今日晏晝同同事諗住Happy Friday食下台灣野，諗起銅鑼灣近排新開左間度小月，所以就去試下。😬時間係下午2點左右，餐廳入面唔算逼，但都坐無虛席。一入到去就比餐廳嘅裝潢吸引左，用紅磚鋪砌嘅牆壁好有格調，再加上牆上面嘅黑白相片，成個氣氛出曬黎！😎我地三個人黎食，睇到餐牌後第一個諗法係，好抵呀！午市套餐有一個主食、加一個小食、再加飲品，重點係主食嘅質素都唔錯！都係$80左右，作為打工仔黎講，性價比極之高呀！🤩🤩🤩我地每人都點左一份套餐，主食分別揀左 鹽酥雞扒配肉燥飯、麻辣鴨血鴨扁湯麵、紅燒豬軟骨伴糖心鴨蛋配白飯。三款主食都好好味，好似返左台灣咁，仲要大大份超抵食！鹽酥雞扒唔乾身仲有肉汁，鴨血好入味冇腥味，豬軟骨更加唔洗講好味程度到100分呀！小食甜不辣、鹽酥雞、烤台灣香腸，仲叫左古早味蚵仔煎，一入口感覺好新鮮，蚵仔、蛋同麵粉嘅比例啱啱好，所有食材麵好新鮮，加埋酸甜牆，真係多多都唔夠食呀！建議大家下次都可以試試👍🏻…Read More
