waitszlam's Profile

好耐冇食韓國菜，咁岩經過見到呢間Banchan a cook，雖然係新式韓國菜，不過無所謂喇，止下韓國菜癮🇰🇷-💎卡邦尼年糕卡邦尼味突出，年糕咬落好煙韌，推薦🤙🏻😋💎油漬蕃茄未來牛肉意粉個味道其實唔差，未來牛肉姐係素牛肉，食完都係覺得食返真嘅肉算😂😂硬係爭緊啲肉味💎黑毛豬白切肉（半份）豬肉醃得岩岩好，唔會好咸🤙🏻💎韓式炸雞（無骨半份）蒜香味好濃，炸雞止枱仲係好脆口，好食🤙🏻🤣💎泡菜（加配$25）…Read More

之前有聽過呢間隱世沾麵店，每次經過都會留意下佢，的確每次見到都有條人龍係到。由於本身我唔太好沾麵，加上要排隊，每次最後都係放棄。今晚見到竟然冇人排隊，加上男朋友又話想食，就試下喇😂😂😂-💎蝦汁蕃茄沾麵麵底就唔係我鐘意嘅質感，係比較粗身膽偏硬少少；不過湯底好濃郁，好香嘅蕃茄同海鮮味幾有驚喜🤙🏻💎蝦汁味噌沾麵男朋友叫嘅味噌味，都好香濃，不過個人覺得蕃茄味比較特別啲；男朋友就比較鐘意味噌味多啲～…Read More

去泰國旅行一定會食嘅其中一樣野就係水門雞飯，一直都好想係香港試下，今日終於有機會試，解下旅行癮🙈我地係平日下午茶時段去，都等左一陣先有位，我地每人叫左個水門雞飯，另外再加左炸雞同烤麵包。-💎水門雞飯雞肉好嫩滑，然後個汁好惹味，撈飯食一流😋💎水門炸雞件外皮好香脆，雞味好濃，仲要熱辣辣上枱，推薦👍🏻💎炸麵包好奇心驅使我地叫嘅一碟😂就係普通一啲烤麵包，配上咖喱汁，係幾好食嘅，但個人認為唔需要特別嗌呢樣野🤣🙈…Read More

最近少左出街食飯，突然好想食西餐，就同男朋友再次到訪我地都好滿意嘅西餐廳。雖然上一次叫嘅野好好食，好想再叫返，但我地最後都係決定簡食啲未食過嘅野😛-今次黎到發現轉左新menu，好靚🤣餐包係蒜蓉多士，另外配左個類似蕃茄沙沙嘅醬，多士好香脆，蒜蓉味唔會太濃厚，配埋個蕃茄醬食落好fresh；而餐湯係蘑菇蜆肉忌廉湯，依舊好濃郁🥰-💎墨西哥辣雞薄餅冇想像中咁墨西哥風味，亦都唔係好辣，但係個味道係好食嘅，薄餅好脆身，好快就食哂😂💎威靈頓牛排（七成熟）肉質好嫩，個sauce食落有少少少少豆豉(?)嘅味道，但係好食，又係勁快就食哂🤣🤣💎墨汁海鮮意大利飯意大利飯依舊好有水準，個人覺得飯嘅軟硬度適中，好濃海鮮味，份量亦依舊好足，好抵食👍🏻…Read More

之前同朋友食過幾次船皇，老實講雖然唔係特別出色，但每次想食泰國船麵，呢間都係我其中一間會諗到嘅舖頭🤣今次自己去開銅鑼灣，都係簡返佢😛-💎牛腩牛肉片牛肉丸湯麵牛腩好軟熟，牛肉丸好彈牙；湯底好濃郁，食麵嘅時候唔覺唔覺會飲左好多湯🤣就咁睇碗麵嘅份量唔會好多，但係女仔食絕對足夠。💎炸豬皮每碗麵其實都會附上少許豬皮，不過唔係好夠喉，結果每次黎食都會叫一份🤣🤣好香口，推薦👍🏻👍🏻💎泰式龍眼冰經典泰式嘅飲品，唔會好甜，都幾解到渴👍🏻…Read More

是日諗住行下sogo thankful week，就簡返係銅鑼灣食飯。成日同男朋友都係食日本野同西餐😂男朋友今次話要俾啲驚喜我，簡左簡泰國野～🤣-首先要講嘅係，我地由入門口、落單、上菜、到離開，我地都勁滿意職員們嘅服務🤭因為真係勁有禮貌，會同我地介紹返唔同咖哩嘅分別，又細心問我地平時食唔食到辣，主動問洗唔洗幫我地少辣☺️另外我地叫左好多野，又主動幫我地hold啲野食，一黎驚冇位放，二黎等我地慢慢食🤭🤭後尾應該有枱2位嘅booking冇黎到，佢地就移多張枱俾我地，等我地多啲空間🥰-💎炸蝦餅一上枱我地都嘩左一聲，因為冇諗到有咁多同咁大件🙈咬落勁脆口勁juicy，必試🤤🤤💎冬蔭公湯好濃嘅冬蔭公味，唔算好辣，裡面有好多菇、蝦同配料，勁足料，一人飲左三碗😂💎經典生菜包(豬肉)🌶🌶呢個真係辣，唔敢想像冇少辣嘅話會點🤣🤣不過係好惹味，我地食唔哂最後都有打包返屋企第二日拎黎炒飯食😛💎帕能咖哩(雞)配薄餅職員介紹呢款咖哩話係比較偏向似沙嗲嘅味道，唔會好辣，好岩我地口味🤙🏻💎炒鮮蝦金邊粉男朋友唔食雞蛋，所以請職員幫我地走哂啲雞蛋（雖然我好想食有蛋嘅🥲😂）賣相好精緻，睇得出廚房有心機去做擺盤；而味道都好有「泰」風味，推薦🤙🏻…Read More

已經好耐冇黎新街市呢邊，難得黎到就梗係要黎呢間大埔冇人會唔識嘅世記上海麵食野～🤪男朋友唔係新界區嘅人，唔知大埔有咩好食，咁就等我帶佢黎食下好野🤣-🔺炸菜肉絲雞翼粗麵🔺豬扒雞翼幼麵我黎親一定會叫粗麵，味道依舊係回憶中嘅味道☺️而男朋友就話食上海野係要食幼麵喎，同我相反🤣🤣啲炸菜好香，share左啲比男朋友試，佢都話好食～而炸物我自己簡左雞翼，一黎自己好鐘意食雞翼，二黎個人認為呢到嘅雞翼比起豬扒更出色；男朋友就雞翼同豬扒都好鐘意食，試完都話出色有下次🤙🏻熱辣辣上枱，咬落去會有肉汁噴出，勁易辣親嘴但係好好食🤣🤣而家醃肉醃得岩岩好，唔會好咸又食到原本嘅肉味，$40一碗絕對係好抵食😋…Read More

之前經過都有留意到呢間食肆，今次我地一行三人黎試一試～雖然一睇個舖名都知係食台灣野，不過下午茶menu嘅主食都有唔係台灣菜嘅野🤣特別一提嘅係佢冇單點嘅小食，唔知係因為下午茶時間定點，全部食物都係套餐，會跟一杯飲品，對於鐘意一人一個main再叫啲小食share嘅人黎講就唔太Friendly🤔我地唯有簡罐裝汽水帶走😂-🔺烏魚籽奶油海蝦意大利麵幾重奶油味，烏魚籽我地都係第一次食，又幾好食🤣海蝦都好大隻，食落啖啖肉，推薦呢個意粉🤙🏻🤙🏻🔺卡邦尼意大利麵比較偏港式嘅卡邦尼，係幾岩香港人口味，好食但係冇乜特別，比起烏魚籽意粉就遜色好多了🔺鹽酥炸雞炸得好酥脆，份量都幾多，不過偏鹹左少少，要係咁飲野🙈🔺酥炸花枝丸我地以為會係粉漿比較重個種炸丸，原來唔係，但係都好好食，好彈牙😋🔺(冰)黑魔黑糖牛乳珍珠奶蓋茶，味道就同一般嘅黑糖珍奶係差唔多，但係珍珠太淋，唔夠煙韌🔺(冰)藍莓巨峰烏龍茶原本覺得藍莓巨峰配烏龍茶好奇怪，原來又幾夾，唔會太甜又解到渴，幾有驚喜🤣🔺(熱)桂桂茶桂花桂圓荔枝茶，岩哂女士們飲，不過我地都覺得甜左少少，最後有加多啲水先飲…Read More

同男朋友前一日傾計講開旅行嘅趣事同美食，講講下講到呢間一直都想試嘅餐廳，第二日大家都放假，一於黎試一試😋可能因為星期日，我地一點左右到，已經勁多人等緊位，好彩天氣唔太熱等位期間一路睇個Menu，真係花多眼亂，樣樣都好想試🙈就咁簡兩款多士都掙扎左好耐，最後都係兩樣叫哂，然後話俾自己聽，小孩先會選擇🤣🤣🤣-🔺椰香咖央多士呢個幾乎每枱都會叫，食落好香口，會相對甜少少，都唔錯🔺海南鴛鴦燒麵包原本冇特別期待，點知食落有驚喜；其實個味道同椰央咖央多士係差唔多，但相對牛油味會重啲，冇咁甜，我同男朋友都比較鐘意呢個多啲😋🔺馬拉沙嗲串燒 3PCS (豬 牛 雞各一)正常水準嘅串燒，好有馬拉風味，牛嘅話相對遜色少少，個味唔差，不過會比較推薦豬同雞，食落好Juicy🤙🏻🔺辣死你媽(配仁噹牛肉)好有馬拉旅行食到嘅味道，好惹味，男朋友原本話麻麻地想試，俾我半逼之下試食，試完都話好食🤣🤣🔺馬來西亞拉茶(熱)🔺美碌恐龍兩杯野飲都係好飲嘅，唔會話特別出色，但就係好signature嘅飲品🤭🤙🏻…Read More

男朋友突然話想食西餐，但又話唔想食啲耳熟能詳嘅西餐廳😹😹大概明白佢嘅意思，最後簡左呢間試一試。由入門口、望到餐廳嘅環境，再落埋單，男朋友嘅眼神話俾我知：嗯，就係要呢啲～🤣-🔺水牛城雞翼雞翼外皮有炸過，加上水牛城醬汁好濃郁，食落好惹味🤭🔺脆炸軟殼蟹意大利飯軟殼蟹好脆好香口，而意大利飯應該有用海鮮湯煮過，食落好有鮮味，飯嘅份量都幾多，抵食🔺澳州穀飼肉眼配燒汁因為我食唔到太生，叫左七成熟，塊扒都幾大塊，肉質嫩滑，即使七成熟都唔會話韌🤙🏻🔺伯爵茶奶凍配雪糕奶凍嘅伯爵茶味好出，好香，再加上配埋雲呢拿味雪糕同oreo餅碎，一啖接一啖😋🔺另外加左$30焗龍蝦半隻，正常發揮，口痕想食龍蝦嘅話可以食下😛…Read More

是日慶祝朋友生日，壽星女同另一位朋友係芫荽愛好者😂簡左呢間有芫荽野食嘅餐廳～首先當然要叫左我兩位朋友最期待嘅野先🤭佢地簡左芫荽滑蛋三文治烘底，三文治一黎到，大家都哇左聲，啲芫荽多到睇唔到啲蛋😹鐘意食芫荽嘅真係要黎試下，兩個朋友都話個味勁芫荽，好滿足🤣🤣跟住我地叫左個桂花話梅梅酒溫室蕃茄，見到個名幾得意所以叫，呢個真係好有驚喜，冰冰涼涼，酸甜度岩岩好，絕對解到膩，強推🤙🏻🤙🏻🤙🏻另外叫左半隻貴妃雞、九層塔薑蔥粉絲海蝦煲、椒鹽豬扒同炒菜心（唔記得左係咪用xo醬炒😂）呢啲都唔係咩好特別嘅菜色，就唔特別介紹了，但係整體食物都係有水準嘅發揮，食到我地好滿足😋加上係戲曲中心，人流唔會多，同家人朋友黎食飯慶祝係好推薦🤙🏻🤙🏻🤙🏻…Read More

星期五晏就黎到，唔洗等位，不過都已經差唔多坐滿客了。左簡右簡，最後叫左杯焦糖咖啡、而朋友就order左手沖咖啡，staff俾左三款咖啡佢簡，解釋得詳細，朋友話好香好正，最後再encore多一杯🤣另外野食叫左水牛城雞翼、雙重芝士蕃茄意粉、自家製磨菇忌廉汁貓耳朵意粉同Dirty Tiramisu水牛城雞翼酸酸甜甜，唔太辣，唔錯🤙🏻而兩款意粉都好香，貓耳朵唔太多cafe有得食，食落好creamy；蕃茄意粉好juicy，食落唔會好膩，比起好多差唔多價嘅cafe，呢間係性價比好高，對得住佢個價錢🤣最後我地最期待嘅Dirty Tiramisu，個味道係唔差嘅，不過如果唔落個朱古力漿會開心啲，而家咁食落唔太Tiramaisu嘅感覺🤔…Read More

一直都好鐘意食餃子類嘅野，難得經過開呢邊而又冇約人，諗都唔諗都去試下🤣我簡左五隻煎餃加一個麵嘅套餐，味道簡左芝士雞肉煎餃同魚湯麵。芝士雞肉煎餃好好食，強推！個魚湯麵都好正，不過如果下次再食，我會簡食十隻煎餃多啲🤣個麵太佔位，會太飽…Read More

提早慶祝朋友生日，佢話想食下韓國野，簡左呢間大家都未試過嘅韓國菜試下。舖頭都好大，下午黎到，都坐滿到3分2左右我地叫左份半半烤雞，簡左蒜香味同蜜味芝士粉，同叫左個紫菜蟹籽手抓飯；另外叫左兩杯草莓乳酪沙冰同藍莓乳酪（冇影到相）兩杯飲品都唔錯，飲落都好重草莓乳酪同藍莓乳酪味，味道唔會好假，我同朋友都比較鐘意藍莓個杯多啲～食物方面，烤雞份量睇落去唔算好多，不過食落有少少膩，加上我地叫左個紫菜飯，兩個人食唔哂（原本仲想話叫多個雪冰食，最後冇叫到）個人比較推薦蒜香味多啲；手抓飯就普普通通，只係過下手癮，可以唔洗特登叫🤣…Read More

早已聽聞呢間特色咖啡店，難得同朋友入九龍城，就試一試。我地平日黎到，唔洗等位，簡左簡右，最後叫左卡邦尼意粉、All Day、窩夫再加兩杯咖啡。三款食物都好食，原本以為會食唔哂，最後都食清光🤣卡邦尼意粉好有咸香味，成碟粉唔會好水，值得一讚👍🏻All Day就正常野，擺盤可以靚返少少，如果有返少少沙律菜就perfect～窩夫都做到外脆內軟，連埋個雪糕食，正另外咖啡都好香，鐘意飲咖啡嘅朋友都值得黎試下…Read More