S.WsW's Profile

喺佢剛開嘅時候已經幫襯，佢嘅西餐係好食，飲品水準高，而且價錢合理，服務人員亦熱心。見佢由起初好靜，到開始多人幫襯，心底真心替佢開心。後來，唔知咩原因，餐廳變成泰菜，服務人員超hea 成日傾計，晚餐質素尚算可以，間中都會外賣返屋企。但下午時段呢，堂食，感受到服的人員同食物水準好似爭少少。今午餐廳人唔多，叫咗個海南雞飯加凍白咖啡，海南雞飯發揮算正常，但啲雞無徹底切好！ 我想講個重點係，杯凍白咖啡，簡直離譜，係一杯咖啡水，咁都沖得出比客飲，其實係咩一回事呢？ …Read More

早想到店試試…早前趁happy Friday 就決定去食個開心lunch。不過可能有期待，結果都幾失望。點咗個lunch set， 芝士牛肉餅同吉列翼板牛，牛肉餅算正常，但翼板牛完全無牛味可言，當下真係極之失望🥹試過就好嘞。…Read More

見到有IG post 推介餐廳，略略睇過食評，見裝橫都相當吸晴，所以特登book位同朋友試試。早於約兩星期訂位，結果到達仍然要坐門口位置。枱setting 上，其中一杯飲用水係污糟嘅；5人位setting 其中一個位少咗隻碟。點餐後等咗一個鐘都未上到菜！但附近嘅客人遲嚟都差唔多食到一半。由好肚餓等到無感覺；後嚟忍唔住詢問侍應，結果換嚟「今晚比較多單」；但轉頭食物又陸續上，明顯係漏單。期間，亦有追問薯條未到，侍應問「係咩薯條？」；我哋答「好似係黑松露薯條」侍應回「我哋得一款薯條，係白松露薯條」；well…咁你又問？ 完全係沒有養份同水準嘅對答接近9:30pm, 廚房師傅開始清潔垃圾，拎出嚟時啲大動作，完全漠視我哋正正喺門口位置嘅枱！仲要啲垃圾水滴咗喺地，但完美漠視。坦白講，食物方面，擺盤算精緻，主食唔係特別有水準，份量亦相對少，甜品亦唔見出色；若講主打西餐，就真係唔達標；服務就更加。依個價錢，可以去食到更有水準嘅餐廳。只可以話係屬於只會幫襯一次嘅餐廳系列。大打新張期間全單九折優惠宣傳，但又表示售罄…Read More

節日氣氛帶動，周圍行吓食吓好西。朋友介紹，去咗富康花園一間新開數月嘅日式串燒小店- 「燒吧」聚聚。小店位於屋苑內，如非朋友介紹，都真係較難留意到。但咁講，就正正因為身處屋苑內，所以人流唔算好多，唔洗面對區內食肆長期迫爆嘅人羣。小店裝修簡潔，內設約20個位，有bar枱，而枱與枱之間有距離，成件事坐得好舒服，唔洗迫住迫住，好適合同朋友吹住水咁嘆。個人感受係，小店播歌嘅音量較大，可以嘅話，細聲返小小就好喇😆食物方面，overall 都好好。串燒熟嘅程度啱啱好，唔會太乾身，肉同啲菜都keep 到汁同水份，份量亦都ok。當晚試咗好多款串燒，推介～～燒吧墨魚棒，自家製，足料彈牙鹽燒白鱔，皮脆肉鮮😋鵝肝多士，鵝肝厚身，有口感，又唔會好油當晚仲試咗蝦醬雞翼，味道特別，又不會太咸另外伴碟嘅椰菜沙律都相當好味，本人非常喜歡😇不過如果menu 有啲份量細細嘅飽肚嘢就好喇～例如燒飯團或者茶漬飯之類⋯ 總結，餐廳區內罕有，食物水準算高，價錢合理，最緊要喺淪陷嘅將軍澳區內，你可以唔洗同人迫，係個可以飲吓酒吹下水嘅好地方～#誠意小店系列…Read More