bearbearyan93's Profile

今次間小店係屯門🐻同事推介，而家變左飯堂咁樣 😏 佢地都多野食選擇，而且價錢唔貴，味道仲要係五星級 🤩 有次同老闆傾計先知佢就係大廚，曾經去過外國、漢莎航空等做過廚，而且好著重食物質素同安全， 🥰 留意番佢哋星期一至六做中午11:30-14:30 同晚上 17:00-21:00 兩個時段咋 🤗⁡🐻の試食‼️✨ 黃廚去骨雞脾撈麵/飯 $48 ✨ 厚切大王炸豬撈麵/飯 $48⁡以上尼兩款都係🐻推介，雞脾啖啖肉又滑，炸豬勁厚好酥脆，可以揀蔥油汁/黑椒汁/麻辣汁/沙薑汁/蒜蓉汁，蔥油同沙薑都好正✨ 另外佢哋間唔中有啲特色推介，例如肉醬/紅燒牛肋腩 🥰 飲品都係自家制，或者揀佢哋既足料靚湯 🤩 $48去邊搵‼️…Read More

話說早排🐻同老公去左澳門玩左三日兩夜 😃 編排行程一定要搵唔同出名既好西試吓 😌 第一日過去澳門本身諗住搵間舊式冰室食野，但醒起附近有間今年新開既人氣甜點店，所以襯佢12:00就快開賣時就去排隊買 😍 等待時間都耐，又見前面既人幾盒幾盒咁買，都怕食唔到 🥹 ⁡🐻の試食‼️✨ 奶酪花杯子 $38✨ 抹茶花杯子 $40⁡成功買到一刻，🐻同老公決定係店外即食🤣 Size都幾大個，本身以為佢係會暖暖地，點知原來唔係 🥲 食第一口感覺個皮係好酥脆，而裡面滿滿既奶酪就比想像中流心 😳 食一口就好易漏曬奶酪出來，真係會比較輪盡 🥶 另外既抹茶味係幾濃郁，帶少少茶苦味 🍵 不過🐻同老公都覺得整體唔算好有驚喜，大家真係去試可能等唔洗排咁耐先買來試試🧁…Read More

香港有唔少特色米線店，🐻一直醉愛屯門雲川，但鳳鳴居咁出名，無理由唔試吓既 😆 不過佢哋成日排長龍，閒日晚上都等左一陣先有位，夏天排真係幾辛苦 🥵 但要讚讚佢哋既店員好有禮貌，又會留意到客人枱面有冇污糟，好快手就執好，一讚❗️⁡🐻の試食‼️✨醉香雞米線 $54 + 豬大腸 $10 + 小雲吞 $8 ✨喇沙湯底米線 $25 + 秘製腩肉 $8 + 生菜 $7 + 手撕雞 $10 + 水餃 $8 ⁡湯底黎講，佢既醉雞湯係幾足料，有曬去核紅棗同雲耳，而且味道係好甜既酒湯底，雞件比想像中滑，而且好貼心有骨碟同豉油配埋 😌 加既配料都好鬼多，係多到嚇親❗️不過小雲吞似水餃多啲 🤣 另外，喇沙湯底椰香味夠而且辣味重啲，唔食得辣既朋友要小心揀唷 😋 ⁡…Read More

兩姊妹涼皮之前已經幾出名，加埋太子店新上榜香港米芝蓮2023，令大家更加關注❗️ 攞得米芝蓮，就代表食材品質、料理方式、味道、獨特性等都有高水準 😌 尼排熱到咁，涼皮一定係最佳選擇❗️今次🐻係自己地頭屯門店買黎試吓 😋⁡🐻の試食‼️✨招牌兩姊妹涼皮 $29 + 豬肚絲 $10 + 雞絲 $10✨紅油小雲吞 $34 ⁡由於🐻唔食得辣，所以揀左走辣，一打開涼皮已經聞到勁香，另加既配料比想像中多，雞絲唔算好絲狀，應該叫做雞肉先岩，反而涼皮份量唔多，但口感真係似蒟蒻，開胃就一定，但建議鍾意重口味朋友可試BB辣 😌 幾有驚喜係碗小雲吞，有成12粒，同埋湯汁幾香幾惹味唷❗️下次等🐻試下佢地幾出名既椒麻雞 🐔…Read More

朋友難得搵好餐廳俾🐻揀，當然揀尼間次次walk-in想食但食唔到既泰國餐廳 😋 不過朋友預早打去book位就發現店員語氣比較燥底 😳 已經令🐻有啲唔開心…不過朋友話可能佢哋忙碌同見我想食就照去啦 🥹 個次知道晚上有6:00 同 7:30 揀選，🐻同朋友揀左6:00去到發現好多人都等佢開市 😛 好似真係好受歡迎，搞到🐻滿滿期待✨⁡🐻の試食‼️✨沙嗲(雞肉/豬肉)(4串) $75✨泰式炸墨魚餅(4件) $75✨泰式咖喱炒軟殼蟹 $280✨烤薄餅 $52✨椰子開心果沙冰 $48✨芒果百香果沙冰 $48⁡🐻誠實地說，環境好舒服同岩打卡，整體食物飲品都算是正常發揮，但未去到好驚艷 😗 上菜都好快，比較深刻會係炸墨魚餅，炸得靚靚同彈牙 🦑 咖喱炒軟殼蟹滿滿一盤好大碟🦀，不過睇得出係炸起軟殼蟹再淋上咖喱汁，唔知係咪唔同步，所以食落唔係好夠熱同埋味道咸左啲 🥲 兩杯沙冰都係好靚又清新，但椰子開心果個杯就椰子🥥味出好多，開心果只俾到粒粒口感 😜…Read More

近來開始都進入夏天啦 🥵 熱辣辣當然要解下暑啦❗️有次無意中見到有間日式餐廳外有雪糕店 😀 仲要好大方咁俾大家試下味先決定要邊款 😋 佢地百份百香港製造外，仲提供多款創新口味既Gelato、軟雪糕、特式雪糕、奶昔 🍨🍦🍧☕️🥛 總會岩你口味❗️⁡🐻の試食‼️✨雙球 Gelato $54 ⁡今次🐻揀左香濃開心果、岩鹽焦糖 ☺️ 兩大球超抵食❗️食第一口已經覺得一定要再來，因為佢Gelato質地軟綿，味道真係對得住香濃兩個字❗️ 最正係佢地仲要無蛋無麩質 😳 店員仲推介我哋灑啲粉紅岩鹽上雪糕，令個味道更加豐富😋 推❗️⁡…Read More

🐻咁岩近來多去大埔工作，所以要尋找更多好西試吓 🤤 大埔墟街市既熟食中心，收埋唔少地道風味 😏 今次食尼間就係出名炸雞翼炸豬扒❗️⁡🐻の試食‼️✨雪菜肉絲豬扒米線 $46✨榨菜肉絲雞翼米線 $46⁡最有趣係隔離鋪會問你飲唔飲野，而且野食飲品一到就要收錢先 😆 東記既炸物會分開上，而且份量都幾多有四件🤤 如果你問🐻，炸物黎講雞翼係幾唔錯，炸粉薄身又脆卜卜，反而豬扒唔算好驚喜😝 撈埋滿滿既雪菜肉絲/榨菜肉絲，係幾正既 😋 特別推介隔離鋪既凍奶茶好正，推❗️⁡…Read More

🐻以前係尖沙咀番工，都會叫尼間西餐既外賣，獎勵一下努力工作既自己 🥹 佢哋連外賣都好高汁，所以深深記住左 😋 佢哋早前重新裝修，有情調左，味道就試吓有冇唔同左先 😝⁡🐻の試食‼️✨香煎北海道帆立貝伴蟹膏意大利飯 $258✨法式紅酒燉牛肩肉、香滑薯蓉 $328✨燒原個蒜頭、香草洋蔥炒馬鈴薯、保雲酥羊架伴薄荷乳酪汁 $398✨朱古力香蕉金寶 $50 (跟餐價)⁡以上都是Dinner Set，除了主菜，仲有多款麵包、前菜、餐湯、飲品 😌 雖然睇價錢少貴，但佢地製作精緻，味道都真係好出色(連配菜都好好味) 😂 今次🐻唔寫咁多，推介大家試燉牛肩肉，勁軟淋入味 🥹 保雲酥羊架未食已聞到勁香，羊肉好juicy ☺️ 另外加既朱古力香蕉金寶，真係幾有驚喜，熱辣辣又香甜，脆軟口感都試到曬 😋⁡…Read More

大家有幾耐無食放題呢 😆 成日話中學時期食幾轉都得，但人愈大真係食唔到太多，或者係大家都開始重質不重量 😌 咁識食一定要搵間高汁既放題，加埋燒肉就仲happy 啦 😍😋 ⁡🐻の試食‼️⁡今次🐻介紹唔曬食過既好野，但幾推介香蔥薄牛舌👅、壺漬牛粒、多款牛雞豬 🐮🐔🐷 壽司刺身🍣 ❗️ 睇相就知道佢幾正啊啦❗️😆⁡佢哋定期都有唔同既主題優惠，酒🍶🍺🍻/ 蠔🦪等等，詳情睇佢哋社交平台啦 ❤️⁡18:00-20:00 $33820:00-22:00 $36822:15-01:00 $298小童長者 $228（小童120cm以下或持長者卡）需加一服務費 …Read More

🐻想去尼間咖啡店好耐啦❗️全因為佢地既得意造型咖啡 ☕️ 不過聽得更多就係大家喜愛女店主既落力用心與關係 ❤️ 咖啡店曾經暫別大家，但又再同一位置夾埋 @tsukimi.bakery 重新出發，新裝修極之用心，不難發現好多熟客仔，同埋可愛既毛孩們呢 🐶🐱 ⁡🐻の試食‼️✨Hochickcha Yuzu Latte $98✨Iced Gwee 70% Chocolate $60✨Peanut Butter Roll w/ Bulgarian Chocolate Ice Cream ✨Hoji Hojicha Double Cheesecake ⁡今次除左試到好可愛既復活節🐔🐥🐥🐥造型咖啡外(去到4月尾)，仲有Special Menu 既甜點(可惜係bagels賣曬了) 最有心係店主送上飲品時親自教點樣好好品嘗 ☺️ 當然樣靚都要味道好，雖然🐻唔算好熟悉咖啡，但都飲得到佢嘅層次仲有各味道既互相配合 🥹 Peanut Butter Roll 令🐻好喜愛，唔會太甜太漏，cheesecake超濃芝味，非常滿足呢✨ 期待下次再來😌⁡…Read More

上次荃灣米線大比拼試左雲家 🦑🐙 結論係小食更勝米線 🤪 今次Round 2 黎到經常大排長龍既老闆娘，星期日6:30左右去到排左一粒鐘左右，坐底左再等多半粒鐘，但為左試佢都要等❗️⁡🐻の試食‼️✨BB辣酸辣湯反斗蝦膠豆卜米線 $52✨蟲草花薑酒湯配豬膶米線 $56✨招牌酥炸雞球拼野菌腐皮卷 $28 ⁡聽聞老闆娘既炸物好出色，🐻今次試完反而覺得湯底更勝一籌，非常推介食唔到辣既朋友可以試下BB辣酸辣湯底同埋蟲草花薑酒湯底，前者惹味酸辣度岩岩好❗️後者足料滋補暖胃又醒神❗️另外，🐻老公更話佢哋既豬膶係食過最好味既豬膶 😳 爽滑唔會有怪味❗️反而炸物感覺一般，炸雞球炸得均勻一點 🙂 大家又識叫啦 🤪 …Read More

油麻地區要搵一間坐得舒服既cafe唔算容易，尼間位置於繁忙又隱蔽空間既小店會係個好選擇 😌 室外都有少量座位岩曬打卡，室內都有高枱窗邊位同其他位置選擇 ☺️ ⁡🐻の試食‼️✨龍蝦湯配牛油果大蝦稻庭烏冬 $128✨黑松露雜菌扁意粉 $88✨黑松露忌廉芝士薯條 $58✨香草蕃茄芝士焗大啡菇 $48✨MATCHA LATTE $45⁡🐻揀既烏冬係佢地既招牌，因為有一個金色煲裝住滿滿龍蝦湯🦞再加落擺盤好靚既大蝦烏冬 😋 好好睇又有鮮味，提提大家要熱食尼個菜式❗️黑松露系列就一定無得唔好味，雜菌份量都幾多，醬汁夠creamy 😌 另外飲品幾推介大家飲MATCHA LATTE 🍵 拉花好靚靚又好味 🤗…Read More

平時去茶記食到好味沙嗲牛麵都唔易 😌 尼間人氣沙嗲牛麵被關注組排名第一位，雖然小店位置神神祕祕，但佢地既沙嗲牛出名夠濃郁夠重口味 ☺️ 星期六下午茶時間黎都等左陣，落單好快就有得食💕⁡🐻の試食‼️✨沙嗲牛肉+炒蛋紅腸麵 $52✨下午茶雞扒沙律 $37⁡大大碗沙嗲牛麵鋪上蔥花又夠多牛肉，炒蛋好靚仔，紅腸勁大舊好好咬口 😳 重點沙嗲牛真係好濃郁有花生味，仲用上特級大光麵，麵質軟硬適中，推‼️仲有不得不讚下午茶既雞扒，外皮煎得好薄脆，肉夠嫩又夠味，沙律份量足夠，抵食‼️…Read More

🐻即日食完再出post，證明有驚喜啦 😉 中環番完工就拉埋同事同我去灣仔食尼間人氣蛋包飯店，5:30左右去到唔洗等太耐，原本唔算太餓既我哋但order完竟然不自覺地清碟 🫣 今日遇到既老闆店員都很nice，另外好愛牆上既貓貓畫 🐱✨⁡🐻の試食‼️✨招牌三色蛋包飯(咖喱豬肉+濃茄牛肉) $88✨忌廉雞肉+和牛漢堡蛋包飯 $102⁡💕 佢哋既蛋包飯可以話睇得又食得，欣賞佢地既醬汁都俾到🐻好唔同又好味既感覺，🍛咖喱滿滿甜蔥味，🍅濃茄既甜酸質地剛好牛肉軟淋，🥛忌廉汁滿滿牛奶味，連和牛漢堡既醬汁都係好夾入口融化既手打和牛漢堡🤤 總之就好好拌飯吃😍 不知不覺就吃光光了☺️…Read More

🐻原本對提拉米蘇唔算特別喜愛，但朋友介紹尼間上年年底開幕既人氣小店，就令🐻對提拉米蘇有所改觀 😌 佢哋每月都有唔同口味，而且每個味道製作好一條條長方形再現切，見住店員切開一件一件既畫面係超級治癒啊 🤤⁡🐻の試食‼️✨草莓海鹽芝士奶蓋 $58✨厚手工芋泥 $58✨北海道豆乳丸子 $58⁡值得一讚係每款味道用獨立既切餅刀，而且包裝精美，用上漢堡包盒獨立包裝 ☺️ 另外佢哋既提拉米蘇用上零卡糖製作，感覺更健康❗️🐻私心推介草莓海鹽芝士奶蓋味，咸酸甜配搭住邪惡奶蓋係幾夾🍓 北海道豆乳丸子內裡既年糕又整得幾軟糯，為佢加左唔少分唷 🍡…Read More