JustGOLD's Profile

好喜歡樓底高嘅餐廳地方細細抽氣做得好#冇錯我好執着有冇廚房油煙味裝修雖然用咗好多假花假草再配搭乾花但一啲都唔俗氣粉橙奶白顏色配搭類似紙製物料溫柔田園少女感覺，環境好舒服食物展示亦好靚 #食用鮮花配搭日本及西班牙生蠔🦪:果然係美味唔腥我就鍾意生蠔日之雪花多啲Parma Ham沙律菜配無花果乾加拿大豬鞍配蜜糖芥末:爽口唔韌個人喜好，如果有肥膏更好大蝦香辣蒜香意大利麵🍝辣辣地美味多醬汁香煎帶子魚籽多士 :帶子煎過香口好味Cappuccino:鮮花同茶杯好襯，有英倫feel水果茶:有提子蜜桃藍莓各樣水果生日仲會送精緻Tiramisu 手寫Happy birthday好正都好耐冇寫食評啦因為我好鍾意呢間餐廳所以就寫吓啦😋…Read More

近排周圍食小籠包，見三十幾蚊下午茶小籠包，冇乜人就試下。小籠包唔知係咪蒸得太耐，上枱時啲湯已經流左出嚟，扁撻撻咁都幾失望，唉😮‍💨味道其實唔差，希望會改善啦。生煎包皮太硬，似放咗一陣唔熱，但又真係爆汁成枱都係，好彩對面冇人，但又唔覺好食。其實佢生煎包起家又重點推介，係咪應該要注意下呢？賺咗錢定係賣咗盤？就Hea？凍豆漿OK唔會太凍太甜。(枱面擺咗一支marker筆叫，我自己落單但係冇墨，同佢講又冇換支筆)下午茶時段小籠包餐另配生煎包+3送凍豆漿total $49…Read More

呢間真係近十幾年我覺得最好食嘅小籠包!!一咬爆湯❤️🥰(因為一行五人所以就冇選擇佢哋出名嘅特色小籠包)花蔬菜蒸餃❤️ ; 三鮮蒸餃❤️ ; 三鮮春卷❤️ ; 醉雞髀❤️ ; 紅油抄手❤️ ; 糖醋魚片❤️煎鍋貼三件所以我冇食到。以上都好有水準好味，紅油抄手嘅麻辣我好喜歡，醉雞加錢改為雞髀好滑，炒拉麵就普通冇乜特別。另外我未聽過”宮廷找完驢打滾”原來係糯米做皮，紅豆蓉做餡，外面黏住黃豆粉，煙靭好味又唔會好甜。五人唔使$1000 送$400 減$100 coupon下次光顧可使用但上菜太快樣樣我都想趁熱食，好趕頭趕命，我覺得要改善一下。員工好忙冇乜時間留意客人嘅需求例如換茶壺，食物質素咁好裝修環境都好靚乾淨，但係似食快餐就唔好。#人多情況下用餐時間為個半鐘#來自星加坡的小籠包…Read More

本想去xx工房估唔到執咗😅見平時都好多人排隊嘅茶木，星期日中午兩點左右冇乜人排，一個人好快就入座。裝修本來幾靚，但都因為疫情關係好多膠板影響環境，仲有一個直立地上膠屏風唔太美觀。太懷念麻辣撈麵所以再食。#台式麻辣半筋半牛肉拌麵 $74好欣賞佢啲麻辣正宗唔太辣夠麻。牛筋軟綿綿，牛肉都唔算少，鴨血素鴨腐皮大大嚿，喜歡糖心蛋而唔係滷蛋，好好味😋#脆脆黑糖瀑布珍珠奶茶 $44本來好想食芋圓仙草豆腐花，又怕太飽濟，見有三粒芋圓串珠奶茶好吸引，就試吓啦！好好好好味又靚喎，不過就冇官方圖咁啲奶蓋似瀑布咁流出來，後來發現官方圖有火炙喺奶蓋上，我杯漏咗？🥲前面嗰台兩位印尼姐姐，其中一位叫咗個好豐富又靚嘅兒童餐，原來成人都可以叫兒童餐喎，不過後來可能兒童佢哋冇為意就要退換，浪費咗個餐，印尼姐姐下次小心選擇！瀑布珍珠奶茶簡介:以黃金瀑布為靈感，將黑糖猶如瀑布般懸掛在杯中，加上粒粒脆脆朱古力，鋪上火炙奶蓋，再加一串可愛的芋圓串，漂亮得令人心動。…Read More

好抵食既下午茶☕係附近探完朋友後，順便食餐飯🥢 因為吾太肚餓既關係，所以我地就嗌左2份下午茶餐😋首先係豬扒包🍞 面包夾住大大塊豬扒，仲有幾片新鮮既蕃茄同生菜🍅🥬 再加埋沙律醬，大啖大啖咁食好滋味😎 伴碟仲有好多熱辣辣既炸薯條🍟 好邪惡正正😋生炸雞脾🍗 雖然外表睇落好似炸到好乾咁，但其實食落有肉汁、仲幾嫩滑tim呀😍 金黃色既雞皮炸到脆卜卜香脆可口，好鬼邪惡😈 食下雞脾再食下沙律，岩岩好減低油膩感😎…Read More

好鐘意打邊爐😍 冬天打邊爐食到暖笠笠，夏天開住冷氣打邊爐就夠晒爽皮😝好少黎旺角呢邊，朋友帶路黎左上海街一間火鍋店，門口個魚缸有好多生猛海鮮，未食已先加分👍🏻👍🏻朋友嗌左碟炸魚皮，上枱時嚇左一跳，碟魚皮比起平時食開既多左一半有多，太誇張了😝😝海鮮除左散嗌外，仲有個好抵食既海鮮拼盤😗 2個人share食夠晒滋味啊😍 大蜆無沙，鮑魚好大隻，聖子好爽口，大蝦夠晒新鮮，推介呀👏🏻🐙🦐🦪🦀鳳城水餃都吾錯呀🥟 飽滿大隻，入面仲有吾少鮮蝦肉，吾錯❤️…Read More

#午餐 #好有水準 #台式腸仔滷肉飯 我覺得好食過好多話自己正宗嘅台灣食店，服務員亦都好好，我問可唔可以俾啲蒜片，佢話冇問題，真係好開心🥳台灣腸襯蒜片係無敵，台式腸仔份量都幾多，滷肉好肥美，果刻真係要放棄減肥，台式蛋如果流心就好啦，雖然咁樣先叫正宗。😂黑糖珍珠奶味道完全合乎我要求，無需少甜少冰啱啱好，依家好多堂食都用外賣杯，呢間用玻璃杯仲好飲啦，夠晒環保♻️🍹餐飲加$8朋友嗌咗#蟹肉烏冬 (配醋)，應該似係賽螃蟹，幾配合舖頭名 #創意台式料理，正宗又有創意又有，正。地方算闊落，下次去九展再幫襯…Read More

學生未開學時第一次幫襯冇乜人，老闆娘一人開舖完全冇夥計，我叫咗碗牛筋米粉，不過唔夠牛筋，老闆娘就加咗啲牛腩比我，估唔到牛腩咁好味係我最喜歡嘅肥腩，當一餸收費$32。第二次幫襯就叫牛筋牛腩米，比上次多牛筋牛腩大大碗，牛筋好彈口又唔黐牙好易咬開，肥腩好香好肥美，一層肉一層肥膏真係好好味，亦有少少菜才做點綴，腩汁湯底好濃郁，我飲咗唔少，老闆娘認得我都係收$32，叫我做*阿妹*下次多啲幫襯，感覺好親切。😂今日第三次幫襯好多人，因為已經開學，店舖細細有一家大細又有幾個學生，仲有個阿叔淨係買牛腩拎走，好好生意。 老闆娘真係好忙，啲學生都好乖會寫紙仔落order比老闆娘，大家都會親自去拎麵，唔使老闆娘一腳踢。今次我叫雲吞牛腩米粉，好大粒雲吞，啲蝦好大粒，食完真係好飽，雙拼$42，以前喺土瓜灣返工都有幫襯過粉麵店，估唔到大角咀比土瓜灣更多美食。…Read More

之前都係食滷肉飯同鹽酥雞扒，見朋友極力推介麻油雞，所以今次試吓。佢個麻油雞套餐幾抵食，$68有滷肉撈菜，飲品 #百香果綠茶 ，好好飲又唔太甜。估唔到套餐都大大碗麻油雞，啲雞好滑，好香麻油味可以飲下啲湯，碗飯都幾大碗，不過略嫌硬左少少，所以用啲麻油汁撈飯唔錯。我好鍾意食佢嘅醬汁糖心蛋，另外加就$10 一隻。 因為套餐唔可以轉烏龍麵，單叫麻油雞烏龍麵就$48，不過佢加$22就有一杯嘢飲同三款小食揀其中一款，我朋友揀咗滷水豆腐，我就覺得有少少酸味🤔佢哋仲送糖水#薑汁芋圓 ，芋圓就唔係太煙韌，不過好夠薑味，我都幾鍾意。埋單每人$80都唔使。…Read More

我成日由土瓜灣沿著舊機場條路行去九龍灣eMax，條路好好行大約半個鐘就到，嗰度有outlet，戲院，展覽場地同埋好多餐廳，其中老夫子港式裝修實在好得意，地方又乾淨，見有一家大細六七人亦有附近做嘢一行十幾人食飯，地方都夠哂寬敞舒適。佢有二人餐同四人餐亦有一餸套餐小食任君選擇由50幾蚊起。我同朋友兩個人叫海南雞同燻蹄兩個餸，再加個糖醋京都肉排餐，包一個飯同飲品，同朋友可以share一半飯都夠食。先講個糖醋京都排骨(豬扒)👍🏻，豬扒好鬆軟冇筋，比得上大排檔夠鑊氣, 配菜都多有紅椒青椒洋蔥我同朋友都食晒😂。仲有燻蹄真係好好味💯，肥豬肉部份係我嘅至愛，好大碟呀。另外去骨海南雞💯，啲雞好滑呀，雖然係肥咗D，但我真係唔理啦，連埋雞皮一齊食，講真我幫襯過幾間星加坡餐同海南雞專門店餐廳，嗰啲海南雞真係好多骨同皮冇乜肉，午餐都要$70幾蚊，唔值得寫食評😆，不過老夫子呢個海南雞真係令我喜出望外，所以$90我唔覺得貴，當然佢嘅小菜就冇雞油飯，啲雞咁出色影餐牌仲有口水雞，下次要幫襯先得。仲有一樣就係熱檸檬水，每次如果飲檸檬水都會留意佢有幾多塊檸檬，因為我唔落糖，所以檸檬一定要夠新鮮先會有甜味，老夫子都做得到三塊檸檬🍋亦夠新鮮✅。開心🥳…Read More

回鍋肉送白飯加凍豆漿晚餐套餐，只係43蚊，如果改菜飯加幾蚊。真係非常抵食。 小店廚師，清潔，侍應加埋可能得三四個人，有時好忙都唔會點招呼你，但係冇乜問題，因為佢哋好快手，你一落單10分鐘唔使就上菜。 佢都好多餸菜一般上海菜包點都有。 回鍋肉好夠鑊氣，雖然平但係份量唔細亦有好多椰菜，個人比較鍾意食肥嘅回鍋肉👍🏻好好味，不過食到尾就會覺得好多油，隔離枱個男人見到就叫少油，都好多客人食，本來想試吓糖醋魚塊，好彩冇揀錯。重有杯凍豆漿好好飲，好有豆味唔係好甜，唔會覺得佢溝好多水👍🏻，如果唔係用紙杯就更好。之前中午都係去食酸辣雲吞，都好好味㗎。…Read More

#黑芝麻花生糍粑 #薏米豆腐花 #紅豆砵仔糕#好鍾意佢隻匙羹😹💕新推出薏米豆腐花，第一次食呢種配搭，當然食熱嘅夠健康，豆腐好滑加咗薏米嘅配搭好合適，薏米夠甜唔使加黃糖，但可以唔使落太多會太甜，$11真係好平，普通豆腐花都係$8，黑豆腐花就$9。芝麻花生糍粑都係第一次食，皮薄餡好多，芝麻花生真係勁香，鍾意食糍粑嗰煙韌口感，$15 三粒抵食。💯紅豆砵仔糕，我真係唔想講得咁誇張，佢係我食過咁多砵仔糕之中最好食，勁多紅豆，咬落去紅豆唔太淋又爽嘅口感，之前我仲諗食咗豆腐花同糍粑會唔會食唔落，其實我而家可以食多幾舊都得，$12 5個。真係開心本身佢元朗，荃灣，屯門分店已經好出名，而家喺紅磡都有分店，而且人流多好多已成熟客。…Read More

今晚要瑜珈又一個人食，所以又幫襯公司附近嘅糖妃。因為突然想食朱古力，但係我好少會晚餐只食甜嘢，上網睇下原來糖妃有兩款小食，蒜香雞翼同蒜香雞翼尖，不過諗起蒜香就係煎炸野，所以叫左雞翼尖 (好似好入味啲)同朱古力雪糕金磚💕估唔到雞翼尖份量都幾多，好多蒜蓉而且唔係煎炸嘅，朱古力雪糕金磚整得好靚，雪糕有朱古力碎，有朱古力同士多啤梨醬淋喺蜜糖多士上面，雖然好靚但係冇醬點上雪糕仲好味。如果雞翼尖唔好太淋，多士唔好落士多啤梨醬 (感覺好化學味道) 咁就💯💯#最後突然發現朱古力金磚冇咗朱古力夾心餅#得餅碎 #漏左定縮皮 #傷心…Read More

真係唔係買廣告。之前食過幾次，食過辣炒豬肉，韓式豬肉，我覺得普通，另外都食過韓式肥牛，有啲唔同韓式牛肉片呢款。今次唔知係因為我又凍又肚餓嘅關係定係佢真係咁好食，一路食一路覺得好開心，好耐未試過有咁開心嘅感覺，有啲感動落淚。😭韓式肥牛啲醬汁甜甜地，有蔥花，甜洋蔥，紅蘿蔔片，另外佢隔離果兩堆芽菜同酸蘿蔔絲物體，其實唔係好清楚係乜，真係好好食，本身韓式肥牛嗰款都好食可能就係缺少咗隔離果兩堆配菜爭好遠😭我嚟到嘅時候已經差唔多九點半，原來已經埋數，不過佢仲比我埋落單，做完運動咁夜食真係好肥😥…Read More

幫襯左兩次都唔記得要求豬油渣同麵分開上，因為豬油渣好易淋。豬油渣上海麵38蚊，另外加雞翼尖9蚊，滷水豬大腸11蚊，附送蘿蔔同菜譜，共58蚊唔算平，但係餸嘅份量算多，另外佢地好似冇水吧，見有七蚊支細裝豆漿，不過我想環保所以就算。以前喺花園街食過豬油渣冇咁脆口，呢間似炸豬皮條，都好味，而豬大腸好肥美(有普通大腸$9我未試)，雞翼尖都好入味，而蘿蔔好到爽甜唔苦。地方細細都算乾淨，我已經避開中午繁忙時間，兩點幾去到都算多人，好多都係熟客。…Read More