hkmk192's Profile

最近同屋企人經過這家串燒店簡直是深夜饗宴的首選！一進門，炭火香氣撲鼻而來，讓人瞬間胃口大開。首先強推蠔腸仔，新鮮牡蠣裹入彈牙豬腸衣，烤至外脆內嫩，一咬爆汁，鮮甜海味瞬間充滿口腔，絕對是招牌必點！接著是雞翼，選用中翅部位，醃料入味，烤得金黃酥脆，皮下鎖住肉汁，輕輕一撕，香氣四溢，連骨頭都捨不得放過。豬頸肉更是驚艷，炭火輕吻後表面微焦，內裡粉嫩多汁，入口即化，完全沒有油膩感，配上獨門辣椒粉，層次豐富。牛肉串選用安格斯牛，油花均勻，烤至五分熟，肉質軟嫩帶嚼勁，牛香濃郁，搭配蒜片與蔥段，風味更上一層樓。素食者也不用擔心，娃娃菜清甜爽脆，簡單刷醬烤製，保留蔬菜水分與甜度，解膩又開胃。最後壓軸是椰子雞湯，老椰子慢火熬製，湯頭奶白濃郁，雞肉鮮甜不柴，加入紅棗與枸杞，暖胃又滋補，一碗下肚整個人舒暢無比。…Read More

一直以為呢間餐廳環境咁靚價錢應該好貴，今日經過原來呢度嘅價錢好平。六百零蚊就可以食到一圈牛同埋連海鮮湯底啦。我以為呢度最抵嘅牛肉圈因為有好多款式，鍾意食唔同款嘅人都可以試吓。而且呢度嘅飲品都好特別，同埋佢嘅環境都好靚，啱晒適合打卡嘅女仔。我自己就最鍾意食呢個牛胸油，因為食落比較特別，而且口感好好，好有牛嘅味道。你間舖頭出面仲有間房俾你打卡㗎，入面有好多閃閃嘅裝飾，同TeamLab差唔多，非常推薦大家一班朋友嚟試吓。一直都知道呢間火鍋店除咗裝修靚之外，都係好多打卡位，而家做緊優惠價錢真係好抵，六百幾蚊就可以食到一個一圈牛肉加海鮮鍋，今日朋友聚會所以選擇咗嚟呢度。因為大家都唔食得辣，所以就揀咗呢個日本牛乳玫瑰鍋，一上台估唔到咁靚佢嘅價錢只係$160而且八點後仲有八折真係非常抵食。我自己認為最抵讚嘅就係呢個無骨脆鯇片，因為佢除咗好多筷之外，另外都好新鮮。而家好多火鍋嘅脆肉鯇完全唔脆，但係佢做得好出色，每$1都好脆同埋好重魚味。因為我哋都唔食牛肉，所以朋友就叫咗呢個梅花豬肉片，估唔到咁大塊，但係本身我哋以為係豬肉片，但係點知食落係豬頸肉咁樣，不過都好好食，口感唔錯。七色丸都係一件必點嘅餸菜，因為佢有七種唔同味道嘅丸，最重要嘅係佢嘅上菜方法好靚，用一個好大嘅假放咗七粒丸，非常適合朋友打卡。呢間餐廳環境好靚，本身以為係貴價火鍋，原來仲平過出面嘅火鍋，同朋友已經決定咗遲啲都一定會再嚟食啦。…Read More

一直以為呢間餐廳環境咁靚價錢應該好貴，今日經過原來呢度嘅價錢好平。六百零蚊就可以食到一圈牛同埋連海鮮湯底啦。我以為呢度最抵嘅係牛肉，因為有好多款式，鍾意食唔同款嘅人都可以試吓。而且呢度嘅飲品都好特別，同埋佢嘅環境都好靚，啱晒適合打卡嘅女仔。我自己就最鍾意食呢個牛胸油，因為食落比較特別，而且口感好好，好有牛嘅味道。你間舖頭出面仲有間房俾你打卡㗎，入面有好多閃閃嘅裝飾，同TeamLab差唔多，非常推薦大家一班朋友嚟試吓呀…Read More

平時好少去港島，今日咁啱朋友生日，諗住去接佢放工順便食生日飯，佢話同事成日讚呢間懷舊西餐廳，但係佢一直都未嚟試過，咁就一於嚟試吓同埋同佢慶祝生日啦。呢度嘅裝修好復古，但係又不失高級嘅感覺，好適合慶祝生日或者情侶拍拖。而且呢度嘅侍應服務態度好好，一坐低已經好多食物推薦，而且笑容好好，嚟到食嘢都好開心。慢煮牛面肉配意大利粉牛面肉經過長時間嘅低溫慢煮，肉質軟嫩入味，每一啖都充滿咗濃郁嘅牛肉香味。意大利粉熟度恰到好處，麵條彈牙，同牛面肉嘅鮮美完美結合，味道層次分明。鑊仔燴香煎鱸魚配辣汁鱸魚肉質鮮嫩，外皮煎得金黃酥脆，再搭配上獨特嘅辣汁，味道有層次又不失清爽。鑊仔嘅烹調方式保持住鱸魚嘅原汁原味，辣汁亦唔會過於刺激，非常適合鐘意海鮮嘅食客享用。西班牙海鮮飯呢道菜選用新鮮嘅海鮮同香料煮成，米飯吸收咗海鮮嘅鮮味，每一啖都係味蕾嘅享受。海鮮飯份量十足，口感豐富，無論係蝦、貝類定係魷魚，都鮮美多汁。呢間餐廳除咗抵食之餘，侍應既服務態度都好值得一讚。一飲完水侍應就會過嚟斟，我覺得呢度既服務比幾千蚊位嘅高級餐廳更加好，雖然唔係住附近，但係我下次都一定會再嚟食呀。…Read More

最近好多人介紹呢間喺旺角嘅新日本餐廳，咁啱朋友生日，咁就約埋一班朋友嚟試吓啦。估唔到6:30嚟到都滿晒人，想嚟嘅記得要訂位先啦。呢度嘅職員服務態度好好，而且服務好快，果然係日本餐廳呀。首先我哋叫咗一個吉列炸蠔，佢嘅外皮非常酥脆，內裡保持住鮮嫩多汁嘅口感。炸蠔嘅香味撲鼻而來，每一口都充滿咗濃郁嘅海鮮味道。呢道菜嘅味道非常獨特，絕對係一個唔可以錯過嘅選擇。之後上菜嘅係「黑豚豬頸肉串燒」。呢道菜嘅豬頸肉非常嫩滑，每一口都充滿咗豬肉嘅鮮味同香氣。豬頸肉嘅外皮烤得非常香脆，內裡保持住嫩滑多汁嘅口感。呢道菜嘅味道非常豐富同立體，令人回味無窮。呢個壽司薄餅賣相就同Pizza一樣，但係上面放咗辣味三文魚同埋蟹籽，上面凍下面熱，口感好豐富。本身以為呢道菜應該得賣相，估唔到食落好特別好好食。另外我仲叫咗杯新set啤酒，佢嘅賣相好特別，好似日落咁樣，而且價錢好平，非常推薦大家試吓。呢間日本料理性價比好高，而且食物賣相都好靚，下次都一定會再嚟啊。…Read More

最近成日聽朋友介紹呢間串燒屋好特別而且好好食，雖然自己住喺觀塘，但係竟然未試過，就一於今日約埋朋友嚟試啦。一去到雖然時間只係六點幾，但係餐廳已經好多人，好彩等咗一陣位就入得。見到出面有飲品櫃係自己自助形式嘅，而且出面仲有甜品同啤酒拎，啱晒一大班朋友傾偈同飲啤酒呀。呢間餐廳有別於其他任食串燒，佢嘅環境好乾淨，而且枱面有個爐，除咗可以一直燒住啲串燒唔怕凍晒之外，佢最特別嘅係仲識得轉轉吓，非常得意。我諗如果帶小朋友嚟，佢哋一定都會好開心。我自己覺得最抵讚嘅就係呢個牛肉串，佢嘅牛肉好高質，而且牛味好重，又大嚿又惹味。另外，呢度嘅海鮮都非常新鮮，我自己就最鍾意呢個燒蝦。佢嘅蝦肉質非常彈牙，而且大大隻，一食落就知道佢係新鮮蝦。呢間餐廳又抵食又好玩，唔怪得咁多人啦，下次朋友聚會都一定會提議呢度呀。…Read More

首先是龍蝦湯，這道湯品鮮美濃郁，讓人一入口就能感受到龍蝦的鮮香。接著是銀鱈魚，肉質細膩，味道鮮美，是一道不容錯過的海鮮佳餚。蒜頭作為一道開胃菜，香脆可口，讓人食指大動。豆腐則以其嫩滑的口感和獨特的醬汁味道贏得了眾人的喜愛。蘆筍的清新口感與眾不同，既健康又美味。 明太子燒飯團經過精心烤製，飯團外皮微焦，內裏柔軟，配上明太子的鹹香，令人難以忘懷。 Corner Stone Sauvignon Blanc和 Canetelli Moscato作為配餐的酒品，無論是前者的清新果香還是後者的甜美口感，都與菜品完美搭配，提升了整體的用餐體驗。免治雞肉棒的製作精良，雞肉香嫩可口，讓人回味無窮。 墨汁墨魚腸仔的肉質細膩，醬汁濃郁，是一道非常經典的菜品。最後，orange volka lime 作為餐後飲品，清爽解膩，給整頓餐點增添了一絲清新。總體來說，這次用餐的每一道菜品和飲品都展示了廚師的高超技藝和對食材的尊重。從開胃菜到甜品，每一道菜都充滿了驚喜和滿足，讓人不禁期待下次的用餐經歷。這次用餐絕對是一次令人難忘的美食體驗，每一口都充滿了幸福感和滿足感。…Read More

今日同女朋友行街，行到夜晚突然好想食火鍋店，跟住就見到有間寫住鍾爺爺嘅專門店，我同女朋友開咗個玩笑，話如果鋪入邊果個鍾爺爺同出邊門口招牌畫公仔嘅鍾爺爺個樣一樣樣嘅話入去食，結果就入左去食入到去店員都招呼好好同我哋安排位置比一個好舒服嘅位我哋坐，我哋叫咗個沙嗲湯底火鍋，個眼望望就見到入邊sapporo 啤酒好平只係$28。當中我哋嗌咗碟霜降手切頸脊肥牛，肥牛超大碟，又超厚肉，打邊爐配牛肉真係無敵另外我哋叫咗水魷魚，鮮蝦雲吞，脆鯇片，炸魚皮娃娃菜，佢哋用嘅材料全部都係新鮮雲吞粒粒都好大粒，感覺所有嘢都係即叫即做全部用新鮮材料，同埋每樣嘢個價錢講緊每樣都係四五十蚊，超抵食。食完呢次之後，下次一定會拉埋屋企人一大班人一齊再食…Read More

最近好似好興一人燒肉，尖沙咀同銅鑼灣都開咗好多間，朋友介紹話最近旺角都開咗間，而且價錢仲好平，今日唔使返工就約埋朋友一齊嚟試吓啦。去到門口，仲見到佢有個一蚊牛舌嘅優惠，而且除咗呢個優惠，其他套餐都好平最平嘅$48就有啦，好似仲平過兩餸飯。我就叫咗個牛舌牛五花牛板腱套餐，佢嘅餐除咗包飯或者烏冬之外，仲包埋沙律同埋麵豉湯，真係好抵呀。一上枱嘅時候都嚇咗一跳，估唔到佢嘅牛份量咁多，而且牛嘅顏色都好靚而且肥瘦分明。我個人認為最好是嘅就係個牛板腱同埋牛舌，雖然佢唔係切得好厚，但係薄薄地咁拎嚟燒就啱啱好。而且食落去牛嘅味道好夠，肥瘦平均真係好好食。佢嘅牛質素高級到唔使點醬都覺得好好食。我朋友就叫咗個M9和牛套餐，雖然我冇試過啲和牛，但係睇落又大塊又靚，朋友話食落有少少入口即溶嘅感覺，下次我黎都會試呢個套餐啊。呢間餐廳又平又好食，而且位置方便，下次出嚟旺角都一定會再食啊。…Read More

今日放工咁啱喺附近，咁就一於去試吓啦。我哋已經六點幾就去到，不過入面已經好多人啦，所以想去嘅記住早啲等位啊。一坐低睇完Menu，就忍唔住叫咗個爆谷蝦先，因為見到隔籬枱嘅好似好吸引。等咗一陣就上枱啦，係新鮮乍起嘅，而且舊蝦好大嚿，配埋佢嘅醬汁真係好夾呀。我嘅主菜就嗌咗燒春雞窩夫，古唔到咁平嘅價錢佢隻燒春雞都幾大。而且食落雞肉好嫩滑，個皮又有少少脆，唔使點汁已經好好食呀。我朋友就叫咗煎牛扒配薯條，我見到個牛扒煎嘅時間啱啱好，叫咗五成熟就真係啱啱好五成熟。我試咗一舊，估唔到佢嘅牛扒拍得住出面專食牛扒嘅西餐，好重牛味，而且好香又係唔使點汁就食得。另外佢嘅薯條都炸得好脆，佢除咗主菜好食，啲配菜都好好食呀。另外我哋仲叫咗個炸雞翼，炸雞翼有成六隻，炸得好香脆，而且好肥美。我哋仲叫咗杯奶昔share，杯奶昔好大杯，但係飲落又唔會太膩，而且仲好解渴添，夏天一定要飲呀。本身我哋仲想叫甜品，但真係食得太飽啦，又有個藉口下次再嚟食啦。呢間餐廳性價比高，而且環境好好，啱晒一大班人嚟食或者黎拍拖啊。…Read More

今日朝早揸咗車返工，夜晚預咗同屋企人食飯，諗緊車一家人食飯，有個同事住屯門，佢介紹呢間串燒店，仲話附近有大量車位方便泊車，最後決定我同事介紹既呢間串囍食野，好幸運隨隨便便就搵到個錶泊位。呢間餐廳係類似日本嘅居酒屋咁樣，喺地舖度，一望入去已經見到好日本feel。而且佢仲有吧枱，好啱放工嚟飲杯酒，之後等朋友一齊嚟食飯。一入到去職員都好有禮貌，雖然我哋冇book枱，但佢都安排到一個好好嘅位置俾我哋。因為朋友唔飲酒，咁就叫咗杯蘋果汁飲住先，佢話蘋果汁好好飲，絕對唔係啲普通嘅大陸蘋果汁。而我同另外兩個朋友就因為有happy hour所以叫咗啤酒飲，佢嘅啤酒都好平，唔同款都係$58杯。佢有好多唔同嘅套餐，我哋就一人叫咗一個套餐，而且仲可以用優惠價加小食。我就加咗呢個池魚，估唔到只係$10但係就有咁多，起碼有超過十幾條魚。而且呢種雜物係好啱送酒。另外我哋仲嗌咗個唐揚魷魚鬚，又係好啱送酒。不過朋友就話佢嘅串燒係雞肉最好食，咁我哋都嗌咗個雞翼同埋雞扒黎試。我覺得個燒雞翼真係好好食，燒既時間整得啱啱好，而且雞肉好嫩滑，唔怪得朋友咁介紹啦。呢間嘢又平又好食，就算唔順路都會再想黎食呀。…Read More

鄰近父親節，帶咗全家人去食泰國嘢，去到依家食泰國嘢門口見到爆晒人，需要等位，就知呢間嘢啲嘢食有啲料到果然不出我料，好彩唔使等好耐就有位。坐低見到餐牌個價錢好平價可以接受，我哋一家人嗌咗蝦餅，炭燒豬頸肉，雞肉串，泰式炒粉同埋一個菜。當中最好味一定係個泰式炒粉同埋個菜，個粉佢炒得好乾身好好味，記得配埋個辣醬食其次，係個菜，我唔記得個菜叫咩名佢伴菜個肉好開胃，不知不覺就成碟食晒。當然食泰國嘢飲品就一定要叫椰汁冰同三色冰，呢間嘢整體食物質同埋賣相我都10分滿意希望佢開多啲唔同嘅分店方便我喺唔同嘅區食…Read More

早兩日行過沙田，想食泰國嘢，見到間泰國米芝蓮嘅舖頭就想試吓米芝蓮嘅質素。間鋪入邊好深好大，入邊好有泰國嘅感覺，佢哋連水壺都靚過人，打開本Menu，每一頁圖片都係好吸引嘅食物，好想每一個都試一下。到最後叫咗個蟹肉炒飯，魚肉鹹蛋拼盤，海鮮拼盤，魷魚串同埋雞肉串燒，仲叫咗兩杯沙冰，味道好好味好大份，擺盤都睇得出有心思，我就最鍾意食蟹肉炒飯，見到佢啲蟹肉大大舊，一啖一啖連埋炒飯擺落口再配埋杯芒果沙冰。睇嚟下次都唔使去泰國就可以食到咁高質嘅泰國嘢食…Read More

嗰日同媽咪行行吓街，到咗夜晚時間，媽咪話好耐冇食韓國嘢，咁啱行過德民街，無意之中，見到呢一間韓式小店，就走入去試吓。間鋪雖然細細間，坐得都算舒服，前菜仲有泡菜芽菜，味道仲好好。我哋叫咗雜菜炒粉絲，泡菜煎餅，香炸雞球同兩杯嘢飲，當然仲有我媽咪最鍾意食嘅韓式炸醬麵，嘢飲好靚，好好飲，泡菜煎餅，感覺唔油好有口感，炸雞只有兩個字，就係‘好味’到最後韓式炸醬麵，我媽咪好鍾意食，仲話下一次再黎呢間食嘢。希望大家有時間可以支持吓呢啲韓式小店…Read More

好耐冇去過葵廣掃街，今日放工就約埋朋友一齊嚟。點知朋友話今日返工好攰，好想搵個地方坐低食嘢，好彩俾我搵到呢間係新都會新開嘅餐廳。佢係食掃街嘅小食，但係有一個好好嘅位可以坐低唞吓，咁就一於嚟試吓啦。一睇佢個Menu，就想叫佢個掃街拼盤，因為乜嘢都有。而朋友就話好想食雞蛋仔，咁就一於叫多幾樣試吓啦。我覺得呢度最好食嘅就係瑞士雞翼，好似仲比出面啲餐廳更加好食。因為佢嘅雞翼好入味，而且整得好嫩，而且雞翼都好大隻。食飽之後仲好想食甜品，估唔到呢度竟然都椰黃燉蛋白，而且價錢仲平過平時啲甜品舖，所以都叫咗兩個嚟試吓。見到佢都整得好出色，凍同熱都一樣咁好食。呢間餐廳又唔貴，而且環境又好錯，以後去葵芳掃街唔想行就會揀嚟呢度啦。…Read More