君君's Profile

呢間軒尼詩好特別，原本係茶餐廳，原來佢已經轉咗越式菜，覺得好奇，緊要試吓😋老闆冇變服務態度一樣好，而且裏便裝修格局好骨子，好有feel😊我哋一共四人叫咗好多嘢食，越南春卷、圠肉米紙卷、馬拉盞炒通菜、椒鹽軟殼蟹、越式香葉炒蜆、蒜蓉包、雜錦炒粉絲、越式鳳爪，多到唔記得，粉絲炒得好爽，軟殼蟹好脆，鳳爪唔辣夠酸，值得再嚟食多次！食得越南菜緊係要嘆埋啤酒，認真整體好食，就係蒜茸包燶左少少🤏主要嘅服務態度好又夠衛生，有時差少少都會嘅，有同老闆講都肯接受意見，不錯不錯，今時今日咁嘅服務態度仲有邊度搵👍🏻👍🏻👍🏻…Read More

第一次訂去滾，嗰名好特別，睇相食評都唔錯，決定地試下一行五人，服務質素算高👍🏻食物都好正，叫左個雞煲翅湯底，真心正，有翅有花膠真係抵食$498叫個手切牛都特別出位我哋買咗個蛋糕，佢哋真係好細心，仲有煙花蠟燭真心値得…Read More

當日晏晝飲完酒就去食飯已經唔係第一次黎依舊覺得好享受😎同埋服務態度超好晏晝已經飲到滾滾地，好彩冇揀錯黎返自己想食嘅嘢當然要飲反杯好嘅叫咗個蟹飯,寶雲酥羊架，廚師發板壽司同刺身，仲有生蠔當然唔少得好鬆軟嘅鬆餅…Read More

呢間睇佢幾高級好評又多諗住去試下，初入到去覺得還好，幾舒服，個女職員睇左好耐，睇下比咩位我地，其實當時好多位，當時係3:30講真呢個時間通常都係Happy hour,使乜諗咁耐跟住我哋話俾佢聽6:00走，佢先肯比張枱我。之後我哋叫咗一支白酒三個杯一杯啤酒點知佢哋黎一杯白酒，當時我哋三個人都O晒嘴，然後問個侍應我哋係叫一支白酒 問佢呢個係咪啤酒佢仲答我係，我都覺得係語無倫次，其實佢地係全英對話，但我地未至於講唔明白，但單係落左，真奇怪🤔跟住都算。。。我哋繼續飲再加一支啤酒等咗20分鐘都未嚟到，再吹佢態度超差，懷疑佢係咪只招呼外國人因為我哋香港人所以對我地態度唔好，隔咗一陣再叫多一次啤酒又等咗25分鐘，其實單係一直有落，但係佢就係冇比貨你，而且當時環境非常清幽唔忙，都唔明白，講真我哋都唔係唔捨得花錢，但受到咁嘅待遇，唔會再去😡…Read More

第一次聽到個名甘特別😆小菜快靚正，雖然晏左去搞到好多款都冇得食，不過質素真係高，快得黎熱㶧㶧，服務態度一流。八點幾都仲有甘多人，啲野食係得嘅，我地一家五口叫左個通菜煲，雞腳，霸王雞，椒鹽九肚魚，咕嚕肉，仲有個炸大腸，超脆仲有配合燒菠蘿，啱哂😋😋…Read More

好耐冇飲茶啦，一向去開酒樓飲茶嘅，因疫情好多酒樓都冇哂，唯有去西環走走，去到呢間點心店，冇諗過甘特別，入面啲姐姐超有禮貌👍🏻雖然舊式，但好有風味，而家仲有帶著原味真難得，店舖唔太，冇大壓迫感，感覺舒服，食物質素可以話值得信賴👍🏻👍🏻…Read More

響灣仔做完嘢諗住求其食啲嘢，就嚟咗呢度。記得多年前都有嚟過，啲哥仔好記性一入嚟就記得我來過，好親切，實在諗唔到食咩好，哥哥仔話有新款出咗介紹我即管試吓，個名都好搞笑歐洲系列，唔知係咪因為疫情啲人好耐冇去旅行🧳佢哋出個歐洲系列都幾有睇頭🤣叫咗個莫達伦忌廉三文魚炒意粉🍝連個名都得得地😎真係超乎想像，好好食又唔係好鹹同埋食落真係好歐洲feel🤣個樣好正，正所謂唔食得都睇得，我仲同哥仔講真係冇介紹錯，正丫！👍🏻👍🏻…Read More

第一次黎真係有驚喜！呢度確係唔錯👍🏻服務一流👍🏻食物水準高時間不限，夠闊，而且服務員唔會一直吹你趕你走我地一共三人，叫左兩個set，然後加個壽司盛，一個酒煮貝，好香😋服務員會耐心介紹，覺得我地夠食都叫我地食左先，食物質素真係超值，有睇頭。我當日想訂蛋糕同朋友慶祝，櫃檯非常有禮介紹我地食蜜糖鮮果鬆餅，睇相都覺好靚，我仲驚唔夠食，甜品通常都細細件，點知真係超正，甜品加生果配搭，真係好match！朋友們都覺得呢間值得再去…Read More

諗住睇完戲去hi個Tea就去反坐下一到門口問我想散嗌定食buffet我話要散嗌之後佢就話要你坐出邊仲態度好差，其實坐出邊又有乜所謂都唔係第一次以往過嚟都係貪佢出邊唔使俾人趕唔使限時間，所以我都會坐但佢態度真係超差其實呢間已幫襯多年，食物質素係OK，但服務態度真係超差，以前經常黎因為服務態度好覺得佢哋好窩心，所以我每年都會續會。呢兩年開始態度越嚟越差啲人一啲人情味都冇，黑口黑面好似覺得人哋食唔起。以前嘅服務員好有笑容，生日嘅時候會唱歌攞蛋糕，依家啲服務員一係就黑口黑面一係就冇反應叫極都冇人嚟寫單😡😡到每年續會電話就響過不停吹吹吹好似爭佢錢咁。試問咁嘅服務態度仲有邊個會去，唔好話續會Walk in都唔食。食嘢都係求開心，食物質素真係唔錯但服務態度真係講極都講唔完每一次黎都好受氣咁。。。我記得有一次因為續會所以有一張生日卡可以換酒或者兌換，嗰日我冇黎食嘢所以我淨係換支酒，但嗰服務員個態度就好唔耐煩好唔願意，諗起都嬲講真佢哋一啲都唔平但係咁嘅服務質素絕對零度零分…Read More

呢度俾人舒適，感覺入到去好舒服，服務態度好好，食物質素都好高。呢晚係朋友仔生日，當晚我冇買蛋糕🎂即時訂購，仲肯幫我即時寫名，呢度嘅服務員見到人哋攞蛋糕出嚟，大家都會異口同聲說生日快樂🎂拍手掌好開心令人有好溫暖嘅感覺！地方歡堂唔會俾人有壓迫咁，而且食物唔會一窩蜂甘上，質素確係高，埋單時仲有Coupon送。如果係飲嘢聚會慶祝我都覺得值得一去，啲蛋糕好精緻，好靚，令人好想食，我地點嘅蛋糕係拿破侖都好正，唔會太甜！…Read More

第一次嚟呢度，覺得有新鮮感而且裝潢幾好，感覺舒服。入到去我哋一共三大一細，開頭淨係知道可以食火鍋，原來冇乜餐牌，只係一個牌寫明有幾多樣嘢，我哋都好好奇，然後叫侍應起菜，然後佢就問我地要咩價錢？我哋都一頭霧水，我哋都唔知要點樣計，佢就話338咁我哋話可以啊！338試一試，之後個女侍應晚叫我地like fb 佢網頁就有88折，咁好啦冇乜所謂諗住我哋仲有着數之後佢又話比現金仲有九八折，當然我覺得邊有咁着數折完有折果然估中，所以冇理佢。起初起前菜都有四至五款呀，但我唔討好，之後黎咗雞煲幾特別好香口都令我意想不到，好食。之後仲有刺身，海鮮盤，可以自選丸類，自取菜籃🧺其實338價錢都好夠飽好足夠，之後我哋賣單佢竟然計左我哋四大一細，甘梗係問佢，個女侍應態度超差係都要我個小朋友出嚟搭高，一開始佢問咗我已經話比佢聽唔夠140，佢係都要迫人地，我當然唔會啦！而且都唔會係四個大人囉，自己計錯仲態度咁差之後，等左好耐好耐，張單都未嚟到，另外一個待應仲猛問我地買單未，離唒普😡😡整體來講食物質素OK，碗碟擺設都好突出，裝潢特別，就係服務態度差咗啲。…Read More

這店真不錯，內裹裝潢簡單舒適，有露天座，食物質素不錯，最喜歡飲品名稱很有意思。令人確想試試👍🏻👍🏻價錢不算貴，合理，服務態度也有禮貌。總括來說值得推薦的。…Read More

呢到黎過多次，每次都有驚喜，本人很懶，每次朋友生日都唔想攞住個蛋糕走來走去，所以特別喜歡有甜品又可以寫名嘅，偏偏咪走雞每次都幫到手，特別感謝有位經理諾哥，次次都唔厭麻煩配合我，所以每次帶親朋友黎都收到驚喜。這晚亦不例外，雞煲好食不過就甜左少少，可以作改善，其他食材都好新鮮多款色，牛頸脊係值很推薦仲有自家制響鈴，環境舒適，服務態度更唔洗講又有live band，確係我地首選，最緊要係有時我地會太嘈，仲可以訂房，人多又嘈又唔想騷擾到人，係好嘅選擇，當然有最低消費啦…Read More

一杯一向食開，專程來慶祝生日，我知一向沒有幫人寫字等慶祝，我只是建議一下，看看有沒有噱頭，竟然有，還很特別，食物質素冇得頂，新鮮刺身，即叫即開，最喜歡刺身同海膽，雖然有人會覺得貴，但有甘嘅質素係值得嘅。而且真係新鮮到不得了！慶祝生日甘多次第一次用鐵板和牛拼鮑魚還寫上生日快樂🎂，真的很窩心，好特別，而且唔洗專登浪費左個蛋糕，服務態度很好，值得一讚👍🏻👍🏻我想沒有那間可以即叫即興了。點都係黎呢到最親切😊…Read More

好耐之前已食過，之前話老闆啲裝修好舊，老闆話:5會裝修，果然係，等左甘耐，終於開張。期待新野！好幾天lunch都等位，等第一日太多人等唔切，第二日等左都一段時間.都係食唔到，太多人，無辦法，第三天未攞飛都知唔洗等，唉，第四日終於早啲落去攞飛先，好在老闆親切亦認得我地，都唔算太耐，終於可以食。同之前真的不同，裝修好舒服，令人很想坐下去，顏色好配，食物雖然同之前不同，但真的值得讚👍🏻👍🏻見到撈起好有意思叫左試下，其實係雞翼撈公仔麵，不過名取得好👍🏻有睇頭，而且雖然簡簡單單但嗰汁好好味😋😋…Read More