miko.li.338's Profile

里間餐廳係屋企附近新開嘅 我係一個好鍾意食酸辣粉嘅人 果日見到里間有酸辣粉就諗住入去試下 點知價錢超級平lor（係朗屏地鐵附近食開野對比）25蚊兩個餸 加3蚊可以加多一個餸 仲有凍野飲唔洗加錢 我係外賣都唔洗加外賣費 真係野冇入口都覺得超級抵啦 再講埋酸辣粉嘅味道 雖然唔係好正宗嘅四川酸辣粉 但係一定可以講係好正宗嘅港式酸辣粉 味道小小辣 小小酸 裡面配菜都好豐富 特別花生好香脆 同埋我點嘅係雞翼同腸仔 腸就正常口味啦 但佢嘅雞翼係炸雞翼 我食左咁多間都係鹵水雞翼 可想老闆幾有心 岩曬我里D中意食香口野嘅人 偷偷話你地知 我已經3日連續係間店食野啦 里間店仲有好多野食 價錢平的黎餸又唔失水準 反正係屋企附近我超級推薦里間餐廳…Read More

第一次嘗試土耳其菜 味道讓你很開胃 點左烤雞卷 味道真係冇得頂 雞又嫩又多汁 裡面仲有薄荷葉食起黎唔會流仲好清新 一個人食一條根本冇問題 然後再點左烤雞 個雞一上黎 就被果地蒸汽氣勢嚇左跳 因為果D蒸汽真係好靚 果D雞睇起黎以為係外面薯脆裡面嫩嘅 點知從黎到外都係嫩嘅 個味道都好特別 第一啖好淡 覺得唔好食 但食多幾啖佢嘅特別醬汁會讓自己越食越想食 因為酸酸D 好開胃 不過唯獨唔夠好嘅係 好多都係雞胸肉 本人唔係好鍾意食 但佢整得唔錯 所以還可以接受 牛油餅就一般 因為一定要同有醬汁嘅菜配合才好味 我地第一次唔識點 總體黎講係唔錯嘅 值得推薦 我都會去第二次 下次去一定要點套餐 因為單點真系吾划算…Read More

里排好鍾意飲奶茶 原本飲開附近嘅大卡司嘅 但相比茶包就遠好多 不過今日第一次飲茶包 以後就選擇里間啦 我里次點嘅係芒果奶茶 奶味都幾重 茶味都岩好 最重要嘅係 佢嘅奶茶好滑好香 真係飲一啖想兩啖 不過珍珠果D要另加 下次飲一定要加 冇珍珠嘅奶奶好似少左咩野 同埋自己又買左椒鹽牛丸和韓式炸餃 真係堅好味 好耐冇食過咁好食嘅小食了 里間鋪仲有好多小食 第二次去食 一定要要嘗試下其它野…Read More

朋友話想食泰國菜 甘自己都有食開佢嘅下午餐所以就介紹朋友試食下啦 夜晚D餸都幾唔錯 冬陰功湯味道幾正 仲有蒜蓉包超級好味 味道好香 包又夠脆 生蝦都幾唔錯嘅 不過聖子就有點鹹同埋有小小腥 龍眼冰都係我次次去到必點嘅野 我嘅摯愛…Read More

海南雞飯總體可以俾80分嘅 海南雞嘅肉質皮脆肉滑多汁 而且飯粒粒分明 粒粒飽滿 唔會太濕又唔會太乾 仲有配嘅胡椒味嘅例湯對身體係寒底嘅人好好 但唯一不足嘅係 雞同飯我都覺得有點鹹 如果淡少少就好了…Read More