首先碗雞白湯真係不值一提，同小黃青清雞湯加啲cream差唔多味道，唔值呢個價錢同呢個等候時間。第二，佢哋嘅出品程序非常之唔合乎現實，一碗一碗咁樣煮，兩個人一齊煮一碗，搞到條隊咁長，其實係刻意製造人龍。最後，一啲都唔尊重食客，一入到去嘅時候，我唔小心坐錯咗後一個位，佢哋即刻呼喝我叫我坐返啱，我又唔係特登坐錯，你講咪得囉，使唔使咁嘅態度。上面嘅時候，又特登要阻住我哋兩個傾偈，喺我哋兩個中間上，明明左右都大把位上。同埋仲特登叫我朋友坐入啲，佢又唔係霸咗你成條走廊，又唔知自己啲位窄，條走廊又冇人行，搞到好似軍訓咁。咁嘅服務態度真係一流。…Read More
