candykai's Profile

時值下午兩點, 排隊排第四, 眼見前面一家三/四口拆開兩枱都是為了入去食飯, 真心佩服。點了報章雜誌推薦的紅燒牛肉飯和出於純粹好炸物而點的鹽酥雞扒飯。肉食份量十足, 雞扒又厚又大過手掌, 但肉質掌控不足, 肉汁欠奉, 牛肉尤其乾榎。 值得一讚的是調味有層次, 雖然雞扒已經有傳統的台灣調味, 配上少見的檸檬汁, 不禁慨嘆西餐才是主廚的撚手菜, 酸甜比例完美。點牛肉是為了飲牛骨湯, 餐廳店員很友善, 飯食可以加湯, 另碗上, 但諸君切勿盲信食評, 湯蘿蔔味重, 偏向日式風味, 雖然清香不油膩, 但我認為此店的紅燒牛肉麵不算賣點。 相反, 魯肉飯微甜, 迎合香港人口味, 全瘦肉不油膩, 再一次肉質偏乾味道取勝。既然一尷枱難求, 要試就試魯肉, 其他餐點加$10就可以白飯轉魯肉飯了👍…Read More

侍應好好傾, 雖然坐戶外熱辣辣, 又勁多煙民, 但食物快靚正, 快餐之選點了蕃茄焗豬扒飯, 炒底, 整體味道不俗但份量偏小👍厚切牛脷意粉是推介之一, 牛脷嫩口好吃, 法蘭克腸雖則原條上, 又幼又粉, 只怪自己吃慣司華力腸…Read More

晚上9點鐘last order, 台菜愈賣愈貴, 元朗呢間台灣餐廳一向有人氣, 食物亦別具特色, 芋泥多士十分懷舊, 十多年前香港的台菜主打正是厚多士和花枝丸麵, 時至今日, 瘋台灣就是瘋木薯丸子。於是, 未食正餐率先點了熱黑糖芋圓, 有紅豆和白玉波霸, 煙韌順滑, 糖水啡黑有光澤, 比一般糖水甜, 名符其實的甜湯👍焿、羹同義, 台灣常見的勾芡小吃。 羅東舖在台歷史猶久, 絕無分號, 元朗難得一間。 肉羹芡汁雖然偏渴, 但順滑易入口, 有少量醋和香蔥調味, 湯內有五塊手指大小的普通豬肉。🐷鹽酥雞乾拌麵,台灣麵煙韌, 醬料別有風味, 不是一般滷肉, 似腐皮肉絲混合物, 微辣, 炸雞粒偏細, 調味足但口感不濟🐔…Read More

冰室、茶記傻傻分不清。旺角朗豪坊附近一間店面頗乾淨的餐廳, 座位間隔鬆動。 餐牌上一堆芝士撈丁, 看來是主打, 先點一個芝士汁雞扒雞翼飯。 雞, 全部都係雞😳侍應哥哥當堂嚇一跳。 小朋友口味、重忌廉的芝士汁不會太濃稠, 易入口。 雞扒飯正常, 雞翼是十揀一餸, 打孖上, 隻隻都脹卜卜, 又香口, 抵食之選。另外點了自家蔥蒜豬扒飯, 好食但有略嫌貨不對板, 蔥是洋蔥的蔥, 青綠蔥花極少, 蒜頭搵粒刮痧都無, 豬扒就正常份量, 正常發揮。…Read More

無人講我講。紅橋餐廳雖多, 要不排長龍, 要不超出預算, 兩條友推住單車更難搵食。岡一在紅橋開張已久, 透過玻璃窗正好看守單車, 一於試試。家庭式經營的小店四五張枱, 臨近晚市陸續坐滿, 食客多隻身而來, 只為回家前吃上一頓價廉物美, 從奔波勞碌中解放, 大有深夜食堂的氣息。先端來煎茶, 然後是章魚丸, 還有咖喱豬扒飯和軟殼蟹拉麵, 可以加底, 沒有花巧的裝潢和擺盤, 一切簡單乾淨, 是很貼地的餐廳。主菜都是炸物, 香脆肉嫩, 調味恰到好處, 配菜諸如蔥花洋蔥適度點綴, 惹味得後悔沒有加底。…Read More

屯門人氣餐廳, 西日fusion大眾化的餐牌, 裝修前後都人龍不絕, 在華都花園屬中高價位餐廳, 座位間格舒適, 燈光昏暗, 西餐擺枱, 適合情侶🌉來一個早晚餐, 點了吉列豬扒咖喱蛋包飯, 咖哩偏向港式, 不是日式甘咖哩。🐷吉列豬扒炸得香脆, 沒有皮肉分離。 配菜除了有洋蔥粒和蔥花, 還有番紅花, 份量激多👍溫泉蛋牛肉意粉🐣又是雞蛋, 不同煮法, 各自配合得天衣無縫。 意粉醬汁莫名惹味, 牛肉亦不錯, 但炸豬扒略勝一籌p.s. 加set價錢稍貴, 無緣試水吧和沙律…Read More

疫情過後, 星期日的旺角淪為姐姐之城, 商場裏較高端的餐廳空無一人, 親民的food court擠滿了工人姐姐, 一退便是街市熟食中心, 食環把所有四人枱其中兩個座位套上黑色垃圾膠袋, 不知又上演哪齣戲。稍有名氣、在媒體曼光的餐廳今天不營業, 又不知哪齣。靠近入口的這間店舖沒有人龍, 相反送外賣的一袋接一袋, 大家都是3x蚊的快餐, 點了椒鹽豬扒飯, 蠻像樣的, 椒鹽雖然似毛粒一般團結, 吃起多也不差, 美中不足的是炒底飯量偏小, 鑊氣欠奉。…Read More

安定可謂良心沙漠, 幸好有臺水鏜補完美食地圖, 西式揀鬍鬚仔, 日式伊藤家, 中式臺水鏜, 新店揀台式, 延續水飯鏜風格, 毋忘初心點了三杯雞球飯和鮮茄焗豬扒飯, 醬汁濃郁, 雖然不太健康, 好味就得。 雞球和炸豬扒啖啖肉, 但豬扒蘸了炸粉顯薄 , 配菜送沙律很完滿, 而且雞絲多過沙律菜🙈 台式蛋捲頭號粉絲🙋點了一個肉鬆口味, 不推薦, 蛋皮太厚, 似忘了泡打粉的班戟值得一提, 餐廳支持多個付款方式, 忘了帶現金、八達通負數, 可以用FPS, 當日真的幫了大忙。 新開張餐牌只有一款, 後來有下午茶, 要試試了…Read More

由港島開到入大西北, 呢間餐廳到底有什麽過人之處呢？馳名燉湯細細盅, 雖然兩三啖呷完，確實美味。屯門區客源不再是OL, 以後生仔女或一家大細為主, 食物十分大眾化, 雞豬牛任均選擇, 粉麵俱備。點了炒豬扒公仔麵和蓮藕肉餅飯, 配菜有沙律菜、蔥油和酸菜, 又中又西, 任君選擇?一種滿滿的weekday便當感。是日開張初期, 晚上9點過後依然座無虛席, 門口圍滿等外賣的屯門牛。 個人認為這新店餐牌很吸引, 食物有質素, 但欠缺獨特之處, 似是升級版大家樂, 而且座位偏窄, 裝修華而不實, 在屯門這個美食天堂怕會被比下去呢。…Read More

華都商場不時加租, 商戶叫苦連天, 食肆組合經常更新, 雞朱寶舖仔細細, 難得猶在, 食過返尋味。蔥油豬扒常常吃, 這次試試新意思, 點了京都豬扒飯和椒鹽豬扒飯, 扒飯大大碟, 永無止境, 椒鹽豬扒固然是招牌菜之一, 京都豬扒換汁不換肉, 同樣惹味。…Read More

無人講, 我講。兩個人晚市未到就霸左張枱, 點了泰式鳳爪、黃咖哩牛肉飯和泰式炒金邊粉。街市熟食中心例必有間泰國餐廳, 而它們的餐牌千篇一律, 味道卻各師各法。前菜泰式鳳爪材料正常, 味道卻辣到飛起, 想必是為了吸引人點啤酒飲料; 咖喱不過不失, 牛肉是火鍋牛肉片, 都好食, 友人譏諷我的妄想, "如果係牛腩會寫明囉"; 金邊粉是好食的泰式金邊粉, 另附調味料非常特別, 除了有青檸和乾辣椒, 還有砂糖(而非花生), 味道相融。花園街街市的熟食中心不是密閉空間, 開了冷氣, 加幾把牛角扇吹下吹, 食辣都不會流汗。…Read More

時近八半, 剛從醫院探病回到市區, 雞地雖然美食雲集, 但大部份餐廳都九點打烊, 幸福小廚也一樣。 聽說那是炒鑊遠近聞名的茶記, 平日晚上只想用相宜的價錢吃一頓飽飯, 茶記人情味重, 應該會通融吧。點了是日晚餐(只比餐牌正價便宜$2)蝦仁炒蛋飯($48)和仁尼炒飯($50)。晚市較午市大約貴十元, 包熱飲, 最後一批食客老闆娘贈湯。取名字比想像中重要, 幸福小廚乍看是外賣檔, 略顯年紀, 推開玻璃門有電視、 有卡座, 雖然mirror的歌聲聲量完全覆蓋了韓劇。 這種小家庭經營彷彿為不修邊幅的茶座增添魅力, 家庭是收穫幸福的地方, 廚房將之發揚光大。口味淡的宜蝦仁炒蛋, 蝦仁量多, 沒有特大顆; 口味重宜印尼炒飯, 不辣, 也有蝦, 有咖哩粉, 料就是豬肉、洋蔥、火腿、菜絲、蛋絲。填飽了肚子匆匆離開, 店家還在處理家務, 清潔、準備明天食材。…Read More

美式甜品+日本店名+南亞裔姐姐？朗豪坊新開張不足一個月，頻頻見報, 價錢又並非太貴, 路過就坐上12樓試試。店面很冷清, 三個不會說廣東話的女士掌店, 除了見報的巴掌大爆餡熱狗(模型)和大大塊已焗或未焗的曲奇外, 還有意式雪糕, 二三十蚊不算貴, 但一球黏一球, 不太吸引。點了一個$32朱古力香橙撻和$22抹茶麻糬曲奇, 店內有立食區, 門外粉紅長櫈一張, 堂食會翻熱。甜品層次不足, 似美式甜品粗豪, 材料足, 味道夠, 但撻皮不脆, 麻糬佔比過多, 稍欠精緻…Read More

平日晚餐求冷氣、飽肚、抵食👉$26魚三寶米: 魚腐、白魚蛋、炸魚角, 各兩至三粒(細), 全日優惠價, 平民恩物👉$30牛腩麵, 牛腩有水準, 湯底普通, 食完無口渴, 應該無味精👍全部粉麵都送白蘿蔔, 兩大舊, 大方抵讚…Read More

我講。元朗劇院晚市意粉大大碟唔駛40蚊👍元朗劇院和餐廳林立的教育路僅一街之隔, 但入元朗的搵食的通常不會搵到劇院, 當年讀書食lunch亦不曾考慮劇院餐廳, 但梨園小敍屹立不倒, 餐牌價錢猶如時光倒流, 令人嘖噴稱奇晚市沒有飯餐, 只有意粉同大量茶餐,兩個人點了:忌廉香草汁牛肉意粉、三絲炒意粉、公司三文治、鮮奶、華田脆脆，埋單一百蚊鬆D, 不單止飲飽食醉, 最重要係味道拍得住一般茶記, 雖然不指望有鑊氣, 意粉白汁濃淡適中, 香草不至於精致, 但牛肉肉片味道不促🍔公司治餡料齊全(蕃茄、火腿、蛋、薄豬扒...)、層次分明小餐室環境清靜, 適合良朋小聚或一人快餐, 有埋蛋糕更佳…Read More