S.W.1115's Profile

今日經外賣平台叫咗招牌蝦麵，海南雞飯拼喇沙，咖央多士，凍奶茶蝦麵食食吓發現入邊有曱甴，極度嘔心，舖頭衛生程度好有問題，冇晒胃口，其他食物都即刻唔敢食一方面聯絡咗外賣平台等緊佢哋email問我哋攞相同埋其他資料，另一方面打咗去餐廳講返個情況，點知餐廳職員態度毫無歉意，由頭到尾一句唔好意思都冇，仲話你已經聯絡咗外賣平台，所以呢度已經check唔到你張單，唔知你係咪真係有叫過外賣，有咩你留返同外賣平台傾啦佢啲嘢食以前食過係OK，但係咁嘅衛生程度同埋服務態度，真係唔會再有下次，而家淨係希望唔會肚痛…Read More

之前啲食評講到天花龍鳳，我依家有圖有真相，$70一碗食啲咁嘅嘢，$18一款餸每樣只有2小粒，食物係任何人都整到嘅水平食物又貴又唔好食都算，個鄉音阿姐啲態度簡直一絕，OpenRice外賣落單15分鐘都唔接單要親身去叫佢接單（因為佢哋冇提供電話號碼），等完一輪去攞，擺咗嘢食上車後發現少咗個酸菜魚，入返去問佢佢喝我要攞返兩碗嘢出嚟證明俾佢睇（期間佢哋完全唔夠人手冇人收錢冇人帶位冇人落外賣）搞咗好耐先話俾我聽冇酸菜魚叫我要轉水煮魚，我拒絕之後佢表示唔識退錢，之後就唔理我繼續喺度收錢等咗好耐之後我話趕時間叫佢快啲退錢，佢話你呢啲咁嘅急單，呢度個個都趕時間㗎喇🙃如果大家想感受吓可以去試吓😀…Read More

成日聽人講蛇竇，終於有機會一試！1點鐘黎到排左成十幾個人，不過人流去得超快，10分鐘就有位坐都唔洗點考慮，即刻就叫左個滑蛋叉燒飯滑蛋叉燒飯  $38朋友建議加D豉油重正，不過我覺得其實唔落都已經夠味滑蛋食落非常完美，難得在滑得黎唔油膩，所有蛋都炒得好平均叉燒切薄片，但係我覺得唔係因為慳皮，切薄片反而同滑蛋口感更夾更順口，食食下唔覺意就成碟食哂，非常滿足！$38係中環食到厘個質素真係難得，下次要再黎試下其他野食先！…Read More

中環返工食晏都有唔少日本野選擇，不過食得多都會悶，聽人講話附近開左間新丼飯，一於就去試下啦！大概12點30分黎到都唔算等好耐，15分鐘内就有位，門口睇定食咩先入到去最後揀左鮮北海道帆立貝海膽丼同埋北海道松葉蟹丼，一叫完無幾耐就上左個沙律，不過丼飯等候時間比想象中耐...北海道帆立貝海膽丼       $238有三排海膽，味道都幾新鮮，兩片帆立貝厚身但係可以再甜D，北海道松葉蟹丼       $148有4隻松葉蟹鉗，估唔到幾鮮味，飯唔同北海道帆立貝海膽丼，係蟹肉撈飯而唔係白飯蟹蓋本來以為係蟹肉釀蟹蓋，點知入面原來係蟹膏焗飯，好味！整體來講都ok，不過北海道帆立貝海膽丼同樣價錢中環都有唔少選擇，應該唔會encore，但係北海道松葉蟹丼有驚喜，賣$148黎講性價比算高，值得推薦！…Read More