shamank611的個人專頁

星期六經過見到門口個午餐餐牌，99蚊有個餐好似都ok，就入左去，結果掃碼點餐時所有午餐都無，原來假日係無！我立即起身想走人，侍應立即來詢問，我話沒午餐打算走，明明大大個午餐牌係外面。佢話係外賣先有，但佢會搵經理爭取。經理過來解釋，再話做比我，但假日無湯，只有海南雞幾個可以揀，咁我就唯有揀海南雞，經理隨即就下單。我諗諗下唔對路，明明午餐又有雞又有湯又有飲品，咁佢話做比我，但又唔算真係做比我架喎？ 我再問，佢先話比埋杯菊花冰。不然我120 蚊就只有下面少少雞，我宜家食完都唔太夠飽…我無乜飲佢啲茶，又直接收左茶介10元….最搞笑係坐我右邊的明明食緊海南雞飯，我問侍應，佢話都係好似我咁爭取，我話咁都得？到我快食完，又有對夫妻坐我左邊，係度話「啲午餐全部都無嘅？」我忍唔住話假日係無架，我都係咁被個牌呃左入黎。…查看更多

想表達返餐晚餐係幾失望，以這個價錢期望的不是這樣，CP值很低，幸好因沒材料而沒花更多前在海鮮拼盤。帶子意粉還好，麵底ok，但汁偏淡。不過，這質素不會是188 再加55 才套餐的期望。再講個龍蝦尾配牛，四百多元，那龍蝦尾細得可憐，根本是小龍蝦而非龍蝦吧！？ 兩樣係不同的東西！我未試過一個配龍蝦的餐是這樣的龍蝦尾。而那件牛有點過熟，咬得我很累…. 隔離枱嗰件仲全熟左而換了。55元跟沙律/湯 及飲品，這是我遇過最貴的跟餐價錢。只是一個沙律跟檸茶，55蚊真的完全不值….. 甜品也是偏酸…講返蕃茄湯，真係蠻酸… 沙律太多酸，也是好酸… 為何隔離枱係磨菇湯及有麵包康沙律？ 哩個配搭加55的話尚可接受。講到環境，偏向是做街坊生意，較嘈吵，但價錢一點也不平民化。比較好吃是配菜薯蓉及蘿蔔..我都蠻好奇為什麼openrice這麼多like？…查看更多

見咁多人比好評，係周年紀念今日就去試下。雖然佢有啲午餐好似幾抵食，但周年紀念就食豪啲，叫了一個扒同意粉，兩個都加48元跟套餐，套餐有蒜蓉包、湯同飲品。等左陣就黎左飲品，係幾吸引嘅，所以都幾期待主菜。過了十幾分鐘都仲未有湯同包…..我忍唔住催… 侍應求其答「黎緊」… 點知老公個意粉都黎，湯都未黎… 分明就漏左！個湯終於黎… 話包後上…. 湯好似飲水咁… 完全唔得！ 到我個扒都黎埋先有包….. 個包都懶得影了，勁細塊，味道就還好..但加48元主要係為杯飲品..而飲品原價就48….. 咁加黎做乜？ 自選午餐加飲品都仲可平10 蚊呢！勁唔抵！好啦…。個主菜算幫佢囉返少少分….算睇得下，個扒ok ，意粉味道ok 不過成餐88折左都要468 就唔多值嚕…… 有其他餐廳cp值好過佢好多…而啲侍應… 樓面有成七人！ 五男兩女，有兩男其實好閒hea…. 主要都係兩女做….嗰五男唔知係咪老闆本身，不然應該一早炒左…. 明明咁鬼多樓面都可漏左個湯同包…. 唉… 失望:(…查看更多

去奧海城做野，所以就隨便搵間餐廳午餐。平時見哩間好似幾多人等位，而我又鍾意食蛋，又咁啱有位就入左。一坐第一眼見到餐牌就係黑咖哩，黑咖哩好似幾特別所以叫左，想知佢同普通咖哩有乜唔同。因為午餐，所以係有包湯。當日的湯係蕃茄湯，外表不錯，但一飲出事，酸…. 真係幾酸，唔好味… 唯有期待個主菜好味啲…結果…. 沒有咖哩味…. 只有少少少少辣….. 我唔食得辣的人都唔覺辣…. 除了嗰少少辣就乜味都無。我係反而要飲蕃茄湯黎囉返少少味黎送飯…最差嘅係…. 飯裡好加唔加啲雞…. 乾到似橡膠…. 真係咬到牙軟，又無味…我想食牛肉喳，你比啲雞我做乜喳….如果唔加雞可能都無咁差…. 唉…查看更多

去開哩邊，所以專登搵啲小店試下，見啲相幾吸引所以入去試左。環境都唔錯，做到似有點氣氛，唔知係咪咁就令野食都貴唔少😅佢午餐要加20 蚊先有湯或沙律連飲品，個喇沙單價已經138，套餐就變成158.. 土瓜灣食到咁貴真係得附近有錢人先食得起😅😅anyway，就當支持下小店啦。我叫左主食連湯及飲品，湯就算了.... 不吸引沒驚喜.... 意粉味道係幾好味嘅，海鮮係新鮮嘅，但就4粒蜆兩粒仔蝦仁同少少魷魚咁.... 依這價錢我食過更豐富的海鮮意大利飯比得這價錢，就對佢份量係幾失望…查看更多

原本在想很久沒吃過這間就再試一下，之前堂食外賣都覺得質素不錯，價錢合理。看到兩個餐仲有小食送，感覺今晚也蠻滿足，怎知道吃完要想想吃什麼宵夜！二人沒想過叫了B+B, 一飯一扒都唔夠飽裝飯的盒是裝五隻雞翼盒一樣大小....以為自己是叫了三盒小食..汗...如果大家將來再叫，相信要三個餐先夠食🤦🏽‍♀️🤦🏽‍♀️🤦🏽‍♀️份量改小不是問題，但不是小得這麼可憐！？ 或者提點一下其實二人建議要食三個餐呀！樓上另一間二百幾二人餐，非常滿足... 這樣子根本沒法比…查看更多

1:45 下單，結果2:25都未有食物，忍不住問侍應，佢話多單要等一小時！下？唔早啲講？雖然有時間，但我可能會再考慮...明明眼見得返我們一枱未有食物... 入面應該也不是很多枱.. 結果遲我們很多來的等一陣就有...坐得耐都唔係太大問題，問題佢冷氣唔夠，好熱.... 我本身唔係熱底但都流汗...講返食物，牛扒係唔錯嘅，但薯條一般。蟹餅多蟹肉但食食左有啲膩。Latte要加28元！ 唔值.. 完全唔值咁加... 我是想加點甜，但佢無糖漿... 我應該唔會再黎食…查看更多

晚上約六時多已經要排隊，如果看過餐牌應該會放棄，因為就只有炸..炸..同炸.... 選擇只有三款！看似大大碗，原來係假！碗的深度原來只有一半！大家種被欺騙的感覺。只是看顏色已經覺得有點overcook，真的過熟.. 味道還可以，但極度熱氣。明明只有三款食物，但竟然要等約半小時才有得食，速度很慢。明明一直有客流，明明一直炸就可以，何必要等咁耐？有好多師傅在煮都好慢！差差差！唔知哩間可以維持幾耐，只得炸野係好難令人再黎幫襯。…查看更多

首先上菜速度奇慢，一個炒檬粉及一個湯河能需要多久？店也只有一半人... 等了15-20分鐘得到的是這些垃圾... 這是一pat野... 蝦無味，魷魚無味，粉無味.....蜆無味.....所有味道只是來至面頭的胡椒粉........ 其實是撈麵！.... 勁！之後.... 我快吃完，那個湯河才來.......出現 切了等如沒切的豬扒... 不得了。湯極咸，而豬扒很甜😑😑😑😑真的不明白這餐廳如何有這麼多個讚？ 假的吧？…查看更多

沒遇過一間比sweetology更差的餐廳，食物質素、員工態度及效率都是差勁。去了曾經惠顧過一次，鹵水雞翼麵係多湯到浸死雞翼...麵咸到應該會有腎病，印像中也是等很久才有食物... 今天因為看電影，而選擇了到此餐廳吃早餐，打算再給一次機會，而早餐應該不會有太大問題吧？點餐時，飲品沒熱朱古力，煎蛋不能變炒蛋（明明餐牌英文版寫可以scrambled egg）。這種服務真的連茶餐廳也不如！還說要等15分鐘.....其實座位一半也沒滿，而有一半客都在吃了... 這是什麼速度？煎蛋煎豬柳炒啲雜菇同多士要這麼久？等不是問題，難吃才是問題！連雜菇也煮不好.... 西式煮到中式咁... 感覺是用了蠔油..超級咸！餐廳廚師是沒味蕾的嗎？炒菇加salt and pepper 就好，都可以炒到咁差！早餐最好吃是只要煎一煎就吃得的豬柳，因為不用餐廳廚師再調味。 餐廳不懂煮主食，就乖乖做回甜品好了！上網看一看，根本所有都是劣評... 我等待著那舖位換另一餐廳的一日。…查看更多

第一次吃也多個月前，當時有晚市套餐，蠻抵，而且質數後好！雞滑豬扒多汁甜品好吃。而這次沒套餐了，單叫之前的烤雞，完全另一回事！完全overcooked ，乾，肉霉，唔入味。看旁邊叫了baby ribs... 肉也是乾，骨不離肉，也看似不入味。唉Pizza還不錯。最好是沙律2.0。甜品也沒了之前很好吃的檸檬撻...唉而服務也很差，第一杯來的水有奇怪雜質...當時整間餐廳只有我們一枱，舉一段時間手才有人來點餐.... 之後也只是三枱客人，也沒主動來加水。相信不會再來。…查看更多

之前在這餐廳食過兩次，覺得蠻不錯才會再來。發現多了網燒，初初是有點興奮，但後來發現中伏.........首先，加了網燒後沒有作出任可通風系統的改動。原本就已經有點擠逼，張張枱也有個網燒爐直程好像在焗爐中.....燒完是整身味，其他網燒店舖絕對不會這樣。之後，還送什麼海膽，真的不送好過送，是苦的，完全不新鮮！刺身不新鮮，蒜香牛柳粒沒蒜香味，只有甜味.... 羊架看似超大件，但總覺得不像羊架.....重頭戲網燒的海鮮....也不怎新鮮，而所有都是貝類，極易吃到砂...食物選擇極少，從前多很多！我是未試過吃放題吃不䬲，要到樓下吃碗豆腐花才滿足。我不會在來這餐廳吃了。…查看更多

新開日日排哂長龍...今天早收工有機會試下，因老公先到先排隊，我去到就剛好準備入座。佢一定要我們先點菜才能進去，我話剛來要點時間看...但佢就好催趕我咁，我根本沒機會看餐牌....隨便就點了58元的拉麵...幸好我不是太餓... 我明明沒走葱沒走荀，但只有幾粒葱花跟一條很幼的荀...根本食不出味道.... 而碗麵..就只係麵嚕... 質感ok既...但只有一塊叉燒！！ 一塊！！！ 如果追加一下其他料，不就跟其他店吃的差不多價錢？或更貴吧...即使好味又如何？成個presentation 同服務就係趕客～ 催客入單，但出貨極慢..聽說是慢煮，拉麵慢乜鬼煮？法國餐咩！？簡單一句 無下次！…查看更多

去完啟德，就在油塘找了一間小店。我們也是openrice找出來，看見好評比例蠻高～ 我們主菜點了他們的特色黑椒雞扒飯及青口意粉。青口意粉有點失望，因青口沒跟意粉一起炒，沒什麼味道，意粉本身是不錯。但雞扒飯是很好！表面煎很脆，不油，有肉汁～配了他們特色帶點辣的醬汁是很不錯！飲品的士多卑梨奶昔也很好！套餐加20也值，因好多果肉！真材實料的感覺～ 甜品是特濃朱古力蜜糖多士～朱古力味道很好，而那球雪糕也不是一般超市買到的雪糕～ 不錯！可能位置的關係，人流少,所以我們是包場享受了一晚二人世界～…查看更多

老公點了魚柳而我就點了羊柳，羊柳還可以，但魚及那個香菇飯也偏咸。魚柳（沒拍照）煎得還可以，表面也有點脆，但相信鹽真的落太多，每一淡都係咸味，失去了其他味道。絕對建是食白飯送，不要試香菇飯。雖然香菇飯是多點汁，但在主菜也很濃味及咸的情下，香菇飯也太咸了。結果我們就是不停喝飲品。荔枝梳打還好，不是太甜都ok～ 雖然我老公覺得佢太淡似冰水，但個人覺得比起出面勁濃的糖水好多了，最少有淡淡的荔枝清新。只可識這餐食完，只記得「咸」字。真的有點失望～ :(…查看更多