glutenbeer's Profile

貴得嚟唔值，略水。4個成人+1個3個月大嘅👶，食咗$700蚊。每人叫咗一個 set (3 個 All Day Breakfast + 1個意粉） + 1份 $88 嘅小食。小食係焗住嗌，因為職員說 就算👶都要 order 一個至少$88嘅餐或小食。個 素 All Day Breakfast 搵笨到一個點，全是生果+少量蘑菇 + 1片多士 + 1隻蛋，就收我唔知 $148定 $168。另外就係超嘈和職員態度一般。如果唔係要遷住附近又要帶著👶，推著👶👶車嘅媽媽朋友 ，鰂魚涌 大把其他選擇。…Read More

借屍還魂後嘅一間新酒樓，第一次去幫襯，叫咗3個點心一個湯麵，等咗半個世紀都未到。同枱搭枱跟我們同一時間落單嗰兩公婆，啲點心就好快到，我哋就一個點心也沒有，等咗成20分鐘都有，搞x錯。同啲伙記講，佢應咗就算，沒有跟進。最後只付了茶錢，什麼也沒有落肚，便離去了，以後都不會再幫襯兼會幫佢落力 “宣傳”。沒有食物內容可以分享，因為根本乜都冇機會食。用餐感受也沒有，因為根本冇用過餐。…Read More

幫襯過幾次，多數都係幫腦細買外賣。啲正餐貴之餘份量又少都算，啲職員，尤其係收銀嗰件豬扒，西口西面，啲嘢賣得咁貴但冇禮貌態度又差。今日又去幫腦細買，發現原來佢哋狗眼看人低，對講英文嘅客，就烚熟咁嘅樣，我講廣東話，就木口木面甚至黑面。座正喺個位置做到兩棟大企業嘅生意就懶巴閉，大把外籍人士(包括啲ABC, BBC,CBC,etc) 幫襯，就咁嘅價錢 份量 和態度。…Read More