八王妃愛八王子's Profile

之前買過一次，五大包的牛/豬肉乾大概六百幾，價錢合理，味道唔係話最好，不過因為試食過，覺得間間鋪頭都差不多，所以諗住做返頭客。今次第二次幫襯，買一磅野山豬肉乾，一磅沙爹牛肉乾加一盒細杏仁餅，共收$441。當時無為意，返屋企先再秤，三樣野加埋唔係老闆加既總數。杏仁餅$30野山豬$168/磅，共636g，$234沙爹牛肉$138/磅，只有350g,$107發現三樣野加埋只係$371，但係老闆收441。可惜無拎返收據。以後一定唔會再有下次…Read More

屯門多野食但缺點係唔集中。盤子想試好耐但係地點對於非屯門人黎講，係有點遠。擇日幫襯，好彩無失望🤣。-------------------------食物方面抹茶鮮奶-比起出面靚，有少許桂花點綴。入口有濃濃抹茶粉，奶味不濃，係我中意的抹茶鮮奶😊盤子早餐份量好夠, 佢個牛角包窩夫比起出面的多士有heart 好多, 外脆而充滿牛油香, 成個all day 最吸引的食材明太子蟹籽忌廉意粉-好多蟹籽, 明太子小辣, 意粉一定唔係茶餐廳過哂冷河個種口感, 而係彈牙------------------------------服務方面- 上菜速度快, 店員有禮貌而且爽手, 好欣賞…Read More

東京好出名的滿天星蛋包飯，日本好多連鎖店，實際只係平民餐廳。來到香港就變高級版。定位為高級版，但是只限價錢高級，食材真的普通。-----------------食物方面-因為2人/4人set 限制食物選擇，所以不想叫set。散叫以下食物漢堡扒蛋包飯$238 一個蛋包飯已經幾乎貴絕全港，預期材料要高級點，但又唔係。米飯非用日本米😨，二百幾蚊一個飯都係用平價珍珠米😨。塊蛋係好一pat 野咁，感覺好似係一次過煮一盤蛋漿然後淋上個飯度。漢堡扒係厚身，但係只有一塊...一個大男人食個蛋包飯應該唔夠飽。三文魚刺身沙津呢個好食，$78 價錢算係咁。醬汁同係日本食到的係一樣。日式炸雞$88普通炸雞，粉漿偏厚，可以唔駛點。凍檸茶$42，茶餐廳質素，要唔要點就見仁見智。-------------------服務方面-排隊等入座，無得拎飛。入到餐廳自助點餐。埋單自己去收銀埋。service 只係侍應上菜。唔會有人serve 客，所以無咩好評。…Read More

原本係糖街的vie won won 搬咗去香港大學站附近，menu 都有更改，港島區的朋友推薦，咁就要親身試下。------------------------食物方面Steak & everything牛扒早餐貴為all day breakfast 粉絲的我，一定要試一試佢個牛扒早餐。牛扒- 入口juicy 有牛味，無因為all day 而降低質素。升級麪包做home-made bagel，成件事滿足哂🤤。如果細食既話，一個牛扒早餐可以兩個人share。炒蛋- 最怕炒蛋炒到老哂，又或者落好多生粉（茶餐廳/連鎖快餐店做法）。呢度炒滑蛋無以上的問題但係又keep 到好滑，我問侍應，佢地真係加入牛奶炒所以咁滑。home-made bagel - 焙茶麻糬味。焙茶大概係炒多次既綠茶，所以焙茶係深啡色。Bagel 熱食真係好好味，加埋麻糬，雙重口感衝擊味覺。------------------------服務方面每位侍應都好有禮貌，而且會不時自動幫我地加水（而家真係好少餐廳侍應會咁做😂可能係做少一樣得一樣）。雖然我們一行八人有點嘈，佢地又唔會黑面，值得表揚👍…Read More

九龍城出名泰國菜，於是揀一間平時少人幫襯的。唔算伏不過認真少人幫襯唔係無原因😢。食物方面-三人行，叫五碟餸，唔算細食。全部食物不過不失，偏港式的泰菜。連佢所謂的招牌炒飯都無特色😢。味道普通到我搵唔到形容詞。-----------------------------服務方面-幾乎無服務，而且食到一個鐘頭後，食物差不多都KO 時，老闆行過黎同我地講"食快少少，出面仲有客等"。好吧，我們都唔想阻住人做多一輪，埋單出去門口，所謂的仲有客，其實只係一枱😂。不過我下次唔會再幫襯，主要係食物質素普通到唔普通，唔駛再特登翻食。…Read More

一行三人去尖沙咀食晚飯，提早預約就唔怕無位👍。好彩有預先booking，去到時就算係八點時段都好多人排隊，walk in 的話真係可能要等到2046。裝修好日系，仲有塌塌米位，香港真係少有。食物質量中上，但係價錢偏貴。擺盤好靚，影相效果一流👍抹茶鮮奶- 如果可以揀甜度就好了。海膽意大利飯- 好味，好有海膽鮮味，最怕出街食海膽時食到又臭又唔新鮮，破壞了成餐飯的食慾。呢個海膽意大利飯雖然邪惡但是好好味。水牛芝士風乾火腿無花果沙津-成個擺盤好精緻，入口層次豐富，無花果令人開胃，必食前菜🤤。三文魚帶子-忘記菜式名😂。三文魚加帶子呢個組合幾乎無敵。配上特色source，比起淨食刺身多點味道。…Read More

行街最愛係飲台式飲品，經過柯士甸見到新開台式飲品店舖，當然要試下。鋪頭以倉鼠做主題，好可愛又好打卡able。😊黑糖珍珠鮮奶-其實，每間黑糖珍奶都係一樣味，最多係甜度多寡。第一次叫，當然要試原味，所以無叫少甜。入口偏甜少奶味，雖然用明治奶但係黑糖蓋過了奶味。珍珠新鮮QQ，讚👍。下次再叫要少甜。服務方面，可以快少少就好，一杯飲品都要用5分鐘就有點不合香港節奏。如果多人幫襯，後面的客人就要等十分鐘先有，無疑就慢了點。…Read More

佐敦一向美食群集，剛剛發現有一間新開的酸菜魚。店舖不大，不是連鎖式集團。樓面乾淨衛生，合格有餘。價錢不算貴，午餐有酸菜魚連前菜加白飯都只係六十零蚊，比茶餐廳更相宜。但係我想KO 一整碟酸菜魚，於是午餐都叫一碟正價酸菜魚。😂，難得師傅又肯炒。大家都知有d 餐廳午餐只供應午餐menu，呢度有彈性，讚賞👍。先講返食物，酸菜魚份量夠，裡面有紅薯粉。兩個人食一定夠飽肚。魚片新鮮又滑，不過有少少魚骨所以食既時侯要小心d。味道又真係好接近係深圳X 魚食到既味道。最驚喜係有鑊氣，小店都好有火喉。d 乾辣椒用油泡過，好有風味。燒鴨價錢，但有燒鵝味道，有下次👍😎🫰…Read More

經團購app 買了自助晚餐, 11月嘅主題就係蟹宴。餐廳會每人送一隻大閘蟹,不過公同埋乸就沒得選擇，當晚我有兩位用餐，所以餐廳送咗一隻公，一隻乸俾我哋。食物方面，選擇都算多, 雖然沒有生蠔，但是有阿拉斯加長腳蟹，麵包蟹，翡翠螺，青口等等。阿拉斯加長腳蟹有淡淡的鹹味，唔似出邊嗰啲蟹肉完全冇味。麵包蟹都有好多膏，所以我有食咗兩次。先熱食方面，佢有應節嘅臘味糯米飯，有燒鵝，有中式燉湯。另外亦都有焗釀蟹蓋，一啲嘅新鮮炸物。另外亦都會每位奉上兩隻芝士白汁焗生蠔。雖然沒有生蠔但係有焗蠔亦都算補償。甜品選擇都不算少。而且份量細細，一口一件非常適合多心嘅人。佢有一個即制嘅tiramisu，因為我已經好飽，所以冇機會食到。飲品無限供應, 不怕續杯要另外收費…Read More

友愛商場經過翻新後，有好幾間新餐廳開業後都沒有機會試。今次朋友介紹，終於可以一試了🙂素食all day breakfast，牛角包有牛油，算唔算係素食呢？🤔大all day breakfast，抵食$86 咁大份all day，出面餐廳賣緊百零二百零，而且足料。明太子蟹籽忌廉意粉，意粉做到al dente，味道無死咸，明太子意粉做得差係因為用低質素的明太子來做主打味道，呢間明太子味道咸中帶海水味，不錯～一直都是all day breakfast fans 的我，食呢道意粉有點點驚喜Dirty，唔夠dirty🤣但係咖啡味夠濃的…Read More

Five guys 已經開業一段時間，分店都已經有好幾間，變相不用再排隊食了🙂。星期五大概2點去到，真的不多人光顧。自從疫情後，好耐沒有去Five guys 了，之前為了它們的薯條排半個鐘都覺得值得。點菜時發現沒有花生可取，沒辨法因為疫情關係（定係成本問題？），要盡量衛生所以不再提供自助取花生。點了煙肉芝士漢堡，走包，用生菜包，主要係唔想食到咁滯。漢堡扒既肉汁一如以往咁多，d 汁漏到成隻手都係，最好拎定多d 紙巾先。雖然餐廳好細心提供义及刀，不過好似幫助不大，依然食到成手都係汁😂。薯條，忘記了要點辣。第一啖食入口，有咲濃濃的花生油香味。自從為了"健康"，很多餐廳已經轉用植物油了，都差d 忘記了花生油的味道，不失為一個新嘗試。milk shake ，之前記得係有鴛鴦，而家就任你mix，在有限的選擇下享受僅有的自由。…Read More

V city 的峰壽司已結業，於是去屯門市中心開的鮨千壽試食。因為閒日所以入坐人數不多，八點半左右入坐。叫了一round 想再encore 時見到壽司Bar 已經開始清洗了。同時侍應亦沒有通知我們到了last order 時間，所以最後慳返😁。壽司拚盤：個人口味，總覺得新鮮的壽司，飯一定要係微熱而且刺身要有一定程度的"冷溫"，而呢間店做到，那個鰻魚壽司仲係微熱，鰻魚一定係冰鮮到港，而佢做到唔咸，但有少少鰻魚的魚香，水準不錯。大拖羅就有少少筋位，入口未到即溶，不過可以接受。海膽唔算腥，口感夠錦密，可以大啖大啖吞。海膽炒飯：海膽係成個炒飯的靈魂，沒有海膽的話，只係一個無咩味既炒飯，橙色一粒粒的是紅蘿蔔，不是蟹膏喔。松葉蟹豆腐：好特別，蟹味入面再有微微豆味，夏天食好涼快。吞拿魚蓉軍艦紫菜有d 咸味，吊起吞拿魚蓉的鮮味，唔加豉油都好味…Read More

下午等食晚飯，中間時間返屋企又遠，行街shopping 又無野買，行到近尖東海傍記起NOC 係尖東開了分店，所以趁機幫襯。手沖咖啡，點了2 號。因為是手沖關係，所以等耐少少，由落單到上枱大概25分鐘。入口有點果香味，但又有d 朱古力味，好香又唔苦🤤，搞到想買一包單品回家沖。藍莓乳酪碟，用希臘乳酪加berries，輕盈得黎份量夠飽肚，當係delight 下午茶都不錯。擺盤不錯連隔離枱的人都忍不住點了一客比自己😬…Read More

閒日午餐時段幫襯。因為星期六日公眾假期經過，排隊食既人龍長到不得了。今次趁無人就入去。維納斯咖啡即係黑咖啡上面加whipping cream。咖啡味好淡，淡到我飲唔到有咖啡味😢。whipping cream 正常，都係平時屋企都食到的味道。芝士雜菌奄列配酸種麵包索價100元的芝士炒蛋加d 雜錦菇，底放一片面包，建議塊包可以同奄烈分開，因為想choice塊麵包係趣，我都仲未嚟得切食過奄烈，塊麵包已經俾啲蛋浸林左。😢味道既話，蛋味還蛋味，雜菌還雜菌味，好似兩種味道夾唔到一齊咁。抹茶小山園卷蛋可能係我對綠茶product 有要求，呢件卷蛋入口沒有綠茶味，只有甜甜忌廉味&卷蛋的蛋味。食完後，我不禁反覆問自己到底值唔值得排隊食Beans 呢？我不禁反覆問自己到底值唔值得排隊食Beans 呢？…Read More

在旅遊app 買了兩位用下午茶，最大原因係本身下午茶set 的飲品可以無限任飲。本身下午茶只有兩個鐘頭。其實點樣任飲都唔會飲到回本，酒店就真正為客人方面諗。正常九成客人都唔會飲超過兩杯，三杯基本上已經要不停去廁所。而且酒店客源都係斯文的，大部分人都唔會飲十杯八杯但就會被"無限任飲"吸引。Tea set 咸甜兩種點心都有。個人覺得咸點比甜點好味特別是cocktail 蝦碌，蝦雖然係冰鮮但係都好彈牙。而可能係因為甜品食入口都只有甜味，少咗d 層次。但係總括黎講係可以再幫襯。…Read More