Marco91613373的个人专页

已經多次外賣薄餅！每次都叫二個大批，$180 一個，一家四口都夠飽，而且配料唔孤寒，好似我最鍾意嘅辣椒薄餅，極度惹味！ 推介嘅有夏威夷風情、香辣狂蜂、芝士四重奏，唔會令人失望。我食過 Pizza Hxx，Pizza Expxxxx，California xxxxx 等連鎖，價錢及食物質素各方面比較，呢間野算可以接受啦！ 反正依家冇夜晚堂食，外賣呢間OK㗎！如果話有乜嘢唔滿意，那麼就是沒有任何優惠。疫情嚴重期間，呢間分店一直冇七八九折果啲著數嘢，除此之外，冇意見啦😂😂。…查看更多

第一次睇OpenRice嚟食飯，叫咗椒鹽九肚魚，豉椒炒鮮魷，芥蘭炒牛肉同埋京都骨，一罐可樂，埋單$366，兩個人食到捧住個肚走！椒鹽九肚魚外脆口入邊多汁，非常新鮮亦沒有太多粉；豉椒炒鮮尤，尤魚好厚身，鮮甜亦都好惹味；芥蘭炒牛肉，芥蘭就麻麻啦，應該係預先淥熟再炒，反而牛肉夠林好食；京都骨唔係只有少肥肉，炸得好，甜酸適中，仲有唔少菠蘿襯碟！地方就係熟食街市入面，地面好滑小心行走，枱面算乾淨，但整體可以更好！…查看更多

今日睇完OpenRice各食評就試一試啦，估唔到仲晒伏，從來未試過咁難食嘅Pizza；我食Pizza成世人都超過1000個以上，今日呢兩個最最最難食，差過街坊麵包舖嗰啲Pizza麵包！其實店主可能冇薄餅焗爐，但可以加啲誠意，將餅底煎一下，令個外皮脆一點點。佢個餅食落去真係完全冇個薄餅嘅味道，極可能芝士同埋醬汁都唔係pizza 配方，另外啲餡都唔係Pizza嘅餡料。我形容得正確D，應該就係將香港快餐店食品擺落去個Pizza包上邊，但係不倫不類極之差，我再講一次極之差！大家如果對食物有一點點要求都千祈唔好幫襯👎👎👎👎👎👎👎…查看更多

我們一家五人，趁昨天聖誕節晚上到來一試。店內全部是一樣大小的圓枱，應勉強可以坐五、六人。坐得一般舒服，冬菇亭新式裝修餐廳，大家仍然不能有任何要求。 枱面地方只可放最多四碟餸，而伙記亦都唔理你放不放得下其他的，我們只好趕快吃，很有壓力！食物方面，分量一般小。 我們點了小食拼盤/軟殼蟹/鹽燒鱸魚/馬拉盞炒芥蘭，賣相、價錢及品質是好的。 蠔餅/冬陰公湯/半隻怡寶雞/通菜/二個蒜蓉包，簡直嚇死人！ 蠔餅似蛋餅好實亦有蛋殼碎，冬陰公湯沒香茅、整隻蝦及草菇，居然有蟹柳，無言！ 完全冇味亦懷疑廚師根本唔識做泰國菜！！！！！！！！加上兩個白飯及一可樂，埋單$580左右。 價錢我們冇意見。不是挑骨頭但店方應該對食物制作沒什麼誠意，極度失望！…查看更多

我們一行八人，有老中青三代，於周日晚上首次到訪。之前訂了位，我們早了10分鐘到，服務人員幫我們整理一下提早給我們入座。看了餐牌及 Open Rice 上的評論，點了大咖哩蟹加超大麵包（汁多、蟹鮮、味道好，份量夠八人好好享受）、二份炸蒜蓉包條（沒有油膩感覺）、二份生蝦刺身（夠凍夠爽）、二份豬頸肉(不肥，很美味）、豬牛雞串燒（多汁）、飛天炒椰菜苗（惹味清甜）、通菜、大冬陰公湯（鮮蝦用料大隻，爽，靚）、魚（比較細條，可惜）、泰式酸辣鳳爪及 三枝啤酒。出食品速度正常，但加單有點甩漏，要催幾次；但也是可以接受的。埋單計 $1900。 我覺得價格不算便宜但質素合格以上。唯一不足是冷氣不夠及每輪限時90分鐘，有點壓力啊！…查看更多

我們過去半年幫襯左超過10次，佢哋有好多菜式，基本上除咗潮州菜之外仲有其他嘅廣東菜。好食嘅菜式有蟶子皇、煎豪餅、鐵板西洋菜、蒜香骨、鵝腸同埋水煮牛肉。個人覺得豬紅就麻麻哋。價錢方面呢就唔係貴嘅大概兩個人$300上下埋單，四個人就$600以內。佢哋有三間鋪，裝修都一般般但係地方好乾淨嘅。服務方面其實好地區性亦都好親切，有個女人好爛口不過都可以好好傾。通常都唔使等太耐位嘅，過時過節好多人喺度宴請親朋。…查看更多

我們在這裏過去幾年吃過早午晚餐及小菜，基本上好食價錢又唔貴。作為街坊都光顧咗六年以上，而我們一直對食物質素及環境衞生有要求，而令我們一直光顧，當然唔可以差，也不能貴！佢哋嘅燒味同埋小菜都好好食，質量幾年都冇變過，晚市脆皮雞簡直一絕！服務方面地區性餐廳真係冇咁好㗎啦，但又好過澳牛好多，唔會催落單亦唔會趕你走；基本上所有樓面都係嚟咗香港好耐嘅新移民，但對客態度唔差。老細兩公婆是常在場落手落腳做嘢，知道將軍澳都有一間但係未食過。…查看更多