bbannss's Profile

放工想食碗粉面，就去左越棧。雖然到左下午茶時段，但見到隔離枱果碗面比較細，今日我想食飽d，所以無叫餐，齋叫左一碗特別牛金邊粉。而湯底預設係牛骨湯，可以要求轉雞湯。呢款我都未食過，分別有四樣餸，生牛肉三片，牛腩條兩條，金肚絲數十條同埋胡椒牛札肉。餐牌係寫牛腩片，但黎左牛腩條，食第二條時，勁so, 不明。好彩我都唔怕。不過唔夠冧，要有牙力去食既。其他就一般拉。有樣野要彈一下，辣椒🌶️，青檸同辣椒醬，都係要另外同侍應要求，先會提供。另外，再要問額外既金不換，都要另外收錢喎。其實呢d配料先係令碗面提升另一個層次既靈魂，差缺之下，係有點失色。整體環境係乾淨既，不過我當日坐果張椅就唔乾淨，似係抹枱時跌左濕既野落張椅度。埋單，不設加一…Read More

去大澳緊係要消費一下，唔好抱住食好西既心態，係抱住入黎大澳relax下，遠離塵囂。雖然分分鐘假日入黎仲多人過向街，但未嘗唔係一個可以hea下既地方。入黎當然要食豆腐花，食左碗熱既豆腐花。正常味道。有自助既黃糖同薑水任添。…Read More

今日快食左一個米線，不過重點唔係向我碗米線度。而係向譚仔比我遇到一件值得一讚既事。事源坐向我隔離個嬸嬸，佢一個人黎食野，叫左一碗米線，一碟土匪雞翼同一杯凍檸茶。當佢食緊雞翼時，上埋最後既order,米線。突然，嬸嬸喃喃自語甘講，呢個唔係佢食開既湯底喎。好快甘向身邊既員工查問，員工答佢係麻辣湯底，嬸嬸重覆甘回應，佢係食開湖辣湯底喎，呢個唔係佢食開喎。向嬸嬸身後閃左另一位員工，再次向嬸嬸查問事情，了解左之後，員工亦表示會處理，拎走碗米線。隔左一陣，員工遞上一碗湖辣湯底比嬸嬸，而嬸嬸都無再提出其他問題。我眼見呢碗面係明顯芽菜係多左。好似一碗新既米線甘野。或者甘講，唔知係重新制作一碗出黎？定係換湯之後 重新鋪過芽菜。點都好拉，向我呢一個旁觀者既角度，我都感受到呢位員工好細心，好友善同有效率甘處理左客人既訴求。呢種服務態度值得一讚。後記：其實我聽到同記得嬸嬸叫麻辣湯底最後，個人體驗黎既，覺得譚仔既環境都好整潔。…Read More

今日向呢間翠華叫左個茶餐，有豬仔包，秋葵炒蛋，蕃茄湯雞肉縲絲粉，同埋熱檸水。秋葵炒蛋食得出無落鹽，抵贊，想食咸d先由自己決定落幾多調味料。豬仔包就不似預期既大細，黎到先知，個size同普通餐包甘大。再講呀，餐牌上面，就向呢個茶餐果格印有$18蚊既煉奶豬仔包喎，比食客一個錯覺，豬仔包係甘既size。最後要講既係重點，個雞肉係好嫩滑既，不過，因為雞肉痴埋一舊舊，將佢地打返散，其中一舊既心仲有紅血色，好明顯係唔夠熟。攪到一邊食，一邊唔放心。講完食物，講服務同環境。服務麻麻，因為一入門口已經無人帶位，都算。甘自己搵位。坐低左想叫野食，個男侍應好快應左一聲，但無行過黎落單囉，要再等另一個侍應幫我落單。環境極奇惡劣，因為咁岩撞正洗冷氣，先係嘈，再有一陣臭味，嚴重影響食慾，唔明點解要開店期間洗冷氣。再留意埋餐廳既裝修都係唔美觀，唔明呢間係集團式經營既餐廳，點解都攪到甘。…Read More