線多d不過比較好的地方係除咗配料外, 呢度連醬料都係任落(蒜汁, 黑醋, 莞茜)佢d配料亦都係辣好多, 啱晒我特別係辣菜甫同辣榨菜, 不過連我呢個好食得辣ge人都覺得有d辣奉勸唔食得辣ge人真係唔好落........如果唔係後果自負之後再追加咗個鹽酥雞, 水準同之前一樣好細的份量都有唔少, 但如果每一件雞的size再大少少就好, 切得太細粒影響咗個口感雖然阿升的麵線比另一間稍遜, 但基於佢價錢比較平, 同埋另一間實在太過份啦(加價之餘再減份量), 我地都考慮緊會將我地的食堂改為阿升…Read More

今年的年初一同情人節係同一日, 係近57年的一次幸好年初一唔使去拜年, 如果唔係就冇得同老公慶祝情人節呢~~~鍾意食壽司的我地呢一日冇想食壽司的意欲反而想食西餐, 可能因為今日係情人節la, 食西餐'應節'd ma於是決定咗食好耐都冇食過的扒王之王原本打算出旺角, 但因為臨時行程有變, 所以最後去咗屯門屯門得一間扒王之王, 而且位置都比較難揾 我地行晒屯門市廣場附近同新墟都揾唔到, 點知原來間餐廳o係另一面如果唔係o係對面街見到佢個紅色招牌, 我諗我地會放棄去咗其他地方食今日係節日, 但係都唔使等位, 大約五成full la個waitress安排咗我地坐卡位, 位置都幾闊落由於今日係情人節同年初一的關係, 只係得情人節套餐或者新年套餐, 冇晒其他menu我地就點咗2 個情人節餐, 有餐湯+餐包, 頭盤, 主菜, 甜品同飲品餐湯: 甘筍忌廉湯 - 橙紅色的忌廉湯, 味道都ok, 不過如果忌廉味再濃d就好啦頭盤: 忌廉酥盒+什菜沙律 - 心形的忌廉酥盒, 做得好靚, 外形滿分, 味道都滿分呀, 非常鬆脆,真係好好味呀, 可惜每個餐只係得一件 主菜: 老公要咗窄切厚身肉眼扒, 六成熟佢詁好好味, 因為件扒有小小肥, 唔會太韌~~我都試咗少少, 都真係唔錯ge 我就要咗牛扒(唔記得咗咩部位) + 珍寶帶子, 七成熟我o個份相對就差咗d, 件扒燒得有d過咗火位, 個邊位有d燶, 搞到有d韌不過中間的肉質都還可以ge而所謂的珍寶帶子, 個size仲細過一個5蚊銀, 有d失望......... 甜品: 意大利芝士餅, 即係tiramisu, 面頭鋪滿朱古力粉, 硬度適中, 但略嫌酒味過重飲品: 普通的凍檸茶, 一般的水準不過, 值得一讚ge係呢度的staff的服務態度真係好好, 個個都好有禮貌, 好有笑容所以成餐飯都食得好開心總括而言, 食物的水準都係中上~不過我都認同扒王之王的水準的確比之前跌咗, 今次都可以俾個笑面, 我都希望之後可以繼續o係扒王之王的食評俾笑面…Read More

有一個朋友即將去澳洲讀書, 臨走前當然要同佢farewell啦~~~提議去食放題, 貪佢食物方面可以多d選擇, 而且我好鍾意食日本野, 特別係三文魚 有一個朋友知道呢度有promotion, dinner 時間$138 +10%而且水準都唔錯, 所以最後book咗7:00pm但係我地遲到, 7:15pm先到 =__=時間係限食2個鐘, 由於遲到的關係, 一坐低就唔理咁多咩都點一餐, 驚唔夠時間食 d staff同我地講話會補返15分鐘俾我地, 叫我地慢慢黎 ~~~~實在太好啦食物方面, 水準都唔錯wor~~-刺身: 三文魚(好大件, 好好味呀, my favourite )帶子(品質比較參差, 頭2 round都麻麻地, 但係第3 round就唔錯wor, 大隻咗同埋多d鮮味, 整體上都ok ge, 因為唔係間間放題都有帶子刺身)其他ge就仲有希靈魚(好食~~), 鱆紅魚(好特別的口感~), 劍魚腩(好難食, 勁油, 勁膩, 食咗一啖都唔想再食 ), 象拔蚌.....-壽司:都有幾多種選擇, 包括松葉蟹柳, 燒牛肉, 火炙吞拿魚, 但係我冇點食過壽司, 唔太方便置評至於卷物, 我最鍾意鰻魚芝士卷, 好大塊鰻魚 , 其他的加洲卷, 軟殼蟹卷就普通咗d-炸物:呢度的炸物真係唔錯wor,有天婦羅蝦, 炸蠔, 炸帶子, 熱辣辣, 炸得好脆其他的食物都ok ga, 燒牛串, 燒帶子, 和牛粒, 日本蕃薯仔.......總括而言, 價錢又唔係真係太貴而家用埋coupon更抵, 不過2月份coupon星期四,五,六,日同公眾假期前夕都唔用得都幾難先用到張coupon law. 想平d唯有食8:45pm o個莭啦..........…Read More

好耐都冇食過煲仔飯, 今次我地下定咗決心一定要食到, 抗拒壽司的誘惑 去到廟街, 見到好多警察o係巡邏, 本來露天的攤檔都加再簷篷都係因為之前的鏹水狂徒, 令到廟街的風味大不如前.........作為廟街煲仔飯的之首的興記, 去到依然係大排長龍有成二, 三十人o係度排緊隊 不過佢d人龍去得好快, 我地等咗大約十五分鐘分就有位lu~~~我地叫咗一個牛肉排骨煲仔飯, 一個章魚雞粒煲仔飯同一個細蠔餅蠔餅先到, 煎得好香同好乾身, 記住一定要襯熱食先好味ga 2個煲仔飯等咗十分鐘就黎, 打開煲蓋, 倒豉油再焗一陣......真係好香呢~ 我食o個個係章魚雞粒飯, d雞好滑, 不過略嫌d飯唔夠乾身, 可能我焗得唔夠耐la......另外的牛肉排骨飯都唔錯呀~~大排檔有一番特別的人情味 , 係其他地方揾唔到ga雖然地方係比較淺窄, 太大的動作都會整到隔離的人但係呢度d伙計好有禮貌, 同埋好好笑容, 唔會對你粗聲粗氣所以話冬天去食煲仔飯係一個好好的選擇 …Read More

次次出去旺角都會食阿土麵線, 今次都唔例外叫咗2個細麵線, 一個唔要芫茜但係今次的份量好似少咗, 醋的份量都唔得唔夠多, 要額外自己再加另外, 個麵線唔夠熱, 食得唔夠過癮, 冇咗熱辣辣的感覺 雖然佢d辣菜甫, 辣蘿蔔同辣榨菜依然都係咁好食, 但係今次的水準的確係差咗........…Read More

今晚有特別任務要過中環, 所以出到黎TST食野, 方便之後搭船過海~~晚餐的地點仍然係板前, 食壽司真係食極都唔厭ge~~~TST呢間板前係第一次幫襯, 起初我地仲揾唔到間鋪o係邊tim =____=........入到去的間局唔錯, 面積都幾大我地被安排坐o係bar枱位, 不過冇得自己加水, 幸好d staff都加水加得幾密今次繼續點咗我地最愛的三文魚, 切得厚厚的, 依然係咁好味除此之外, 當然唔少得另一最愛帆立貝啦, 每次食親板前都會叫~~~值得推介ge仲有豚拖羅同芒果龍蝦沙津卷, yummy~~~另外, 我地仲點咗手卷, 北寄貝. 芝味三文魚.......呢一間的水準係我食過咁多間板前最好ge一間壽司大舊d, d飯都實d, 而且服務態度都ok唔怪得之呢間板前o係咁多間分店中排第一位啦 …Read More

媽咪7月1日生日, 想一家人食buffet慶祝於是上openrice做research睇下邊間有多d好評, 原本諗住book佐敦的紅煙窗, 不過30/6的booking full晒, 結果最後決定尖沙咀marco polo prince的香味屋一行7 人, 7點的booking最後遲咗15分鐘先到我地張枱都幾近buffet吧枱, 攞食物都好方便食物的種類都有好多冷盤: 生蠔, 凍蝦, 龍蝦仔, 螺, 凍蟹, 各式的沙津, 冷麵, 刺身, 壽司.....熱盤: 好多咖哩, 燒物(青口, 羊架, 豬扒, 粟米....), 意粉, 炒蜆, 雞, 和牛, 生滾粥, 魚, 中湯+西湯.....甜品: 自製waffle, 朱古力噴泉(puff, 生果, 棉花糖....), haagen dazs雪糕, cheesecake, chocolate tart, mousse cake, 泰式甜品.....真係好多選擇, 各方面都有酒店buffet的水準, 我比較鍾意冷盤同甜品, 特別係生蠔, 我一開始已經就食咗半打做頭盤, 不過d生蠔就唔算太肥美, 比較瘦另外刺身都係一個唔錯的選擇, 不過就切得比較薄至於熱盤呢, 我都食咗2-3 round, 質素就中規中矩, 同其他酒店的水準差唔多(我食buffet的target並唔係熱盤呢~~) 今期的推廣係和牛同端爐燒最後就係必食的甜品, 有8隻味任擇的haagen dazs雪糕,包括my favourite綠茶同士多啤梨, d cake都好好食, 不過可以每件整得細d, 可以試多幾款, 佢仲有得自製waffle, 有得玩又有得食, 未試晒所有食物都已經好飽 , 有d後悔冇試到個朱古力噴泉用openrice的7折coupon埋單, 每位都係$250,如果食buffet ge話呢間係一個唔錯的選擇~~…Read More

明將我地都幫襯咗好多次, 次次都係去西九龍中心o個間前一排知道原來旺角都有分店, 都係有任食壽司, 所以今次我地決定試下旺角呢一間去到見到佢有兩個門口, 任食同唔係任食的有兩個唔同的鋪位, 唔好入錯呀~旺角呢一間分店都幾細, 得一條迴轉帶同大概廿多個的散座不過環境都唔錯, 唔太逼, 張椅都舒服好多, 唔會好似西九咁逼都傻迴轉帶上的壽司有好多款, 有三文魚, 八爪魚片, 芝麻八爪魚, 螺肉, 玉子, 中華沙津, 鴨胸......雖然d款同西九o個間差唔多, 但質素係差天共地, 好過o個度好多多d三文魚的厚度同板前o個d差唔多, 其他壽司的餡料都咗多成倍, 唔再係一舊壽司上面只會得一粒細得可憐的芝麻八爪魚或螺肉今次我地總共食咗23碟, 比想像中食得少咗tim, 不過真係食得幾好滿足希望呢間明將可以keep呢個水準呢, 同埋其他的明將都可學下呢間分店的質素, 如果唔係就只會做壞個招牌 …Read More

今日的壽司癮又發作, 去咗cwb板前醫肚目標當然係$3件的三文魚壽司啦, 任叫幾多碟都得, 質素亦都唔錯但係今日去到先發現原來由1/6開始, $3件的三文魚優惠每人只可以叫三客, 而$4.5一 客的三文魚醬油漬壽司每人只可以叫兩客發現咗呢個消息之後突然覺得好失落.....唔可以盡情咁食三文魚壽司兩個人叫咗6x三文魚壽司, 3x三文魚醬油漬壽司, 1x北寄貝, 1x紫菜蝦卷, 1x豚拖羅, 2個手卷, 再加citibank的優惠set, 最後埋單$150(85折後)我諗自今次起會減少去板前的次數, 冇得任叫三文魚真係好冇癮........ps: 今次的喊樣係俾冇得任叫三文魚, 唔係講板前的質素…Read More

我地兩個的壽司癮又發作啦繼尋日去咗銅鑼灣的板前之後, 今日再度衝擊將軍澳的板前哈哈, 今日我地竟然做咗板前尊貴的客人我地大約4:45PM到, 店內竟然一個客人都冇, 變咗全店的staff只係serve我地兩個今次我地計好晒要食d咩, target係$200之內我地瘋狂地點咗15碟三文魚, 2個手卷, 1碟帆立貝, 1碟北寄貝, $10citibank優惠壽司.....原來三文魚醬油漬的優惠間間分店都唔同, 呢間要6:00pm後先有優惠=__=, 搞到我冇得食結果以$188找數(citibank teatime八五折優惠), mission success!!!!板前已經變咗我地食壽司的首選~~…Read More