Hoi Ching Yeung's Profile

上次試完九龍城店, 今次特意約埋整班朋友一起又去試埋天后分店｡ 這分店的比九龍城的寬趟, 周圍擺設好有日本風,仲擺滿好多日本酒, 真係仲未開始食都已經比啲環境吸引住｡ 今次叫的熱石拉麵同上次的一樣咁有水準, 而且足料又惹味｡特別是究極海老拉麵, 大大隻海蝦送上, 再加上一大堆櫻花蝦, 送到上檯面仍然吱吱聲地滾住, 真是會食極都不厭倦｡ 不過不得不提, 這店的小食真是無得頂, 雖然份量不是太大, 但係色味俱佳, 製作精緻, 可算是別有風味的, 絕對值得再來食多幾次｡忌廉薯餅口感鬆脆, 外脆內軟, 而且食落去不太油膩 ｡燒沖繩菠蘿串就好抵食, 大大舊, 燒過後的焦糖化比生吃更甜｡螢光魷魚漬就最特別, 店員說是日本產的, 所以食落去鹹得黎帶點海水味, 配合埋蘿蔔蓉吃, 更清爽｡當然少不得雞翼串, 真係超好食, 肉質不但潤滑, 而燒得非常均衡, 醬汁真的很惹味, 真係食完都好耐人尋味｡…Read More

朋友轉左新公司工作, 大家下班時間都晚, 所以特登搵左這家地理位置較方便的火鍋店聚一聚舊。哩間火鍋店都幾好, 有火鍋又有刺身,價錢方面都算合理既。店員推介左個大大隻象拔蚌兩食, 既可以刺身食, 又可以放落去打邊爐, 好新鮮, 好清甜。之後我地都有order多個鯛魚, 但係份量就無象拔蚌咁多, 魚味唔係好濃, 不過都算幾fresh下既。不過火鍋配料就普普通通, 我地有叫到一盤大既本地手切牛肉, 但係味道上一般,  份量亦唔算多。跟住都有叫到脆肉骨腩, 但係就唔係幾抵啦, 得2舊魚腩, 大部分都係魚骨, 魚腩, 其他既四寶丸和枝竹就普普通通剌。…Read More

同老公係觀塘Apm行完outlet後, 就走左入去食左餐。裏面環境氣氛都唔錯, 好多台都擺左蠟燭, 好有情調。侍應過黎推介左啲dinner set, 但係見唔係好肚餓, 之後就隨便散叫左兩個。先來的三文魚沙律外觀都幾靚, 雖然叫左細個既, 但係都幾足料, 蔬菜類配搭得都唔錯, 幾開胃下, 不過就有少少dry,後尾就問了侍應加左啲沙律醬, 就好食好多了。隨後個玫瑰pizza好快就黎到了, 超多芝士, 真係好滿足啊, 再配上火腿肉, 真值得一試。不過, 個餅底始終差少少,好硬同好薄。整體來講, 食物都唔錯既, 員工服務都好好。…Read More

今日公司收早, 同一大班同事走左去九龍城食野,  我地開頭都唸住去求其搵間泰國野食, 點知行過見到哩日本餐廳, 見好似幾特別, 店員話主打熱石拉麵, 又見門面都整得唔錯, 結果就走入去試下. 入到去氣氛都唔錯, 又有好多日本擺設, 幾有日本居酒屋既風味. 最後我地就叫左6個唔同lunch set 黎share, 叫左3個飯set同3個麵set , 唔洗好耐就整好上黎.  見到個D拉麵又真係好特別, 上黎個陣個舊熱石仲係碗入邊滾緊, 麵條食落去都唔錯, 幾彈牙, 湯底又唔油, 而且好濃豬骨味, 店員仲好好人, 比左d自家制既蔥, 加埋落去都幾惹味既. 不過因為我唔係好食得辣, 就無試過個極辛地獄拉麵. 不過我同事就話好好食, 湯底辣度剛剛好,match 埋個麵一齊食超正. 同埋我都有試過下海老味增拉麵, 都可以既, 就係味道濃左少少. 我地都有叫野飲, 佢地個特大青檸梳打真係好好飲, 夏日熱辣辣飲好正. 至於其他定食, 其實都唔錯, 特別係個個蒲燒鰻魚定食, 超好味, 好多汁, 燒得都好香,食完都仲想再叫. 而個花魚都唔錯, 加埋d檸檬汁落去,鹹鹹地又酸酸地, 幾開胃, 不過就麻煩d, 要起左大骨先食到. 個芝士漢堡就普通, 芝士味都幾濃既.哩餐最後埋單都唔算好貴, 但份量足. 下次再收早真係會再食多次!!…Read More