哩間餐廳食物係ok， 但係有樣嘢令人反感：我地兩個人一坐低，就有以下對話:W－waiter，C－customerW: 兩位要唔要飲啲水先？C：好，唔該。W：請問要咩水？ Distilled water 定係sparkling water？C：Distilled water.水一嚟到，係啱啱開嘅玻璃樽裝水，心諗都唔多對路， 但係望下周圍嘅人枱面都有樽水， 就冇再理。席間我哋一路食都一路讚， 因為比咁嘅價錢有咁嘅食物質素真係物有所值。點知，惡夢在後頭！埋單一望張bill，我哋兩個人連加一飲左＄150水！我認為水要收錢都ok，但係客人一坐低，drink list又冇，就係咁意問人飲唔飲水，我認為9成9嘅客都會答要（我亦都認為因此個個枱面都有支水）。如果個個都知水要收咁嘅價錢我真係唔認為都仲有咁多人係都要飲水，而且水要收錢係咪好應該寫喺drink list等人知道呢？反正去得哩啲地方，飲品貴少少係預左，但係唔係飲水囉。我地食完埋單之前都仲心情靚靚，諗下下次都可以再嚟，但係老實講我認為哩間餐廳咁嘅作風令我完全覺得佢係謀人寺，唔洗旨意有下次！
…Read More
…Read More
