Tiffany_Bunny's Profile

之前叫過依間店既串燒外賣，覺得好好食，而且價錢唔算貴，所以今次特登來堂食。依度既串燒好好食，即叫即燒，但如果早去既話，員工只有一個，雖然堂食既人只有一兩枱，然而依間野接得比較多外賣訂單，所以都要等啲時間。串燒當然可以選擇辣度，串燒上會灑上辣椒粉同燒烤粉，味道不錯，風味十足！我哋叫咗咁多野，而我哋覺得最最好食既係依個芝士茄子！芝士超級多，目測用咗至少兩種芝士。茄子熱辣辣，而且芝士仲會拉絲~非常之有驚喜！…Read More

自從在網上睇到依間餐廳就好想食依家終於有機會食到~為咗避開人流，所以我哋下午兩點幾先至去食。我叫咗美國牛板腱丼套餐，另外再加咗兩隻芝士雞翼一個套餐本身係一個飯再包埋溫泉蛋同水果。賣相不錯，個飯上面有幾塊牛同一啲沙律菜，啲肉都幾容易咬開。個醬汁似烤肉醬，用嚟送飯剛剛好。但個人覺得個飯比較少，如果再多少少就好了。個溫泉蛋就唔係流心，不過都可以接受。至於個芝士雞翼，就比較普通，純粹只係喺雞翼上放咗芝士。…Read More

記得之前觀塘返工，依間餐廳基本上成日都會食。之前一直都係叫外賣，基本上中午去堂食都一定要等位。而且外賣單佢哋都係會超多，我哋都會一早叫定，然後夠鐘就去拎。今日係我第一次堂食，我差唔多三點鐘先去，理所當然餐廳無咩客人，位置坐得幾舒服。入座後自己QR code 落單。我當然叫我最鍾意食嘅香蔥紫菜手撕雞飯~~一直都覺得依間店啲餸超多，今日都唔例外。啲雞好滑好淋，雞皮好薄，而且味道剛剛好。但略嫌啲飯比較黏，記得好似一直都係咁。價錢我覺得依個份都合理，而且下午茶時段有九折。佢哋仲有其他野都好好食，基本無雷~…Read More

今日又出去食點心啦！今次又係上網揾咗間飲茶食點心既店。去得飲茶，例牌即叫即整，上菜永遠都熱辣辣。我永遠去飲茶都會必點蝦餃燒賣！我覺得飲茶唔可以無咗佢哋依度既蝦餃燒賣有得揀四粒或者兩粒。蝦餃爽口既蝦肉，蝦餃皮厚度剛剛好，鹹淡適中。點埋辣椒油剛剛好！依度燒賣有埋黑松露醬係上面，一啖入口會食度黑松露個味。我仲叫咗個鮮蝦腐皮卷，依個腐皮卷又係即叫即炸，比較香口，如果齋食感覺好似無咩味，但如果點埋喼汁會比較好食啲。依個腐皮卷入埋除咗有蝦肉，仲有很多不同材料，口感會比較豐富。依間店客人比較多，Keep 住都會有人入嚟食。啲姐姐們都好好禮貌，而且效率好快，值得再去~…Read More

記得細個成日食炸雲吞，依家大個咗之後，好似好少見餐廳有賣。有日突然想食炸雲吞，所以上網就揾到依間餐廳~餐廳主打係雲吞，今次我就點咗酸辣粉、炸雲吞同芝麻手撕雞~(酸辣粉係有其他配料的，但因為我唔食，所以走晒配料剩要粉)((粉可以揀辣度，我揀既係小辣))我點既係鮮蝦雲吞，雲吞即叫即炸，拎到手個陣啲汁已經淋咗上去，所以食個陣稍微無咁脆口，不過味道剛剛好。手撕雞有好香既麻油味，雞肉好軟，雞既份量都ok(手撕雞係收銀處旁邊既雪櫃，比完錢自己拎。)…Read More

今日繼續去觀塘食飯，依間又係我之前既飯堂。今日食既係麻辣子雞，一個套有一個飯、一個餸、一個飲品。記得每次食依間都必定會叫辣子雞，上菜依然係熱辣辣，依到既雞係無骨既，我諗應該係雞扒切丁，我覺得夠辣剛剛好！非常惹味，但又唔會太辣或者太咸。而且雞既量算多~只係有時候分唔清楚邊舊係蒜頭邊舊係雞😂依間餐廳首先要order咗自己想食既野同比錢先，之後就可以揾位坐低，再等侍應送餐。店鋪不算好大，店內環境舒適乾淨，而且侍應們都非常親切和有禮貌！…Read More

最近比較多空閒時間，又係一個平日既下午，見唔洗排隊，所以就去咗食刨冰~每次食依間刨冰，必定會點芒果糯米飯刨冰！今次叫咗個mini size刨冰，同埋點咗菊花茶。每次食都覺得味道剛剛好，而且再加埋糯米飯，感覺好特別。之前去泰國食過就已經覺得好好食，連續幾日都去咗食。依家係香港都可以食到真開心~…Read More

話說突然想食點心，醒起太子附近都幾多點心鋪，所以就係太子揾咗住間店，唔洗等位可以即刻入座~因為太肚餓而且太耐未食過點心，所以叫咗三款點心同一個飯~全部都係即叫即蒸熱辣辣上枱。燒賣 34hkd蝦餃36hkd黑松露鳳眼餃 32hkd(依個係我最愛!~~最愛黑松靈既我，基本上有黑松露我都係必點!!)鳳爪排骨飯 32hkd因為我係下午3點幾先去，所以客人比較少，因此上菜速度都幾快。而且店員都好好服務，佢哋仲好醒目，上點心個陣已經拎埋兜辣椒油來問你要唔要，依間值得推介👍…Read More

因為約咗朋友食飯，但又唔知食啲咩好，所以上網求其揾咗間仼食串燒既店。我哋食個日客人比較少，所以都坐得舒服。我地隨便叫咗幾串串燒食下先，當然每串都係一條肉條仔，好似食咗陣風咁😂不過既然仼食就無咩所謂，唔夠就叫多幾次。串燒基本都熱或者暖暖地。味道ok 但如果可以再加少少辣粉就再好啲。(雞皮最好食!!!!!)除咗串燒外，佢哋仲有其他小食同酸辣粉都係仼食，而酸辣粉仲會配幾舊肥腸。其他麵就唔知啦，因為無叫。…Read More

有時候得閒都會自己一個人去食燒肉，但去開個啲連鎖式燒肉店都係限定一個個set，然後再令加肉。以我一個食肉獸來講，每次咁樣食一食，都差唔多要二百蚊，所以都想揾啲可以一個人仼食燒肉既店舖。點知最近又真係揾到！仼食餐牌分咗3個Level ，而我自己就揀咗Level 2基本配置都係有飯有湯同泡菜佢哋首先會直接比碟肉你先，食完唔夠可以寫紙再加。飲品好似另計，但水就仼你飲 ~而飯隔離個碟係Level 1既肉。再隔離個碟就係 Level 2既肉。依碟係Level 1既肉，但燒咗幾塊先記得影相。依碟有齊豬牛雞，就正正常常，唔會有臊味。Level 2既肉~依碟就係牛小排、雞頸、牛舌。總括而言，我覺得係一間幾好食既燒肉，至少可以滿足自己一個人食燒肉，但又想仼食既我🤣…Read More

久違喺新蒲崗遊走，新蒲崗比我既記憶有好多野食，賣雞蛋仔的就好幾間。一直都知道有依間店，今日終於有機會去食。本身我去個陣就無人排隊，但我一比完錢就開始人多，而且老闆娘非常有禮貌，態度非常好，令我有啲受寵若驚雞蛋仔就即買即整，熱辣辣既雞蛋仔一拎上手就有驚喜，原來係心型既我買既係原味，味道不錯，幾香既蛋味。而且都幾脆，不過就一定要趁熱食，因為凍咗就會變淋。淋咗之後我覺得只係口感唔同咗，但味道依然好食題外話，我見其他人多數買其他味道既雞蛋仔，下次再試。…Read More

跟久違的朋友聚餐，當然要去一些可以坐很久的地方！千揀萬揀，揀到依到，果然無失望！東歐咖啡，用熱沙炮製，同普通飲既黑咖啡味道不同！ 如果店主當日狀態可以，還可以做占卜，當然要另外收費。土耳其龍蘇糖，有少少甜，但好大粒，好鬆軟，咬落去好似棉花糖，但有一種甜甜的感覺！牛肉烤餅！ 十分推薦！ 牛肉有少少咸，加上烤餅，剛好可以中和牛肉的咸。 而且烤餅烤得香口，兩者配合得很好！同場加影，佢地隻貓好痴人！上來仲可以玩貓。…Read More

那天去完迪士尼黑色世界，就去咗依間食野，依間串燒個人認為其實都係不過不失。都無咩話特別好好食，啲串燒會比較港式啲，唔會好似泰式串燒同卬尼串燒咁，會有啲醬汁點。同埋燒既時間都好長，至少半個鐘，由十二點幾去到食，叫咗兩轉串燒，食完走都已經兩點幾。價錢方面，其實我覺得算係貴，四個人食要864hkd，如果當宵夜食，食少少應該唔洗咁貴，可惜我地當晚餐食，米會好似我地咁另外，盡量都唔好太晏去，因為我地個陣都已經好多野賣晒，想食到依間野推介既，就真係要早啲去！P.S.啲相係咁以炸好多都無影到相。。。…Read More

話說今年轉了學校，終於可以到其他地方食下飯！廢話少講，我覺得依到啲米線好好味，拍得上譚×，總點有學生證飲品免費！當日我叫既係口水雞米線，口水雞係無骨架！最岩我依啲唔鍾意既骨既人！！！份量岩岩好！碗麵係叫 麻辣 走九芽，略嫌個米線湯咸咗少少。依間服務都唔錯！有個侍應好用心咁介紹套餐，又會推介啲餐比我地，所以依間值得再去！…Read More

好久都無成班朋友一齊出來啦，出得來當然想無拘無束咁傾計啦！但又怕太大聲會嘈到隔離枱……誰知比我搵到依間韓燒。我認我地成班講野係幾大聲，訴苦個時有時仲會講粗口……所以有時比隔離枱望望下。之不過依間唔同，如果你比較多人，又有預先訂位，佢比包箱你坐，私隱度極高！講野幾大聲，都真係唔怕比其他人望望下啦！講完環境，就講下食物方面，佢地點餐係要寫紙的，所以有時都唔會怕自己夾會夾得太多。味道都幾好，而且有汽水任飲！唯獨食物單一化，選擇性太少，如果多啲選擇會更好！…Read More