HK King's Profile

星期六最好同家人食餐好，孖寶小館係我偶然行過見到餐廳名好有趣，望入餐廳坐滿人，好奇心驅使我入去食，然後發覺食物結論係快靚正，如是者食過幾次，今日又黎擦過！我最鍾意食榖飼豬，食落好嫩滑，厚度絕對夠，所以口感好實在，切開中間見到剛好熟透又唔會過老，而燒汁我好多時都要另外再加，我都好欣賞燒汁同個扒配搭，如果用黑椒汁反而太重味，個意粉亦都好入味，用蒜蓉炒香，大人小朋友都好適合。另外一提，佢地餐湯，南瓜湯非常好味，好重南瓜味，又滑又夠濃！餐廳服務員真係細心有耐性，因為我地帶住小朋友，一開始已經安排較多空間既位置，提醒某刀具留意唔好整到小朋友，最後又會問下我地對食物既意見，十分欣賞他們的工作態度而且價錢真心好抵食。…Read More

呢間餐廳我食過幾次，因為地方舒適，同埋食物好食，價錢又經濟。地點旺中帶靜，所以放假去食零舍感覺悠閒，餐廳一入去，光線充足，座位舒服，好快我地坐底點野食啦！Lunch set 選擇都頗多元化，同朋友點左幾個set,有五成熟既美國安格斯肉眼扒、香煎比目魚伴薯蓉、白酒忌廉煮青口同香煎刺身帶子忌廉汁長通粉。餐湯好濃郁，食到粒粒有蔬菜蓉，好開胃，飲完餐湯就到主菜上場，肉眼扒是一塊厚切牛扒，因為太薄既牛扒會沒有口感，而當開切開見到內層juicy,外層熟透，表面煎得很香脆，可有效鎖住肉汁，所以每塊牛肉入口嫩滑，配上薯角同新鮮有益既蔬菜，好味之餘，飽肚又健康！而比目魚亦都煎得香口，魚味香濃又夠滑，不會煎得太耐而導致魚肉變乾，比目魚肉配牛油檸檬刁草汁亦都好夾，酸酸甜甜好醒胃呢！然後帶子忌廉汁長通粉都好出色，帶子新鮮彈牙，忌廣汁很濃稠，配合長通粉，大家都食到好飽。白酒青口是不錯的小食，青口新鮮不是用急凍的，有少少的酒香更帶出青口清甜。總括每個菜色賣相都好吸收，而且加上大綠色蔬菜伴碟，好鍾意咁健康配搭，不知不覺，我地坐左好長時間，慢慢傾慢慢食，過了一個舒服下午。…Read More

去元朗搵食真係選擇多多，貪呢間多選擇，岩晒我地啦。打開餐牌見到好多都好吸引，總括我地食左海鮮茄蓉燴天使麵、千島海鮮pizza、芝士焗青口、白汁煮珍珠蜆、炭燒T骨牛扒。天使麵真心好味，蕃茄醬開胃，仲有大大隻蝦，而天使麵質地仲超級煙靭，當然個炭燒牛扒都冇令我地失望，大塊程度簡直十分超級巨型，其實食完都已經好飽，七成熟剛好，嫩滑又有肉汁。個pizza 份量適中，餅底脆脆，有蝦、蟹柳、菰，全部材料同千島汁都好夾，青口大隻夠新鮮，全晚我地點左兩次白汁煮珍珠蜆，先講個蜆好大隻，鮮甜之餘，個白汁我地仲會當湯咁飲，因為唔係好濃味。另外叫左兩杯特飲，就係巨峰梳打特飲同龍舌蘭檸檬生薑蜜。巨峰就酸甜醒胃，生薑蜜係冬季就可以滋潤一下喉嚨，係寒天好適合既飲品！地方真係舒服，我地坐卡位，自成一角，一邊傾偈一路慢慢食，好寫意呢！…Read More

呢間餐廳我食過幾次，因為地方舒服，同埋食物好食，價錢又經濟。午餐我喜歡點個沙律開開胃先，而凱薩沙律個醬酸酸甜甜，仲有大量蔬菜，麵包粒，芝士碎，煙肉碎，非常健康同好味。我同朋友各點了兩個主菜，分別係香草羊架同肉眼扒配意粉，羊架真心好香又夠滑，配埋羊架醬汁更加好食，而三件羊架仲要好厚，加上脆口薯條，茄汁豆，真係好夠飽；而肉眼扒基本上我每次黎都會點，又係大大塊好嫩滑，親覺好震撼，而今次點左五成熟，入口juicy，肉汁一砌落去即時大量流出，口感實在，配埋意粉又好配合，因為意粉可以吸左肉汁同醬汁香味。有感放假想悠閒點，再點左杯榛子咖啡，慢慢嘆，榛子香氣撲鼻，好一個愉快又滿足既下午！…Read More

平時都有經過呢間餐廳，門面和內部裝修都精緻，今晚係粉嶺約朋友慶祝生日就諗起佢， 由於係平日，唔會太多人，反而可以更好能夠寧靜聚餐，我們專門挑選靠𥦬位置自成一角。 首先點左兩個湯， 兩個主菜同甜點。 第一道先上3款面包配3種醬當然一定有橄欖油同埋醋，係點麵包嘅最佳配搭。食完麵包之後開始上西湯有黑松露忌廉野菌湯同埋海鮮濃湯 ，黑松靈湯精華在於黑松露香味，好香濃，而海鮮湯好清甜，蝦肉爽口、蜆肉肥美、飲到係真材實料，唔係味精湯，點左兩杯特色杯品分別係legend同rainbow，兩杯顏色都好靚，冰凉，微甜易入口。意式拼盤有我最期待西班牙火腿，放入口咀嚼，啜其油香，真係令我再三回味，另外重有莎樂美腸，作為前菜是很好的，肉味好重，偏咸，同西班牙火腿一樣，所以有沙律菜中和，很醒胃。主菜終於上牡丹蝦黑松露意大利飯，意大飯一定要有口感有咬口先得，有半熟口感試過其他餐廳食到好似粥咁軟綿綿就一定唔合格，呢間煮得好適中，配番黑松露高湯餚成，而香煎澳洲魴魚柳味道嫩滑唔會太干，肉質鮮味有彈性，相當特色的菜餚。之後甜品當然唔少得，點左一個芸呢拿雪芭，賣相亦係相當吸引，酸甜好滋味。餐廳環境和服務都好好， 每道菜都係食完先上下一道，而服務員好貼心講解菜名同特色，我同朋友都好欣賞認真態度，最後我地總共食了大概兩個小時，咁清靜舒服環境唔把酒談心就太浪費，整晚可以享受愉快的晚餐！ …Read More

去女人街行行下發現呢間午飯放題既日式餐廳，就同朋友入去食餐廳地方歡堂我哋坐係卡位因為近窗望到街景好舒服放題係用tick 紙形式落單，有刺身、壽司、鍋物、炸物、甜品、熟食等等，而飲品就喺雪櫃自己攞！刺身選擇好多，我地點左三文魚、帶子、赤貝、甜蝦、吞拿魚等等，全部都好新鮮。加上夏日炎炎，凍冰冰嘅刺身放入口好消暑，我哋當日都不停咁食咗好多刺身，尤其三文魚同甜蝦非常鮮甜美味呢！小食方面有燒雞翼、炸墨魚嘴、和風牛肉粒清酒煮蜆、牛油蒜香炒帶子，不同風味不同口感，加上每樣食物份量適中，我地每款食完剛剛好，一路傾一路食，十分享受。另外黃金焗蠔、鹽燒牛舌，焗帆立貝，都很值得食，焗蠔蠔味濃郁，牛舌爽口，帆立貝新鮮，全部熱騰騰上台，香味四溢，真係食唔停！壽司有點玉子、甜蝦、三文魚，兩人點數個都足夠，因為飯團真係幾飽的。總括來說，呢間餐廳食物上菜速度好快，基本上交完order 紙，五分鐘內就有得食，而招呼我哋嘅侍應都好有禮貌，食物選擇又多又新鮮，下次仲會再嚟！…Read More

上星期去咗食日本野 ，去到嘅時候已經係下午茶時間 ，由於係閒日，人數比較少好清靜，我哋坐咗係卡位，環境好舒適。好快就點好咗食物！先係八品刺身盛合，呢個刺身大雜滙裏面嘅種類選擇好多，我哋最鍾意就係食海膽、三文魚、帶子等等......主要材料好新鮮，全部刺身都鮮甜爽口，另外仲可以用紫菜包住飯團再加刺身，又係另一種食法！再黎，九洲拉麵，面頭有三塊豚肉，燒得香濃入味，一咬滿口油香，而湯底好濃郁入味，麵底夠彈牙。我哋都好欣賞鐵板牛柳粒粒燒， 牛肉粒燒到七成熟剛剛好，咬落好嫩，配埋甜甜地又香燒汁好配合，而牛肉粒中間放咗薯蓉好香， 亦都係我同朋友嘅最愛！大生蠔真係好大隻，即開即食夠新鮮又夠甜，配上檸檬汁同埋茄汁，能夠帶出蠔嘅鮮味，值得一試。而串燒五品盛合都推介，因為可以試到五種燒物，個人推薦燒雞翼同豬頸肉，非常香口。我哋好享受係呢間餐廳食嘢，服務員態度好，食物有質素加上價錢大眾化，最後我哋食埋綠茶雪糕，非常圓滿！…Read More

今日好想飲珍珠奶茶，就去咗樓下歇腳亭買咗杯珍珠奶茶，3分糖少冰混珠，買完攞到返屋企飲，質素真係出奇意料超級咁差！！！飲品落去完全冇茶味，係一啲茶味都冇，你地睇下張相就明白，成杯都係奶水，味又淡，又冇味，好似飲落去得奶同埋珍珠既味，超級差，唔知係偷工減料定係點，其實上次買啲茶味已經淡左好多，估唔到今次係完全零茶味，以16蚊一杯價錢黎講唔應該咁既質素，真心不可一不可再，希望呢間分店好好正視呢個問題，否則更多顧客會流失！…Read More

之前係大圍已經食過呢間餐廳,好滿意佢地食物,今次黎到旺角無意中發現原來仲有間分店,二話不說,即刻入去食,不過門口有好多人等緊,我地等左大概20分鐘先有位!上次食過安格斯牛扒,十分回味,所以今次決定再encore,另外見到隔離枱個早餐特選種類多賣相又吸引,所以點左呢個餐,飲品點左兩杯凍檸茶,最鍾意個糖水係另上,客人自己調教甜度,好方便。先黎左安格斯西冷牛扒,大大塊的牛扒好震撼,我地點左6成熟,切開仲有粉嫩色澤,口感軟腍,牛味香濃,個特製醬汁又好味,而牛扒配有大糧粗身薯條,另有少量沙律菜,食完塊扒都好飽了。之後到我點的澳特斯特選早餐,有蕃茄,香腸,炒蛋,雞扒,茄汁豆,牛角包,可謂一個賣相精美,種類豐富的特選早餐,牛角包鬆軟,加埋開胃蕃茄同茄汁豆,雞扒又厚又軟煎得香脆,香腸都好juicy,炒蛋夠滑!最後,我地刻意留番d空間食甜品,唔敢食晒全部薯條,上次食窩夫,今次點雪山熱香餅,因為個menu張相白雪雪的好吸收,仲寫住每日限賣30份,梗加要試試,果然熱香餅好厚,所以食落軟林林的,又唔會好甜,有一樽小小的蜜糖可以淋上熱香餅,我建議落少量就足夠,因為個餅本身都好香,仲有個呍呢嗱雪糕,一啖熱香餅一口雪糕,很特別,呢個餅真係好厚,抵食又好味!…Read More

過來銅鑼灣同朋友食晚餐，呢間酒屋現場燈光昏暗，適合傾計！侍應都好有禮貌，會向我哋推介唔同嘅特色菜，我地點左刺身、焗龍蝦、羊架同燒聖子等等。綜合以上食物，首先刺身好鮮甜又大盤，龍蝦夠彈牙又大隻，蝦肉爽滑，羊架一啲羶味都冇，加埋孜然粉好惹味，聖子又新鮮！…Read More

經過門口見到裏面坐咗好多人就入去食lunch！坐低服務員遞上餐牌，笑容可掬，細心留意原來裏面服務員大部份都係韓國人。我地點左芝士牛肋肉，一個炒飯同飲品，食物送到上嚟嘅時候，服務員好細心咁幫我地處理，溶化左既芝士圍住牛肋條，佢嘅芝士係唔係濃烈個種，反而好煙靭，好好食，另外炒飯都好出色，最主要係佢哋嘅服務態度好好，令我印象深刻！…Read More

時時經過pie&tart都俾佢嘅香味吸引，以前食雞批或者食孖鬆，今次見到新鮮出爐嘅吞拿魚酥就情不自禁買一個來食，咬開裏面層層酥皮好鬆軟，焗得好香脆，而裏面吞拿魚份量都唔少，做早餐係唔錯嘅選擇！…Read More

呢間餐廳去親都好多人，特別是早餐時段，成日都要排隊。我平時食慣嘅早餐就會係雪菜肉絲咪配360牛乳炒蛋再加杯熱檸水。因為鋪頭比較細，所以座位都幾狹窄，但因為食物水準唔錯，所以呢個都唔係問題。雪菜肉絲咪份量適中份，最主要個炒蛋加左牛乳非常之嫩滑同埋好厚身，再配埋兩塊麵包，已經好飽呢！因為太多人等，食完就好快要走了！…Read More

觀塘工業區食肆林立，呢間最近朋友都有介紹，趁放假前來試試！入到去環境舒服，中間有波枱，牆上有電視方便客人睇波。我哋坐低叫左個虎蝦意粉同黑毛豬扒，一個類似麥樂雞餐小食同特色飲品。意粉有茄汁味酸酸地幾美味，虎蝦夠大隻又新鮮，黑毛豬原來唔係全熟，而是八成熟就剛好，麥樂雞有兩隻醬選擇，都好夾！…Read More

之前試過旺角，今次去開銅鑼灣就試吓另一間分店嘅食品，入到去已經坐咗好多人，燈光光猛，環境舒適。點左一個墨魚麵同海鮮飯，另外甜品叫咗個香蕉班㦸同綠茶心太軟。麵就好夠味，飯就覺得好香又軟，香蕉班戟配雪糕好夾，綠茶心太軟切開有流心，唔會太甜，鍾意綠茶一定會喜歡呢個甜品！…Read More