winnie0725's Profile

今次再去食試埋新出既韓式年糕，超好味，有水準又唔會太辣，太咸，味道剛剛好，超推介另外，再食芝士同原味有骨雞，脆卜卜，雞肉又滑，好正酸蘿蔔又係好味，我個仔都好鍾意食性格比超高👏🏻絕對值得番頭再食…Read More

知道石門開間新炸雞，特登去試，試過第一次之後就會再試第二第三⋯⋯⋯無數甘多次，因為真係好好食，脆卜卜，好正。仲要有6種味道，六種味道我都試晒，全部都好味，但我最鍾意係wasabi 蛋黃醬，醬油味，芝士。連我屋企個小朋友都食到停唔到口。價錢又唔貴，份量又多同埋個酸蘿蔔好好味，配埋炸雞一齊食一絕佢地除左有骨雞，仲有無骨雞，而且仲可以配飯，lunch抵食之選仲有薯條，芝士條呢啲小食雖然只得外賣，但行前少少就有個mini food court ,可以即刻坐低食希望快啲會有埋堂食啦…Read More

昨晚去食晚餐慶祝先生生日，食物美味，員工非常有禮貌，服務很好。但唯獨去到走的時候，餐廳門口有部扭彈彈波機，但入左錢扭唔到波，員工知道好細心有禮問我小朋友鍾意咩顏色，正當員工幫我小朋友挑選時，突然一位著西裝，戴眼鏡的男人，應該是經理，他一手搶走員工袋波，拎左一粒俾我小朋友，然後我小朋友講thank you都無回應，在打發我們走，而他亦責罵該位員工，我和先生都不明白點解佢要做呢個行為，我地覺得十分反感亦令小朋友不安，而且我地都聽到呢位經理責罵這位員工，如果佢覺得佢拎袋波出黎行為不對，應該等我們走了才說，唔應該甘一手搶走仲甘樣責罵，員工十分無辜，佢地全部都好好，又有禮物又親切。但呢位經理全程都是企係到傾計，沒有做過任何野。大家都係打工，經理大晒？對顧客可以不禮貌？全間餐廳最差勁就是這位經理，完全影響了整間餐廳，亦令到我地唔想再幫襯…Read More