cynthialo's Profile

牛繁一人燒肉係一間日本東京過江龍燒肉店，餐廳主打一人燒肉，枱同枱中間都有木板私隱度好高。有好多個套餐可以選擇，價格都好實惠，我地簡左兩個套餐🐮🔥 北海道十勝A5黑毛和牛肩胛肉🐮 $143黑牛和牛油脂均勻，肉汁超Juicy，入口即溶，切左做幾塊薄片，燒一燒就食得！套餐包括麵豉湯、泡菜、白飯，我加錢轉左牛繁冷麵🍜 ，冷面好Fresh好清新👍🏻牛舌套餐👅 $135薄切牛舌肉汁鮮嫩帶些少脆口，薄薄地好易入口，燒完都唔會好硬。厚切牛舌更加好食，好厚好有咬口，好易咬得開，加埋檸檬汁就perfect👍🏻…Read More

眨下眼又過左一年，趁年尾去食返餐好！今次簡左係尖沙咀H8大廈既燒肉の牛太·本陣🐮試下佢最出名既黑毛和牛😚兩個人比既枱好大，爐係正中間，坐得好舒服寬落👍🏻炙燒日本產黑毛和牛 海膽壽司🐮好特別既一個組合，食落好有口感，和牛入口即溶，配搭埋海膽簡直味道一流😋炙燒日本產黑毛和牛 特上牛肋肉 配海膽🐮首先將牛肋肉燒熟，跟住放係擺係柴蘇葉上面既海膽上，包埋一齊食，紫蘇葉加上充滿油香既牛肋肉一齊食，係一種享受😎炙燒日本產黑毛和牛 鑽切特上西冷🐮西冷紋理分佈好靚，油脂均勻，燒熟後唔洗點醬料直接放落口入口即溶😋肉味濃香，二人份量岩岩好唔會太肥同油膩😛旬之生蠔🐚生蠔總共有四隻，體型都好大隻，燒熟左就算織都唔會無肉食😜燒完食落好鮮甜，有蠔味😎特上牛舌🐮牛舌好大塊，厚度適中，肉味香濃👍🏻特上牛脊肉🐮肉質細嫩精緻，燒一燒就食得😛幸福生蛋拌飯🐣🍚和牛肉汁撈埋生蛋拌勻既白飯，好正😎可爾必思梳打🍹最後飲返杯甜甜酸酸既梳打，超解渴😋…Read More

原來呢間餐廳已經連續十年係拎到泰國最佳食府👍🏻餐廳裝修同埋環境都好優雅，枱與枱之間都好寬闊舒服。我地兩個仲坐左四人卡位，感覺唔錯。炸蝦片🦐 $15每台都有蝦片小食，等緊嘢食之前食幾塊可以醫下肚🤣蝦片大大塊又炸得好脆好好食，仲有陣蝦味同胡椒味。香脆蝦餅(三件) $58我哋兩個人食三件就啱啱好啦！蝦餅好大嚿好豐滿，食落爽口彈牙，仲好有蝦味，點埋附上既泰式辣醬就perfect😄泰式生蝦 $138食泰國野必叫馳名既生蝦食啦，一碟有十隻大大隻，蝦肉緊緻彈牙，味道鮮甜，加上辣椒同生蒜片，沾上秘製青辣椒醬汁，完美🥰黃咖喱軟殼蟹 $198食泰國菜必食咖喱，揀咗呢個軟殼蟹，軟殼蟹炸到香脆可口，配上濃郁同富有蛋花嘅黃咖喱。兩樣嘢食落好有衝擊好想繼續encore🫡印度薄餅 $35食咖喱必配印度薄餅，皮薄餡好鬆脆，配咖喱真係一流😋泰式奶茶 $38好有泰國風味，茶濃奶滑，甜度岩岩好…Read More

一入門口就見到頭頂有好多唔同顏色既月亮🌜裝修好靚好岩我呢D鐘意打卡既人🤭餐廳主打signature Cocktail 同12星座Cocktal🍸影相厄Like冇難度J.Moon $128呢杯係呢到既主打，酒底係RUM，水果味豐富杯邊仲有少少竹炭粉，加埋飲落好特別職員會用Smoke Gun係酒杯上整個白色大波波要小心D，一郁就好易爆🤣Sea Urchin Sauce Rigatoni with Prawns & Salmon Roe🍝🍤 $158長通粉配上好重好Juicy既海膽汁，超級Creamy又唔會好漏，食極都唔厭再加上4隻剝左殼既大蝦，蝦肉食落新鮮彈牙，配埋好鮮甜既三文魚子就更加豐富“Typhoon Shelter” Pork Rack with Seasonal Vegetables 🐷🥦 $178豬排用上避風塘煮法調味，食落好惹味同都幾辣。豬排肉質鮮嫩多汁可口，唔鞋口食落啖啖肉，十分滿足😄加上兩大舊薯條，食落即刻減低哂D油膩感👍🏻小食拼盤(French Fries🍟 Oysters🦪 Thai Shrimp Cake🍤 Chicken Wings🐥) $128好足料既小食拼盤，好多薯條、另外3樣小食都每樣4大舊。雞翼炸到香脆可口，仲要係單骨啖啖肉唔油膩👍🏻炸蝦餅配上甜酸醬，酸酸甜甜好易入口，仲要好有蝦味🙌🏻炸蠔入面仲好Juicy好有水份，食落D汁爆哂出黎好正😻…Read More

呢排天氣轉涼，又見到呢間新開超人氣打卡餐廳呢排好紅，就叫埋老公去試下🥰餐廳係北京道太子集團大廈頂樓，行上一層就係天台，Outdoor環境空曠，中間有個又靚又好大既bar枱，好有渡假feel😍仲可以睇到成個維港景色同埋可以chill住聽音樂👂🎶 Kaboom Sharing Platter🍱 $218小食前菜果板都有好多野想食，有選擇困難症既我地就簡左小食拼盤唔洗煩😛拼盤入面有單骨炸雞翼🍗、雞尾酒蝦🍤、雞肉串燒🍢、油漬枝豆🫒同蒜蓉包🧄🍞各種小食都好好食，特別係雞翼炸得岩岩好仲要單骨，最岩我地兩個懶人🤣Chargrilled Beef Strips🐮🥩 $308我地叫左medium，燒既時間岩岩好，唔會話好熟。牛扒肥瘦都算均勻，食落好有牛味好香口。另外仲有配菜薯蓉同車厘茄等等🍅Pan Seared Salmon served with Ratatouille Salas & Baby Brassicas🐟 $258三文魚煎到有少少微嶣，外皮炸得香脆可口，咬落脆卜卜😍魚肉肉質鮮嫩多汁，食落魚香充滿香甜魚油😋加埋檸檬汁加配菜一齊食更加鮮甜入味！Tonight is gonna be a good night🍸 $128Vodka+Prosecco+Elderflower+Lemon既Cocktail🍋外觀加上檸檬同碎花感覺好靚好fancy🥰飲落甜租地又好清新👍🏻Miss You🍸 $128Vodka+Sakura Liqueur+Japanese Yuzu juice with Rose Flavour🌸外觀加上櫻花同玫瑰花瓣🌹 配埋粉紅色，超級有少女心，拎黎打卡一流😝飲落有少少酸味，都好味易入口😋…Read More

疫情幾年都無得去韓國食好西🇰🇷今日一家三日黎到荃灣呢間隱世韓國餐廳❤️呢間餐廳價錢好親民非常實惠👏🏻老闆同員工服務態度都好好👍🏻再正係無收加一服務費🙌🏻一坐底就有三大碟前菜任食：泡菜、中華沙律同芽菜🥗三重芝士炸雞 $118半份🐥餐廳有好多款炸雞，身為芝士控既我簡左三重芝士口味😹一黎到有六大件雞，件件都勁大舊🥰炸雞食落好脆好可口，但又唔會話好多炸粉，雞肉質感鮮嫩👍🏻心多多蛋卷 $78🐣呢個蛋卷啱晒心多多同有選擇困難症既我🫶🏻入而有齊三種味道：泡菜辣味、紫菜明太子同芝士二重奏😻蛋卷蛋味十足，入面好足料多到滿瀉🤞🏻我最中意係酸酸甜甜既明太子配合蛋卷，味道十分合拍❤️韓式墩牛骨湯拉麵🐮🍜 $108大大碗牛肉拉麵再加多串韓國魚糕😇魚糕食落好煙韌，恰到好處👌🏻牛肉肉質鮮嫩多汁，唔會好韌😋牛骨湯底飲落好香濃，拉麵吸收哂精華好入味🙌🏻粉絲豬肉炸餃子拼薯條 $48🥟🍟茶餐餃子乍得卜卜脆好好食🤤入邊嘅粉絲同豬肉都好充足，食落啖啖肉，食過返尋味❤️薯條炸得好金黃，入口脆卜卜好有味道😋香橙乳酪米酒🍹$28跟餐橙味同米酒溝埋一齊好特別好甜好易入口，好快就飲哂成杯😹…Read More

今日一家三口黎左沙田新城市廣場行街食飯，見到永年門口裝修都幾靚，又好耐無鋸扒，就入左去試😋餐牌有好多款鐵板套餐，有牛扒、豬扒、雞扒、三文魚扒、雜扒等等，仲包湯同飲品美國安格斯封門柳🇺🇸🐮 $228牛扒配上燒汁後有滋滋聲響同香氣四溢😚有洋蔥係底墊住牛扒，咁就岩岩好5成熟唔會過火。封門柳肉質鬆軟肉味濃厚，有入口即溶既感覺，加上配菜：蕃茄、粟米、西蘭花，一啲都唔覺得油膩😋美國頂級西冷扒🇺🇸🐮 $198鍾意食牛嘅我哋叫多咗個西冷扒，個扒好容易就切開到，食落唔韌仲好有牛味👍🏻愈食愈Juicy😋酥皮周打蜆湯🍲 +$15我哋叫左周打蜆湯，加咗錢升級做酥皮面，趁熱食落又脆又香，好夾個湯。湯內有好多蜆肉同海鮮，飲落好濃郁👍🏻藍柑菠蘿乳酸梳打🍹+$9個人好鍾意飲乳酸酸酸地嘅感覺加上菠蘿同柑兩種水果陪襯得極好🥰永年大碗面🍜$98碗麵份量勁大有好多配料包括有：豬腩、魚蛋、豬紅、蘿蔔、豬皮、雞翼、魷魚、紅腸，全部都係車仔麵必食嘅配料，加上湯底煮得十分入味，啖啖面啖啖餸好過癮🤭蝦多士🦐🥪多士非常出色、麵包夠脆、餡料好足😋洋蔥圈🧅炸到勁脆、有洋蔥味、食落卜卜聲😜…Read More

今日黎左試沙田新城市米芝蓮美食推介既餐廳，餐廳裝潢同設計都富有泰國餐飯味道🇹🇭座位非常闊落舒服，同其他座位間距都好足夠👍🏻我地叫左兩個午市套餐🍽泰式牛肉船麵🐮🍜$78湯底用大量牛骨同豬骨熬製而成，味道非常濃郁入味🥰麵底泰式幼麵，食落彈牙幼滑😋配上大大塊牛肉片、兩粒牛肉丸同炸魚皮成碗麵份量好足夠，辣度都剛剛好👍🏻馬莎文咖啡牛腱配白飯🐮🍚$78咖哩味道非常香口及濃郁，上面仲有花生粒牛腱好多同大大舊，有牛品，質地軟淋😋配上白飯一齊食真係十分配合👍🏻泰式生蝦(4件)🦐 +$38生蝦新鮮彈牙、肉質鮮甜美味香蒜炒椰菜苗🌱 +$22椰菜苗加上蒜蓉一齊炒十分香口椰青🥥 +$32椰青大大個、椰青水清涼易入口泰式奶茶🧋 +$8奶茶香氣同順滑度都同泰國嘅奶茶有得揮…Read More

今日去開Megabox行街見到呢個壽司店做壽司半價就去試下🍣行入去見到好大架日本火車頭🚄入面座位都係日本火車設計既座位咁耐無得去旅行，可以係到感受下氣氛😆🐟三文魚腩刺身：魚油甘香肥美🐠吞拿魚刺身：肉質好無連根🐠油甘魚刺身：魚油甘香油潤🐚帶子刺身：爽滑鮮甜有味道🍣三文魚腩壽司：魚油甘香肥美劍魚腩壽司：食落有魚味甘海老壽司：鮮甜爽口鰻魚壽司：配合鰻魚汁十分可口火炙三文魚腩壽司：火喉燒得岩岩好火炙左口魚邊壽司：富有油脂、肥美火炙柚子胡椒帆立貝壽司：好清新特別七味火炙鱈場蟹棒壽司：少辣、啖啖肉親子花之戀：兩樣夾埋食落有層次🍣海膽軍艦：甘香軟滑三文魚子軍艦：粒粒卜卜脆、唔腥🦪吉列炸生蠔壽司：脆炸可口、有蠔味🐙炸八爪魚丸：熱辣辣、外脆內軟🍑白桃乳酸梳打：有白桃肉、略甜🥭芒果乳酸梳打：有芒果肉、甜度適中…Read More

行開海港城，黎左呢間泰式fusion少女餐廳💕店內粉紅色為主裝潢，加上纏繞住花花嘅藤椅，再加上窗邊位可以望到海景，實在令人愛不釋手。餐廳中提供西式同儀統泰式既食物，超多選擇！☺️我地叫左兩個Set Lunch，套餐跟沙/沙律、主菜同飲品。跟餐既蘑菇忌廉湯同冬陰功湯味道都好濃郁，忌廉湯玉液瓊漿，冬陰功湯鮮美甘淳。青咖喱雞飯🐥 $138青咖喱充滿椰汁，味道有少少辣，雞肉份量好足夠，配埋白飯一齊食味道更上一層樓。咖喱入邊仲有泰國茄子同其他蔬菜，食落更健康豐富。泰式雞肉炒金邊粉🍜 $138金邊粉大大碟仲有好多舊雞肉，金邊粉炒得好有鑊氣，煙煙韌韌，味道濃郁醒神，十分開胃，最重要係唔油膩。🤤泰式奶茶🧋 +$28奶茶味道好濃郁，好有泰國既味道🇹🇭疫情期間冇得去旅行都可以重搭味道💕泰式玫瑰奶茶🌹 +$28奶茶有玫瑰花嘅味道，飲落淡淡花香，十分香甜，加上面頭既Cream，打卡一流☺️黑松露薯條🍟 +$28薯條可口香脆，加上粉色黑松露醬，十分滋味香脆蝦餅🦐 +$28蝦餅香脆可口，充滿住蝦肉，爽口彈牙，外脆內軟…Read More

今日去咗試銅鑼灣京都勝牛，呢間日本過江龍一直都好想試，回味一下東京既時光🤣店舖以木條子突顯日本嘅風格，另外座位都好寬敞，我哋兩個人就坐咗喺一張卡位梳化。我哋叫咗吉列豬扒同吉列海鮮套餐，每個套餐都會包麥飯、味噌湯同椰菜沙律，仲可以無限追加添！😋特選海產套餐 $208 🐟套餐包括吉列蠔、吉列大蝦同吉列鰻魚，兩隻蠔都好大隻又好Juicy😍大蝦夠新鮮同肉質好爽，最值得一提就係好少食到嘅吉列鰻魚，鰻魚嘅味道仲好濃郁芬香🤤三款海鮮油炸後都保持住其獨有嘅味道，非常值得一試！脆炸豬柳伴鰻魚套餐 $148 🐷套餐包吉列豬扒同吉列鰻魚，豬扒份量好夠有6塊好大塊，豬扒肉質鬆化，入邊嘅脂肪分布都好平均，食落外脆內軟。仲有可以自己手磨嘅芝麻，配搭埋專設嘅芝麻醬一齊食會更加開胃🤤白桃蒟蒻冰茶 $32 🍹淡淡的茶香配上味甜嘅白桃香味，再配搭蒟蒻一齊飲好有咬口，十分清涼解渴芒果奇異果味有氣特飲 $36🍹酸酸甜甜嘅果味深入有汽飲料入邊，感覺都幾清新同埋好Fresh…Read More

今日去開北角影火車相打卡，咁岩經過一間好靚嘅餐廳，入去先知原來係茶餐廳，食物價錢優惠平民價。我哋兩個人叫咗三個下午茶餐，行到攰Chill一下。店舖門面裝修好靚，仲有好多壁畫，好有Feel又可以打卡。美式芝士肉醬熱狗🌭️ $38份量好多好大碟，腸仔咬落去啖啖肉，配搭嘅醬料好襯，但係個包略嫌有啲淋。薯條咬落好脆好大條，整體來講都好好食😝邪惡鹹蛋醬炸雞髀🍗 $35大大隻炸雞俾加上勁多芝士醬，食落好美味，不禁食完再食。呢個餐都係有埋薯條🍟仲有埋野飲，真係好抵食！雞尾流心西多士🥪 $35西多士好大塊又好厚，入邊係流心，加上醬料配搭好夾，不過份量太多食唔哂😂…Read More

旺角附近搵野食，搵左朗豪城中心位最高層既漢堡包西餐廳🍔，餐廳環境開揚望到出面既野，感覺好Chill同埋好有外國Feel。餐廳仲可以用消費卷比錢，大家又多個選擇方法去比錢啦🤣我同朋友簡左卡位，打卡影相📸️一流🤩黎到漢堡包餐廳梗係叫返個Burger試下先啦😋漢堡款式種類繁多，有好多唔同選擇比顧客選擇。仲可以因應個人需要去選擇唔同嘅套餐，套餐包括飲品、薯條同酸瓜等。德州燒烤牛肉漢堡 $88燒烤牛肉食落唔油膩，醬汁仲好Match，有一啖再一啖繼續食落去既衝動。最底係厚厚既牛肉，既好食又多汁！上面係一塊又長又大既酥脆煙肉，令漢堡增添鹹味錦上添花🥰表面既麵包厚度啱啱好，仲有牛油香，十分香口。成個漢堡份量適中適合一般食量人😋藍芝士牛肉漢堡 $88我係個鍾情於芝士既芝士控，咁就梗係要叫藍芝士黎試下啦！🧀 漢堡有厚牛肉🐮、脆煙肉🥓、炸洋蔥圈🧄、紅菜頭、生菜🥬同重頭戲藍芝士😋芝士味好特別，好有層次感，溶入漢堡包當中，味道好棒👍🏻好適合熱愛芝士既朋友😝套餐 - 其他飲品🍹+薯條🍟+酸青瓜🫒我地每人都加左$36既套餐，我叫左凍奶茶、朋友叫橙汁，薯條🍟份量好多，即炸所以都好脆又唔會太油膩，加埋配菜酸青瓜中和一下，配搭十分好👍🏻…Read More

坐底左食左一round公蟹……………………跟住有人叫乸蟹 order左之後就話無哂……………仲老奉咁話係無貨架啦 態度超級惡劣………………………………..公蟹 中size 都好細隻 又少膏 都唔知食左D咩………….蟹粥希到好似水咁 牛肉河牛肉又鞋到乜咁…………..春卷好似酒浸咁 花枝丸都超級UN……………..每次等蟹都要等勁耐 又要搵人黎 …………………….搵到個人黎問難過登天 大家想貼錢買難受就黎試下啦😄………………Read More

今日去咗東涌呢間有異國風情既酒吧餐廳用餐，餐廳裝修好靚，適逢Halloween仲有小朋友係到開Party!意大利火腿Pizza(Prosciutto E Rucola)🍕Pizza即叫即整香噴噴熱辣辣，批底入口鬆脆，上面勁多芝士再加埋咸個地既巴馬火腿，味精一流！魚柳漢堡(Fish Burger)🍔 Set包括有漢堡包、薯條同埋沙律🥗份量十足！Burger入面塊魚柳大大舊，岩岩炸起啖啖肉，非常滿足☺️薯條🍟即炸又大條都好好食！烤羊架 (Rack of Lamb)🐑 份量包括四大件羊架、薯仔同沙律🥗每件都肉厚多汁，富有肥膏，配上絕配既燒汁，想不停繼續食😋薯仔🥔食落都幾淋，配埋沙律食減低油膩感！卡邦尼意粉(Carbonara Spaghetti)🍝意粉份量好多好大碟，仲有勁多芝士同醬汁，食落勁Creamy同口感好滿足😋另外煙肉碎作配茶都好Match，唔會好油膩😆朱古力奶昔(Chocolate Milkshake) 🍫🥛朱古力味超濃，賣相都好靚，好適合打卡影相😆上面既Cream好正，撈勻一齊飲就更加Prefect😀總結黎講，食物質素高，價錢唔會話好貴，性價比高。餐廳裝修非常華麗，好岩打卡或者特別聚會。地點雖然東涌站要行十幾分鐘，但遠離塵囂係一個不錯既選擇😏…Read More