catbird123's Profile

差不多兩年無寫食評，這餐廳的食物真係激發咗我重新啟動！新開時食過，味道都可以，但今晚再幫襯，唔明點解仲有人排隊去食（我係其中一個，後悔到極😒）。大熱天時帶住口罩，熱到死都排隊想食個甜品，鮮芋鮮已停止派飛排堂食，諗住轉去這間近近地。入去前落單叫左碗招牌燒仙草同兩杯玫瑰烏龍鳯梨茶。我那碗燒仙草，d仙草稀淋淋，仙草味淡，芋泥實到用匙羹都切唔到，難食到唔想再放入口。朋友那兩杯飲品，佢哋話無茶味，鳳梨肉的味道怪怪地，大家都唔想再飲落去，最後大家都決定放棄，未飲哂同食哂就離開餐廳，完全影響心情，後悔花時間同高溫下排隊，大家都決定唔會再幫襯這餐廳。PS : 坐底一陣播放音樂轉大，現在仲有餐廳會放大音樂趕客，真低級🙄…Read More

訂了位的餐廳因我遲了兩分鐘而唔比檯我，所以我轉了這新開餐廳試食，路經過這餐廳好幾次，見入座率都高，而且新開做緊85折，所以同朋友入去一試😬最初都怕這餐廳有酒飲，會可能好似酒吧會有煙味，但一點都冇、而且服務員有禮貌，這都是我會留意的一環😁食物都唔錯，牛肉農夫包同非洲雞都好味，而且農夫包一d都唔干，份量都唔細👍🏻最緊要係現在星期五晚上食飯，要搵一間唔限時又服務好既餐真係好難，這間完全合乎要求，可再同朋友試下其他嘢食😋…Read More

估唔到現在香港除左返工返學要準時，食飯都不能遲。我知你們好仁慈比多5分鐘時間hold 檯比我😕我用open rice訂位，因得6點同8點兩個時段選，我選左6點同寫了轉6:30，而且收到電郵confirm，但怕冇留位，所以早一日打去問能否改6:30，他們覆我最多留位10分鍾，但我收工時間係6點，趕過去真怕要點因難，佢話最多比多5分鐘，即留15分鐘！我話盡趕！冇諗到，我盡趕6:17分，那個帶位先生話同事把我張檯已經比walk in客入左，我話只是兩分鐘，跟住那位先生同我講留位15分鐘，他用佢帶那錶比我睇，話已經17分，冇檯😡真係想像唔到現在香港餐廳既服務態度真係差一個頂點😳兩分鐘都唔比而且唔會理一個客人係咪有心去你餐廳食個飯，品嚐一下😒其實都唔明點解食餐飯要趕頭趕命，攞檯要趕，食飯90分鐘趕交檯，生意真係要咁先運作到🤔既然你餐廳響咁差既服務態度下都有客人，咁我都睇下現在香港人係咪接受能力提高左咁多😑我都好後悔選擇了這餐廳食飯，我以後都唔會再比機會自己傻落去，始終香港仲有好多好餐廳，何必要辛苦先己！慶幸轉地方都搵到一間唔限時，服務又好，嘢食好味既餐廳醫肚😬…Read More

之前留意到這餐廳入了米芝蓮餐廳之一，mark 低左諗住有機會就去試下，今晚機會來了！晚上6:30先開門，我們6:27去到都已有人龍，準時6:30可以入餐廳，正好排前面的人都未人齊，我們仍可以入內坐，唔使再等😆叫了最出名既和牛船麵同虎蝦金邊粉，和牛的牛味好濃，牛腩都好淋，湯底好味，濃得唔會太過火👍🏻但虎蝦金邊粉就一般，但唔差，仲有一碗通菜，感覺都有泰國味道！另外叫了杯菠蘿薑汁，好味，放上面的薑絲係可能用糖醬浸過，可以食。最後叫了班蘭椰子湯圓，第一口咬落去湯圓皮，好香班蘭味，中間係椰絲糖的椰絲再浸響椰汁底，熱食甜品都好有創意！總括：我覺得這餐廳好有創意同有心思，每一道菜式都有佢既特式同創意，會再去試下其他食物😊…Read More

星期日路經見到一間新開泰式麵店，試完諗住離開旺角之制，途經見到一間好多人既店，行去睇下發現原來係之前朋友同我介紹過話好食，之後我又留意到這店得到米芝蓮。需然剛食完午餐，既然見到，真係忍唔住一試，見到之前朋友講過那個梳乎厘班㦸話好食，但我見到日本柚子抺茶吉士拿破崙都好吸引 最後決定試拿破崙果然都無選錯，拿破崙皮好脆，柚子吉士好出，抺茶吉士唔苦，下次一定要再去試梳乎厘班㦸P.S. 拿破崙皮好脆，好多碎碎跌出來，食既時候小心D，如果唔係全身都係拿破崙皮碎…Read More

同家人選了這餐廳一試，之前已經好想來試，終於輪選到這餐廳睇了食評，大概都知道有咩菜式要試胡麻鮮淮生、金磚豆腐、义燒、話梅雞、燒腩仔、懷舊鬼馬龍皇卷、冰河濃醬脆皮安格斯南仔腩、皇牌燒鵝、妃子花膠上湯浸時蔬、黑蒜紅皮金字塔同30年陳皮紅豆沙都有試！同意金磚豆腐同燒鵝必食，义燒半肥瘦，味道都有d濃，話梅雞既肉好滑，燒腩仔同龍皇卷都一般冇特別，如果鍾意食肉既朋友可試安格斯，啖啖肉另配特製咖哩汁，黑蒜飯味道夠，每粒飯都有味，我覺得必試。但最令我失望既係陳弓皮紅豆沙，其實應該叫紅豆湯，因為係冇豆既而且第一啖食落去苦澀味。。試多幾啖都係苦澀味想問係未唔記得同d陳皮刮皮基本上食物好味，會再去，因為服務好好，但唔會再叫紅豆沙。…Read More

好奈無寫食評，今晚去了一間比較偏僻（因週邊是地盤，而且在巷內）的餐廳食晚飯。朋友比了一編有關這餐廳的報導，問我有無興趣試，雖然對我比較遠，但我都唔介意放工後去上環一試大陪份的食物都是辣，其實我同朋友都唔係好食得辣，所以我們試問下服務員有關每個菜單的辣度，首先我們問了叻沙，他們竟然話比啖湯底我們試，朋友試了話對佢是辣，但我又好想試。。跟住我們發現餐牌有兩種價錢，一問之下，原來有NH (normal hour)同HH(happy hour),7點前可點HH, 不過HH的份量比較細同價錢比較平，咁就岩曬我地兩個女仔，食量細但又想試多d當我發現時已經是6:59，但他們仍然接受我們HH的落單。我們試了三個麵同三款甜品，我自己推薦椰子千層蛋糕，椰子味重，蛋糕質感好好整體來講，如果食到辣既朋友可以一試，食唔到都可以要求減辣值得一提，這餐廳服務態度好好…Read More

之前睇電視的飲食節目介紹這主題餐廳，所以同朋友一齊去試。但那女生的服務態度同說話的語氣都應該可以改善，要知道你們只是一間有主題的餐廳而唔係一間知名排長龍的餐廳，我有一個朋友先到，你安排了一張二人枱比佢先入坐，但我們是6人，而我們都等了十五分鐘你們才能給我們一張6人枱，點解你會以我朋友先入座那張二人枱計時90分鐘，之後要我們同另一個服務員要求以安排好6人枱的時間開始計，你們才話會安排。這都算，落單錯，上菜錯，中間雖然送埋d好似襟針致歉，但去到埋單數目都錯，這樣的服務真是挑戰客人的忍耐力同洞悉力😩由開始坐低到落單，我們對你們的食物都唔敢再抱太大期望🙈果然，我叫了你們介紹的特飲，green tea latte， 冇綠茶味既，好淡呀😓另外我叫了一件cake，甜到不能接受，個種甜，兩個鐘頭後仍在😖訂枱時又唔清楚講明限時90分鐘，埋單收我們$894，我們要求查單，佢話要比錢後才可印單給我們看，經我們check單，發現收多了食物錢，他們就要求我們重新講一次我們的order,之後佢又話以客人利益為先，所以經他們的重新合拼食物為set之後，應該是$768，足足收多$126😧好彩有要求查單。總括：這間餐廳可一不可再去，一次機會都比多😭…Read More

一心諗住同朋友去試下這餐廳，因見佢之前由尖東的小食亭，開到太子有兩間餐廳，雖然之前都想去尖東試，但因冇位坐所以未有機會去試。今晚終於有機會，所以早一日訂位，去到餐廳環境都感覺良好，但冇諗過未有食既機會就忍唔住要埋單😡原因係我們叫了飲品同一個燒肋排骨拼盤，飲品好快到，但那杯果汁的味道另人有個疑問...d蔬果是否壞了?因為我們都未試飲羽衣甘藍加其他生果攪出來的飲品，所以都忍不住問個女服務員，但他說自己未試過飲，所以幫我們問下是否有問題，之後佢回答是材料是今天到，不過飲品唔係即榨，雖然味道有點怪，但因我們唔知本新的味道。所以也接受了😓但最不能接受是我們足足等了50分鐘，問了幾次都未有一個答覆我們點的主菜幾時到😭眼見隔離幾張枱比我們遲入座都有得食，有張仲食完叫埋單😣到最後我們只可以行出去要求取消主菜同埋單，雖然我們行出去反映我們的不滿，但無人可解釋到我們點的主菜為何不上😟我們只好餓主另搵地方食晚飯😖…Read More

之前都去過這裡幾次,因都有D特別菜式試下,今次去發現多了週末同假日Brunch set.有多款唔同價錢嘅主菜選擇, 而且有包頭盆, 沙律,湯同飲品.我們選了澳洲和牛番茄讚岐烏龍麵同奶油蜆肉意大利麵. 首先講下頭盆的炭燒一口厚切煙肉, 有煙熏味, 因每份的部位都唔同, 一份半肥瘦剛好,一份比較多肥肉.煙三文魚沙律,菜比較苦. 澳洲和牛番茄讚岐烏龍麵的湯底同番茄素菜湯一樣, 不過和牛的牛味比較出, 奶油蜆肉意大利麵的份量比想像中大份, 味道都保持水準.飲品方面叫了凍檸檬鴛鴦試,其實係青檸加檸檬的茶, 茶味可濃d.大致上兩個set加埋一都係$250,算係抵, 而且唔使等位,又冇限時, 真係週末hea的好地方…Read More

Plan咗去葵涌新開的OUTLET行下，去之前在附近搵地方食早餐，星期日的工廠區別有一番風味,整座大廈應該只有這店是有開。就因為此咖啡店星期一至日都開，所以就去試一試。Coco big breakfast比較一般，Ham & Cheese Panini比較好。我們點了Café Mocha同Doppio Ristretto Flat White，始終是一間咖啡店，還是咖啡比較特出，他們的咖啡豆是攞奬的，而且有多款特調咖啡，有機會都會再去一試。…Read More

觀塘工廈開了好多餐廳，而且係有主題，這店就應該是以畫畫為主題，除了食飲仲可以買下畫具，喜歡畫畫嘅朋友，可去行下睇下。因我冇畫畫天份，所以那方面我就唔多講喇，今次見係新開，所以同朋友去一試，這間真是一間普通的西餐廳。價錢比想像中偏貴，而且食物的味道好普通，即唔太好味，但又不太難食，大致上的食物，食完你唔會有興趣去討論食物的味道以西餐廳來講，冇想過沙律，小食同意粉會一齊上，我們都唔知應食邊樣先好彩羊架煮要時間，比較遲一點上菜，如果唔係，更加有壓力，因怕食物凍咗唔好食大致上來講，服務同食物都有待改善…Read More

常常去試唔同新店，抺茶控嘅我，就唔少得去這間京都老字號抹茶店，香港新開的第一店，今次我試了抺茶蕨餅同抹茶芭菲，蕨餅抹茶好濃，蕨餅好軟，好味芭菲方面，雪糕的抹茶味唔太濃，奶味偏重，反而我比較欣賞佢地放其他配料，好夾下次要再去試其他甜品…Read More