treatmeal.hk's Profile

都算係西式diner老店，講出嚟應該無人不曉，仲記得人生第一次同男朋友慶生就係呢度，早幾年又細個，揀呢到已經算好正式，隆重其事㗎啦！不過隨著香港飲食、消費模式改變，經營多年嘅連鎖店都好吃力，呢度都唔例外，陸續消失。佢個白汁雞肉扁意粉好好食，好creamy，每次必點！牛扒🥩都係穩陣之選！坐得舒服，係聚餐好地方。黑糖包、waiter收食完嘅碟要上膊、等等都好經典，雖然唔可以話好好食，但真係有唔少回憶㗎！…Read More

又有啲Old news, 旺角出哂名嘅排檔小菜，真係久仰大名，今日終於嚟試，食之前十分期待！🇭🇰論裝修、氣氛、環境都充滿港式風味，簡直一流，但食物味道同我印象中大排檔嘅味道則係兩回事😥〰️〰️〰️〰️〰️〰️〰️〰️〰️〰️〰️👌🏻黑松露蝦多士 $140/5件呢到炸嘢整得幾好，新鮮香口。蝦肉扎實彈牙，淡淡松露味，價錢偏貴吧（？）👌🏻鳳梨咕嚕肉$118咕嚕肉香脆嘅，菠蘿好酸，但個甜酸醬就無乜酸味，變咗就算掛汁都無嗰陣咕嚕甜酸汁味。👌🏻👌🏻黑椒牛柳粒 $168薯仔外脆內粉，粒粒有蜜餞，好食嘅。牛肉厚肉軟腍，稍微咸咗啲。👌🏻金瑤扒豆苗 $138正常發揮，嫌芡汁有啲厚，普通其他餸都係，但汁夠厚又唔濃汁㗎喎，吹脹，個口感好怪。👎🏻👎🏻 XO醬馬拉盞芥蘭煲 $98看似正常⋯但佢該有嘅味，都係無嘅。我係而家睇返先知係XO醬馬拉盞炒⋯⋯肉碎、乾蝦、芥蘭嘅味道各自為政，芥蘭無炒香味，唔爽脆，好似烚熟之後放落個煲咁。試咗嚿蝦乾，鬼死咁咸，但無出過個蝦乾味落個煲到。👎🏻 八味脆鮮魷 $108個八味喺邊到？唔香口唔厚肉，細細塊勁唔過癮，個味似就咁炸完淋啲炸蒜上面，唔夠香口惹味。個汁都唔好食，唔似醋又唔似喼汁👎🏻👎🏻 豉椒炒花甲 $148花甲就幾新鮮嘅，但無豉又無椒味，唔講唔知炒出嚟，似烚完淋芡汁上面〰️〰️〰️〰️〰️〰️〰️〰️〰️〰️〰️五個人食，埋單 $1,010。有大排檔風味，無大排檔口味。係幾有新鮮感嘅，吸引到遊客同內地客，唔意外。但失望位係色香味皆欠，說服唔到我再嚟🙅🏻‍♀️…Read More

非常多不同手工精釀啤酒供選擇，有酸有甜，menu都介紹得好清楚，可以因應喜好選擇，當天試的也十分出色。一杯300ml左右，飲完唔夠喉可以叫多杯另一隻味過口癮～我哋叫咗一份黑毛豬叉燒配酒食，真係可以用驚艷嚟形容呀！十分juicy，有香烤嘅味道，滿滿油香，差啲想額外打包一份返屋企食。缺點就係店面細咗啲，只有幾枱比人坐，亦都比較親密，不過都企理，但傾計比較唔方便，音樂好大聲，有多枱多幾個人已經要用喉嚨出聲先聽到。…Read More

幾經辛苦book到之後見到網上有人話，呢到係香港最難預約餐廳之一，我絕對認同😭10點準時入去已經被人on hold咗啲位！——✨牛肉漢堡套餐$138有3塊現絞、現烤手打日本牛漢堡。入座會有店員介紹，亦有介紹卡紙建議可以點食，超細心。「羽釜鍋」現煮日本米，特別鬆軟，仲可以無限添食！炭火味香濃，唔使試其他同類店已經知道，根本無！得！比！有6款特配醬料mix and match，另外蘿蔔蓉配特製柚子醋。油漬青唐辛子好出色，同肉味超夾！——✨免治牛肉薯仔沙律 $35試咗就算，覺得可以唔使試。✨紫蘇Shiso Cocktail G&T $58勁香紫蘇葉味道，好解膩。——$138一個set，仲可以歎到IFC維港海景😍我絕對會翻啅！…Read More

千兩lunch set其實都幾抵食，百零蚊一個set咩都有，不過質素就中規中矩啦，唔算好出色，但正常發揮嘅日式料理。今次叫咗一個刺身壽司set, 全部都肥美飽滿同新鮮嘅。另外點咗個吉列豬扒滑蛋飯，豬扒香脆，有啲鞋口。滑蛋好足料，厚厚的，不過又係唔算好滑，同埋有啲濃味，應該醬油同味醂都幾重手。特別嘅係今次叫咗set清酒飲，$88一set有三款，有介紹埋釀造同pairing比你參考，唔算市面上普遍嘅選擇比你小酌，係唔錯嘅加配，亦算幾抵飲。…Read More

食到有啲感動，係因為覺佢真係好用心做雞🫶🏻🥹真係好耐都未試過喺香港食嘢食到有感動嘅感覺，由前菜小青瓜、到椰子雞湯、到無皮下脂肪嘅温泉雞、足料肉餅、仲有咖史多士做埋甜食，每樣食物都feel到係用心做，先會做到食入口會有嘅滿足感！個青瓜係去皮，醬油汁好輕身，十分清新解膩～雞湯無味精，入口非常舒暢，有淡淡椰子香。值得一讚真係，個撈面大為出色，更甚於飯！係出面唔會食到嘅味道！（覺得溏心蛋可以skip🙈）咖央多士比起其他食過嘅食店係無咁有罪惡感，當甜品食啱啱好！我同朋友二人去到時7pm左右，大概有十多人等位，但15分鐘內已入座，餐廳鋪面唔大，但食得好舒服，一個拓盤裝哂成個set啱啱好一枱兩人仲連嘢飲，我食完第二日已經想再食了🤭…Read More

我嘅午市confort zone推介之選，小菜午市menu樣樣皆good! （小菜menu仲有八折）係上菜速度真係慢嘅，有幾次等唔到直頭cancel空住肚走。不過會返頭食係因為一食落肚連吐氣都吞埋😂😂椒鹽豬扒飯（蛋炒飯底）午市餐牌個人之選有時仲有剁椒蒸排骨/蒜蓉蒸魚，沙薑雞飯⋯⋯都係好好嘅選擇！就係反而湯嘅選擇如酸菜魚就唔算十分出色。好味到爆嘅椒鹽鮮魷，不過每次都差唔多最尾先嚟到，等得有啲耐。另外有啲煲仔嘅選擇十分有鑊氣㗎！勁餸飯！呢到值得一試！…Read More

一行三人去開觀塘工作，lunch rush hour隨意入咗呢間有唔少選擇嘅冰室。午市餐牌大約50至$70。仲有其他常餐同埋a la carte可以叫。我哋分別叫咗個酸菜魚飯餐、雞扒飯餐，同埋常餐瑞士汁雞全翼撈丁。常餐有3隻翼、櫻花蝦炒滑蛋、牛油丹麥多士（烘底），汁另上，加埋凍OT先$53，非常抵食。係丁底麵淋身咗啲，另上汁偏甜，就麵本身唔太索汁，掛汁咁食，不過都ok，好夠汁。（以下無影到相抱歉）—酸菜魚飯—魚量好足！酸度剛好湯底偏淡味不過好餸飯嘅，係個湯嘅蘿蔔本身係醃蘿蔔，有啲得意😂—港式燒汁（橙汁嗰隻）雞扒飯—雞扒好厚肉，煎得得幾靚，其餘不太特別。值得一提，喺呢一度嘅澱粉質其實都處理得麻麻哋。面就偏腍，飯都係，同埋唔係粒粒分明。不過overall性價比都係到，唔想搵位，醫吓個肚絕對ok!…Read More

試業日下午排隊只要2分鐘，由㩒機到取外賣都只係10分鐘！算係咁～叫咗標準香蔥鹽醬牛肉飯，而等候時都見到出餐嘅定食肉塊都大片、厚肉、量多～當日應該由日本團隊主理，有條不紊，店員都好有禮貌。原先以為外賣返屋企食會大為失色，點知仍然有驚喜，絕對係第二日想再戰！醬汁香蔥係豪不吝嗇，同牛肉比例絕佳又解膩。牛肉本身肥瘦適中又淋（係無牛味就差少少），不過有覺得咸咗啲，好彩我送啤酒就好啲（同埋個油有柚子醋味有啲unexpected，有諗緊佢係咪比錯我定個汁係咁xd，下次再試下！）總括而言，抵試！值得試！希望keep到水準…Read More

叫咗杯烏龍鮮奶茶加芋圓，微糖好似少糖咁，然後冰量固定係好似少冰咁樣，亦無乜烏龍茶味。我都有諗過會唔會因為啲冰融咗搞到淡咗，但係由落單到我拎，只不過係6分鐘嘅事🥲呢一杯都唔係我第一次遇到質量有問題，花斑唔係收得平，會期望有返穩定嘅品質🙂。…Read More

中肯啲咁講：真係唔對口味我哋叫$418 set母親節去呢度慶祝，但唔符合預期。之前都有幫襯過幾次，覺得唔錯，因為母親鍾意食魚生，所以帶佢嚟試吓，點知感覺係失禮嘅。🥴位置逼夾、款式唔多、食物質素差吞拿魚蓉/刺身入口係未溶雪嘅長腳蟹第二輪唔知係咪未啤夠水，非常死咸其他熟食好似牛肉鍋、炒蟹都係好咸😮‍💨我哋坐咗入邊角落位，成晚有八成時間都係要我哋自己伸手去接食物，因為侍應根本行唔到入嚟放上枱😪先唔好講佢完全比唔上其他同類型嘅放題餐廳，就算我唔比較佢都完全對唔住個價錢人生中食得最唔抵嘅飯，呢到都算數一數二。當晚全場好多人食嘅，可能得我同屋企人有呢個感覺。但係仲考慮緊嘅你哋，可以再斟酌吓。希望香港餐廳可以爭氣啲～…Read More

撞啱朋友生日，另一位友人係呢度翻頭客，推薦住北區嘅我哋一同去試！居酒屋位置唔算好多，不過今晚都係唔滿客，大概3 group人，20位左右。我地一行7人，都叫咗好多嘢食，魚生、熟食、沙律、天婦羅、烤豬牛、鍋物⋯⋯總括嚟講全部都無！伏！，可以放心試哂唔同食物。值得highlight係個魚湯🤩，我哋叫咗5碗，另外一鍋同一份魚湯烏冬，實在太出色，真係每人飲咗一碗有凸！個天婦羅蝦頭出色！埋單7人$2000幾，抵食！…Read More

我地一行三人，有預先book定，一入就有位，但見門外零星都有人等位。嘢食方面比較非正宗泰菜，無泰國風味，志在同朋友落腳吹水。你想像佢全部都減30-50%口味同濃度😂唔酸唔辣。比較遜色嘅係炒金邊粉，只食了一小碗。其他：魚、湯，都係偏淡。串燒中規中矩，不過不失。比較細心係服務方面，有位朋友遲來，我地叫先，但伙記都等我朋友嚟先再點火。倘若要過泰國口癮就唔好揀呢度～可能去返九龍城會比較正宗。我嘅回頭率～10%…Read More

朋友揀嘅放工中間點西餐廳～我地叫咗一個洋蔥湯，一份Rib eye (Medium Rare) share食。先嚟洋蔥湯，上枱已經for two咗，非常細心。洋蔥湯甘甜濃郁，不過麵包上芝士應該唔係我平時香港飲開會拉絲煙韌嗰款芝士。Rib eye 出色，熟度啱好，肉質腍身，有grilled 香味。💯最出色係薯條，非常酥脆呀！唔會非常乾身，外脆，入口仲有薯蓉感😍整體來講完美合乎期望，人量around 50%，非常適合dating, 又有outdoor位，淨係飲嘢都chill~…Read More

牛大人呢個名～應該係香港台灣火鍋嘅鑽石級人氣代表🤭早幾年未有名氣嘅時候，已經有機會食過，當時仲係誤打誤撞入去食，仲覺得呢到係十分之underrated, 當時強推身邊嘅人去食㗎！久唔久嚟食過吓，開始越嚟越難book, 至於嘢食⋯我覺得係standardised咗。我覺得主要係個湯底，以前食麻辣湯底真係完全可以唔使醮醬料，都入哂味。佢仲有鼓好獨有嘅香料味，係呢到先食到，係令我覺得呢到值得強推嘅原因。可惜，而家再食，係一啲都唔impressive。絕對唔係話佢難食，只係好普通嘅一般鍋底味，咁我有咩必要一定嚟呢到食呢？打邊爐，最緊要個湯底呀嘛～🤪…Read More