入座前未滿客，我一個人入去話3位，侍應指示我坐一張5人檯 （一張長方形檯，一邊兩張椅，另一邊L形梳化椅）。轉眼全餐廳滿座，有位疑似經理既男士就走黎問我幾位，我答3位，然後追問我另外兩位黎緊未。跟住又突然同我講，3個人要坐一邊 （指住主席位連兩邊椅各一），話可能要搭檯。我反映：無諗過黎呢度要搭檯～（注意：張檯係一整張，唔係可分拆做兩張嗰啲）。位經理又再講，本身齊人先入得，講到我有得入座係恩賜咁……(未滿客入座時你又唔講，到有人等緊位就咁講……再去睇過餐廳門口係無標示既）。我當然就唔理佢啦～過左一陣，我見有張四人檯埋單，我就同個經理講，我唔想搭檯，我可以轉過去。嗰個經理又話出面有人等緊，轉唔到比我。咁我問佢，我唔想搭檯，咁係咪要起身出去等過？經理答：係呀！可以架！係我唔夠骨氣，因為小朋友想試，所以面皮厚咁留低……我係好應該即時拎袋就走，讓返張檯比佢接其他客既！食物就非常一般，意粉得多汁少餸，好彩小朋友食完都話唔使再黎～講真，論食物同服務，屯市大把比佢好既餐廳，近既Owxxs，遠啲啲 Pastxhxlic，CXK，真係無必要食呢度！無下次！
…Read More
…Read More
