這是一個暖心的故事🙂，此餐廳永不光顧，皆因食物質素參差，且服務態度惡劣，待客不一。 個日坐低冇幾耐，冇有位年紀大啲既員工就話，想食就講啦，如是者，我地叫左一份西多士，兩碗麵（豬扒麵、五香肉丁麵），加一杯凍奶茶少甜，明白舊式茶餐廳未必鍾意用紙寫低落單，但轉個頭覆單並即場收錢個陣，已經錯漏百出，我地糾正返佢，仲要比佢話。我地同枱另外坐左一對夫婦，一睇就知係熟客，食完先施施然去比錢買單。首先，第一杯凍奶茶率先嚟左，甜到蛀牙；然後碗五香肉丁麵亦隨即送上，呢個時候同枱已經坐左另外兩位新既客人，又係一睇就知熟客，叫晒佢地個名，態度客氣，好快呢一對既客人所叫既食物就隨即送上，而我呢，碗豬扒麵未到，西多士都未到，同行既朋友連碗麵都食埋，而同枱既第二位客人都食埋走埋，先開始上碗豬扒麵比我。 落單系統可謂毫無秩序，連遲嚟外賣既客人叫既西多士，都比我呢個堂食既快。等到同枱既客人都轉左第三轉，都仲係未等到份西多士，真係比錢買難受，等候呢份西多士既期間都好有禮貌咁問啲員工，想問有冇漏單呢？ 前後都問左2次，只係話要啲時間，大佬，同枱都轉左3次客人啦，有咩理由熟客就快上咁多，新客唔係客？ 等到磨滅耐心之際，份西多士嚟左，蛋味普通，口感仲要麻麻，嗱嗱聲食完走。 係到食既惟一好處我諗係你可以坐好耐。…Read More
泗益
2024-01-11
The above review is the personal opinion of a user which does not represent OpenRice's point of view.
Like
Date of Visit
2023-12-31
Dining Method
Dine In
