samantha yung's Profile

食物質素差，服務態度差，難怪香港飲食業一蹶不振！！！！！以每道菜相隔15-30分鐘上菜的速度，等了多於一小時的片皮鴨，皮厚肉騷，成碟油。所有侍應態度極差，黑口黑面，成枱空碟冇人清。尤其一位四眼高瘦經理，送餐時要求拿走空碟，兩手空空但一聲「轉頭來收」就轉身離開，相隔十五分鐘後再示意收碟，竟然一險不耐煩，再次示意一會再收，最後唯有叫另一位侍應收走。其他菜式十分普通，一張相都冇影。簡單來講，冇下次！！！…Read More

等完又等，等完再等⋯⋯大概7:45落單，8:15上第一道菜，催咗幾次，中途上錯隔離枱嘅嘢食，8:45上第二道菜，仲爭一道菜，侍應呀姐話「整緊啦，1分鐘就有」，等咗5分鐘後，呀姐又話「整好㗎啦」，唔係呀嘛？走人！最離譜係，整咗成粒鐘嘅泡菜煎餅，餅底又淋又濕，同泡菜完全分離，賣相自己睇：做韓燒但每張枱都冇抽油煙機，大伏！門口正正常常，仲有唔少明星相，完全唔明點解仲有人食？寫正評嘅人收咗幾多錢、幾多着數？…Read More

平安夜換來失望體驗預早1個月book位，到達時門口有三至四班人已book位等緊，店員一臉不耐煩，明明店內有位準備好，都擾攘一輪先入座。坐低叫餐後，竟然等咗差不多半小時，叫佢跟一跟，先話電腦system壞左，要重新落過單，點知突然話冇曬beef wellington，但1個月前book位已預留，最後好彩廚房話仲有，不過聽到隔離枱叫左最後又係冇😅即使係節日，但店內唔大，樓面有四位，又冇walk in，唔明點解咁混亂！其後上菜太慢，每道菜食完後要等至少10-15分鐘先上第二道，8時半入座，11時先走得。整體食物味道一般，Beef wellington 有點overcooked，皮不夠脆口。龍蝦risotto，龍蝦唔入味，risotto太過粒粒分明，冇好好同個汁blend in。心太軟不過不失，外層偏淋身，沒有外脆內軟效果。平心而論，這種服務態度和食物質素實在不值。…Read More