Pinky Pang's Profile

即將掛八號風球的晚上，在元朗覓食，有很多店舖都提早關門！經過「森」，見到有特別味道雞蛋仔以及格仔餅，由於有點餓就點了一份咖啡焦糖味格仔餅。等了大概5分鐘，聞到陣陣咖啡香味就知道應該就有得食！果然冇估錯，熱辣辣的格仔餅超厚身，裏面搽左焦糖醬，咬落口感鬆軟，焦糖醬又唔會太甜，仲有濃郁咖啡味！下次黎要試埋雞蛋仔先得！…Read More

之前從網上得知，屋企附近開左間cafe,一直心思思想去試，今日終於去左食晚餐！晚餐選擇不多，只有幾款，而且價格都偏高！始終都係舊區。我地點左咸豬手（$108）同牛脷炒意粉（$68），首先有跟餐送既黑醋沙律！沙律菜都算新鮮配上黑醋都好開胃！ 之後到其中一款主菜-牛脷炒意粉，牛脷配三色椒及洋蔥一齊炒，都好惹味！ 另外一款主菜-咸豬手，外表好吸引，外皮好脆，但食落略嫌唔夠鬆化， 但肉質唔錯，有咸香味！配上醬汁同配菜，都唔錯！份量都算多！ 餐飲品點了一杯凍綠茶，冇咩茶味。另一杯熱latte,味道普通，但拉花就有待進步！ 另外，我地再點左一件芝士蛋糕（$38），好失望，冇咩芝士味，中間既蛋糕比較乾身，同預期好大落差！ …Read More

男友一早已經訂左位慶祝週年記念。入坐之後，睇下食邊款set dinner，諗住order 德國豬手 同肉眼扒,嗌左侍應 3次先同我地落單，落單果陣侍應話豬手賣哂。。咁唯有再睇下食咩好，最後嗌左煙三文魚pizza同小食-炸軟殼蟹。等左10分鐘先黎餐湯同餐包。湯係忌廉湯，味道都唔錯，餐包就略為唔夠熱。之後先來煙三文魚pizza,薄脆pizza 配上煙三文魚同配菜，都好食!小食-軟殼蟹,炸粉比較多同味道偏鹹。之後我地等了足足1小時，主菜-肉眼扒先上菜，其間我們已經問左2次侍應，佢話會睇下。等左咁耐我地已經冇咩心機食..唔多客既情況都會餐廳出現漏單情況，真係要改善。肉眼扒我地嗌左5成熟，味道一般，脂肪比较多。反而配菜薯蓉較為好食。甜品-藍莓芝士蛋糕,男友係訂位時問左可唔可以寫字係碟邊,店員話可以安排寫係當日既甜品，但結果無，真係好失望。我地嗌結帳，都等左15分鐘，而且嗌左2次先得，旁邊檯比我們遲嗌結帳但反而早過我地，真係好奇怪當日出左咩問題?一間餐廳服務真係好重要，雖然依度食物質素都算好，但咁既服務真係唔會有下次!這餐慶祝週年飯，唯有當我們倒霉!:(…Read More

估唔到咁快黎到香港開分店，令依排大熱既半熟芝士撻更加推上熱潮!地點位於銅鑼崇光百貨超市，好方便!朋友知我想食就已經排定隊，好感動!而且佢都係芝士迷! 結果排左90分鐘先買到 ，第一日試業就已經咁多人，但好好彩係室內排隊又有冷氣。$20一個，每人限買12個。開業優惠買五送一，優惠至9月4日。日本製造既食品連包装都好有心思!唔怕行行下令芝士撻變形!買完急不及待要試下，雖然已經唔夠熱，但咬落去超濃厚芝士味，芝士好流心，味道帶點酸，好細滑既口感，再加上外皮鬆脆牛油皮,真係一個字:正!熱愛芝士的朋友，真係要試試!一試難忘，我又好想再食喇!…Read More

見到$208自助餐就可以任食生蠔，咁抵我又鍾意食生蠔就即刻打電話訂位啦，點知full booking,咁就放工試下walk-in.7點去到就即刻可以入座。入座起計食90分鐘。為食生蠔而來,緊係排隊拎左先啦，拎左幾隻食，發現隻隻生蠔係唔黐殼，感覺好唔新鮮，似係就咁放上蠔殼...三文魚刺身都係一般，好似冇味咁…翡翠螺我係食到有沙。。海鮮一般於試埋其他熟食，點知味道都係一般，漢堡扒,魚柳,香腸,雞翼,炒飯等。。餐湯係龍蝦湯，但味道好怪，有一點苦味……到甜品部分，可以用“難食"形容，木糠布甸味道十分甜，似係用左煉奶。。芒果奶凍上面的芒果醬都係好甜，唯一朱古力蛋糕味道稍為正常。$208一位食自助餐的確便宜，但質素是相對的，應該唔會有下次! :( …Read More

之前經過好多次，但一直都冇試過依間甜品店，見到裝修得令人坐得好舒服既感覺，今日係附近食完晚飯就試下食啦，點了一客草莓千層酥,賣相都唔錯，但吉士醬入口怪怪的味道，沒有平時的細滑和濃郁香味。千層酥很乾,不鬆脆。草莓偏酸，唯一係雪糕味道較好。經過今次之後，應該唔會試喇。。:(…Read More

好耐之前經過太子,都經過海記合桃坊甜品, 但一直都未試過,今日去太子行街終於都試左喇~可能係晏就所以都冇咩人食~2個人分別點左芒果腸粉同紫霞仙子~點左5分鐘都冇就已經有得食, 真係好快手~<紫霞仙子>個名改得好好聽, 依個甜品其實係椰汁紫米露+丸子+生果+香芋雪米糍~依個配搭,原來係好好味, 紫米露唔係太甜有咬口, 丸子入口煙韌, 生果都鮮甜, 食埋雪米糍真係涼浸浸~<芒果腸粉> 之前係其他甜品店都食過, 但覺得落得太多糖水所以好甜~但今次依個芒果腸粉, 做得幾好食, 腸粉皮做得較薄身,芒果肉好大舊同好鮮甜~芒果汁都唔會太多同過甜~依碟芒果腸粉份量十足,食完一條都有小小飽~ 多人share食就最岩喇~…Read More

今一次食Godiva朱古力軟雪糕,去左朗豪坊分店,唔算多人,好快就有得食喇~好濃既朱古力味軟雪糕同朱古力醬加上雪糕筒好脆,邊緣仲有d朱古力脆脆 ~真係好好味~$39 真係物有所值!!!好想去食多次~~朱古力迷一定要去試下!!不過只有3間分店(IFC ,Harbour City, Langham Place)有售,如果間間Godiva都有就好喇~p.s :同朋友仔一齊食雪糕係特別開心架:) …Read More

經過葵芳新都會,見到人頭湧湧,原來是『星球工坊』香港店,賣的爆谷有好多款口味~店員都很友善,主動問我們想試什麼口味~我們最後選了<甜心蜂蜜星球桶>($65), 可以一家人分享~打開蓋後有層膠模,這樣可以保持爆谷脆度, 蜂蜜味道好香, 又不會太甜,令我和家人愛不釋手~店員建議開封後7-10日食完用~但我們一家人用3日已經食完喇~太好味了~~第二次去入貨買了<原味鑽石星球桶>和<巧達起司星球桶>~都好多人在選購~十分受歡迎!<原味鑽石星星球桶>($65)會食到甜味,之後就有點海鹽味道~ 這個味道甜中帶鹹,配合得十分好~家人都好喜歡~<巧達起司星球桶>~($65), 很少食鹹的爆谷, 這個爆谷每粒都有淡淡的芝士味, 都不錯,香脆可口,但略嫌芝士味不夠~可能我是個芝士迷~~ 仲有好多口味未試, 一定會再到訪!!!…Read More

難得星期五放假,就約朋友出去食SEMI BUFFET~ 第一次去CUCINA 食,以前都見食評唔錯,同埋有SEA VIEW, 所以 BOOK 位果陣都講左想坐SEA VIEW~最後都可以安排到:)我們先出去拎頭盤,有員工即開生蠔, 一碟有4隻, 都較為細隻,鮮味不足~沙律有好多款,味道都好味~煙三文魚都不錯~餐包有新鮮出爐軟法包, 好鬆軟~主菜我們點了肉眼扒同埋鮮蝦PIZZA~肉眼扒五成熟,肉味濃郁,嫩而無血水,好值得食~鮮蝦PIZZA,是即製,薄餅烤得鬆脆,有麵粉香~甜品時間, 依度都算多甜品供應, 最喜歡tiramisu杯咖啡味香濃~海綿蛋糕都好味~雪糕朱古力味最好食,其他味道只是一般.這天客人不是太多,就咁過左一個舒服既下午~…Read More

一向十分鍾情雪糕吐司,今次終於可以到訪旺角分店喇~位置在旺角家樂坊地庫,都好方便, 店不算很大但座位都很舒適~看見餐牌有8個款式雪糕吐司, 已經雙眼發光了, 點了一客<日本風情>吐司, 等了二十分鐘, 終於有得食喇~香噴噴既丹麥吐司配上芝麻和綠茶雪糕, 另外吐司上有蝴蝶酥、紅豆、朱古力脆脆, 配料跟吐司好夾~切開後,中間有很多一粒粒的吐司, 吐司有點蜜糖味,店的雪糕都好有水準, 綠茶雪糕很清新, 芝麻雪糕十分香濃,一口雪糕配上吐司..好快已經把這個雪糕吐司食完了~下次要試下其他款式^^食完吐司後,想飲涼快和酸性既飲品,最後選了<雜莓沙冰>, 原來份量都很多，想不到是以新鮮的莓製成，飲沙冰中有很多一粒粒莓的咬口,酸酸的很清新,好值得推介在夏天消暑的飲品.…Read More

去開尖東,記得依度都開左乳酪專門店~~但係有小小口渴,見到<yoggie>有乳酪+smoothie~真係岩哂!!!yoggie店子小小,只係要細心留意先得~$20大杯, 細杯$17~我地要左2杯大~step1: 先選不同配搭生果做smoothiestep 2: 揀大杯 or 細杯step 3: 揀 topping蘋果+藍莓+啤梨smoothie,toppings = 奇異果+藍莓芒果+提子smoothie,toppings =燕麥+藍莓smoothie好飲,好fresh,乳酪好好味,仲有topping既生果都好新鮮~我覺得佢地既燕麥好正,好有咬口~~依度平過好多乳酪專門店~下次一定會再來!!…Read More

飯後心思思想食甜品,葵芳冇咩甜品店,就去左滿記~芒果班戟,平時食開榴槤班戟,今次試下芒果啦~忌廉太多,都係榴槤班戟好食d~芒果西米露,半隻芒果切了三大塊,芒果好甜呀~~好濃既芒果汁,好食!白雪黑珍珠,係我去滿記推介食品,有芒果,香蕉,龍眼乾,黑珍珠等...配上雪呢拿汁冰底,十分match~~好好味!!:)…Read More

同朋友食完飯,想搵地方食下甜品傾下計.之前一直好想試下食<五代同糖>,因為見食評介紹,好似好好食咁~我地2個女仔心大心細,咩都想試下食~我地點左$98 set,有焦糖布甸,蘋果金寶同心太軟.焦糖布甸,賣相唔係好吸引,不過入口香滑,好有奶同蛋味,仲有好香既雲呢拿味道!!蘋果金寶,好香既牛油脆脆配上蘋果肉,好開胃!!心太軟,最期待既甜品,切開後竟然唔流心既應該係焗得太耐....之後告知店員,佢話換另外一個俾我地~等左5分鐘,有一個即焗出來既心太軟,切開後真係好流心,朱古力醬湧出~正呀!!外微脆內軟,雲尼拿雪糕同朱古力醬一齊食,真係好好味呀!!…Read More

同朋友食飯,諗左好耐食咩好~結果我地決定試新野~~去左<小酒窩餐廳>~我即日打左去訂位~大家最好訂位~因為平日都已經好多人~依間餐廳應該係印度人開,除左有西式食物,仲有印度咖哩等....我地點左以下食物share食~特嫩豬肋骨,我地2個人食就要了medium size,依個係招牌菜,差不多每檯都會點~新鮮炸起的熱辣辣薯角,好味! BBQ sauce 好濃,肉質好淋,好易入口~推介!!香蒜白酒汁煮意粉,應該係即煮,意粉好有咬口,橄欖油,香蒜,白酒煮意大利粉~好惹味!!印度燒雞肉薄餅,最失望既pizza,薄餅入口竟然冇味既,有大量洋蔥,只有好小雞肉~唔好食原本好味既一餐~因為pizza扣左分~下次應該食印度咖哩!!…Read More