DonaldNg6808's Profile

剪完髮差唔多五點幾，上網買大快活，無晒下午茶餐好失望，點知去到仲有，細問職員，原來網上早啲cut。一場黎到就試下新嘢啦，荔枝桂花西多士。本身係配紅豆冰，點知都無哂，唯有轉巨蜂疏打啦。講番個西多，荔枝桂花淡淡的，又唔太甜，加埋糖膠，甜度啱啱好。…Read More

今日第一次食呢間嘅午餐，一如所往好多人排隊呀。正午時份都咁多人排，點都要試一試。等左十五分鐘到，終於入座。叫左個雙併飯，一次試晒兩隻口味，仲叫埋個抹茶特飲，炎炎下日，歎番杯，透心涼。個飯又幾好食播，夠哂多汁，牛肉味濃。…Read More

今日行過屋企對面試下呢間，餐廳唔多人，一入去就有位。叫左個春卷同洋蔥圈做前菜，合格啦。之後就叫左個雞肉pizza，香脆可口，一啲都唔會太乾。之後再叫左個咖哩魚配大蒜薄餅，三個大人食啱啱好。…Read More

從未食過咁好味嘅中菜，首先餐廳裝修摩登，好有氣氛，啱晒同太太慶祝生日。食物黎講好有質素，頭盤有四道，法國鵪鶉燒賣，賽螃蟹鱈魚餃，煙燻京鴨卷，煙燻四喜素卷，毛牛肉。係個毛牛肉比較辣左啲，煙燻個啲都好香口，頭盤勝在細細啖，可以試多好幾款。魚蓉羹都幾重魚味，好足料。大元貝夾埋啲炸蒜，特別惹味。蔥油脆皮雞我就最欣賞，嫩滑嘅雞肉，炸到脆脆的皮，浸滿青綠嘅蔥油，一個字正。白蘆筍索滿雞湯又係正播。再黎個蛋白脆米素炒飯，炒到粒粒分明，有脆米增加炒飯層次，好特別。最後甜品以柚子冰粉朱古力米糍作結，100分！…Read More

青口湯我都係第一次飲，個body有啲thick，但一啲都唔腥。牛角包香脆，仲有牛油果醬同蟹肉醬配。底層係鬆餅，配cream同jam，十分classic。中間果層就係一啲咸嘅點心，有海膽tart，三文魚伴魚子醬，咸香配搭，增添食慾。再黎個鵝肝馬卡龍，又係另一個咸甜嘅配搭，食起上黎，別有一番風味。頂層個芒果tart都十分出色。而最後就係檸檬雪芭同黑松露伴雪糕。咁樣刨一塊黑松露落去夾埋雪糕一齊食我都係第一次，古唔到又幾夾播。…Read More

黎到呢間餐廳，當然要叫皇牌，亞參去骨海南雞飯，個餐有雞香飯同雞湯，肉質嫩滑，再點埋個三色醬黎食，真係值99分。馬垃盞通菜炒得好香口。另外再叫埋我嘅賣飛佛，巴東牛肉飯，個辣度無印度咖哩咁辣，唔食得辣嘅人都可以接受到。…Read More

酸酸辣辣嘅晚餐有好多，我偏偏喜歡食呢間，但可惜今晚無貢丸，所以要左牛丸代替。呢間個湯底好正，每次食完個米線，我都會飲埋個湯，所以我一係就配紫菜，一係就配炸魚皮，等佢地吸滿個湯底再放入口，yummy。…Read More

啱啱個星期一，行過樓下個米線陣。哇，睇到去到出左個新餐，於是就試一試。睇相係幾吸引嘅，於是乎立即衝入去搵位坐低先。味道都尚算可以嘅，不過湯底個肉骨茶味可以再濃啲。…Read More

今日星期六出開中環，又到中午時間肚仔餓就搵呢間pizza店食，我本身都好中意食pizza,食開灣仔地鐵站對開嗰間，旺角同西貢間分店都經常幫襯。呢間嘢之點解食完又食，就係因為佢分店夠多，pizza種類又夠多可選擇，pizza底厚薄適中，又足料。…Read More

首先黎個餐包，有驚喜。外脆內軟，再塗埋牛油，正到痹。跟住黎嘅係羽衣甘藍salad同蟹餅。salad無草青味，ok。蟹餅咬落去唔太乾，仲有啖啖蟹肉，不錯。個main就叫左個Australia Rib eye, 成12oz，兩個人食，都夠飽。至於個side dish就叫左個炸薯條配黑松露蛋黃醬，認真yummy。個炸薯條上面都刨左好多芝士碎，掂埋個蛋黃醬又提升到另一個層次。總括，嘢食質素俾想像中好，牛扒都煮到我地要求嘅medium well。…Read More

話說食完個生日飯，途經呢間甜品店，平時屋企附近都有呢間嘢，但都試過，因為價錢太貴，唔舍得食。但今日生日，點都要豪一豪佢。食完發覺個雪糕好重奶味，味道仲搶過啲蜜瓜。呢個價錢都值嘅，出面啲雪糕店都食唔到呢隻重奶味。…Read More

今日好朋友結婚，訂左呢間餐廳做午宴，餐廳怖置美觀，優雅，仿似置身於外國嘅高級餐廳一樣。因為疫情關係兄弟姐妹都在包廂內進餐，而我就安排在餐廳內面，室內裝修不錯，感覺十分有情調。食物非常精緻，L Amuse Bouche細細杯，十分醒胃，可謂貴精不貴多。Smoked Eel個咸味啱啱好平衡番個peas panna cotta。至於個溫泉蛋都煮到啱火喉，配埋濃濃嘅黑松露味，一流。最鍾意食佢個rib eye,睇落去好似得五成熟好生咁，但食落就七成，重牛味。…Read More

雖然搬離左呢區都幾年，但今日咁啱要過黎辦啲事，辦完事，happy friday當然要食番個靚lunch，開心下先，今次就揀左呢間日式店舖，叫左個甲羅燒海鮮丼set。去到嘅時候都要排三個人，呢間嘢之前住呢一區都久唔久落黎幫襯，對佢嘅食物印象都唔錯。佢個set係呢區都唔算貴嘅, $149有個湯飲，有海鮮食，都夠飽。隻蝦夠爽甜彈牙，而魚生，蟹膏同海膽都尚算鮮味，食落無怪味。無得去日本旅行嘅期間，唯有食下日本嘢，頂住癮先。…Read More

去玩，去癲，嚟ocean park,今日一早10點幾入場，玩機動遊戲嗰邊先，所以我玩完就係嗰邊搵餐廳，都好似得兩間選擇。最後揀左灣景餐廳，簡單西餐又可以用埋個生日coupon。今日去因為係平日，所以食客不算太多，餐廳風景正㗎，因為係海景。午餐就叫左一個三文魚飯，另外叫左個咖哩雞飯。其中一個餐就加左＄30，有汽水雪糕。本身諗住園區啲餐一定難食，但食落都唔算太差嘅。個咖哩雞好就好在無骨，個咖哩汁都幾印度風味，正。…Read More

今次入到黎長州行下，行到肚仔餓，出左碼頭轉左成條街都係食海鮮嘅，其實間間都差唔多，3百幾蚊，都有四個餸，最後揀左街尾嘅一間。我見啲呀姐幾好傾，又話送個湯。叫左條倉魚，豉椒炒蟶子，蒜蓉開邊蒸蝦，蒜蓉粉絲蒸扇貝，幾碗白飯，簡簡單單又一餐。其實340蚊埋單有四個海鮮，都夠晒三個人食，好抵。…Read More